روايه سعوديه " أنا أحببتكَ أولاً "

بارت ٤٠

سهى 🖋️
جالسه في نفس المكان والكرسي الي كان عنده لقائنا الأول.. لأني ما اقدر اخرج خارج اسوار هالمستشفى وانا ما اعرف فين اروح و لاعندي فلوس ولا جوال.. صح اعرف مكان شقتنا.. بس ما راح اروح لهم.. لأنه اول مكان راح يروح تركي ويدورني هناك.. وهو يعرف ما عندي في ريااض احد غيرهم.. وياخذني غصب عني! و امي وخواتي مو قد شره..
خليني هنا إن جات غدير رحت معهااا
وان جاء هو قبلها .. هذا حكم الله.. وماعاد لي حيله..!!
وصلني صوووت : سسسهى
رفعت نظري حطيت يدي ع فمي اكتم
صرختي و البكي وقلت بعدم تصديق: غديييير
ورجولي ما شالتني..تقدمت لي وضمتني
اه اخيرآ لقيت انسان ابكي ع كتفه براااحه
اخيرآ قدرت اعبر على فيني..لكن ما عطيت نفسي مجال كبير وانا اقول من بين دموووعي: بسرعه غدير خلينا نمشي قبل يلقاني
غدير مسكت يدي نمشي: يلا
ووقفت معها وانا خايفه بس ما ابي اتراجع
وصلنا سيارتها وركبنا و مشينا وانا اتأمل هالمستشفى بحزن مع سلامه ي مكان اول واخر لقاء.. وتنهدت بألم خلاص الطلاق شي لابد منه..!!
وصلني صوت غدير: سهى ي قلبي شفيك
وش صار لك؟
سكت احس باقي مو قادرة اتكلم عن الي صار لي من كبر الصدمه بس رديت عليها بطلب: غدير عادي ابات عندك الليله حتى يرجعوا بكرة ابوي و عمي وارجع بيتنا ماقدر اروح اللحين هناك و يجي يأخذني غصب!
غدير بترحيب: حياااك الله في عيوني
رجعت ظهري على مرتبه وغمضت عيوني
وانا اخذ نفس و ازفر هالتعب والهم الي كاتم صدري
.
.
.
.
وصلنا و دخلنا الغرفه
وغدير مستغربه حالتي وصمتي و اما انا بس انسدحت ع سرير..وحسيت اني خلاص نجحت في الهروب.. ومافيه تركي!! جلست ابكي وابكي وابكي.. كل شي صار لي.. وهي جلست تمسح ع شعري وتقرا قران حتى اهدى وفعلا شوي شوي هدي صوت بكي.. و غمضت عيني بنووووم طويل
مثل حالة جندي رجع من حرب انتهت
وقد بترت فيها يده ..لكن انا اقتلع قلبي !!
.
.
.
.
.
بالمستشفى
مو قادر اهدى مضى ساعه واكثر واحنا ندور بمستشفى!!
ونار بصدري شلوووون فكرت تطلع؟ وكيف و مع مين و فين؟؟ ... وهي بعز حالتها ذيك.. شيكنا ع كاميرات.. واضح كيف سلكت طريقها بكل هدوء مع مغادرة الزوار .. حتى طلعت من بوابه ثم راحت لحديقة المستشفى.. مو جهة البوابه الخارجيه!! و المشكله هنا في كاميرا الخارجيه كانت معطله.. طيب قلبنا الحديقه فوق تحت مالها اثر.. وهذا الي خوفني اكثر مع قهر وغضب من تصرفها ..!!
و لو تطلع هربت و لقيتها ما تبأت الليله الإ بقبرها.. اتلفت اعصابي هالبنت كل ما افكر ارحمها تطلع لي بمصيبه !!!
بس طيب ي سهى..
وخلاص تأكدت مالها وجود بالمستشفى
وطلعت مستعجل.. اجل مافيه مكان ثاني غير بيت اهلها..!
.
.
.
.
.
.
طلع تركي من مستشفي و مهند وراه
ويتسأل: تركي لحظه..وين بتروح؟؟
تركي بعصبيه: يعني وين بروح؟؟ بأشوف كل داهيه ممكن تكون فيها.
مهند طلع معاه وهو يهدي فيه!!
وصلوا لأهلها..نزل تركي بعصبيته.
وضرب بابهم بقوه
حتى جاه صوت: مين
رد بقهر: انا تركي
فتحت ام سهى الباب: هلا ي ولدي تفضل
تركي يحاول يتمالك اعصابه: وين سهى.. قولي لها تطلع احسن لها
ام سهى بإستغراب وخوف: سهى ما جتنا.. ليه شنو صاير
تركي بهت: شلوووون؟؟ ماجاتكم ..ثم رجع يسأل بتأكيد: طيب ولا كلمتكم
ام سهى: لا .. شبلاها سهى ي تركي
تركي حس بخوف اكبر.. كيف ما جات اهلها..وهم كملوا ساعتين اللحين وصاروا الليل.. وين اختفت ؟
