REYALONA (COMPLETED)

03_REYA'S ALLIANCE

CHAPTER 3:
REYA'S ALLIANCE

"Biyaya ka sa pamilya namin anak, hindi ka ampon. Ikaw ang alala nang namayapa kong asawa at gaya ng pag ingat niya sa 'kin ay iingatan din kita."

"Hindi mo kasalanan na namatay ang asawa ko, anak. Tanging gusto niya lang noon ay ipagtatanggol ang buhay mo. Mabait lang talaga siya at sadyang matulungin kaya hindi mo kasalanan 'yon anak."

"Mahal ka namin anak kahit saan ka pa nagmula."

Isa-isang bumalik lahat ng alaala ko na meroon ako noong panahong kasama ko pang nabubuhay si Mama. Muling nagbalik sa akin ang mga alaala na kung papaano ako trinato ng mabuti ni Mama kahit na hindi niya ako tunay na anak. Ipinaramdam niya sa akin ang tunay na kahulugan ng pamilya kahit na hindi niya ako tunay na anak.

Habang maluha-luha kong tinatakpan ang katawan ni Mama ng makapal na kumot. Marahan kong hinalikan ang mukha nito sa huling pagkakataon. Hindi ko pa rin lubos na matanggap na mangyayari ito ngayon, kung kagaya nga lang ng kapangyarihan ko ang kapangyarihan ni Mama, o kung 'di naman kaya, mero'n akong kakayahan na makita ang hinaharap gaya ng mga mata. Mabilis ko sanang naililikas sila Mama palayo sa mga kapahamakan na 'to.

Kung mamamatay rin lang naman ako dito sa laban kong ito, hindi ko na pagsisihan 'yon. Dalawang tao na ang nawala nang dahil sa akin, ayoko nang madagdagan pa 'to, handa akong itaya ang buhay ko para makapaghiganti at mapagtanggol lang ang mga mahal ko sa buhay.

Gagamitin ko itong ispada na 'to ni Mama sa mga lahi ng halimaw na pumatay sa kanya at sisiguraduhin ko rin na bago ako mamatay, uubusin ko muna ang mga lahi na mero'n sila, ipapalasap ko sa kanila ang ganti ng nawalan ng mahal sa buhay.

Humarap ako ng maayos sa may tapat ng binta ng k'warto namin. Itinarak ko sa ulo ng patay na halimaw 'yung ispada ni mama at saka ako huminga ng malim. Tinitigan ko ang palad ko at ang mga halimaw na namatay gamit ang kapangyarihang meroon ako.

"Siya nga! Ang babaeng yan ang may kapangyarihan ng Chaos Manipulation!

Chaos Manipulation. Nabasa ko na ito sa isang libro noong nag-aaral pa ako. Halos ganito ang kapangyarihan noon ng Bathalang Reya. Ito rin ang ginamit niya sa pag puksa sa mga madirigma ng Abyssus Ocean at Melo-Aqua na pinapangalagaan noon ni Bathalang Minerva. Hindi ko alam, pero kung tunay na kapangyarihan ko nga 'to, ipagpapasalamat ko na meroon ako nito para maipaghiganti ko sila mama.

Sa buong ilang taon kong nabubuhay sa mundong ito ngayon ko lang ito naramdaman. Sinabi rin ng guro ko noon na baka raw gravitational ang kapangyarihan na meroon ako dahil kaya ko raw kontrolin ang gravity ng isang lugar o tao kung gugustuhin ko dala na nga na kaya ko raw mag pa lutang, pero ngayon? Ewan. Hndi ko alam pero para bang totoo para sa akin ang mga sinasabi ng halimaw na 'yon tungkol sa akin at sa kapangyarihan na meroon ako. Pero hindi pa rin ako makapaniwala, gagamitin ko itong tinatawag nilang Chaos Manipulation na 'to upang ipaghiganti ang buhay na nawala ng aking ina.

Agad akong napalingon sa binata ng k'warto namin, sira-sira na ito dahil sa kagagawan ng mga halimaw na bigla na lang lumusob sa bahay namin at pinatay si Mama. Sa tuwing nakikita ko ang mga pinsalang ginawa nila rito sa amin, umaakyat talaga ang lahat ng dugo ko sa dulo nang dahil sa matinding inis

Lintik lang talaga ang walang lamat. Lahat silang magkakalahi ay tatanggalan ko ng karapatan mabuhay sa mundong 'to.

Maya maya lang, nakita kong biglang nagsibagsakan ang mga puno sa gilid ng bahay namin. Naisip ko agad si Ella kaya lumabas ako at hinatak ang isapadang tinurok ko kanina sa halimaw.

Nang lumabas ako ay nakita ko si Ella na naka-tingin sa langit habang yakap-yakap ang sariling tuhod habang nakatago sa likod ng puno. Halatang halata ko rin ang panginginig ng katawan niya ng dahil sa matinding takot.