روايه سعوديه " أنا أحببتكَ أولاً "

بارت ٦

تركي🖋️
بعد التغريدة شفت رد البنت النشبه.. و ابتسمت ع جنب على الحفله الي مسويتها للتغريدة.. الله يعينها ع حالها بس!! بعد كذا قررت اصلي استخارة بصراحه انا ما احب روان ولا اعرف سهى.. و انا انسان مو ذاك الزود مع الجنس اللطيف
وما اتحمل دلعهم ولا مياعتهم و اؤمن ان الحب يجي بعد الزواج لكذا راح اختار الافضل بينهم والي ممكن ينجح معها مشروع الزواج و الله يوفقني للي فيه الخير لي ثم بعدها راح انزل عند اهلي وابلغهم قراري
.
.
و بعد نصف ساعه بالتمام نزلت و الكل موجود ماعاد وابوي!! فتقدمت وجلست معاهم وانا متحمس لقراري!! وعارف انه راح يجي على هواهم لانه واضح ان بنت العم مكروهه هنا من جميع : صباح الخير
الجدة :وين الصباح صرنا بعز النهار
تركي : وين ي جدتي تونا ساعه 11
ام تركي : يمه تبي فطور
تركي : لا يمه يعطيك العافيه
ريهام مافيها صبر الا تعرف وش قرر تركي : هاه بشر على ايش رسيت
تركي بعبط: بتزوج سهى
تعالت الشهقات وريهام وقفت : لا لا مستحيل انت بعقلك
ام تركي : ماهقيت ي تركي كلمتين من ابوك تاثر عليك
تركي بتبرير كاذب : يمه ويرضيك زعل الوالد
الجدة: ما عليك يزعل يومين ثم تزين الامور لكن ما تاخذ بنت منصور
ام تركي : وان كنت شايل هم العرس والمصاريف انا بساعدك و البيت كلها كم شهر و يقولك ابوك ارجع اسكن معنا.. لا تضيع حياتك مع وحده مثل بنت عمك
تركي بتساؤل : لهدرجه هي سيئه وما تتعاشر
ريهام : واكثر بعد و مرره ما تنطاق.. وفوق ذا بنت فقر ما تناسبك ولا تناسب مستواك
تركي بضحكه: يعني بعقلكم انا اخذ وحده مثل هاذي!!
بضحكه سخريه : كنت امقلبكم والجد قررت اتزوج روان
وهنا كانت ردات الفعل معاكسه!! وريهام نطت من الفرحه وتصفق وتصفر : عاااش عااش اخوي دكتور
و ام تركي تزغرط و الجده مستانسه حدها.
.
وهنا تركي تأكد انه احسن الاختيار !!
.
.
.
.
.
. .
سهى 🖋️
باقي جالسه في الغرفه حزينه وابكي بصمت والمناديل حولي متناثرة.. سهام وسحر ساكتين لأنهم تعبوا تكلموا وتكلموا معي لكن لا رد غير الدموع و الشهقات !! دخلت امي،و قالت لهم يطلعوا،وجلست قدامي ع سرير وتكلمت بهدؤ: يمه سهى كافي بكاء شوفي وجهك كيف صاير شلون بتطلعي لولد الناس بذا الشكل
تكلمت: ومن قال اني بطلع؟
امي بتحذير: تعرفي ابوك في هالمواضيع ما يمزح
رديت: وانا بعد ما امزح مستحيل اتزوج واحد مثل صالح
امي بتساؤل: ومن تبين؟ تركي الي ما درى عن هوا دارك.واذا فكر تهقين اهله بيوافقوا ي بنتي لا تعيشي بالاحلام والواقع شي ثاني وقومي تسبحي و جهزي حالك الناس بعد المغرب عندنا
تكلمت بقهر ومدري كيف قلت كذا: مايهمني هالكلام! كل الي يهمني اللحين ما اتزوج صالح و انتي ي امي المفروض تتمني لي الافضل.. كيف يرضيك اني اخذ واحد مثل صالح؟؟ وبعدين لو تفكروا تغصبوني على هالزواجه راح انتحر
امي بصدمه: اعقلي ي سهى لا تخلي ابوك يسرحك لبيت الرجال بدون مهر ولا عرس على كلامك ذا
هنا عصبت حيل ووقفت: ماراح يصير الي تبون ما راح يصير
وجمدت من صوت ابوي: بصييير وغصب عنك.ويلا اشوف روحي غسلي وجهك و بدلي بجامتك.والله ي سهى ان جو الرجال وانتي مو جاهزه غير اكسر راسك.. وطلع
ناظرت في امي وانا احس بنار جواتي وطلعت للحمام اكمل بكي وجاء المغرب ما سويت شي. بس لبس طرحه وعباتي الكتف ولا مكياج ولا يحزنون وعيوني باقي حمراء من البكي.. نادني ابوي وانا كأني رايحه للمذبحه
دخلت معاه وكان الي اسمه صالح جالس بصدر مجلس وانا جلست بطرفه
وابوي طلع ياخذ الضيافه من امي
سمعت احد ينادي اسمي: سهى
ورفعت راسي و ي ليتني ما رفعته !
