سجينه ابليس(مكتمله)

حلقه٣٨

فجر اخذت رواسي للصاله

فجر:معليج ب امج اهدئي وكلشي يتصلح ....يله خل اكمل مسواكي.  
٥
رواسي:سوال

فجر:جواب؟

رواسي:معقوله ماحنيتي

فجر:المن احن لغياث ....غياث خائن ....وليباوع للماضي ركبته تنكسر  ،هذا ضياء خطيبي يحبني ويريدني...واني هم احبه

رواسي:تريدين تقنعيني انتي نسيتي الحب الاول ؟

فجر:شوفي الحب بكل وقت موجود بس صعبة تلكين اليستمر وياج ويتحملج بكل حالاتج

رواسي:سلطان معاجبني ....تصرفاته غريبه ...مشغول ...عصبي....ميهتم الي وما اجه ويايه

فجر:ما سئلتي شبي ...حجيتي وياه

رواسي:هو اكو ببالي شي بس ماريد اثبته ....يلا مو ردتي تروحين للسوك ...

فجر:يلا خل نطلع امشي ...

افترينا...واشترينا كلشي تريده فجر ... وغابت الشمس

ولحد الان كلمه الحمدالله على السلامه ماكوو من

سلطان  ومااكدر اتصل بيه ...

رحت اني وفجر لكافتريا كان بيها انترنت ....

طلبت من الكابتن الباسوورد الخاص بشبكه الواي فاي ..

واني بالثواني هاي افكر ...وانطي اعذار ....اكول  .....يمكن مشغول ....فتحت الواتس

والصدمني والقهر كلبي ،سلطان موجود على الانترنت

قبل نصف ساعه ومافكر يتصل بيه.... ولايسئل عني وعن سيف متنا احتيينا....هالحجي بشعر ل١٢...٢٠١٩

اتصلت بيه مايرد ....تعكر مزاجي ....اجت فجر يمي  

فجر:لج اشتريت فستان يخبل تعالي شوفي

رواسي:عوفيني.....ووحدي

فجر:ليش تصيحين بوجهي ..رواسي اهدئي

رواسي:اختنكت ...وتعبانه ..وبالي يم سيف خل نرجع

فجر:اوك صار ....لاتصيرين نفسيه  ....اشتري ملابس زواجي عكب باجر ....

رواسس:جايبه من استراليا ....

المهم طلعنا من المول أجرنا تكسي حتى نرجع للبيت  ....

.....وصلنا للبيت لكيت ادريس و زوجته ريتاج ....

ادريس كان ينظر الي بنظرات اشتياق جان شايل ابني        

ريتاج حامل تقريب بشهر ل٨ .....ظلمنا نسولف بس

كلبي واجعني ومامرتاحه بسبب سلطان وتصرفاته

اشتاقيتله ....

ولك حنيتلك يلما تحس بيه
وبعدهي سوالفك تلجمني ليليه
صرت بعدك صور ومعلكه بحيطان
وغير اتراب هجرك مايمر بيه
رحت بس ذكرياتك ماخذتها وياك
وغيري استوطنوك واني منفيه
شكد صعبه البديك ومن اديك ايروح
حنينه ايصير للمابيها حنيه
تمنيتك تحس والبيه بيك يصير
تدري شكد ألم بدموع البنيه
كفر وي غيرك ابقه وروحي لسه وياك
لا منطيته روحي ولا الك جيه🥺

نمت ...ثاني يوم كعدت لكيت التليفون فارغ هم ما اتصل ...

مشى الوقت ....واليوم خلص وصار وقت عرس فجر  

زوج فجر اسمه ضياء

شاب معدل ومرتب شكله يحبها ....كنت طول اليوم مشغوله ويه فجر....كلبي بي الف حسرة وندم بس ماريد افكر بهاي الطريقه ....عقلي يكول شي وكلشي يكول شي ...راحت ...راحت فجر ويه سيارة الزفه ....
وبنتها ظلت يمنا ...نامت يمي ويم سيف....
ب اخر الليل لكيت مسج من سلطان

...  هلاحبيبتي اني بديالى قبل ساعه وصلت .  . .

راسي خدران من التعب ذبيت التليفون ونمت

نمت وحالي حال الاف مولفه من البشر الي ينامون وبكلبهم حسرة . ...  

اتعلموا ما معنى ان تبكي المرأة من شدة أشتياقها

وانت تحزن لسوء أختيارها.....ان تزرع الحب ..

فتحصد الشوك 

ثمار العشق الحرام....العشق الحرام مو بالضروره ان

يكون العشق محرم مثل حب الاخ ل اخته ...الاب البنته

العشق المحرم هنا هو الحب الي يكون بالغصب ...او

التمثيل واستغلال البشر تحت مسمى الحب .. .. ..

كعدت الصبح ناسيه كلشي ...وفرحانه ومتعلمه لان مجاوبته ...خابرته الصبح وجاوبني ..

بس كلي كلمه احبج نسسسسيت كل العتاب ....

نزلت ل امي جانت تبجي لان فجر راحت وابويه هم ...

وسيوفي نايم

رواسي:يمه خلي لو ادريس لو زاهر يوصلني لبيتي بديالى  ....سلطان  اجه بارحه ...

امي:شنو حتى انتي راح تعوفيني

رواسي:ههههه اي يمه شبيج متكيفين بناتج يصيرون سعيدات..  

امي:لايمه شلون الله يسعدكم بعد وبعد

وراها رواسي راحت تحضر ملابسها حتى تروح ل ديالى

________يتبع

رايكم .   

ملاحظه/البارت قصير...طبيعه كتاباتي بس ممتع

وهم لان مدانزل بالفيس فداكتب براحتي

المهم الخاطرة الاخيرة اكتبوا تعليقاتكم وشنو رايكم

تبدي من كلمه : ثمار العشق .

ورايكم بسلطان وبتجاهل رواسي التصرفات سلطان

اضافه الى غياث ...،؟

وبرايكم ضياء راح يستمر ويه فجر ؟

احبكم ......

الكاتبه شهناز الخزعلي(جيمن جلال)