روايه سعوديه " أنا أحببتكَ أولاً "

بارت ٥

ام تركي: وش هو
تركي: انا ناوي اكمل نصف ديني واتزوج
الجده بفرحه: ابركها ساعه
ريهام بحماس: بس خلاص عروستك عندي
تركي: لا مشكوره اخترت وحددت
ابو تركي بتفكير : من اي بيت
تركي: من بيت خالتي حصه ابي روان
ام تركي بفرحه عارمه : جد والله احسن ما اخترت
ريهااام متفاجاءه : سبحان الله نفس اختاري
وهي تضحك بنفسها لو عرفت سهى وش بيصير فيها قال ايش قال تركي بيصير لها وتتحدى بعد شين وقوة عين!! لكن انكسرت فرحاتها و انصدم تركي
من كلام ابو تركي
ابو تركي بعد تفكير : لكن انا ابي اخطب لك سهى بنت عمك .
هنا كل موجودين بنبرة اعتراض وصدمه: لاااا
الجدة تضرب بإعصاها الأرض: والله ما ياخذ بنت منصور لو على موتي والله ان اخذها لأغضب عليك الى يوم الدين ي محمد
ام تركي: مستوعب انت وش تقول البنت وين وتركي وين ما بقى غيرها اخذها لولدي الدكتور
ريهام : بابا لا
تركي بحزم : مستحيل اتزوجها ابوي لو سمحت لا تتدخل بحياتي واختيارتي
ابو تركي بضيق من كلامهم.. صح متوقع رفضهم!  بس بنت اخوه تهمه ومالها طريق انه يوافق ابوها و تكمل دراستها الا تتزوج تركي وتسكن عندهم : سهى بنت اخوي وما فيها شي ينعاب و ان كان عن تصرفها ف البنت صغيره و راح تفهم مع الايام و تعقل وانت ي تركي انا ما راح افرض عليك و لا اتدخل بقرارتك لكن ابيك تعرف لو تبي رضاي تزوج سهى بنت عمك الي من لحمك ودمك
الجدة بقهر: ومن دم المسمومه سلوى
ابوتركي : ما يجوز عليها غير الرحمه .. ويمه هاذي سلومنا وعلومنا من زمان البنت لولد عمها وانا بصراحه ابي اعوض بنات اخوي منصور  ومنصور على الي راح كافي عليهم سنين الشقاء ضلمهم ابوي واحنا ضلمناهم انه رضينا ناكل حق منصور ونحرمه منه
تركي وقف: ابوي انت علي عيني وراسي! بس بنت اخوك ما ابيها ابي الي اخترتها انا وهاذي حياتي و حساباتكم صفوها بينكم لا تدخلوني فيها
ريهام بكره واضح لسهى وبكذب : من جد البنت ما فيها شي زين لا جمال ولا اخلاق ولا تعليم
ابوتركي : على العموم انا قلت الي عندي واختار يا تركي وانا معاك في الي تختار تبي روان بروح معاك واخطبها لك وباحضر عرسك لكن البيت يتعذرك و اعرف اني مو راضي!! وان تبي سهى ابركها ساعه و تكاليف عرسك علي والبيت عندي
تركي انصدم بيتهم شكبرة وفي اجنحه
تكفي يعيش معاهم ليه يتعذره؟؟؟؟؟
اما ابو تركي شاف لو ما تزوجها تركي ..الافضل انه يطلع حتى تسكن معاهم سهى !!
.
ابو تركي شاف لو ما تزوجها تركي.. الافضل يطلع حتى تسكن معاهم سهى .اما ام تركي ما عجبها الكلام وغادرت المكان
وتركي طلع لبرا مصدوووم من ابوه !!
.
.
.
.
سهى
كنت بالمطبخ اطبخ الغدأ و كان غدانا متواضع رز بدون دجاج ولا لحم و مع سلطة زبادي
كنت رافعه شعري ذيل الحصان و لابسه روب قطني مورد و الكم قصير مره و اشوف علامات العصا في ذراعي باقي ماراحت!! واعصابي تلفت وانا أنتظر رد عمي ابو تركي بفارغ الصبر! واحس خلاص ابغى اعيش مثل البنات..وابي اكون قريبه من تركي.. تعب قلبي من هالحب !
حضرت الغداء وناديت امي وابوي الي ما كان اناظر بعيونه و ناديت خواتي الي توهم رجعوا من المدرسه
طبعآ جلسنا و بدت سهام تحكي عن المدرسه و الي صار ونفس الشي سحر وانا ساكته ما عندي سوالف ولا احداث جديده بحياتي يومي مثل امسي!
روتين مملل بشكل!
خلصوا وشلت الصحون وغسلتها وسمعت امي تناديني لغرفتها رحت لها وبإبتسامه:هلا يمه
قالت بهدؤ مخيف: بكره جاين ضيوف وابغاك تكوني جاهزه
تسألت بستغراب: مين
امي بتردد وحسيت انها وراها شي: بيت ابو صالح خطبوك لولدهم صالح وبكرة النظرة
حسيت اني ما سمعت زين: ايش
امي بتاكيد: خطبك صالح بن مسعود و بكره النظرة وابوك خلاص اعطاهم موافقه
حسيت السماء طاحت على راسي و كيف؟ وشلون؟ وحبي؟ وتركي؟ واحلامي؟ تصنمت مصدومه
امي تقدمت: سهى شفيك
وانا جالسه استوعب زواج ومن مين؟ من صالح المشكلجي الي كل يوم الشرطه عند بابهم و فوق ذا يشتغل بمحل جوالات وبعد كأني سمعت من اخته مره تقول انه يشرب.. كيف كيف يخطبني انا!! فكرت اسوي مقارنه بينه وبين تركي استحيت من المقارنه بينهم الفرق واااضح فرق السماء عن الارض
تكلمت بنبره غريبه : بس انا مو موافقه
امي بخوف : لا يسمعك ابوك خلاص عطى الرجال كلمه
انا بعصبيه : لو يعطيهم مليون كلمه مستحيل اتزوج صالح.. و بتساؤل : ليه ما تعرفون صالح وسوياه
امي بعطف ومحاولة اقناع : الولد تغير و صار عاقل مو على خبرك
ضربت برجلي الارض: عاقل لنفسه مو لي.  انا ما ابيه
.. وبقلبي كنت اردد انا ابي تركي وبس .
سمعت نداء من ورائ و بغضب : سسسسهى
دمعت عيني غصب عني ولفيت لابوي : مو كذا ي يبه ترميني هالرميه عشان فكرت اكمل دراستي ويصير حالي حال البنات
منصور بتبرير: ما رميتك الولد ماشاءالله عليه اخلاق ودين.. تزوجيه وكملي دراستك بعدين معاه
قلت ببكاء : بس انا ما ابي اتزوج اللحين
منصور لأم سهى: عقلي بنتك لو تفضحنا بكرة
راح اموتها
قلت بجراءة : هذا ظلم وحرام عليك يبه والله ما اتزوجه لو تموتوني وركضت لغرفتي ابكي منهاااره .
جاء منصور بيلحقها لكن مسكت يدة ام سهى : ي ابو سهى صل ع نبي وهالامور ما تجي بالغصب.. اصبر تهدى شوي.. وبحاول اقنعها.. وبعدين لو جينا للحق صالح ما يناسب سهى
منصور : بيناسبها ان شاءالله بيناسبها.. بنتك خلاص يوم عن يوم اشوفها تتمادى طيحت وجهي عند اخوي محمد تمسح بأهله البلاط ثم تقول بسكن معكم لا حياء ولا مستحى الأفضل تزوج وتروح تنشغل مع زوجها
ام سهى تحاول تهديه : استهدى بلله اللحين
.
.
في يوم ثاني القرار المصيري عند الابطال
ساعه 10 صباحآ
.
سهى
ما نمت الليل.. بكيت وبكيت و بكيت شلووون حب سنين يضيع في يوم؟؟ ابوي كيف يفكر ليه يقسى علينا؟؟ يعني اذا كان بالمرة يبي يزوجني كان كلم عمي محمد وزوجني تركي مو صالح يارررربي وش ذي البلوه
ياريت عندي رقم عمي محمد كان دقيت عليه يجي يساعدني في هالمصيبه الي طاحت ع راسي لازم.. لازم.. القى لي حل!! .
.
.
.

