سجينه ابليس(مكتمله)

حلقه٤٣

حاجيني بنظرتك وافتهم شتريـــــــد
وخلي رموش عينك هية تسألنــــي
بس حرك رمش وآنه اعرف المقصود
وسولف بالتريده عنك وعنـــــــــــــي
صوتك من تسولف حقي اذوبن بيــه
...ماجنك تسولف جنك اتغنــــــــــي...
نظراتك طلاسم مالهـــــــــــن عراف
ساعة اذوب بيهن وساعة تكتلني.

سجينة أبليس .    

رواسي/فتحت واتساب فجر لكيته اخر ظهور ب١١....سيف كام يبجي رحت يمه وظليت ماعده ...ثارت ب٧الصبح ...

سمعت حركه بالبيت ...اي هذا سلطان كعد من نومه ...باوعت من الشباك ..شكله طالع ...نزلت أركض بسرعة من الدرج دون ما انتبة تزحلكت ...ورجلي تاذت ضليت اصرخ ..مرح وتامر وزوجه سلطان اجتي ...سلطان اجه يركض كبل اخذني للمستشفى...طول الطريق ابجي

رواسي:انت انت السبب اه رجلي
سلطان:اني شعليه بنت الاوادم شمسويلج اني
ؤواسي:عايفني ما مهتم بيه ...نزلت أركض علمود الحك عليك وتزحلكت  

سلطان:اوج يابنت الناس خل لوديج وبعدين نتفاهم بس لا رجلج مكسورة

رواسي:اي ..اي حتى تفرح  
سلطان:شبيج تخبلتي لج اني احبج

رواسي/رفعت حاجبي وباوعتله بنظره ....بس جنت متوجعه من رجلي ف ماحجيت شي وياه

رحت للمستشفى وسويت فحوصات طلعت رجلي مفصوخه   ... اشتريت الدوة و رجعنا صعدنا بالسيارة

سلطان:الحمدالله على سلامتج حبيبي لج جنت خايف عليج ...

رواسي:ها حبيبتك هسه صرت ..

سلطان:ها شكلج تريدين تحجين شي ...صح ؟

رواسي:اي خلينا نرجع ل استراليا.   

سلطان هنا تعصب ساق سريع ..  واحط السيارة ووكف

وكال:أسمعي لاتخليني اركع راسج ب جام السيارة انتي غبيه لو كوه تسوين نفسج غبيه لج ....زوجتي واولادي وين يروحون ؟

رواسي:كافي لاتحرمني اكثر من هيج

سلطان:شنو عايزج؟ اشو شتريدين تاخذين فلوس أثاث دلال

رواسي:الفلوس مو كلشي ...الحب هو كلشي سلطان افهمني اني احبك اريدك بس الي

سلطان:انتي تعرفين كلش زين اني متزوج

رواسي:وانت تعرف كلش زين شكلتلي كلت راح ابيع الدنيا كلها علمودج وهسه ...... هففف سلطان

أسمع تعبت وديني بيت اهلي هناك اريد ارتاح شويه لحد ماتصير رجلي زينه وارجع

سلطان:احسن اني هم ارتاح.    

رواسي:ترتا٩ شنو هالحجايه من كلبك؟

سلطان:لا من حلكي حيرتيني

رواسي:باوع اني ابقى بالسيارة انت جيب سيف واجمع كم ملابس الي وخلينا نروح بوجهنا لبغداد ...هم تسلم على اهلي

سلطان:كم سوم تبقين هناك ؟

رواسي:١٠ايام وارجع....  

سلطان:خلاص حبيبتي التريديه ....

باوعت  ل سلطان بنظرة عتب وحجيت هالبيت الشعري
بكلبي:

شـجاها عيـوني تــعشگ دون متشـوف
وشــجاني تـعلقـت مـن غيــر صدفـــــه .

وصلنا للبيت واني بقيت بالسيارة سلطان نزل تأخر هيج تقريب ربع ساعه....وطلع و باايدة سيوفي....وتامر شايل الاغراض

سلطان:حبيبتي هذا سيف اخذي يمج
رواسي:صار
تامر:حمدالله على سلامتج خاله
رواسي:الله يسلمك .

________

رواسي/سلطان شغل السيارة وطلعنا لبغداد ....وره ساعه او اكثر لان جان ازدحام قوي وصلنا ...

سلطان سلم على اهلي ودخلت للبيت أعرج...

اني شافتني بهالحاله تخبلت ....سلطان جان واكف يم ابويه  ويشرح السبب الي خله رجلي هيج........

ومن جهه ثانيه امي تكرة سلطان ومن شافتني هيج بعد صارت عصبيه طلعت اله ...

أمي:سلطان انت شنو شمسوي بالبنيه دمرتها فوك ما قابله بيك ومتحمله همك ..هنا وسلطان تخبل.....

سلطان:ها حجيه ؟ خوب ماكو شي بنتج وكعت لوحدها من الثول الطاكها ....وبالنسبه لحجايتج هاي اني هم راح اخذ ابني .......وبنتكم عندكم 

سلطان/دخل للبيت سحب سيف من ايد رواسي ....وطلع
_________________يتبع

رايكم

شوي وانزللكم بعد
تحياتي الكاتبه شهناز الخزعلي_جيمن جلال