ام سهى بخوف وتكرر: تكلم ي تركي وين سههى؟؟ تركي رد بقهر: يعني لو اعرف وينها بنتكم كان جيت سألتكم
وراح تاركها بصدمتها.. ليجيها صوت سهام : يمه سهى عند غدير
ام سهى متفاجئه: عند غدير
وهنا ارتاح قلبها ان بنتها بخير بس اردفت بتساول:
و شنو يوديها عند غدير بدون علم زوجها
سهام بتفكير: شكل فيه بينهم مشكله وما تبينا نعرف !!
ام سهى: و مشاكل ما تنحل بذي طريقه.. كل ما صارت للوحده مشكله تنحاش من زوجها..
سهام بتبرير لسهى: يمه ذا شلون تفاهم معاه..انتي ما تسمعي صوته شلون بيكسر البيت فوق روسنا
ام سهى بعصبيه: والله من سوات اختك !! بسسرعه دقي ع غدير ترسل سواقهم بروح اشوف..وش صاير لها؟
سهام: طيب
دقت سهام على غدير الي ردت وقالت لها
غدير :ي سهام ليش تقولي لها.. انا قلت لك انتي من باب تعرفوا وينها
سهام بتبرير: اقولك زوجها جاء لعندنا و معصب ويسأل وامي ماقدر ما اقولها راح تقلق ثم تعرفي امي من الأولين عندها الحرمه ما تخرج من بيت زوجها إلا لسبب!؟
غدير: ي لييييل..والله ماصدقت وهي تنام حتى انا ما عرفت إيش صار لها
سهام: ارسلي سواقكم خلينا نطمن عليها ونعرف شفيهاا
.
.
.
.
تركي
طار عقلي وين راحت هالبنت و هي ما عندها في رياض غير بيت اهلها.. لا يكون صار لها شي..ولا نخطفت..ولا ضاعت..!! بعد ما لفينا انا ومهند كل الأماكن المحتمل توصل لها و سألنا بالمستشفيات.. رحت لشرطه وقدمت بلاغ اختفى
و قالوا ننتظر اربع وعشرين ساعه..وانا ما فيني صبر !! حتى عمي عادل شكيت فيه ودقيت عليه مع ان من بعد ذيك الحادثه لا تكلمنا و لا إلتقينا كنت واخذ منه موقف.. لكن بعد الي سوته ذا انا الي راح اكسر راسها..!
رد بدون نفس: نعم
قلت بدون مقدمات: سهى عندك
عادل: ايوه في جيبي.. سلامات ي الاخو
تركي: مو وقتك ي عمي..البنت مختفيه
عادل: هذا الي افلحت فيه ابوك بكرة راجع!
وهي انحاشت..وضاع تعبنا ع الفاضي
تركي قفل بوجهه مو رايق اللحين..!
.
.
.
.
.
سهى 🖋️
حسيت بنداء لصوت من زمااان ودي اسمعه ومحتاجه لصاحبته كثييير !!
وجاء زي الحلم..لكن حسيته.. يقرب.. ويقرب.. حتى حسيت انه حقيقي مو حلم.. فتحت عيني بشويش اول ما شفت ملامح امي.. جلست وضميتها وانااا ابكي بقوووه
طببت ع ظهري وهي تهدي فيني:بسم الله عليك ي بنتي شصار لك؟؟
وقلت وانا ما اقدر احكي قصة الورث و الشراكه و عادل وتركي: كل شي صار لي ي يمه !! ومسحت على راسي وهي تشوف شاش وتسأل: و راسك ايش جاه
قلت بكذب: طحت
جات سهام تضمني: وحشششتينا ي حيوانه
اخير حسيت..بأني رجعت للعالم..شوفتهم ردت لي الروح
لكن فجائني سؤال امي الي احس ملامحها متغيره ومتضايقه: وليه طالعه من بيت زوجك وجايه عند الناس؟؟
قلت بحزن وصراحه من الاخير: يمه انا ابي اطلق.. كان معاكم حق تركي ما يناسب لي
ردت بنهر وحزم..رافضه كلامي: هالكلام ما عاد ينفع هالوقت..وهو زوجك اللحين ..وش تبي ناس تقول وانتي ماكملتي شهرين ومطلقه.. وفوقها ابوك راجع بكرة بتستقبليه بمشاكلك.. تحملي نتائج قرارتك ي سهى.. وبترجعين لزوجك غصب عنك ولا اسمع طاري طلاق بفمك
حسيت انفاسي تعالت وصدري يعلى ويهبط لبداية موجة بكاء وانا اقول: ما اقدر ما اقدر ابقى معاه اكثر ي يمه حرمني من كل شي ومن دراسه ولا حط لي بيت
لكن صدمتني امي : يعني انتي كان همك؟ لو ما سجلها عمك محمد هالشروط ع ولده ..!! كانت انتي ما سالئتي؟؟ واللحين ي سهى بترجعين لزوجك

