سجينه ابليس(مكتمله)

(حرير)حلقة٥٠

_رواسي:شسمج؟

_اني أسمي #حرير ....

رواسي:اسمج حلو

حرير:يلا ادخلي للبيت

رواسي/دخلت سلمت على الاب واتشكرته لموقفه ويايه...خابرت على ادريس وبلغته بمكاني  كال باجر يجيني ....الجو شتاء شهر الثاني ٢٠/٢٠ لكيت ابوها لبنت حاير كالو كورونا منتشرة بالعراق والعالم متخوفة 
سيف ظل يبجي سويت اله ممه دافية  ونيمته ابوهم حجي ف ابراهيم نام رحال كبير مايتعشى،حرير سوت العشاء وكعدنا نتعشى سوه ..........
لاحظت حرير  لازمه التليفون واعصابها متنرفزه.....
عافت الاكل وكامت راحت للمطبخ ....عفت الاكل ولحكتها لكيتها تبجي ....

رواسي:شبيج ؟

حرير:مابيه شيء

رواسي:متاكدة؟

حرير:اي

رواسي:الشغله بيها رجل مو؟

حرير:اششش لاتحجين عفية ابوية يسمع

رواسي:اوكفي خل نطلع بالحديقه دام ماعندنا شي وسيف نايم

حرير:لا

رواسي:لاتخافين ما افتن عليج واني كلها كم ساعه ورايحه لبيتي ..

حرير:تمام راح احجيلج .....

___________________________

حرير .... اني بنت من ديالى من مواليد ١٩٩٤خريجه جامعه ديالى ...ومدرسة بالمتوسطه تعييني جديد ب٢٠١٩تعينت    

أحبّ شغلي احب وجودي بين الطالبات مرحه واتشاقة    احس كلشي حلو بس هذا العالم ابد مو حلو .. مر وقاسي والكلب اذا نكسر ياروحي ماله حل بس الموت واني كلبي انجرح منه وجرحي مااظنه يطيب ....لحد يكلي حبيبك اني ماعندي حبيب 

بيوم مثل هيج يوم بس ب٢٠١٧التقيت صدفة بشخص جنت اعرفه عن طريق مواقع التواصل الاجتماعي يمتلك محل ملابس نسائية طويل أسمر صاحب أكتاف وظحكته حلوة عيونه جوزي على عسلي والبيج مالفيس كله بنات وحسابه كله بنات ..  كله نسوان تعلقه اني .....اني يارواسي نعجبت بي جنت معجبه بي من أشهر طويله بس.....بس الصدفه تلعب دور

بيوم طلعت من المدرسه جان عندنا ثاني يوم اجتماع اولياء أمور ....خابرت  بابا وكتله راح اشتري ملابس حتى اتأنق واصير كيوت ومظهري حلو   بس هو محله ببغداد ...بوكتها رحت ويه مدرسات ويايه لبغداد ....
طلعت دخلت للمحل موديلات تخبل ..وهوه هم حلو
الشاب اسلوبه حجيه ...صديقتي مدرسه وكفت تسولف وياه وهو يسرق النظرات الي يغتلسها هيج يحجي ....اخذت من عنده فستان يخبل

حرير:هذا عجبني بس المشكله اخاف اريد بعد وو...

_احنه متكلمين على الفيس صح بس اني راح اراسلج  على الفيس ..من حسابي الشخصي واني بالخدمه 

حرير/ابتسمت أبتسام خفيفه وعيوني كامت تلمع   
طلعنا من المحل والمدرسة تباوع عليه وتضحك
(ست اخلاص)
ست اخلاص:ها شبيج فرحانه حلو مو

حرير/حاولت اهبل نفسي  فجاوبتها:الفستان

ست اخلاص:اي الفستان طويل واسمر وعيونه تخبل

حرير:هههههه اريد بسرعه اوصل للبيت   

ست اخلاص:ها تغيرين الحجي مو ؟

حرير:فساتين اشتريتهم حلوات .....

حرير/و رجعنا لديالى فرحانه يوم مميز الي جان بس متوتره واحاول اقنع نفسي ب انه ميفيدني او شخص عابر وبنفس الوقت انتظر منه رساله 
        الدقيقه الوحده عبارة عن سنه ياترى عجبته؟
___يتبع

رايكم
#حرير #سجينة_أبليس 

تحياتي الكم الكاتبة شهناز الخزعلي_جيمن جلال