اللقيط

الحلقه 11

#اللقيط
#اللقيط_11
#جزء_من_حلقه_سابقه
(عند مينا اللي قاعد في الكلية بيتكلم مع محمد شاهين)
محمدشاهين:(بتساؤل) محمد عامل إيه صحيح؟!
مينا:(بهدوء) الحمدلله بيعد الأيام والله إمبارح بيقولي باقي 11يوم
محمدشاهين:(بحزن) الحقنه صعبة جداً أنا أخدتها وأنا في الإعدادى فترة كنت بفرج عليهم أمه لا اله الا الله
مينا:(بضحكة) مانعتبش ونلوم علي محمد بقا لم بيبهدلنا وصوت عياطه بيبان وهو بياخدها ..
محمدشاهين:(بضحكة) لا ماتعتبوش عليه أبداً ربنا يعينه عليها..
مينا:(بحزن) يارب..
(فجأه جيه لمينا رساله علي التليفون فتتحها وبصلها بصدمه محمد شاهين كمل كلامه بقلق) في إيه يامينا (مينا بصله بصدمه ورجع بص للفون وقام اخد حاجته وخرج بسرعه من الكليه ومحمدشاهين أخد حاجته وخرج وراه)
#بدايه_الحلقه_الجديده
(فـي الكلية عند شاهين اللي ظهر بيجري ورا مينا وباين عليه القلق من تحول صاحبه وقعد يندهه عليه)
محمدشاهين:(بقلق وبيندهه علي مينا) ميناااا ميناا إنت يابني!! (وسرع خطوته ولحقه ومسك إيده وبصله بقلق وكمل كلامه) مالك يابني حصل إيه!! إيه اللي جالك على الفون قلب كيانك كده؟!
مينا:(بهدوء) مافيش يامحمد ماتقلقش يلا نمشي..
محمدشاهين:(بقلق) نمشي إيه يابني لسا محاضرة علينا وبعدين هو إيه اللي مافيش حاجة فيه إيه الموبايل ده!!
مينا:(بهدوء مُريب وبيضغط على الفون جامد) مافيهوش حاجة ..
(محمدشاهين بص لمينا بريبة وجه يأخد منه الفون مينا شده وحطه ورا ظهره محمدشاهين مسك إيد مينا وشده غصبن عنه)
محمدشاهين:(بجدية وشد الفون من إيد مينا) هات الفون ده يامينا بقولك..
مينا:(بهدوء) خلاص بقي يامحمد ماتشغلش بالك..
(محمدشاهين تجاهله ومسك الفون وقرأ الرسالة اللي جت لمينا واللي كان محتواها ياريت تبطل تعيش الدور وتفكر إنك الإبن البكري بجد للعيلة دي إنت مهما روحت وجيت مش هتبقي إبنهم وقعدتك معاهم دي من باب الشفقة عليك مش أكتر ما أنت ياعيني مالكش حد بقي)..
محمدشاهين:(بص للرسالة بصدمة وبص لمينا) إيه ده!! مين باعت الرسالة الهبلة دي؟!
مينا:(بهدوء) مش عارف هعرف منين يعني والرقم مش متسجل علي التروكولر..
محمدشاهين:(قفل الفون وحطه في جيب مينا وبصله بجدية) مينا إنت أعقل من أنك تشغل بالك بالكلام الأهبل ده تلاقى حد بيشتغلك فكك من الهبل ده أنت عارف طنط وعمو سعد وإخواتك بيحبوك إزاي وانت فعلاً غالي عندهم مش كلام ..
مينا:(بإبتسامة وهدوء) بإذن الله يامحمد ماتقلقش يلا أنا همشي أنا مش ليا مزاج أقعد المحاضرة التانية دي..
محمدشاهين:(بقلق من هدوء مينا) مينا إنت كويس؟!
مينا:(بإبتسامة) كويس ماتقلقش هتيجي ولا هتروح المحاضرة؟!
محمدشاهين:(بقلق) لاا هروح معاك يللاا ..
(مشي محمدشاهين ومينا مع بعض وهما ساكتين وسط قلق محمدشاهين على مينا وسرحان مينا وهدوءه)
.................................................................................
(عند مينا اللي جه من الكلية ودخل الأوضة على طول ومش غير ماكلم حد ظهرت نيرة واقفة ف المطبخ سمعت صوت فتح الباب وقفله تاني وماسمعتش صوت حد راحت تشوف مين لقت الأوضة بتاع الشباب متواربة دخلت لقت مينا قاعد على سريره وسرحان)
نيرة:(بإستغراب) مينا جيت إمتي ودخلت على أوضتك على طول ليه إنت كويس ياحبيبي..
