الحلقة76من #سجينه_ابليس #الكاتبة_شهناز_الخزعلي #جيمن_جلال
ناي /الكعدة والسفرة ممدوده ب انواع الاكل مالذ وطاب ...نفس بيبيتي بالطبخ كلش طيب....وجدي يكعد ويه الزلم والاحفاد يلعبون الحديقه ايام الخير واللمه الي ماتتكرر ...ماتتكرررر...ويه الايام تخرجت من الجامعه جان حفل تخرجي يوم مميز وصديق بابا جان رايد سكرتيرة هو طبيب أسنان وصرت يمه سكرتيرة اروح واجي بطريقي
وبيوم جنت كلش متنكه دااصفح بالفيس مال خالتي جان لكيت حساب واحد اسمه انمار الخفاجي....هنا اني ضليت صافنه ....انمار ؟منو ضليت اتمعن بملامحه ...شفت صورة شايل بنته سكتت ...باوعت مواقع السياحيه الي زارها ....كلها ببلد اي هوه انمار ابن خاله صباح ...جنت كاعده على القنفه بالاستقبال وابويه كدامي وامي ...من شفت الملف كمزت من مكاني بصرخه فرح توتر وكلت:
_اي هوه والله يمكن هوه ....لالا هوه
_بابا:شبيج بابا ناي شكو
_ماما:فززتينا
_ناي:ها فستان حابه اشتري ووو....المهم اروح انام اني احسن الي ....
ناي"رحت لغرفتي وامي لحكتني "
أمي:شكو شبيج
ناي:ماما باوعي هذا منو ...باوعي
أمي:منو ...
ناي:ماما هذا ..هذا انمار ابن خاله صباح شوفي شلون لازم بنته شوفي...مو وصيه خاله هوه يصير الي ....موهاي بنته المفروض بنتي موصح ....
أمي:بعد شي صار شتسوين
ناي:حابه اسلم عليه هو مايعرفني بس اشوفه يذكرني اول وتالي احنه كرابه ....شتكولين؟
أمي:اي يمه ابن اخيتي الغاليه هذا وابن خالتج...
ناي:صار
ناي"الف مره فكرت بوكتها....دزيت رساله ...بالليل الصبح رد مراسله....كلبي انخرط ساح ....بالكاع
_انمار:منو ؟
_ناي :اني وحده اعرفك من نعومه اظافرك بس الزمن بعدنا
بعد دقيقتين ......
_انمار:هو اكو وحده ببالي بس خل اتأكد ...
ناي:اني ناي بنت خالتك ...
_انمار:جنت حاسس ان انتي هههههه اشلونج شخبارج وين صرتي
_ناي:هههه زينه وانته اشلونك ...
_انمار:عايش والله ....شكو ماكو خاله شلونها
_ناي:زينين احنه ...
ناي/بعد سوالف طالت نصف ساعه ....سمع صوتي وكال"
_انمار:صوتج متغير خشن
_ناي:يعني موحلو
_انمار:لاحلو ...اخبارج ماكو اني كلت انسيت هسه ناي الكاها متزوجه وعندها اطفال
_ناي:لا دوم انتو على بالنا لابعدني التهيت بالكليه توني متخرجه حتى نتيجه ممستلمه بعدني
انمار:ها اي مو اني اتزوجت وعندي طفله...
ناي(هنا بعلتها غصه وحيل فرحت لانها رسائل بس جاوبته وكلت):
ناي:اي الف مبروك ادري سمعت ...
انمار:يله مفكر اخذ ثانيه ههههههه بس مو هسه
ناي:لابله
_انمار:رقمج عادي حتى اسئل عنج
_ناي:اي موو ...اوكي هذا سجله.....
_انمار:انكمل سوالف باجر
_ناي:ماشي ....
جنت فرحانه وبنفس الوقت احس بالذنب ليش راسلته
زين ليش يكول مفكر ياخذ ثانيه شنو معقوله ميحبها....اويلي صوته خشن ...وشكله كلش متغير أسمر طويل القامه عيونه حادة والف بنت تتمناه ...ياترى مرته حلوه ،تستحقه ؟
...دومي اشوف انمار بعين كبيرة دومي اشيل همه اعتبر نفسي مثل امه ....
مر اليوم بالنسبه الي كلش غريب احساس صعب يوصف...
تمنيت ما خطيت هالخطوه لوباقيه بعيدة احسن من الي شفته .....
ثاني يوم نمت كعدت الظهر باوعت على الساعه اراسله لا...لا اراسله اي ....لا.....اخر شي العصر راسلته سلمت عليه وسئلت ضل يسولف .....ويكول"
انمار:اني شخص كلش سعيد بحياتي زوجتي وطفلتي كلش احبهم ودومي اشكر الله انه منحني هالحياة
ناي(هو وجع الم احساس ماعرف شنو بس هم المديح بهالطريقه يؤلمني رغم اني ماعرف بنفسي أحبه لو شنو بس اني اضوج من يحجي بيها كدامي ،جاوبته بكل هدوء لان هذا الصحيح وكلت ")
_ناي:الله يحفظكم ويسعدك تستاهل كل خير
وفجاءه انمار انكلب اسلوبه تغير ..حيل اني ماعرف طبعه لان تقريب فوك ل١٧سنه ممتواصلين وفجأه كال"
_انمار:ماريدج بعد تحجين ويايه...
_ناي:شنو؟ __________يتبع رايكم منا بده اكششن لو شنو مووو
لاتنسوا لايك رايكم نجمه تحياتي #الكاتبة_شهناز_الخزعلي #جيمن_جلال
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
