الحلقة ١٤من #الاعتراف_الاخير #سجينه_ابليس
بقلمي #الكاتبة_شهناز_الخزعلي #جيمن_جلال
ماعادت تلك الحياة تغريني اصبحت لا ابالي ...
ماحاجه اعرف عن نفسي اني الضحية الاولى وليست الثانية....سيما ...
مشاكلي وخوفي وارد من الطفولة وتعرفون كله سبب حسن ...وابوية وضعف أمي ...(وبثينه)...
الي كلما يفوت يوم تنحدر للاسفل يوم عن يوم بدون اي ردع ...وكلشي اعرف وساكته ماتسمع النصيحة ...
مرات اخاف على نفسي منها ...هي غلط وتعرف هالشي غلط ،بثينه تكول بلكن أخلص من كل الي شفته وعشته ويه حبيبي....ذكرتني بزواجها من حازم هم كالت نفس الجملة بلكن أخلص من ظلم حسن وابوية،والنتيجة ....جانت خيانة خيانة زوجية متكررة لفئة قليلة بدت تكثر بالمجتمع ...مرة بثينة طرحت علية موضوع...كالتلي"
_ليش ما حبيبي يرتبط بيج وهيج اني اكون مطمئنه عليج وعليه ...تره هو كلش حنين وكلبه طيب وكلش يراعي خواته ويخاف عليهن
_حنين وكلبه طيب ويراعي خواته ويخاف عليهم خواته مثلج مو؟
_لامتزوجات ومتستتات ببيوتهن
_وانتي ؟انتي شبيج؟ شنتقصج خليج انسانه صح محترمه توفي لزوجها وشوفي شلون الله لو يصلحه لو ياخذ عمره لخاطرج ؟بسس دامج عوجه وتبيعين حقاريات ويه الزلمه .....تريدين تدمريني بثينه ....
عفتها وطلعت للحديقة لكيت حسن كبالي ابتسمت ومشيت.... رحت اخبز للعشى واقرة محاضراتي اني مرحلة رابعة جامعة...كل ماتجي بثينه تشتت افكاري ...وكل ماتجي حسن يكفشها من شعرها ....يدججها كتل....سنفونيه بتهوفن ....وتطلع لبيت زوجها وتحلف ماتجي يمنا وتجي الان خاينه ....وتحتاج تبري ضميرها...وضميرها ياكل بجسدها اكل الان حرام وغلط قبل مايكون حرام
احنه نعاند ويه الحرام بس الغلط لا .....
....
بعد ماتزوجت بثينه ابويه رتاح....ابويه حنين بس يخاف علينا ،بثينه مافهمت ..حتى حسن ويايه يختلف عن بثينه ،يجوز همه يعرفون معدنها ؟ابويه علمني على سياقة السيارة بس ماعندي خبرة ولامطلعه اجازة سياقة يعني الضروريات.
بيوم من الايام حسن وبابا طلعو لغطاتهم المعتادة وامي تخربطت جان وقت الظهر
...شسوي وين اروح والمن ومحد يعرفنا اخذت مفتاح السيارة وطلعت...ب أمي ب الف يا الله وصلت للمستشفى لان قريبه وماكو سيطرات ...كملنا الإجراءات والفحص الطبي ورجعنا بالطريق مالرجعه سقت سريع وماشفت احد كدامي ....ودعمت بنية هيج عمرها ١٦سنه ...هاي البنية تكومت بالكاع كبالي .....وكفت السيارة ووجهي يضرب الوان وامي تدك على وجهها دخيل الله ...كمت ارجف صفر عندي اغماء....
كعدت اني بالمستشفى وابويه وحسن وامي دموعها١٠/١٠ هالمرة اللوم على ابويه وحسن بس عيوني ماتنسى وجه البنيه وهي دتتالم وتتوجع قيل حتى ما اسئل ...امي كالت"
_ماتت ..... ماتت البنية .... صدمة كعدت على حيلي كل ال كتله"
_واهلها ؟؟؟....اشلون ؟
معقوله دااتعاقب على اعمال بثينه بس.بس ليش اني شلي دخل بيها ....مماكله على لحم بطني ...واجت الممرضة كالت"
_ابو المرحومة اجه هو واخوها .
باوعت على امي ....
ابوية كال "
_خل يفضلون _________يتبع ....
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