مينا:(سرحان وما أخدتش باله من مامته ومارديش عليها)
نيرة:(بقلق وراحت قعدت جنبه) مينا مالك ياحبيبي؟!
مينا:(بإنتباه) ها بتقولي حاجة ياماما..
نيرة:(بقلق) بندهه عليك من ساعتها ياحبيبي مالك سرحان فـي إيه كده!! إنت كويس؟!
مينا:(بهدوء) الحمدلله ياماما ماتقلقيش..
نيرة:(بقلق) أومال مالك ياحبيبي؟! أول مرة تيجي من الكلية تدخل أوضته وماتدورش عليا ف البيت كله وسرحان من ساعة ماجيت فيه إيه بقي؟!
مينا:(بتساؤل) ماما إنتو ممكن تزهقوا مني وتسبوني بما إنـي مش إبنكم من صُلبكم وكده..
نيرة:(بصتله بصدمة من كلامه) مينا إيه الهبل اللي بتقوله ده!!!
مينا:(بهدوء مريب) جاوبيني على سؤالي بس ياماما بالله عليكِ إنتو فعلاً ممكن تزهقوا مني وتسيبوني!!
نيرة:(بجدية) أنا مش عارفة إيه الكلام الأهبل اللي بتقوله ده ومش عارفة جايبه منين بس هريحك وأجاوبك وكل اللي هقدر أقولهولك إنك إبننا البكري وحبيبنا واللي كان وشه وش السعد والخير والبركة علينا ومانقدرش نستغني عنك زيك زي إخواتك ومانقدرش نعيش من غير حد فيكم..
مينا:(بصلها بتنيهدة تعب وراح نام على رجليها وسكت ما إتكلمش)
نيرة:(بقلق وبتلعب فـي شعره) مالك ياحبيبي ماتقلقنيش عليكِ إحكيلي مالك؟!
مينا:(بتساؤل وهدوء) ماما هو إنتو لقتونـي إزاي؟!
نيرة:(بخوف وتوتر شديد) ما إحنا قولنالك يامينا إنـي كنت بكشف لإن الحمل عندي إتأخر كذا سنة ووقتها مامتك ماتت وهيا بتولدك وكانت جاية لوحدها أصلاً مافيش حد معاها فأحنا بعد ماعرفنا الموضوع بالصدفة من الممرضات روحنا للدكتور اللي ولد مامتك وطلبنا منه نمشي ف موضوع التبني لإنى كنت فقدت الأمل إنـي أخلف تاني..
(مينا بصلها وهو نايم علي رجليها ورجع بص قدامه بتنهيدة تعب وإرهاق وغمض عينه ونيرة بتبص عليه بقلق وخوف قطع كلامهم مع بعض دخول أحمد)
أحمد:(بصدمة مُصتنعة وهزار) إيه ده إيه ده!!! خيااااااانة إيه اللي أنا شايفه ده مامتي وأخويا إخص إخص..
مينا:(إتعدل بضحكة علي أخوه) بدأنا الإزعاج الواحد كان مرتاح ياشيخ حسبي الله..
أحمد:(بضحكة) أيوة عاوز حنية ست الكُل لوحدك آه ياسوسة ماأنت بقي الكبير واللي ع القلب..
مينا:(بضحكة وهزار) بدأنا حسد الله أكبر ياشيخ من عينك..
نيرة:(بضحكة وقامت وقفت) مش هخلص منكم ومن نقاركم هروح أنا أكمل الغداء وإنتو إتشاكلوا مع بعض براحتكم بقي مش ناقصة صداع..
أحمد:(بضحكة وهزار) الله على حنيتك ياست الكُل والله..
(نيرة بصتله بضحكة وراحت المطبخ تكمل الأكل وهيا بالها مشغول بمينا وباللي حصل)
.................................................................................
(عند كارمن اللي قاعدة فـي أوضتها وساكتة وسرحانة وباين عليها الحُزن دخلها محمدشاهين وبصلها بتنهيدة وقعد جنبها)
محمدشاهين:(بإبتسامة ) كارمن!!
كارمن:(بهدوء) نعم يامحمد..