ايوه اعرف انا لا استخرت ولا شرطت شروط في تركي كل ذي الأشياء كان يسونها الناس اللي حولي ولا انا كنت مثل الأعمى ما ابي الإ تركي وبعده الي يجي يجي.. لكن تزوجته وعرفت ان الحياة مو حب وبس!! رديت بحزن احنن قلبها : يمه يضربني
ردت امي بقناعه اني دايم انا الغلطانه : اكيد لسبب..!! و يلا قومي للبيت حتى يجي زوجك هناك مو حلوه.. يجي لك عند الناس
عزت عليه نفسي وامي واقفه بصفه وما تدري عن بلاويه..!! وقمت ساكته بس عشان ارجع بيتنا بس رجعه معاه لا..!!
طلعت امي قبلي وهي معصبه محسستني اني سويت مصيبه
.
.
.
وصلنا.. وصعقت وانا اشوف تركي موجود قدامنا..حسيت اني تجممممدت من الخوف.. وامتلكتني صدمه !! طلعت امي كلمته من جوال سهام.. يوم طلعت قدامنا.. ليه ي يمه يعني حرام اطلق ومو حرام الي يسويه فيني ..!!
وانا امسك يد امي برجاء: يمه تكفين لا ما ابي ارجع معه
شفت يتقدم و ملامح وجهه وذكرتني بملامح وجهه يوم رجعنا شقه بعد قصة الشاحنه
وبدت الرجفه تسري بجسمي و دقات قلبي تعالت
وانا اسمع امي تقول بهمس: يحرم تدخلي هالبيت وزوجك مو راضي
حزنت ع روحي وانا ودي انتحر على هالموقف ..
وماعرفت اقولها و لا كيف اشرح لها ..!!
اني راح اموت لو رحت معاه الليله..
انه متزوجني لغايه.. انه قاسي معايه !!
واني بذي لحظه مثل ورقة خريف هشه ..
بتصرف جديد من تركي راح اتبعثر
ولا راح اقدر جمع نفسي مره ثانيه !!

.
.
.
.
.
.
.
.

عزيزي القارئ/ة
قراءه ممتعه لروايه " أنا أحببتكَ أولاً "
و نظراً لسؤال البعض عن موعد البارتات
ف هو بنفس هذا اليوم.. اي كل يوم جمعه ..
وإذا هناك دعم و تفاعل جيد لروايه
قد ينزل قبل ذلك .. ودمتم بخير ❤️