روايه سعوديه " أنا أحببتكَ أولاً "

بارت ١٤

لكن تفاجئ!! وقطب حواجبه بإستغراب
ما لقى المسج ولقى بدلآ عنه عبارة
( تم حذف الرسالة )
.
.
.
.
.
سهى🖋️
حذفت المسج من دقائق و قفلت جوالي.. و دموعي تنساب بصمت..انا مو قد هالأعتراف ولا أقدر أكمل وشعور بالذنب يتملكني..بكيت بقهر من نفسي وانا أضرب قلبي بقبضة يدي
.
.
.
.
.
وهناك تواصل ابو تركي مع أهل روان ووافقوا
و تركي شعور الفرح الليله مسيطر عليه لكن
استغرب اختفائها وعدم مشاركته الفرحه لكن مع ذلك لم يخبئ شعوره ارسلها: اليوم انا اسعد انسان بالدنيا والفضل لك.. موعدنا بكره.. لم تصلها لأن جوالها مقفل

اليوم الثاني
تركي ما دوام رغم انه صاحي من بدري و بحماس ونشاط
راح الحلاق خفف من شعره ورتب شنبه و ذقنه.. ثم راح ارقى محل للعطور و اشترى مجموعة رايقة وفخمه و ثم اتجة لمحل الذهب و اختار تصميم لدبل يحمل حروفهم بشكل انيق و اختار ايضآ عقد غالي من الذهب المزين بالكرستال و اخذ الكثير من الورد وخاصه باللون الاصفر ف هي تحب الورد الاصفر. واختار لها فستان بلون البنفسج جميل و ناعم وهو يعلم انه سوف يعجبها فهو لاحظ ان ذوقها هادي و رايق. لم يغفل عن اي شي تحبه و ركز في ادق التفاصل الي تجعلها سعيده
.
وجاء المساء وهي مختفيه لم تفتح جوالها
هل تقصد بذلك ان تزيد من لهفته و شوقه لها
في هذا اليوم.فأرسل لها
شخبار المتغلين علينا..!! الله يعجل باللقا بس

الساعة10
سهى🖋️
اليوم ما ادري وش جاني من صحيت تعبانه و مسخنه ومو قادرة اتحرك و صداع بيفجر راسي.
انام واصحى وكل ما جيت بأفتح جوالي اهون مو ناقصه فوق تعب الجسدي. تعب نفسي ما عندي تبريرات لتركي ولا اعذار
امي وسهام و سحر فوق راسي ومهتمين فيني
جاءت سهام وقالت لي: قومي من سرير تحركي وتعالي معنا صاله نشوف فلم
ماني رايقه بس شدت يدي اقوم معها
استلمت وقمت معها وانا اتلحف ببطانيتي واخذت جوالي بيدي