محمدشاهين:(بحزن) إنتي هتفضلي كده كتير!! من ساعة م إتكلمت معاكِ وقولتك إنـي إتكلمت مع أحمد وإنتي ساكتة كده ودي حاجة مزعلاني ومقلقانـي..
كارمن:(بتنهيدة حزن) طيب أعمل إيه طيب أنا كويسة ماتقلقش..
محمدشاهين:(بجدية) كارمن إنتِ زعلانة إنـي منعتك إنتي وأحمد تكلموا أو تختلطوا ببعض مؤقتاً ..
كارمن:(بصتله بدموع مكتومة وسكتت ماردتش عليه)
محمدشاهين:(بتنهيدة حزن وتعب) كارمن حبيبتي إنتي بنتي مش بس أختي ومن واجبي أحميكِ وأشوف الصح لكِ وأعمله حتي لو هيعجبك..
كارمن:(بدموع) بس أحمد مش وحش علشان تحميني منه..
محمدشاهين:(بجدية) عارف إن أحمد مش وحش أحمد بعتبره أخويا قبل مايكون أخو صاحبي كمان بس صدقيني لسا بدري ع اللي تفكيركم فـي موضوع الإرتباط والحُب ده ولعلاقتكم دي أساساً وطول ماأنتو مافيش حاجة رسمي الناس مش هتسيبكم فـي حالكم وبالذات إنتِ لإنك بنت وبعدين حرام كلامكم مع بعض ياكارمن لازم تكون علاقتكم ف الحلال وده بدري عليه لسا وبدري تفكروا فـي الموضوع ده فكروا فـي دراستكم وحياتكم وسيبوا الموضوع ده للزمن..
كارمن:(بدموع) أنا عارفة إن كلامك كله صح يامحمد بس حاسة إنـي مش هقدر أستحمل كل السنين دي..
محمدشاهين:(بحنية ومسحلها دموعها) لا هتقدري إنتِ قوية وتقدري ياكارمن صدقيني وأحمد كمان هيقدر إنتو هتحافظوا على حُبكم ده لحد مايكون فـي النور إتفقنا ياكارمن؟!
كارمن:(بصتله بدموع وهزت رأسها بمعني ماشي) حاضر ..
محمدشاهين:(حضنها بإبتسامة) كله هيبقي كويس والله وهتعدي الفترة دي على خير وأفرح بيكِ وتبقي أحلي عروسة مافيش أسرع من الأيام ياكارمن والله ..
كارمن:(بدموع) بإذن الله أنا بحبك أوي يامحمد أنا أسفة أنـي نزلت من نظرك بس والله غصبن عني..
محمدشاهين:(بإبتسامة) هشش بطلي كلام أهطل وإيه نزلتي من نظري دي إنتِ طول عمرك رافعة رأسي ياحبيبتي وأنا معاكِ وجنبك هنتجاوز الفترة دي سوا  ماشي؟!
كارمن:(بصتله بدموع) ربنا يديمك ليا يامحمد ويباركلي فيك وتفضل ظهري وسندي دايماً ..
محمدشاهين:(بضحكة وهزار) وبعدين ماتعيطيش ده الواد أحمد ده طالع بيحبك وواقع وماحدش سمي عليه(كارمن بصتله بضحكة وكسوف كمل محمدشاهين كلامه بضحكة) بتتكسفي يابيضة..
كارمن:(بإبتسامة وضربته فـي صدره) بس بقي يامحمد إخرس..
محمدشاهين:(بضحكة) خلاص خلاص سكت أهو..
(محمدشاهين قعد يتكلم ويهزر مع كارمن علشان يلهيها ويشغلها إنها تفكر فـي أحمد ومن جواه بدعي إن ربنا يعينهم ويقويهم على الفترة دي هما الإتنين)
.................................................................................................
(أخر النهار ظهر سعد جاي من الشغل ودخل الأوضة لقى نيرة قاعدة على السرير وسرحانة وما أخدتش بالها بدخوله أصلاً بصلها بإستغراب وقرب منها وقعد جنبها)
سعد:(بإستفسار وقلق) نيرة!! مالك ياحبيبتي فيكِ إيه إنتي كويسة؟!
نيرة:(بإنتباه) سعد إنت جيت إمتي حمدلله على السلامة ياحبيبي..
سعد:(بقلق) الله يسلمك بس مالك سرحانة فـيه إيه إنتي كويسة؟!
