سجينه ابليس(مكتمله)

حلقه٥٧

غياب من تحب ك غياب الألوان عن الصورة .!
هو لا يفقدنا الحياة .. إنما يفقدنا طعم الحياة .

_______  #سجينة_أبليس

فجر/
فجر:اششش ....
اني مطلقه وانتي مطلقه يعني ٢بالهوه سوه

رواسي/ضليت صافنه على حجاية فجر هزتني ..بلعت ريكي وسحبت نفس وعيوني نازله ليجوه ..باوعت بوجهه ....وكلت :

رواسي:اني مومثلج انتي سوء إختيار....لالا انتي مو سوء إختيار انتي سوء تصرف ربج ناطيج ضياء تلتفتين لغياث ليش بحجه البوم الصور ؟ ماكو مسببات لهلتصرف جان لازم ماتسوين هيج ضياء فرصه جانت الج ومستحيل يتقبلج بعد ....

فجر:اني هسه طلعت  موزينه مو ، وانتي تعرفين اني مقاصده اروح والصور غصبن عني وغياث مصورني جان .......

رواسي:غلط التسويق غلط لج ابوج واخوانج حايرين يردون يرجعولج اعتبارج  ياخذون حقج من غياث ولكن الاه يرجعج ضياء...براسي ضياء يستاهلج وانتي شسويتي ...

فجر:ضياء مايرج بعد...كلت ارتب وضعي ويه غياث.

رواسي:انتي شنوووو  ....دتلعبين على الحبلين لعد تتوقعين يرجعلج لو غياث مصورج تحجين وياه كاميرا ويدزه من جديد ل ضياء 

فجر:شبيج غياث ابو بنتي

رواسي:عقلج مدايستوعب شااحجي اوك راح اجي وياج.....فاتحتي غياث بموضوع رجوعكم سوة ؟

فجر/....(دقيقه من الصمت)

رواسي:خليج ساكتة ...خليج ....اروح انام احسن .
فجر:دزيلي بنتي مريومه
رواسي،:لا باهي وضعيتج لا خليها يمي تنام ويه سيف .

فجر/شبيه شداسوي بروحي   .يعني شدسوي ....
....اي راح احاول افاتح غياث باجر بالموضوع....جانت ليله طويله ....انتظرت تشرق الشمس لحضه لحضه.....
وثار ثاني يوم ...بدلت لمريم ملابس جديدهاخذتها ورحنا التقينا بحديقه ...جنت ماخذه دولمه وحلويات امي طابختها كعدنا نسولف .....غياث اخذ صور ويه بنته واني اباوع عليهم وابتسم  ....غياث جان مشتريلها نفاخات ضلت تلعب داير مدايرنا بالحديقه ......واني ضليت اباوع بعيون غياث وغياث يبادلني النظرات ..وابتسامه بيني وبين نفسي كلت خل افاتحه بالموضوع ....كتله :

فجر:حبيبي
غياث:نعم حبيبج ؟؟؟؟؟
فجر:اي مو انت ابو بيتي ...

غياث أبتسم بمكر وكال :
غياث:اريدج بموضوع.
فجر:اي شنو هوه واني هم اريدك بموضوع
غياث:احجي شنو ؟
فجر:لا انت احجي شنو الموضوع.
غياث:لاانتي    
فجر:ههههه لا انت
غياث:تمام ...اني اريدج
فجر:اي واني هم
غياث:هه اريدج تجين ويايه حتى اخطب بنيه عاجبتني
فجر:ه ....هااااااا  
غياث:اي شبيج سنو ردتي تحجين؟
فجر:ردت اكلك خلينا نرجع لبعض ونربي بنتنا سوة
غياث:هههههههه والله بطرانه لج انتي نمتي بحضن رجال ثاني وغيري .....هههههه ترديني ارجعلج اتخسى هههههههههه
فجر:شبيك غياث   
غياث:تره اني جاي اشوف بنتي وبس
فجر:واني وحجينا كل هالايام ووهدمان بيتي الي هدمته بيني وبين ضياء ؟
غياث:هههه اني شعليه شلي دخل انتي خنتي للولد انتي استجابيتي الي .

فجر:انت ظالم .....ظالم.... اخذت بنتي وطلعت من الحديقه ركبت تكسي شبعانه بجي خابرت رواسي ....
رواسي كلبها صار مثل النار  ...

_______________________________
   

#حرير/أنا أحتاجُ صوتك، وجهك، قلبك، رئتيك ويديك، لا تنتظر مني أن يقل هذا الاحتياج، أحبُك بكل هذا الفقر لك، أنا أحبُك هكذا بلا اسئلة، حُبك ليس شيئاً يحتاج لإثباتات ولا أسباب، أنا لا أناقش حُبك مع أحد، ولا حتى مع نفسي، أنا لا أخجل من ضعفي أمام حُبك، من خساراتي الكثيرة أمامك، من تجاوز مبآدئي في كل مرة تكون أنت فيها في مواجهتي، مهما كان غيابك، لا تنتظر مني شيئاً آخر غير هذا الحُب، أنا لا أعرفني إلا بك، أجهل قلبي لو توقفت لحظة عن حُبك ...

الحب مابي كرامه مو؟ هذا الشي متعارف عليه
صرت مانطي مجال لسوالفه ١٨+وهو صار بعيد عني ...

________يتبع رايكم ..لاتنسوا لايك ...نجمه

تحياتي الكم #الكاتبة_شهناز_الخزعلي  #جيمن_جلال