اما عند تركي هو كمان ما نام الليل من تفكير وحسبها براسه من جميع الجهات وفي كل مره كفة روان تعلى وتعلى
اما سهى ف حس ولا بنسبه 10٪ تناسبه
لكن ابوه تخلى عنه بس ماعليه هو فيه حسابه مبلغ محترم يكفي زواج و الشفه وراتبه عالي وماراح يحتاج من ابوه شي!! و من الطفش و كثرة التفكير.. فتح تويتر وغرد هالكلام ( تحمل مسؤولية حياتك، خذ قرارتك بنفسك، ولا تجعل الأخرون يخططون لك،  و لا تقبل بأقل ما تستحق !!!!)
.
.
هو غرد من هنا و و صل الاشعار لسهى من هنناك .
.
اول ما وصلني اشعار دخلت لتويتر مسرعه ومتلهفه اشوف وش غرد!! قريت التغريدة وكانها اصبتني في صميم فعلآ هاذي حياتي وانا اخذ القرارات فيها واتحمل مسؤوليتها
عملت لها ريتويت وتفضيل و نسخ ورديت
بتاكيد وتعزيز و قلووووب وتصفيييق و كل شي... وانا افكر في صدفه سبحان الله كأن كلامه مرسول لي انا وجاء بالوقت الي احتاجه فعلآ
. . .
لا تعلم سهى انه في هذه اللحظه كانت تغريدة تركي تخصها هي وما انتهى به تفكيرة بموضوعه في الاختيار بينها وبين روان !! ف لم يختارها تركي لتكن بحياتة و اصر على روان رغم تحديات التي سوف تواجه!
بينما هي اخترت ان يكون بحياتها ورفضت صالح وسوف تواجه التحديات و سوف تبحث عن حل حتى لا يتم الأمر

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
   ودمتم بخير