روايه سعوديه " أنا أحببتكَ أولاً "

بارت ٣٢

لكن بمجرد ابتعاده عاد عقلي ليذكرني بما حدث و بكرامتي التي اهدرت..!! لأقول في مطالبه لأسترجاعها ايضآ..اريد اعتذارهم و سوف اعتذر.. لاباس وان لم اخطئ..ف اظن بإعتذاري يريد ان يرضي غروره و كبريائه.. لاحظت تغير تعبيرات وجه ومحاولته السيطرة على اعصابه ليقول: تدري انا راح أعدي هالليله كلها بمزاجي لكن من بكرة اي شي اقولك وما يتنفذ لأطلع روحك
وطلع من الغرفه
توقفت عند كلمة لأطلع روحك..!! اخ لو تدري انك اخذت روحي من زمان ولا رجعتها
.
.
بعد أيام
حاولت اتجاوز فيها اللي صار..!!
ساعه 9 مساء
وصل تركي وبيده جوال جديد و باين انه مرتب بشكل جميل ع قاعده و حوله ورد اصفر.. معقووووله قرر يجيب لي جوال
ويجبر بخاطري وباقي متذكر اني احب الورد الأصفر ..!! بس لحظه عرفته هالجوال الي اعطاني قبل يعني باقي محتفظ فيه ما استخدمه.. لكن فجاااااءة ولعت نبراااان بصدري و بركااااين ثارت يوم شفته ندا روان و اعطها ..!! والله حرق قلبي تصرفه انا الي طالبه جوال وما عندي .. وانا الي زعلانه حتى لو مو طايقني ع الاقل من باب الذوق والاعتذار .. سمعت فرحة روان الي انبسطت وشكرته بثقل و بهدوء وضمته ..!
انا اذكر يوم جاني ما نمت من الفرحه بس حسافه ما استخدمته !! لو ادري نهايته كذا كان حرقته حرق ..!! اشتعلت النار بصدري كان لي وصار لها.
جلست مسويه روحي مركزة بتلفزيون ومو مهتمه .. وانا جالسه احذر نفسي لا تبكي..! لا تبكي!
بعد دقائق راح بدل ملابس ورجع جلس وقال بأمر : روحي جيبي ملفات الي فوق المكتب ولابتوب.. حارق قلبي وفوقها يتأمر عليه .. والله فيني نار منه.. ودي اطعنننه مية مررره ..!! طيب ي تركي قمت بطاعه ونيه شر ودخلت مكتبه.. واخذت اللابتوب وبأقوى ما عندي رميته ع بلاط
جاء مسرع مخترع: شصار
قلت برعب من تهوري: طاح من يدي
شاط غضب وهو يرفع اللابتوب الي الي انفصل جزء من شاشه عن لوحة المفاتيح: شلوووووون طاح ي غبيييه
رديت بخوووف: مدررري .. مدررري
قلت وانا احاول ارقع عملتي: شوف شوف يمكن يتصلح
حمرت عيووونه وهو يشوفه شلون متفكك : الله ياخذك .. شغلي كله راااح بسببك
جائت روان على صراااخ وتسسسأل شفيه وانا بديت اسوي انسحاب تكتيكي قبل يقتلني..!! ثم ركضت لغرفتي.. واول ما سكرت الباب ضحكت على شكله .. ارتاح قلبي.. كيف يهديها جوال وانا لا ..؟ بعد ساعه
تركي 🖋️
طلعت اصلحه لكن ماش ما يتصلح بسهوله كنت عارف مليوووون بالميه انها هي سوت هالشي متعمده صوت الطيحه و الكسر ما يدل انها طيحة بسيطه واضح انه مرمي وبقوه.. كل ذا عشان الجوال الي له كم شهر بمكتب و ناويت ارجع الحق لاصحابه وقدام عينها حتى تتأدب..!!!
لكن شكلها مو ناوية تجيبها البر.. شريت لابتوب ثاني ورجعت الشقه ... شفت الساعه 11 وانا اعرفها مايجي 10 الا وهي نايمه..!! وتصحى اول ناس كل يوم اصبح بوجهها.. واتجهت لغرفتها سيده مافيه لهااا نوووم الليله !!
فتحت الباب و نور مفتوح هاذي شكلها ما تعرف تنام ونور طافي.. تقدمت وانا ما شوف غيرها .. ببجامتها الملونه
وشعرها الأسود الطويل حولها.. وسط هالغرفه البيضاء الي اخترتها لها وانا اعرف انها ما تحب الالوان الكلاسكيه الساده لكن ابيها تعرف شلون تعيش بذوق غيرها زي ما عاشت روان بوسط اشياء هي اختارتها ..
واضح نايمممه بعمق و هدوء ولا كأنها مسويه مصيبه..
كيف بصحيها ذي.. !! بعدت شعرها عن وجهها.. ومدري ليه جاتني رغبه احرك اصابعي على ملامحهااا كيف هااااديه بعكس شخصيتها..!! شكلها انزعجت من لمساتي لأنها تحركت ع جنبها.. لااا وين باقي مكمله نوم.. طيب ي سهى.. انا باصحيك بطريقه احسن!! رحت و عبيت كوب مويه ورجعت لها وكبيته فوق راسهااا.. صحت مفزوعه.. وانفجعت اكثر من وجودي وهي تبعد المويه و شعرها عن وجهها لتقول بإستغراب وبحة النوم في صوتها : تررركي
رديت بغضب وانا اسحبها من ذراعها حتى تنزل من السرير : مالك نوووم الليله وراك شغل طووويل
قالت بإستغراب اكثر : شغل!!!