رحنا صاله
ولفيت للمطبخ: بروح اجيب لي مويه
سهام: اجلسي انا اجيب لك
نظرت لها بنص عين: ما عرفتك وانتي حنونه عليه
سهام: حزنتيني عليك وانتي طايحه بالفراش
ابتسمت: وطلع عندك قلب..المهم بروح عشان بتحرك شوي احس ظهري يوجعني
ومشيت للمطبخ ببطئ وفتحت جوالي وتركتة ع طاوله حتى توصل المسجات وفتحت الثلاجه وطلعت لي قاروة مويه
ثم شفت مسجاته وما فهمتها: وش يقصد موعدنا الليله
وصلني اشعار واحد من برامج الي اتابعه فيها..منزل صورة رحت اشوفها متلهفه وقلبي اشتاق له ع بالي صورة له
لكن كانت صورة عقد قران وباين اسمه وتوقيعه.
وكاتب (تم عقد قراني اليوم ولله الحمد)
حسيت كأن قلبببي انقبض بشكل أفقدني القدرة على تنفس و الارض تدووور ثم ضربه قوية جات براسي واظلمت الدنيا بعيوني وما ادري وش صار لي بعدها ؟؟
واظلمت الدنيا بعيوني وما ادري وش صار لي بعدهاا ؟؟
.
في ذي اللحظه نفسها..كان وقت دخول تركي على روان.الي دخل بثقه وابتسامه خفيفه تخبي ورائها الكثير من الحب و الشوق والوله
بعكس روان بملامحها الحاده الصامته الخاليه من تعبيرات لم تكن فرحتها كامله بل ناقصه بعد ما عرفته عنه لكنها اختارته لأنه فرصه بالنسبه لها ويناسب برستيجها و عقليتها ولن تفرط به لأمراءة اخرى و عندها ثقة بنفسها انها ستكون مالكة لقلبه
لكن الأن تشعر ببعض الغيض منه
نظرات تركي لها فيها شي غريب وجميل..اشعرها ببعض الخجل وخاصه عندما تقدم وقبل راسها قبله طويله قليلآ أشعرتها بالحرارة بجسدها..بعدها اخذ يلبسها العقد و ثم رفعت ريهام صندوق الدبل وإلبسها دبلتها وقبل يدها بحنان وهو يهمس لها: اخيرآ صرتي حلالي
نزلت راسها بخجل
واخذت دبلته وألبسته بدون اي تعبير
ثم جلسوا و طلع الجميع
ليبقوا لوحدهم
ليكسر تركي حاجز الصمت وبإبتسامة:كيفك
روان بهدؤ: بخير
تركي بفرحه: مبروك علينا
روان اكتفت بإبتسامه
ورجع الصمت
تركي ما اعجبه الجو البارد
وين لهفة اول لقاء بينهم
وخاصه من ناحيتها: فيك شي
روان: لا ما فيني شي بس يمكن تعبانه
تركي: عسى ماشر
روان: تعرف جات الملكه بسرعه اليوم
تركي بتفهم قال: فعلآ
وتقدم بيقبل خدها بس روان بعدت وجهاا بسرعه..
بحرج منه وبدون قصد
تركي: ترا ما أكل
روان وقفت بحرج: اسفه
تركي وقف: مو مشكله..ارتاحي الليله
و بينا الو..وطلع
روان استغربت ما اخذ رقمها كيف بينا الو
يمكن بيأخذه من ريهام
.
سهى🖋️
فتحت عيوني بصعوبه وانا اشوف نفسي بمستشفى ومغذيه بيدي..وحسيت بألم براسي وشكله نتيجه ضربة راسي ع الارض تذكرت السبب وانسابت دموع عيني بدون توقف تزوج خلاص راح لغيري خلاص
كيف؟ وشلون؟ ومتى؟
وشوي و ارتفع صوتي بالبكاء
سمعت صوت امي تهدي فيني وتقرا علي
على بالها ابكي من وجع جسمي
ما تدري انه من وجع قلبي
احس بناار بقلبي جالسه تحرقني
وصوت ثاني جنب امي: خالتي الدكتور يبيك
صوت غدير الحمدالله موجوده هنا مافيه غيرها يفهمني فتحت عيوني وناظرت لها وبصوت متعب: غديررر
تقربت غدير لعندي ومسكت يدي
وامي طلعت
غدير بخوف: شفيك سهى وش صار لك
وهنا جلست بصعوبه وانا ابكي: تزوج ي غدير تزوج روان
غدير تفاجئت: شلوووون