بعمري ما تخيلت اتزوج انسان مافيه ولاشي يجذب (اسمراني و عيونه كبيره وحمراء وحواجبه حاده وشفايفه اسود وشعره طويل مبعثر وواضح من اطراف الشماغ وبوجهه يمكن 4او 6 علامات وندوب وفوق ما انه جاي لنظرة مبهذل من الشماغ والزرين الاماميه المفتوحه و الاكمام المشمرة حسيت انه جاي مضاربه..
جاتني ام الركب انا سهى الي اصبح وامسي بصورة تركي الي ملامحه يوسفيه و وسامته تاخذ عقلي!! يكون نهايتي مع هذا لا كذا كثير هذا اسمه عقوووبه مو زواج.
مو غرور بس انا جميله واستحق
واحد مثل تركي مو مثل صالح
وفقت من سرحاني وهو ينادي: ي بنت اناديك انتي ما تسمعين!! انا هنا فعلا صرت صماء و بكماء و تمنيت اكون عمياء
دخل ابوي وقال: هاه صالح
صالح وبعيونه اعجاب واضح: تم ي عمي
رفعت نظري لأبوي وانا مذهوله و اهز راسي بلا لا لا ذا المرعب كيف اتزوجه وجاء بيطلع وابوي يمشي معاه للباب
وبغير استاعب نطقت: ي ولد الناس انا مو موافقه عليك
الصدمه اعتلت الاثنين ابوي و صالح الي فتح عيونه ع الاخر و زادت اتساع بشكل مرعب
ابوي كانه تناسى وجود صالح ورجعي لي واعطاني كف قوي حتى جلست ع كنبه وجاء بيأخذ عقاله يضربني صالح تقدم يبعده : بس ي عمي اهدى
وانا استغليت وقوف صالح بينا واركض لبرا
بأهرب لأي مكان رغم اني عارفه مافيه ولا مكان بنقذني من ابوي لكن تخبيت وراء احدى الغرف
فجاءة سمعت صراخ امي
وما قدرت اجلس مكاني طلعت
وشفت صالح يركض لبرا
وامي وخواتي عند ابوي الي واضح ارتفع عنده الضغط..ركضت وانا مفجوعه واصيح لكن امي بعصبيه دفتني: كله بسببك الله ياخذك
رجع صالح ونادى بصوت عال حتى نتغطى
ودخل ومعاه رجال 2 شالوا ابوي
وانطلقوا للمستشفى واحنا ما قدرنا نروح معاهم واعصابنا تلفت.
ركضت مسرعه ادور جوال ابوي وبحثت بالاسماء ع رقم عمي محمد ودقيت عليه ورد و انا ابكي قلت له عمي إلحقنا تكفااا وقلت الي صار ثم قفل وقال انه جاي حالآ
و بعده رحت لجوالي ودقيت على اخت صالح حتى تتصل وتسأل وين اخذوا ابوي وفي اي مستشفى وترجع لي خبر
حسيت اني مجرمه لو صار لابوي شي انا اعرف عنده الضغط ليه اسوي كذا وعشان ايش عشان احب!! للحظه حسيت حياتي مالها داعي ومفروض اعيش كيف ما يبون و استسلم وما اعاند
.
وصل عمي..و رحنا كلنا معاه في سياره كانوا امي وخواتي يبكون و ساعات يهاوشوني و عمي يحاول يفهم سالفه لكن ما من مجيب!! .
وصلنا المستشفى
و قفنا ننتظر اي دكتور يطمنا
طلع واحد وقف عمي يتكلم معاه
بعدها جاء خبرنا انه جاته جلطه بدماغ بسبب ارتفاع الضغط بس عدت على خير ولكن القلب تعبان والحمدالله انه لحقناه مبكر لان باين ان نبضات القلب عنده اقل من المستوى العادي ولازم له قسطرة بالقلب راح يبقى بمستشفى ويقرروا وقت العمليه حسب تحسن الحاله بعد الجلطه
لكن عمي محمد : طلب نقله لمستشفى ثاني و خاص
هنا عاد انا بكيت بنهيار كل ذا بسببي !!!
.
سحبني عمي محمد على جنب يهديني وتكلم معي بصراحه : اهدئ ي سهى وقولي وشفيه ابوك؟ وش صار بينكم حتى امي وخواتك يحملونك المسؤوليه!! بكيت من قلب وحكيت لعمي وش صار
تنفس عمي بهدؤء: الله يهديه منصور
. .
وباليوم ثاني
نقل ابوي لمستشفى الي فيه تركي
و اما احنا عمي محمد اخذ لنا شقه مفروشه قريبه من مستشفى وما قصر خلى السواق يقضي لنا كل شي و صار السواق يودينا و يجيبنا وقت الزيارة لابوي.
حسيت بشوية راحه ان الامور بدت تتحسن بس خايفه من لقاء ابوي وكيف يعاملني وشلون راح يسامحني
وجاء وقت اول زيارة لابوي ورحت ازوره خايفه و متلهفه بطمن عليه لكن كانت اول ردت فعل لأبوي انه طردني !!!

.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
ودمتم بخير