(نيرة إفتكرت مينا وعيونها دمعت وسكتت ما إتكلمتش سعد بصلها بقلق وخوف)
سعد:(مسك إيديها بخوف وقلق) مالك يانيرة ماتقلقنيش ياحبيبتي مالك؟!
نيرة:(بدموع وحزن) مينا..
سعد:(بقلق) ماله مينا فيه حاجة؟!
نيرة:(بدموع وقلق) مش عارفة بس جه النهاردة من الكلية ودخل أوضته على طول فلما سمعت صوت الباب وماسمعتوش صوت حد روحت أشوف مين لقيته قاعد ع السرير وسرحان لما سألته ماله قعد يقولي ماما هو إنتو ممكن تبعدونـي عنكم علشان أنا مش إبنكم من صُلبكم ومش من العيلة ولما كلمته ورديت عليه لقيته بيقولي إنتو لقتوني إزاي وأسئلة غريبة مش عارفة جت على باله إشمعنا الوقتي يعني..
سعد:(بصلها بقلق) يعني هيكون إيه السبب اللي يخليه يفتح الموضوع ده!! ليكون حد من عماته ولا جدته إتعرضوله بالكلام؟!
نيرة:(بدموع) ماأعرف ياسعد بس كان بيسأل وباين عليه الحزن ومهموم ونام على رجلي وكان سرحان وفـي دنيا غير الدنيا..
سعد:(بتساؤل) طيب ماقالكيش حاجة تانية يعني ولا قالك حصل إيه؟!
نيرة:(بهدوء) لاا ماقال ولما حس إنـي زعلت وقلقت عليه أحمد دخل وقتها وقعدوا يهزروا هما الإتنين مع بعض وقفل على الموضوع..
سعد:(بتنهيدة قلق) خير ياحبيبتي ماتقلقيش ..
نيرة:(بدموع) أنا قلقانة ياسعد وخايفة أوي من اللحظة اللي هيعرف فيها الحقيقة اللي إحنا مخبينها عليه وقتها هنخسر مينا ياسعد ..
سعد:(بيطمنها وهو من جواه قلقان) وهو هيعرف منين بس يانيرة إهدي ياحبيبتي إنتي بس قلقانة ومتوترة إهدي كل حاجة هتعدي على خير..
نيرة:(بحزن) يارب ياسعد يارب..
سعد:(بإبتسامة) يلا قومي بقى شوفيهم علشان نأكـل سوا على أما أغير وأخرجلكم لإنـي ميت من الجوع ...
نيرة:(بإبتسامة بسيطة) حاضر
(خرجت نيرة راحت تجهز الأكل وتندهه عليهم وسعد باصص قدامه بسرحان وقلق من اللي نيرة قالته وبيعدي الأمور تعدي على خير)
...................................................................................
(تانـي يوم فـي كلية الهندسة ظهرت كارمن ماشية سريع وهيا متوترة علشان إتأخرت على المحاضرة الأولى فجأة خبطت فـي حد)
كارمن:(قامت وقفت بإعتذار وحاطة وشها فـي الأرض وبتوتر) أنا أسفة ماكانش قصدي بس متأخرة على المحاضرة أنا أسفة..
أحمد:(بإبتسامة حنين وشوق) ولايهمك ياكارمن المهم تكوني بخير..
(كارمن رفعت عينها بسرعة وبصت لأحمد بشوق وحُزن ودموع فـي عينها أحمد بصلها بتنهيدة وجع وحُزن وبتساؤل) إنتِ كويسة؟!
كارمن:(فاقت لنفسها وبحزن) الحمدلله عن إذنك عندي محاضرة وإتأخرت..
(مشت كارمن راحت المحاضرة بتاعتها وأحمد باصص عليها بتنهيدة حزن وتعب ظهر حد بيحط إيده على كتفه)
محمود:(بتنهيدة حزن على حزن صاحبه) كده مش هتعرف تمشي حياتك وهنفضل تعبان ياأحمد إنت وعدت محمد أخوها تحافظ عليها حتى من نفسك وطول م إنت حاططها فـي دماغك كده هتتعب صدقني..
أحمد:(بحزن) مش قادر والله يامحمود أنا بحبها بجد ومش قادر على البُعد والله أعلم هنكون لبعض بعد كام سنة..
محمود:(بجدية) م علشان كده بقولك إلهى نفسك وإشغلها بالمذاكرة وأخرج وخطط ليومك بشكل جديد يخليك تنسى موضوعكم ده بشكل مؤقت على الأقل..
