الحلقة١٢ من #الاعتراف_الاخير بقلمي #الكاتبة_شهناز_الخزعلي #جيمن_جلال
الام/ماصدكت بنتي سالمه غانمه ......
هذا ليس كل شيء ...بل هو بداية ل اشياء عظيمه ...
جانت فترة هدنه من حرب طولت لمدة اشهر بس؟
حسن جان يستحيف بينا راحه البال...من انقلنا لبيت
جديد...اتفق حسن وبهجت يسجنون بثينه بغرفه ممنوع
تطلع وتطب واعتبرناها ميته ....مالها حق ب ايشي ...
أمي ساكته مثل كل مرة ؟واني توقعت راح ارجع أدرس
حتلو فاتتني سنة...نحرمت من ابسط حقوقي ...بالبيت
خدامه حسن كل مايضوج يجي عليه يشبعني بسط
وتدفر ....صرت ماعرف النهار من الليل ...
بقيت على هالحال ٥سنوات ....فقط على كد روحه الحمام او الطبيب اطلع ...سيما تحجي ويايه قليل ....
سيما تقريبا صارت من١٦ل١٧سنه عمرها ...
وبيوم جنت كاعدة اجه حسن فتح باب الغرفه جفلت من مكاني ....كمت ،كال"
_تعالي للصاله...
طلعت اووويلي شكد راحه حتى الهوه تغير ،كعدت كباله....
ابويه ساكت ...
حسن هو اليحجي"
_اسمعي لج اكو زلمه رايدج واحنه موافقين ياخذج ...
_وين؟
_قسمتج اجت ....
_ماريد بعدني صغيرة ماريد اتزوج ...
_اش انجبي كلبه فوك ماخاليج تتنفسين لحد الان ...عار
_العار ان اني عايشه بوسطكم ..
كام عليه يريد يكتلني طفرت للغرفه واجه قفلها عليه . طبعا بعد ما زورك جسمي بالحزام ...نمت من الالم ب٣الفجر لكيت الباب دتنفتح عليه غلست كملت سويت نفسي نايمه ..اجت سيما تبجي يمي كعدت
سيما:
_انتي زينه ؟
_شتشوفيني ٥سنوات بين اربع حيطان زينه؟
_ماريد اصير مثلج بسس عندي امل تتخلصين من هالزواج...
_ياريت اكدر اخلص
_ماعتقد تكدرين تعرفين الي جاي يخطبج واحد بعمر بابا ومتزوج ٢نسوان....اجه هدد اخوج حسن لان متداين فلوس منه ...وهالزلمه شافج ولطش...شافج من امي ودتج للدكتور هوه شافج وجلب بيج
_اي اي موافقة
__لج بثينه شبيج تخبلتي لج شكله يخوف السواد داير عيونه وكبير ومتزوج قبلج٢
_اي موافقه
_انتي بالليل كلتي ماريدة ليش بدلتي رايج ؟؟؟
_هااااج باعي جسسسسسمي باااعي حسن شمسوي ومحد يحجي وياه ...يمكن يطلع هالزلمه خوش وارتاح ....اني ضاع مني كلشي بس انتي ....انتي بعدج باول طريقج
_لاتتخبلين تكدرين تدرسين خارجي وتلحكين وندرس جامعه سوة
_اي بسس موهنا بلكن بيت زوجي...بلكن يخليني ويطلع ارحم من اهلي بلكن ياسيما...
سيما/شنو العواقب؟اني شنو حياتي المستقبلية شنووووووو ؟ البيت البيت البيت سسسسجن ....
صار الصبح دكيت الباب كتلهم طلعوني ..اجه حسن فتح الباب دفرني بخاصرتي ...سلمت على اهلي امي جاوبت وسيما وبابا اساسا مايباوع بوجهي ...كعدت ....سيما باوعت عليه....
و بس راحت لدوامها كلت ل ابويه "
_بابا اني موافقه على الزواج.........
قسوة زماني اوياي هدتلي حيلي
لاهودت لحظات لا نمت ليليلاتنسوا لايك نجمه تحياتي #الكاتبة_شهناز_الخزعلي #جيمن_جلال
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...