روايه سعوديه " أنا أحببتكَ أولاً "

بارت ٣٧

.
.
ناظرني بقهر وراح جلس بعيد ع الكنبه وانا بديت اعالج جرح سهى ووقت انتهيت وانا الف شاش جاني صوت عمي عادل الي باقي مقهور انها قطعت الورق وشغله راح هباء منثور: ان شاءالله بعد ذي ضربه تعقل وتوقع
باقي همه توووقيييع.. انا وييين.. وهو وييين..؟ لو ما هو عمي كان ما خليت فيه ضلع صاحي
فقلت بطولت بال: اطلع برا
ناظر لي بصدمه اني اطرده
قلت بصوت عالي: اطلللللع
وطلع بعصبيته.. وانا رفعت سهى.. وجلست ع كنبه وهي بحضني ضميتها بقووووه وقبلت خدها مكان الكف وانا اعتذر : انا اسسسف.. اسسف.. على كل شي!!
وانا اشوف كيف بيضا ثوبي يناقض سواد فستانها و لون الدم يكسر التناقض!! اخ عيشتني هالبنت اليوم عشرين الف شعور ..و شعور الندم هو المسيطر .. وذا اليوم راح يطير النوم من عيني ثلاث أيام على شفته فيه
.
.
.
.
.
.
اليوم التالي
سهى 🖋️
فتحت عيني و رجعت غمضتها بألم من احساس الصداع الي اجتاحني.. وانا حاول اتذكر وش صار لي.. لكن باقي صداع مسيطر.. فتحت عيني بخفيف وانا اشوف السقف .. حتى المكان الي انا فيه غريب مو سقف غرفتي الأبيض.. لفيت راسي يمين وشفت تركي جالس ع طاولة .. قدامي ببنطلون جينز و تيشرت رمادي .. جات في بالي صور من الامس.. اهله.. شاحنه.. طلاق .. عادل.. التوقيع.. كل شي مر سريع لدرجه خلاني اجلس بدون اهتمام لا بصداع راسي.. ولا بشاش الي عليه.. ولا بلبسي الي تغير وصار بجامه موف..
لأسمع صوت تركي الي تهيئ لي انه صوت وحش : سهى ارتاحي لا تحركي كثير باق.... ومد يده حتى يرجعني اتمدد ع كنبه دفيتها بقوووه.. وانا اتخيل انه يبي يقتلني صح هو و عادل البارح كان بيقتلوني وانا لحالي وما احد يعرف لا لازم الناس كلها تعرف اني محبوسه هنا وانهم بيقتلوني..!! حتى حريتي حرمني منها ورجعني لنفس السجن وقال طلاق باطل.. وقفت بسرعه اركض واصتدم بالأثاث بدون تركيز
و تركي ينادي .. وانا احس بخوف ورعب مو طبيعي.. وركضت لباب الشقه احاول افتحه .. واضرب عليه بقوووه: ياناااااااااس ي عااااااالم سااااعدوني. بيقتلووووني.. ياناااسسس
شفت تركي جاء لي و احس اني اشوفه شيطان مو انسان.. جاتني حاله هستريه وانا ارجع ادق بقوووه واصرررخ
وروان طلعت من غرفتها.. وانا اصرررخ ابغى احد يجي ينقذني بسرعه.. لكن سحبني تركي وهو يقول : بس ي سهى اهددددي
وين اهددددى .. مستتحيل انا باااقي اقعد هنااا.. هذولاء مجرمييين.. وبالأخص هالأنسان كل شي سواه فيني .. واخر شي بيموووتني.. صرخت : لاااااااا
وانا اسحب نفسي منه واركض لشباك واناااادي ابي اي كائن يجي يسسساعدني.. انا بأموت هنااا.. جاء بسرعه يمسكني وهو مو عارف كيف يسيطر علي ولا انا خليت له مجال كان اركض ابي اهرب وبسسس ... انا الخوووف وصل عندي اقصاااه وصدمات الي امس جاتني كثثثيره..والي قبلها ما قصرت.. قربت من جنووون خلاص
