سجينه ابليس(مكتمله)

٦٧

الحلقة ٦٧من قصة الحقيقية  #سجينه_ابليس بقلمي #الكاتبة_شهناز_الخزعلي  #جيمن_جلال

غدير/البنات ....ويه ماردت انام دك الفايبر رسائل ...فتحتهم لكيت استاذ ماجد ....اهووو  جاوبته واني متذمرة  كلت"

غدير:الو   . ..

ماجد:مساء الخير

غدير:اهلا استاذ

ماجد:اشلونج زينه؟

غدير:بنص الخير

ماجد:فكرتي ....؟

غدير:بشنو؟

ماجد:تصيرين ايدي اليمنى

غدير:مووو ماكدر

ماجد:أو الاصح حبيبتي

غدير:شنو ؟ .....

ماجد:حبيبتي شبيج؟

غدير:لا اولا استاذي انت ورئيس القسم الداخلي ...

ومتزوج وعندك عائله

ماجد:منو كالج؟

غدير:سمعت من البنات

ماجد:والمتزوج ميصير يحب؟

غدير:اني مخطوبة

ماجد:من شوكت مخطوبه ؟....يحجيها ب استهانه 

غدير:اي من اشهر ...و احب خطيبي

ماجد:ها .....اي وهذا مايمنع نرتبط

غدير:استاذ تره اني مخطوبه.....واني طالبه ....وبعد كم شهر تخرجي ...

ماجد:عندج منا لليل فكري .....والمره نلتقي بمكان خاص واني احدده

.....

غدير/سديت التليفون تنرفزت  ....كلت لا والف لا .......طلعت الجدول مالمحاضرات باجر....طلع عندي امتحان هففف جنت مقرره اطلع ل اهلي....بس .....بس ماكو نصيب ..حاولت الهي ب ايشي بس ماردت افكر ...درست سولفت اكلت ...اجه ليل ردت انام  دز رساله..كال :ها شنو كلتي ....؟

جاوبته بالرفض القطعي:لا استاذ ماكدر باي

نمت ....ثاني يوم رحت للجامعه ومشى كلشي حسب الأصول.....و بعد يومين بالضبط جنا كاعدين بالغرفه ...البنات ل٣ويايه وكفن على حيلهن ....وحدة منهن ابتسمت ابتسامه ماكرة ...جانت لازمه حبل .....والثانيه زنجيل.. والثالثه لاصق شبابيك ....
جنت كاعدة من شفت وكفتهن وحدة بصف الثانية كمت على حيلي كتلهن:شكو شبيجن ؟

_شو دتعالي ...

لزموني ....ياحريم ماحجيلج حاوطوني٣ شدو ايدي بالحبل وحلكي بالاصق ...وبالزنجيل دك ....دك ووووحدة منهن تكول:

_ليش ما تسمعين كلام استاذ ماجد هااااا هاي تاليتج ....ليش انتي بيش أحسن من عندنا ها....
ديلا ....

سحلوووني شعري كطعوه اصيح ويتمضحكن ...ظهري زوركوه ....انتهيت ...كوه الله خلصني منهم ...رحت المستشفى اهلي اجوي اشتكوا عليهن ....ونقلو ماجد من وظيفته ....خسرت الامتحانات ...ماعدت دور ثاني جنت متاذيه وجسمي كله
كدمات  ابوي صمم ابطل بس اني قررت ما استسلم واكمل ....عدت سنة ....راحت الفرحة اللهدفه ....دفعتي كلهم تخرجوا واني ضليت مكسورة والكل يباوع ب اشمئزاز ...واني اشبع قهر شي مو بيدي .....كل وحدة تجي تذب حجاية مثل السم وتروح....سنه ماتنهضم وتخرجت .....وتوظفت هاي اني كدامج اخوي تزوج ببغداد بين فترة وفترة ارجع ....

حرير:ليش ما اتزوجتي ؟ ليش ما بلشتي بحب ....ينسيج كل الامج...

غدير:خايفه اذا ارتبط وخطيبي يسمع ب الي صار شلون بية ....ب رايج يتقبل هيج موضوع؟

حرير:والله ماعرف ... لج عزا تاخرنا هسه يصير حضر كومي كومي باوعي المواعين مسحتيهن مسح   ..

غدير:بس انتي ماحجيتيلي.....

حرير:من نلتقي مرة لخ بس انتي لاتخلين هالشي ياثر عليج ....

.......
حرير/رجعت للبيت .....بداخلي الف سوال  ......ليش هيج ديصير وياية .....شجنيت اني .....دكت رواسي

_______يتبع
قصير ادري لان رمضان ووقت ابد ماكو...المهم رايكم بسالفه غدير

رايكم تحياتي #الكاتبة_شهناز_الخزعلي  #جيمن_جلال