وبنفس اللحظه الي عماد حجه ويايه كتله اني حجيت وي جعفر عصب عليه .....ضل يصيح بعصبيه اول مره اشوفه هيج عصبي. ويكولي هاي خصوصيات ومايصير
حرير:هه صدك تحجي عماد انت ماخليت ذرة خصوصيه بينا انت كلشي حاجي اله ...
عماد:بعدين حسابج بعدين ...
هه وراح ضليت احجي لصديقاتي عن الي سويته بيهن يكولن غلطتي وبيهن يكولن طبعا يعصب لان ماعنده مسؤليه وصاحب طفولته شهد اله يعني مو بس كرايبه انه هو شخص بلا مسوليه وكاضيها سوالف رصيد وانترنت ...
عماد ذلني ....اذاني طيح حضي بس مشكلتي ماكدر ابعد عنه بس قررت اكرهه شوي شوي ابتعد حتى اني ما اتاذه ....عقلي لحد الان ميستوعب معقوله حبي جان من طرف واحد....
...ضليت افكر بيني وبين نفسي واكول معقوله اكو هيج بشر قاسي معقوله علمود رجلي هيج يسوي ليش هو ب ايدي بيد الله مابيها حل ...انتحر واخلص لوشسوي زين ربي اني مو من حقي اعيش حالي حال البنات ...مو من حقي افرح ليش استغلني طول هالمدة شنو ذنبي اني ....شنو الي جنيته....قررت اشوفه هيج مااحضرة وادعي ربي يرزقني الي يعرف قيمتي ...ابتعدت عنه وما اهتميت صار يراسلني ويبجي ....مرات يخابرني كبل يفتح فديو ...بس اني ملتزمه بحجاب وياه ...دمه وناره يشوفني بلا حجاب ....صار يحوص
وبيوم من الايام ...فتحت التليفون لكيته مراسلني جاوبته ...دز بصمه فتحتها لكيت صوت مرة ....
تكولي عيني ديربالج على عماد...خطيه عماد خوش ولد ...
صوت وحده شابه صح غرت بس كلبي انغسل منه ....
كتلها ببصمة"انتي يارقم.. وراها جاوبني هوه وكال"
عماد:والله ضحكتيني .....هاي وحده من شارع تعرفني زبونه جانت مارة وجنت احجي وياج وكالت جيب خل ادزلها بصمه
حرير:ميهمني الله يكثرهن
عماد:اني مريض وراح اسوي عمليه ...
حرير/هنا وطلبي رف قلقت حن كلبي بس موحبا بي .....
كال"
عماد:اذا اسوي عمليه تجين ويايه للمستشفى ؟
حرير:اي طبعا
....حرير/واختفى بس اني ضجت مااعرف يحبني ماعرف لا....
المهم ورة يومين كال اني جايج لبغداد اريد اشوفج
بالبدايه جاوبته ب الله كريم ...وره يومين كعدت فكرت كلت اني شكو والله يالله اروح وياه مستشفى وهو اسوء ايام حياتي ماوكف ويايه ....لا وفوكاها يريد يجي يشوفني هم ...هه ادري بي مسويها عماد يريد يخليني بس افكر بي ...يريد بس يعلمني.....
راسلته كتله مااجي ...
كال غصبا ماعليج تجين ......غلست
مرت الايام .... وبرمضان الحالي
مرات يراسلني
..وإهماله وتجاوزه واسلوبه البايخ نفسه
صار ينزل صورة مفتخر بشكله ...اخرشي نزل مقوله يكول السعادة ماتنقرض ومحد يصنعها الك ....
حترك كلبي دزيتله:انت شلون تطلب السعاده من رب العالمين وانت سالب سعاده من العالم والله يارب الله وين عنك....
جاوب ب استهزاء مهامه شي واني كلبي جمد كرامتي انداست كلبي مات .....احساس صعب تعيشوه متت أني بعد الي سمعته عنه والي شفته منه طول هالسنين ماحس بي يصلح يكون زوج الي ويسعدني مااحسه يفيدني
هنا حترك كلبي ....وسنين عمري وانهيارات كلبي ....وين ؟ وين ربي عنه ويين؟ ادري الكل يلومني بس والله موبيدي اكول يتيم اكول ماله احد ....اكول تدمرت عليه وقاومت كل الكالوا عوفيه ...علاقتي بي مثل خيط البكرة باي لحضه ينقطع وماعرف شاسوي بس الي تعلمته لو تحركين روحج مايحبج ....ولاراح يحبج مستحيل يحبج بيوم اذا كلبه ميريدج .....ادعولي الله يحرك كلبه وياخذ حق كلبي ......
الى هنا ننتهي من حرير .....
رواسي
غدير
فجر_____يتبع
رايكم تحياتي #الكاتبة_شهناز_الخزعلي #جيمن_جلال
لاتنسوا لايك نجمه
أنت تقرأ
سجينه ابليس(مكتمله)
Romance.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالوي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه ا...