ورجعت لباب الشقه ادق عليه وانااادي: يبببببببببه.. عمممممي محمد.. يمااااه
فجاءه حسيت اني مو ع الأرض وتركي حاوط يديه حول بطني ورفعني.. وانااا اصرخ و اخمش يديه  وارافس برجلي.. لازم احد يطلعني من هناااا : اترررركني.. نزلننننني
لكن ما فكني وانا رجعت انادي وانا ابكي واصرخ حتى انبح صووووتي: ييييييييييبه... عممممي.. يمااااا..سههههااام.. سحححر... غديييير.. تعااااالوا ساعدوووني
شفته يأخذني للغرفه ذيككك وانا كارهتها وكارهه ايامي فيها صرخت: لاااااا لااااا ما ابي ارجع هناك انا طلقت.. لاااا لاترجعننني ما اببي هناااك
لكن دخلنا الغرفه و حطني ع سرير وهو يثبتني و يصرخ بروان تجيب محلول مهدئ وابرة..ترجم لي عقلي إن بيسممني
صرخت ع روووان الي واقفه بنص غرفه: رووووان ساااعدني بيقتللللني روووووان لا تخليييني
وقفت مستغربه من كلااامي حتى صرخ تركي بها لتروح بسرعه وراحت..و انا ناظرت في وجهه برررعب وعروقي مشدوده وانا اشوفه شخص ثاني وانا كل مافيييني يرجف.. و انكسرت الصوره .. راااح الأمان الي كان احسه معاه !! و صدمتي فيه كانت كبيره لدرجة اني ما استوعبتها.. كل صبري وكل طاقتي نفذت و ضغوووط الي مارسها عليه وصلتني للانفجار و للأنهيار .. وهو ما يدري ان الي يسويه مو في انسانه عاديه لا في انسانه تحبه اكثر من روووحها لكن حرق روحها وقلبها..و قتل فيها كل احساس حلووو.. حاولت اتخلص منه و جلست اضرب راسي بالمخده و احرك رجولي في رفض لكن كان محكم تثبيتي..صرررخت بقهررر وانا احس صوتي انبح: اترررركني.. ابعددد عني.. ابببي اهللللي
جابت روان الي طلبه وقالها ايش تسوي لأنه مثبتني.. وبعدين طلبها تساعده وتثبت يدي حتى يعطني ابرة.. مد يدي وانا امسك بقبضة يدي تيشيرته في رفض واحاول ادفعه بعيد لا يغرز فيني الأبرة وانهرررررت ابككككي وانا احاول لكن مافيه قوتي كانت ضعيفه و غرز الأبرة ودقايق وبديت احس بخدر لكن مع كذا مستمره انادي: يبه.. عمي محمد
حتى ارتخى كل جسمي و غمضت عيوني ونزلت اخر دمعاتي ويدي ترتخي عن تيشيرته لتسقط بحضنه
وسكن كل شي فيني ما عاد قلبي وضرباته المضطربه

تركي كان مصدوم اخر شي كان ممكن يتوقعه
انها راح توصل للأنهيار العصبي!!
سمع صوت روان: تركي ايش صار لها
تركي بتصريف: حادث بسيط
روان الي ملاحظه ان كم زر من بجامه سهى طارو كاشفين جسمها لتركي.. ثارت غيرتها لتسحب الشرشف وتغطي سهى: تركي يلا خلينا نتركها تنام وترتاح
ليفاجئها تركي: بأجلس شوي.. اشيك ع وضعها..تقدرين تطلعين !
روان تحاول ما تظهر غيرتها: تركي الأفضل تطلع لان واضح ان الي صار لها مو حادث بسسسيط!! ولا وش هذا الي برأسها.. وعلامات الي بوجهها وخوووفها منك مو طبيعي !
