حلقة٧٤ من
#سجينه_ابليس بقلمي #الكاتبة_شهناز_الخزعلي #جيمن_جلال
لأول مره أشعر بأن الطريق اليك بات
منقطعاً لأول مره أشعر بأنك لا تخصني .....
وهالسالفه طشت ياهو اليشوفني مايصيحني ب اسمي بس ب اسم انمار....
واني ادرس اعداديه صرت صف رابع اعدادي والدكتور الباب فتحت دخلت مره تصير جيران بيت خاله صباح جانت جايه لصلاح الدين اختها متزوجه يمنا ومرت علينا لان جانت تعرف امي وجايتنا قبل ....
كعدت تعبانه من الحر ...قدمتلها مي...كعدو يسولفون المره كالت ل امي"
_الج داده بنتج حليوه ليش ماتنطونها ل ابن اخيتي
_امي:لايابه ناي ل انمار ابن اخيتي المرحومة صباح الف رحمه ونور تنزل على قبرها
_داده اكعدي واستجني لاتفرطين بنتج تره انمار موخوش انمار من ماتت المرحومه وفلتت الصايه بعد خلي بنتج لليستاهلها
_امي:شهالحجي؟ شبيه هوه
_سوالفه موخوش سوالف وتايه ومراهق المهم اني لو عندي مره مانطي ..
يله داده اعوفجن اني ....
_امي:هلابيج خيه خليج
_لايابه والله طريقي بعيد حبيت اشوفج حسبالي تنطيني هالناي ل ابنا
_امي:ماكو نصيب ..
طلعت المره وكفت كبال امي .....
كتلها"وانتي تصدكين بحجيهم اني ماصدك
أمي:ماعرف شاكلج شنو مصلحتها هيج تحجي
ناي:مصلحتها تاخذني لكرايبها ....
امي:انتي هسه ادرسي واهتمي بمدرستج والله كريم
ناي/ جيه هاي المره قلبت حياتي ...خلتني اتخله عن حلم طفولتي مااتخله عنه بس صدك تركته على جنب او يأست لان دانتظر اشوفه وماكو فايده وين اشوفه بعيد انمار حيل بعيد من٨سنوات واحنه مامتشاوفين اكيد نساني....خل اصير ادميه واهتم بمستقبلي....
بالاعداديه تعرفت على كومه بنات بس الهم مساحه اكثر مني اني جان ابويه حيل يحاسبني ويحذرني منهم ....مرات اسمع سرمد متصل ب ابن خاله صباح او اكو خبر اضل واكفه اتصنت واسوي نفسي ماسمع يمكن فضول مني ....الدراسه متعبه بهذاك الوقت والمدرسات كل وحده تدخل للصف شايه خشمها وتعيط ولاكان بشر كبالها خوب وحده ترج الصف رج واني اضل ارجف من صياحها لدرجه بيوم الي عندنا واجب اول درس احفظه هوه ....دمار نفسي بس نجاح باهر
ووصلت السادس اعدادي اصعب مرحله دراسه عبارة عن خوف ورعب تشنج انهيارات خوف من الفشل بس ابويه خلالي مدرسين خصوصين ويايه مجموعه بنات من مختلف المدارس بالمنطقه وجبات هنا من تروحين للمحاضرة وانتي توج قبل كم ساعه راجعه من المدرسه ومسلوك ابليسج ولازم عيونج تركز وياها ...بالتحديد الرياضيات والفيزيا والكيمياء صلوات خوب الانكليزي يطلع لواحد كرون والطالب يفهم .....ايام صعبه وحتى قدر المدرسات المحترمات وحدتهم تطك بعلجها وتطكطك ب بسطالها وتتمايل كلشي ماتفهم ....شوكت اخلص من السادس ....واجت فتره الامتحانات وجانزدوا يعطونا مرشحات فرع او فرعين منها يجي ....ونوكف اني والبنات نسولف ونتناقش قبل منفوت الامتحان ويجينا سوال فعلا يا للصدفه اكيد صايرة بالكل ...والفتره الي بعد الامتحانات غير نريد نفرح شويه ونرتاح من الضيم يبدي ضيم التفكير بالشهادة والكوابيس.....وبيوم النتائج ______يتبع
رايكم لايك .نجمه تحياتي
#الكاتبة_شهناز_الخزعلي #جيمن_جلال
أنت تقرأ
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
