سجينه ابليس(مكتمله)

حلقه٥٥

عودني عله طيفك حتى انام اليل
وما اسهر بعد والسهر ينســـــــــــاني
شاعر نعم لكن لو حجيت وياك
احير شلون احلن عگدة لســـــــــــــاني
اضل ارجف شعر لو شفت وجهك يوم
وتذبحني بخزرتك وانسه عنــــــــواني
قطعه من الشمس حقي من اغار عليك
من امك وبوك وهلي وخـــــــــــــــلاني
تكتلني الظنون ارفس رفس مذبوح
اذا كَالولي عنك تحجي وي ثـــــــــاني
وياخذني الزعل ومسح صور ذكراك
وماتقبل عليه وتبجي حيطـــــــــــــاني
ويملكني الغضب بركاني يلهب نار
بس ادنه يمك يطفه بركـــــــــــــــاني
موبيدي احبك مره ردت انساك
عاتبني بحزن مايرضه نسيـــــــــــاني.

سلطان/افتهمتي طاااالق.....طلع راح وما التفت...صار عندي اغماء .....لمده اسبوع اني على المغذي مااشتهي شي ...ابني سيف يم امي ومريم بنت فجر هم لان صحه فجر معدومه ...دخلنا بشهر الثالث .....كلشي بالبلد تخربط بسبب كورونا..

بيوم جنت كاعده ويه فجر سولفتلها عن حرير ومشكلتها واحتفائي عنها بسبب سلطان جنت مقرره اروح ازورها لولا فعله سلطان..

امي اجت ودخلت بوسط الحديث كالت:

امي:يمه رواسي لاتشيلين هم سيوف احبه وابني حاله حال اخوانج انتي بس صيري قويه ومعليج ..
عيشي حياتج ورجعي البنت الانيقه الحلوه

رواسي/هففف جريت نفس ...صار ماما ...

فجر/ماعرف ليش غرت من رواسي واهتمام امي بيها و ب ابنها رغم احنه مشكلتنا اثنينهم بنفس الوقت اختنكت ...كمت من مكاني واخذت مريم طلعت للحديقه العبها.....

امي:اكلج فجر شبيها
رواسي:والله ماعرف ...
اني:خلاص عوفيها لوحدها

_______________

فجر/الحسرة البكلبي صعبه خليت مريم تلعب بالحديقه
وضليت اتفرج بتليفوني صوري اني وضياء .. امسحهم...مستحيل يصدك ضياء اني بريئة ...مستحيل
اني مذنبه وصرت مطلقة مرتين ومجتمعنا ماينصف المطلقة ....
رحت على واتساب لكيت غياث متصل كلت خل اخابر
اجتي فكرة براسي
خابرته ل غياث جاوبني :

فجر:الو هلو
غياث:هلو
فجر:شلونك
غياث:زين
فجر:اليوم مريم اشتاقتلك كالت اريد اشوف بابا ...
غياث:افتحي كاميرا
فجر:صار .....

فجر/غياث حجه ويه مريم ..مريم كلش فرحت واني هم ....مريم كالت ل غياث خابرني بابا.....
سديت الاتصال وضليت افكر ....فرحت دخلت للبيت وجهي يضحك ..امي و رواسي ميتات ضحك عليه .....واني بالي ارجع ل غياث واتحمله احسن من اني مطلقه ......
ثاني يوم خابر ضياء وثالث يوم والحال استمر اسبوع واني ويه كل مره يخابر بيها احس انه بيها مجال نرجع سوه.......

اما حرير /مشاكلي اني وعماد زادت حيل تغير وجودي وعدمه ميهمه .....طلع تعيينه وشال خشمه اني حسيت هالشي ....ابتعد صار نفور بيني وبينه
مرة كالها اثناء حجيه كال رحت وسئلت وكالوا عادي واحد ياخذ وحده وهو ميحبها او مامنجذب الها
معناها اني مو بباله ...لو شنو ميحبني ..احتاريت وياه....اريد اعوفه تفاعل شهر ونرجع والتالي اشلون هاي راح يبدي حضر واني سنتين احبه لامتشاوفين ولاشي كاظيها صور.....تحترك اعصابي وعماد يكيف يكلي من تعصبين احبج ....احسج تحبيني
مرات اصفن بيني وبين نفسي اكول معقوله كل اليحبون هيج ....لو الي احبه ماينحسب على الزلم ؟
يمكن لان اني عرجه ...
ليش مايهتم ليش مايحجي ل اهله بيه ..ليش ماخلاني اتعرف على اهله ليش مايتقدم ليش؟

رواسي/وضعي مخربط ...او الأصح وضع فجر مخربط وحرير هم .....والتالي شلون

فجر____يتبع
رأيكم
توقعاتكم
رواسي؟
فجر؟
حرير؟
لاتنسوا النجمه
الحلقات قصيرة
تحياتي الكم #الكاتبة_شهناز_الخزعلي #جيمن_جلال