غدير/عفتهم ومختنكه غسلت هدوم وقريت محاضرات ونمت ...ثاني يوم رحت للدوام ...دايخة بكلام البنات ومانمت ليله امس نومه زينه ...اذا اكول ل اهلي يبطلوني وتعب عمري يروح ....واني الي طموحي ....خلال هالايام كثرت جيات أستاذ هيثم للقسم الداخلي ونضراته الي زادت وابتسامته الهادئة الي تخوف ....و زادت حيرتي شاسوي ياربي ...حجيت لصديقتي كالت البسي حلقة بالجذب عود انتي مخطوبة ...واعلني هالشي ...هالفكرة انطبخت براسي خاصة اني بعيدة عن اهلي واهلي شمدريهم ..... وأعلنت هالشي .... مرة ورة شهر رجعت للقسم تعبانه من المحاضرات لكيت غير بنات بالغرفه استغربت ....بحيث رديت طلعت اباوع على الرقم مالغرفه حتى اتاكد ......باوعتلي وحدة منهن تحجي وتطك بعلجها وكالت"
_ها خية ادخلي حبيبه هاي مكانج ....
غدير:ليش وين البنات؟
_خيه اجت المشرفه وبدلتهن لان تعاركن طشرتهن بالغرف وجابتنا هنا ...صدك اني زينب ...وهاي هاله
غدير:اهلا بيكم بنات واني غدير
غدير/نخمش كلبي ...مدري شبية ياربي ...هذني مبينات صل ...وكحات .....عرمات ..اني شعليه اهووو خليني حايرة بروحي.....
ضليت وحدي ...يحجون اجاوبهم على كد السؤال ...خايفه حايرة ماعرف شاسوي ....رحت دورت على البنات الي جانو ويايه متغيرات وويتلوكون الي بس اني مستغربة ليش هيج .....وحدة منهم كالت "
_غدير ديربالج على نفسج ...عافتني ومشت ...رجعت للغرفه تلكتني وحدة من البنات الجديدات اسمها عبير كالت "
_هاي وينج يمعودة..
غدير:شكو خوب ماكو شي ...
عبير:رة لخ من تطلعين نطينا خبر ..او ليش انطينا رقم تليفونج نخابرج حتى
غدير/بدت تعابير الابتسامات تتوزع على تعابير وجهي بداخلي صارت الف قصة وقصة شبسرعة يردون رقمي
هذيجن البنات وين وين يله صرنا صديقات ... المهم نطيت رقمي واني الممنونه .. اليوم الاول عدة بسلام ...داومت ورجعت تعبانه ...نمت الظهر بلا غدة خليت التليفون جوة راسي واجت رساله على الفايبر....
على اثر صوتها صحيت .....فتحتها من رقم غريب ومكتوب بيها
....مرحبا غدير.....ضليت صافنه منوهذا الي جاي يراسلني جاوبته ....منو ؟
رد عليه ...اني استاذ ماجدالمسؤول عن القسم الداخلي
غدير/جنت غافيه من قريت الرساله فزيت كعدت على حيلي ...وكلت ياستار جاوبته"
غدير:اهلا استاذ...خوب ماكوشي؟ومنين جبت رقمي
ماجد:لا بس اني داريد تصيرين ايدي اليمنه
غدير:وليش اصير ايدك اليمنى؟ يعني وووواكرر منين جبت رقمي ؟
ماجد:حصلته من عيوني الموجودين بكل مكان ...
غدير:زين شنو مطلوب
ماجد:نتواصل
غدير:عفوا استاذ اني بفترة امتحانات وتخرجي على الأبواب وو...
ماجد:لاتخافين نجاحج مضمون بس خليج ويايه
غدير:شنو؟
ماجد:يله بعدين اتواصل وياج ....
غدير/سديت التليفون وبلعت ريكي ...توترت كمت ردت اروح على صديقاتي الجانن وياي بالغرفه بس كلت لا ......ياربي شسوي هذا شنو قصدة شيريد .....
لاغدير صيري ذكية.....هذا وراه مصيبه كومي ادرسي حتى تتخرجين بسرعه ...يوووو شكد ثوله شنو اتخرج ...هو يغرف اني هاي اخر سنه ...منو نطاه رقمي منووو بس لا هذن الوياي بالغرفه الجني جديدات لا...لا لاتصيرين حساسه زيادة عن اللزوم ....
كمت كملت دراستي واجه لليل جنت خايفه واعصابي مشدودة يارب ...نمت وعدت بسلامات رحت للكلية وجان يوم كلش حلوو ....بحيث رجعت للقسم الداخلي ومرتاحه نفسيتي وتغديت ورحت لجماعتي البنات ....ويه ماردت انام دك الفايبر رسائل ...فتحتهم لكيت استاذ ماجد ....اهووو جاوبته_______يتبع
ملاحظه/اعذروني متابعيني مقصرة وياكم بس رمضان وتعب واني هم مالي خلك تحملوني خلال هالشهر بس
لاتنسوا لايك نجمة لتشجيع...وتوقعاتكم
تحياتي الكم #الكاتبة_شهناز_الخزعلي #جيمن_جلال
YOU ARE READING
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