اشرت على قلبي: قلبي يوجعني ي غدير بأموووت مو قادرة اصدق
جلست غدير جنبي ع سرير وضمتني: اهدي ي سهى اهدي
ومن قالك؟
قلت بحرقه: شفت بعيوني
غدير وهي تمسح دموعي وتضمني اكثر
ما عندها كلام يخفف عني
ساعتين وطلعنا من مستشفى بعد كم ابره ومغذيه وطبعآ وصلتنا هنا غدير وسواقهم بعد ما امي اتصلت بعمي محمد لكن لا رد و دقت ع غدير الي ما تاخرت!
.
.
وصلنا البيت
طلبت يوصلوني غرفتي و انسدحت على سرير بعباتي وانا بعالم ثاني.. من صدمه باقي مو مستوعبه.. كان يتكلموا واسمع اصوات بدون تركيز.. و ماغير مركزه ع نقطه معينه بالجدار.. غدير بشفقه على حالتي : خالتي ممكن تخلوني مع سهى لحالنا
طلعوا وجلست غدير جنبي: سهى وعسى ان تكرهوا شي وهو خير لكم و مو من نصيبك لو تحبيه ادعي الله يوفقه وانسيه وعيش حياتك
تقول اعيش حياتي.. وانا حياتي خلاص انتهت و الدنيا تقفلت بوجهي
وجهت نظري لها: غدير ما اقدر
غدير بحزم : لا بتقدرين
بحزن: قلبي مو بيدي
غدير: سهى اصحي لنفسك هالحب يدمرك
هزيت راسي بلاا
شفت غدير بإصرار : الإ
واخذ الجوال من ع كومدينه
وانا اناظر لها بإستغراب
وطلعت الشريحه وقبل استوعب
ايش بتسوي كسرتها
طلعت عيووووني بقهررر: غدييير.. ليه. ليه حرام عليك.. وبدون شعور ضربتها بعشوائيه
مسكت يديني بصوت قاسي : سهى
ناظرت لها بحزن وألم
وكملت بحزم: اسمعي هي كانت محاوله وما صابت.. واللحين خلاص الرجال تزوج مالك فيه نصيب وصار ملك لغيرك خليه يعيش بسلام لان حتى لو اعترفتي ولا ما اعرفتي خلاص مافيه أمل
كلامها صدمني بالواقع اكثر وخلاني
اصرخ عليها وانا احط يديني ع اذوني: بس ي غدييير بسسسس! . .
بنفس الوقت عند تركي.. يتأمل جواله
مافيه منها اي رساله تعبر عن فرحتها
بملكتهم
.
.
مرت الأيام
ولاحظ تركي غيابها وجوال دايم مقفل.. قال يمكن شغلت الخط الجديد الي اشتراه لها قبل فترة وسجله بأسمه لكن مافيه لم تفعل الخدمه به .. طفش من هالحال و لعب الأطفال
قرر يروح عندها وبلغ امه انه تبلغ خالته انه بيزور روان..وهالمرة اخذ اصناف كثير من الشوكليت الي تحبها مع باقة ورد اصفر
وراح عندهم ساعه 9 المساء
و رحب فيه ابو روان ودخله المجلس
ودقائق و جات روان
الي كان لابسه فستان بيج جميل
يبرز تفاصيل جسمها الانثوي
ابتسم تركي على جمالها
كل شي فيها حلووو
شكل وشخصيه واسلوب
مدت يدها بتصافحه لكن سحبها لحضنه
مشتاق لها وهي متغليه عليه
بعدت روان ع حضنه بحياء
جلسوا وتركي يتأملها وروان منحرجه
وشتت نظرها.. وانتبهت للهديه واختياره الدايم للورد الاصفر فقالت تصرف خجلها وتفتح موضوع: شكلك تعشق الورد الاصفر
تركي بإبتسامه يرجع نظرة للورد ويتكلم: عن نفسي بالنسبه لي اللون الاصفر مزعج بس عشانك انتي اخترت الاصفر
روان بإستغراب: عشاني
تركي: ايه مو تحبي الورد الاصفر
ابتسمت روان بتهكم: لا وين! انا ما احب من الورد غير الجوري الاحمر
تركي يحاول يتذكر: بس كأنك قلتي لي انه يعجبك
روان بإستغراب: انا ومتى كان بنا حوار ولا كلام بهالأشياء
تركي بنفسه: هاذي ناسيه ولا تستهبل !

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
   ودمتم بخير