تركي اغضبه إن روان تأكد له الي يدور براسه وهو خوف سهى منه وانهيارها بسببه يكره انه وصل انسسسان لهاذي الحاله وخاصه هي بذات كل الأيام الي فات وهي تعطيه إشارات لزعلها.. لحزنها.. لخوفها .. لوحدتها..لحتياجها.. لكن كان يتجاهل بإعتقادة انه راح ينجح لكن فشل وفشل ذريع خلف وراءه كوارث منها تهديدها بالانتحار. اصابة عادل لها. وانيهارها حاليآ كل شي يثبت له انه سلك الطريق الغلط معهااا
ليرد على روان بعد فترة صمت: روان لا تطولينها وهي قصيرة واطلعي!
لتنظر له بقهر وتخرج.
اما هو مسك يد سهى إلى بحضنه
وضغط عليها وقال: والله انك قووويه ي سهى تحملتي لحد الأنهيار ولا انهزمتي
.
.
.
.
.
سهى🖋
بعد يومين
كنت فيها ب عاااالم ثاني غير عالم البشر
كنت فاقده كل معالم الرغبه بالحياة
كنت احس اني اتلاشى..اختفي.. كنت احس بشعور اللاشعور
يمكن هاذي أصعب مرحله نفسيه
مريت فيها بمراحل حبي لتركي
في خطوبه و ملكة و زواجه بروان
زعلت.. تعبت.. بكيت.. انهرت.. كان اقدر اعبر عن مشاعري
لكن اللحين .. لا ..أحس فقدت
حتى الأحساس بشعور.. وصابني تبللللدد غريب.. واحساس جديد اني اتمنى الموت
اللحين فهمت شعور الي ينتحرون !!
انهم يصابوا بألم عميييق ماله وصف
حتى العقل يعجز يترجم هالحاله ويكتفي
بالأستسلام لمرحلة للاشعور بالحياة
اي لا رغبه لا احساس لا تواصل
وماعاد يسعدك شي بحياة لا لون الشمس ولا صوت المطر ولا ريحة الورد ولا ضوء القمر ولا بريق النجوم ولا صخب العالم ولا حكايا الاصدقاء و لا ضحكت الأطفال
حتى طعم الأكل تفقد لذته ..و حتى المويه وانا اشربه احس بمرارته و ما اقدر ابلعه إلا بالغصب.
كل شي انطفاء داخلي بسبب شعور الصدمه الي احتواني..حبي ولهفتي واحلامي و امنياتي..انصدمت بالواقع.. لكن صدمه موجعه!! والشخص الي حبيته كان احقر واقسى شخص شفته بحياتي تلذذ بحرماني وكسري و تعذيبي وتجاهلي!
كنت زعلانه انه جرحني وانتظر منه يجبر خاطري ..لكن اللحين طعن قلبي و اصابني في مقتل..وعرفت ان انا و حياتي ما نهمه..!
و فقدت الأمان الي احسه معاه و كرهت وجودي بذا المكان المرعب..وتفاصيل ذاك اليوم عايشه براسي..واشوف كوابيس واحس بهلع وخوف
..احتاج احد ينقذني بسرعه!
غمضت عيني لما شعرت بصوت باب غرفتي
ينفتح ودخوله المتكرر صار يضايقني
حتى وان كان قلبي يحبه لكن هالمره
قلبي تغلف بطبقه من جليد ناحية
وناحية كل شي موجود بالحياة !

.
.
.
.
.
عزيزي القارئ/ة
شكراً ع تفاعلكم وعلى ارائكم الداعمه لـروايه
والتي دفعتني لتنزيل بارتات اليوم
كل الحب لكم مني ومن ابطالي سهى و تركي
الذي يتطوّقون شوقاً لمعرفة رايكم بهم
ويتمنون لكم قراءه ممتعه لأحداث حياتهم
في روايه " أنا أحببتكَ أولاً "
و لاتنسوا لايك و التفاعل ❤️
ودمتم بخير ..