سجينه ابليس(مكتمله)

حلقه٤٢

.ضئيلًا
كنتُ من دونك
وحيدًا
خائفًا
لا شيءَ يسليني
يرهقني النهوض
يزعجني صوتُ اخي
يستفزني صنبور الماء
لاشيء..
من دونك له طعم
لاسكينة اترقبها
او احلم بها
تمنيتك باكرا
ابكر مما يجب
علي الرضوخُ اخيرا
انا هنا على اية حال
إن كنت وإن لم تكن
عليَّ تقبل فكرة انك
بعيد
كلَ البُعد
عن كوبِ قهوة
تجمعنا
او سيارةِ اجرة
تنقلنا
او مكانِ عمل
يرهقنا
تمنيتُ
ان تكونَ جزءًا من يومي
ان تكون عابرًا في يومي
انت لست هنا
وانا لستُ هنا
لا احد هنا ..
عدا هذه الحروفِ الميتة،
_____________________________

باوع عليه  سلطان وراح طلع كعد بالكراج بسيارته

لحكته ......

رواسي:اني احبك اموت عليك ..لاتسوي هيج ويايه اني ما أستاهل هذا كله منك  حبيبي بس باوع عليه
اسمعني ...

سلطان  ...نزل فتح باب البيت حتى يطلع ..
فتح الباب ..رجع صعد بالسيارة لحكته ...

رواسي:وين رايح ... وين

خليت ايدي على الشباك مالسيارة...احجي وياة وهوه يرفع بالشباك ..واني ارفع ايدي .....لحد ماتقريبا قرب ينسد على ايدي الشباك ...توجعت ..سحبت ايدي ...حرك السيارة وطلع

سديت الباب .....ضليت أبجي كعدت بالحديقة تقريب ال نصف ساعة ....

دخلت للبيت سمعت صوت سيف يصرخ من البجي
رحت شلته.....لعبته ...خابرت فجر

فجر:هلا يابنات مشتاقتلج وينج ميته عدله شبيج ماتخابرين ،ماتسألين

رواسي:هلا الحمدالله وانتي اشلونج...والله مشغوله
بالبيت ويه استغفر الله ضرتي المصون وابني
وسلطان وطلايبه هالرجال راح يموتني ماتحمل ...فجر والله تعبت نفسيتي تدمرت ماكو شي ماسويت وياه
يوم تلكي قريب ويوم تلكيه عنيد متت تعبت ....

فجر:اوي حبيبتي ......ماكو مبروك

رواسي:اي مبروك بس على شنو ؟

فجر:اني حامل ......راح يجي بيبي جديد .....

رواسي:اي الف مبروك ...بس ليش استعجلتي اخاف يطلع ضياء نفس السابق

فجر:لابلعكس ضياء يحبني وحتى مقرر اجيب بنتي تعيش ويانه ...بس تدرين شغله اكو رقم غريب يدك عليه ...وبس اجاوب الو يغلقه ويروح .....

رواسي:يا...لج هذا اخاف ضياء ديجربج ؟

فجر:رواسي لاتخليني اتخبل هسه شنو شيجرب مني شنو قابل حبيبي احنه متزوجين

رواسي:اوكفي اخاف غياث

فجر:غياث وليش يتصل ؟

رواسي:اي انتبهي ......

فجر:عوفج مني ...انتي هسه شراح تسوين ؟

رواسي:ماعرف.....

فجر:اطلعي ل استراليا ...اخذي زوجج وروحوا

رواسي:تتوقعين سلطان يوافق ؟؟

فجر:ان شاء الله اكلج ..  ضياء اجه ...امممح انتبهي على زوجج و على زوج بنتي سيوفي باي

رواسي:هههههه الله وياج 

رواسي/الوقت مشى ورجع سلطان للبيت عصبي وعاقد حاجبه ....طلع عنده كعده فصل عشائري وهو ناسي ... ضربت اله اوتي ورتبت ملابسه ....ونسيت أديته الصبح الي

سلطان تعود على اهانتي واني تعودت على التجاهل...تعودت على الاذيه ..  الوقت مشى أجه الليل

نمت حلمت حلم.. حلمت فجر دتمشي ويايه  ب بستان ولازمه ايدي     ... بس هيه شافت قطه على بعد١٠خطوات ومشت بااتجاها ....جانت اكو حفرة عميق٧ متغطيه بكومه سعف مالشجر ...ومانتبهت فجر ووكعت بيها ... 

هنا  واني فزيت....يمه ياستار ياربي ... باوعت ساعه ٣الفجر .. ما اجاني نووم ...باوعت لغرفتي سلطان يم مرته والغرفه هدوء ...فتحت واتساب فجر لكيته اخر ظهور ب١١...      يتبع

رأيكم
ملاحظه/طبيعه كتاباتي قصيرة وكل كاتبه واسلوبها

رأيكم الروايه حقيقه.....حلم رواسي يقلق
و برايكم بهاي الظروف سلطان راح يوافق يطلع الأستراليا لو رواسي عرضت هالعرض عليه؟

تحياتي الكم #الكاتبة_شهناز_الخزعلي  #جيمن_جلال