وصلنا المكتب
وجلستها ع كرسي وهي تفرك عيونها من النوم و تثاوب
و تقول: والله راسي مليان نوم شتبي؟
وفتحت اللابتوب وجبت الملفات وقلت بحزم: شايفه ذي الملفات كلها تتفرغ الليله بالجهاز
حسيتها زي الي ما استوعبت و ردت : هاه
ثم حطت راسها ع طاوله : والله بنام
وفعلآ غمضت عيونها بتنام : ي ليييل
هزيتها : صحصحي ي بنت
رفعت راسها وناظرتني بعيونها النعاسه.. وقلت عشان تصحصح وبتساؤل مخيف : ليه تكسري لابتوبي
تنحت كم دقيقه وكأنها استرجعت وش صار قبل تنام !!.. شفتها انخطف لونها وقالت بتبرير كاذب : مو قصدي.. هو طاح
رديت بعصبيه وصوت عالي هزها : لا تكذبي.. والشغل الي راح.. بتعيدنه هنا
.. وهاذي الملفات الي قدامك كلها.. ابيها كامله و الليله تتفرغ بالجهاز .. وبغضب: سسسامعه!!
ناظرت لي بخوف وهزت راسها وتناولت ملف وهي ساكته.. لكن فجاءه فتحت عيونهااا ع الأخر: بالانقليش.. كملت برجاء:حرام عليك.. كيف باقدر اكتبها كلها الليله
رديت بحزم : مشكلتك وحليها
سكتت وهي تضغط بيدها على الملف ثم قالت : انت الله راح يعاقبك.. عقاب عسير !!!
ابتسمت بتهكم : ليش
ردت بحنق وزعل باين : لانك ما تعدل بين زوجاتك
رديت باوصل لأيش تبي :وكيف يكون العدل بوجهت نظرك ؟؟؟
تكلمت: العدل يرجع لشخص وضميره..بس هو شي بسيط الي اطلبه منك معاملة بمعروف او تسريح بإحسان
رديت بصراحه: بس التسريح بإحسان في له مقابل
رفعت عيونها وفيها حزن ما اعجبني: شنو هو؟
قلت لأن مو وقت نفتح مواضيع كبيرة: خلصي شغلك الليله و بعدين نتفاهم في باقي الأمور.. وركزي ما ابي ولا غلطه
و وقفت وطلعت
.
سهى 🖋️
خلاص هالمعامله منه ما اتحملها يستفزني.. يقهرني.. يحرق اعصابي.. يخليني افقد عقلي.. وغيرتي تعميني... ياربي وش هالورطه انا يلله اكتب ع لابتوب بالعربي ويجي ويطلب اكتب هالملفات كلها وبالانقليش خليني اعدهم 1.2.3.4.....12
ي ويلي 12 ملف.. استعنت بلله ع شقا
بديت اكتب حرف حرف واقعد بصفحه يمكن ساعه وزياده وصارت الساعه 2 ليل
المهم اخر شي صرت اشوف اللابتوب عشرة..وما اقدر اشوف الحروف من النوووم الي اجتاحني ..و غفت عيني و ما صحيت إلا على اذان الفجر.. قمت مفزوووعه ما خلصت غير نص ملف!! وباقي على دوامه ساعتين.. قمت صليت ورجعت اكتب.. المهم صحي وجاء وانا مجتهده اكتب قال : خلصتيها
ناظرت له وعجرت انطق تقدم و جاء وحط يد ع الكرسي من فوق و يد ع طاولة ويشوف شغلي..والله حسيت زي المعلم الي يجي يشوف اجابة طالب..رجع لي رهبة اختبارات ايام الثانوي.
وقال بتساؤل: هذا ملف وين الباقي؟؟
قلت وانا اغوص في كرسي: هذا بس الي كتبته.. ثم قلت يوم تذكرت شي: وراء ما تخلي سمر تكتبه
غمض عينه بصبر وقال : وش ذنب سمر تتحمل اخطائك.. ثم اردف : براعي انك بطيئه وباعطيك كم يوم تشتغلي عليهم
تنهدت براحه.. وانا ألعن غبائي يوم كسرت لابتوبه.. وطلع لدوامه
.
تركي🖋️
بعد اسبوع.. و اخيرآ الأخت خلصت الملفات.. بطيئه جدآ ..لابتوب الاول تصلح بعد سالفه طيحته بيومين و صار يمشي الحال و الشغل موجود فيه ..لكن ما قلت لها حتى تستمر تكتب وتحمل نتيجه اخطائها وتصرفاتها العشوائيه..رغم كثير مرات ترفض تكمل و تتهرب و تعاند لكن استقعدت لها حتى تعرف ان الغلط عندي ما يغتفر إلا بتكفير عنه..
توي وصلت روان لعند أهلها و راجع لشقه
اول ما فتحت الباب تفاجئت بالظلام في صاله لكن باقي الغرف و الاسايب.. الانور مشتعله..اتجهت للمقبس حتى انير الصاله.. لكن وصلني صوووتها: خليه طافي
استغربت من وين تتكلم..!! واتجه نظري لأكثر مكان دايم تكون عنده.. الشباك لكن هالمرة جالسه على حد الشباك.. عصبت وتقدمت لها: سلامات وش مجلسك هناك ورايح والجاي يشوفك
ردت : مطفيه النور ما يمدي احد يشوفني انا و الضلام صرنا سوا..ثم ابتسمت بتهكم: وبعدين ما يحق للمساجين يشوفوا القمر ويشموا هواء.. ثم لفت نظرها تكمل تأمل
القمر المكتمل الليله !!