سجينه ابليس(مكتمله)

الحلقة٩٤

الحلقة ١٣من #الاعتراف_الاخير  من ملف روايه #سجينه_ابليس بقلمي #الكاتبة_شهناز_الخزعلي  #جيمن_جلال

_بابا اني موافقه على الزواج.........

قسوة زماني اوياي هدتلي حيلي
لاهودت  لحظات لا نمت ليلي...

ممكن نبتلع القصه ونستبدلها ب ابتسامة ...مجبورين نعيش ونكمل الطريق رغم كلشي . 

رضا...مر ببالي خطف ...وين صفى بي الدهر ...مها الي تقريبا ٦سنوات ماشفتها ولا سمعت خبرها وين ...

تزوجت حبلت ماتت...ماكو كم يوم واجو الزلم وأجه حازم وياهم    ... أسمه قديم مثله.....أبتلعت همي بداخلي اني لازم اتخلص من حسن وابوية...حازم اجه اخذنا للمحل مالذهب...الله اول مرة اشتم هوه الله شكد حلو ...اشترالي حازم ذهب موديله جان كلش حلو وسويت حفله بسيطه ...خطوبتي وزواجي طول اسبوع واحد....اتزوجته سكني بيت وحدي بعيد عن نسوانه .....٢سنوات اني مدلله مرتاحه يحبني ويدللني حسيت نفسي خلصت من حسن وضربهم الي ومعاملتهم الي كحيوانه بدون شعور واحساس ...بس حازم تغير بالفترة الاخيرة كام يضربني ويكص شعري وطردني بره البيت ويشرب ويرجع متاخر للبيت ويجيب أصدقائه.....ويكولي اطلعي ركصي كدامهم
حتى عليه ماكو غيرة ....موضوع الحمل والولادة ناسيته لان هو اساسا مايخلص ولايخليني اروح اراجع شريط حسن نعاد من جديدتعبت مساتي تتكرر ...

بيوم من ايام حازم الي يفقد بيها طردني وطلع ورايه بالسيارة يريد يدعمني كالعادة طلعت اركض ....دخلت لمحل معجنات الساعه ١بالليل اررررجف لاعادي اهل بيهم خير ولازوج ...كل يوم وثاني راكض وراية ومطلعني حالي حال المخبلات .....هالشاب الي دخلت لمحله استقبلني وهدئني حجيتله عن كل مأساتي تعاطف ويايه واخذ رقمي ضلينا نتواصل على مدى٣سنوات نطلع ونطبق ونتقابل حتى من يطلع حازم لسفرة اخلي حبيبي يجيني للبيت احنه لبعضنا ولازم نصير لبعضنا ومانفترق....حبيبي يحبني صدك واكثر من مره مصمم نتزوج بس اتطلك من حازم بس حازم لحد الان مايقبل يطلكني ولايدري اخونه واني متعوده على الوضع ....خاينه بس اريد اعيش حياتي قصتي حقيقة حالي حال الاف من البنات بس اني اعترفت بخيانتي لان مظلومة ومن حقي أعيش .

احيانا هواي مبررات ناخذها ك ذريعه حتى نكمل بغلطنا و مرات نكول لعل هذا الغلط يخلصنا من كل الظلم واتحدى اي وحدة تكول غير هذا الحجي

لهنا ونتوقف ويه بثينه بطله الاعتراف الاخير البطلة السادسه من #سجينه_ابليس

ونستقبل باب جديدة البطلة السابعه والاخيرة الي هيه سيما .....اخت بثينه في الحلقة القادمة

لايك .نجمه تحياتي #الكاتبة_شهناز_الخزعلي  #جيمن_جلال