سجينه ابليس(مكتمله)

الحلقة٨٨

الحلقة٧ من #الاعتراف_الاخير بقلمي #الكاتبة_شهناز_الخزعلي  #جيمن_جلال

_كومي بسرعة ابوج قبل تروحين بيت خالتج حضري هدومج،كمت بسرعة مثل المجنونة واخيرا لكيت منفذ ...امي تساعدني واسمع حسن صياحه وعراكه ويه ابويه....كون مايقبل اروح رايدلي الموت...ليش هيج ربي شوكت يوصل ابن خالتي وياخذني منا...

ويه الوقت راحت عليه نومه صارت ب١٢بالليل اندكت الباب مالغرفه  كمزت اني وكفت بمكاني...سيما فتحتها والدموع ١٠...١٠كالت "أمي تريدج؟

كمت ...نزلت  ...حسن كوه لازم نفسه عيونه تجدح وابويه كوه ساكت...

امي تكول ل ابن خالتي:يمه وليد اخذها وروح طلعها بسرعه منا دخيل الله..

بثينه/حضنت ماما بجيت ...بست سيما....ماتقربت من ابويه وحسن ....طلعت ويه وليد الطريق حيل بعيد
وليد شاب اريحي يضحك ويتشافه وطول الطريق جان يحاول يهون عليه مصيبتي انقلبت حياتي كلاب بسبب زله لسان بسبب صبا ....وقله تفكير امي عبالها تكسب ابويه وهاي النتيجه اهلي ماخافو من وليد عافوني وياه وحدنا بطريق وسيارة وحدنا وبس كدروا على رضا.....ويه وجه الفجر وصلنا ...خالتي تلكتني شابعه قهر عليه . .....كعدت جان دك تليفون خالتي ....امي المتصله بيها ...

خالتي ام وليد:هلا داده اشلونج
أمي:حال الضيم ياحالي...حسن هجم البيت هجم بعد ماطلعت..بهجت جاب طلي ذبحه مجره دم ولطخ هدوم بثينه وشمرها بالطرمه  واجو اخوان بهجت ...كوه تضمنه صخام وسطتنه حسن ....وكلنالهم غسلنا عارنا ولج خيتي المصيبه بنتي كلشي مامسويه .....

خالتي ام وليد:ميخالف هاي البنت يمنا والله يستر

أمي:اكلج خيه لاتنسين عندكم ولد والبنية توها مطكطكه ...

ام وليد:شهالحجي ولدي اخوتها ان شاءالله

أمي:ولج خية والله ما متوقعه الي جاي يصير احس نفسي بفلم هندي راسي وعقلي مدوهنات شسوي على بختج ....هاي سيما وجهها يضرب الوان تبجي على اخيتها واني مابيدي شي ...
ام وليد:تهون...تهون ..تردين تحاجيها؟

امي:لالا خليها تتعود عليكم .. كليلها اكعدي و اسكتي...

بثينه/غربه ......اي اني احس نفسي حاليا  غريبه ...

ولد خالتي اريحين سوالف ويايه ويحاولون يضحكوني ... انام بقلق ليش مادري  ..

حسن ضل متخبل و مزوهر مدري ليش عود هيج يفكر  ويايه...ضليت ٤اشهر بيت خالتي ....

وبيوم اجت خالتي متغيرة كلش ....تباوع بحقد عليه
ونبرة خوف بنفس الوكت حجتها
كالت:باعي بنيتي اني عندي شباب يعني بارحه شفت واحد منهم يباوع من زرف باب الحمام من جنتي اتسبحين ...والحمد لله الحمام غميج بحيث مايلوح من
جسمج شي...وابوج مخابر على زوجي يريد ترجعين ....

بثينه:لازاله عفيه....يذبحوني
شيرجعني

_لايمه ...لا عفيه اخاف يذبحني خاله هذا حسن مرة كالها قبل مااجي هنا ...كال والله اذبج بالبلوعه ومايرفلي جفن ....

_اسكتي امج خابرت وكالت صار حجي صاعد نازل عليج الجزارين اكلو راسنا ،تكول ابوج عينه مايرفعها بوجه العالم راسه منزله ...

بثينه:خاله ممممممسوووووويه شي

_احنه نعرف كلشي ممسويه بس العالم متعرف صرتوا علج

بثينه:وشلون هسه شسوي وين اروح ؟

__________يتبع
رايكم لاتنسوا لايك نجمه