أحمد:(بتنهيدة) أديني بحاول يارب أقدر أنساها الفترة دي فعلاً..
محمود:(بإبتسامة) هتقدر يابني والله إنت قدها وعلشان حُبكم لبعض إنت هتعمل كل اللي فيه مصلحة لكم ومش هتأذي حبكم ده بأي طريقة إتفقنا ياصاحبي؟!
أحمد:(بإبتسامة) إتفقنا ياصاحبي ربنا يباركلي فيك ويديمك في حياتي..
محمود:(بضحكة وهزار) مش عارف والله من غير وجودي فـى حياتك كنت هتعمل إيه..
أحمد:(برخامة) كنت هعمل شاي بلبن هاهاهاها..
محمود:(بضحكة وتريقة) نينينيني خفيف ياولاد يخربيت الطعامة
أحمد:(بضحكة) رخم أبو رخامتك..
محمود:(بضحكة) حبيبتسلم المهم قولي مينا عامل إيه والواد محمد ماشوفتهمش من زمان..
أحمد:(بضحكة وهزار) حلوين ياأخويا الحمدلله ومحمد مطحون في الثانوية اللي خلصت على صحته دي..
محمود:(بضحكة وتساؤل) ليه بس يابني ماله!!
أحمد:(بتنهيدة) تعب من فترة يا إبنى والروماتيزم عنده النسبة عالية جداً وأخد حقنة طوال المفعول وحرفياً منفوخ منها وشايف المُر ربنا يعينه..
محمود:(بحزن) هيا الحقنة دي بسمع أصلاً إنها صعبة جداً ربنا يتولاه...
أحمد:(بحزن على تعب أخوه) جداً يابني ده بيأخدها بيفضل بالكام يوم مش بيقدر يحرك رجله كويس وهو بيأخدها أصلاً كل 15يوم ..
محمود:(حط إيده علي كتفه) ربنا يشفيه بإذن الله ماتقلقش هيبقى كويس..
أحمد:(بإبتسامة إمتنان لصاحبه) يارب ياحبيبي إدعيله بقى يكملهم على خير..
محمود:(بإبتسامة) هيكملهم على خير بإذن الله وربنا هيخفف عليه تعبهم ووجعهم هبقي أشوف يوم وأجي أشوفه بإذن الله..
أحمد:(بإبتسامة) بإذن الله البيت بيتك تنور فـي أي وقت يلا بقى علشان المحاضرة هتبدأ كمان شوية..
محمود:(بإبتسامة) يللا ياهندسة..
(مشي أحمد ومحمود وراحوا المدرج بتاعهم وقعدوا في قدام وكل واحد فيهم دماغه مشغولة فـي حاجة أحمد دماغه مشغولة فـي كارمن ومحمود قلقان وحزين على صاحبه)
.................................................................................
(تاني يوم عند محمدسراج اللي قاعد فـي أوضته وكان معاه محمدسعد ومحمدعباس وبيشرحلهم حاجة فـي المنهج عندهم)
محمدسراج:(بتساؤل) ها فهمتم كده النحو اللي مش فاهمينه ده وعاملينه حجتكم..
محمدسعد:(بإبتسامة) أيوة يامستر فهمناه ماتقلقش..
محمدسراج:(بضحكة) والله مش بقلق غير من كلمة فاهمين والضحكة البلهاء بتاعتكم دي!!!
محمدعباس:(بزعل مُصتنع) والله يافهمنا يامستر وبعدين إنتو واخدين عننا فكرة وحشة على فكرة..
محمدسراج:(بضحكة) إحنا مفتريين بقي معلهش..
(قطع كلامهم دخول ليث الأوضة بوصوله كلهم بإبتسامة وهو راح قعد جنبهم)
محمدسعد:(بإبتسامة) وحشتنا يامستر والله الجواز أخدك مننا..
ليث:(بضحكة) كلامنجي أوي م أنا بشوفك على طول يالا إنت هتشتغلني..
محمدسعد:(بضحكة) برضو يامستر بتوحشنا والله..
ليث:(بضحكة وهزار) مايوحشكش وحش ياا أخوياا (وبص لمحمدسراج) إنت خلصت معاهم ولاإيه؟!
محمدسراج:(بإبتسامة) آها خلصنا من شوية..
ليث:(بيطلع تلفونة وبإبتسامة) إستني أتصل علي الواد مينا يجيب أحمد ونقعد مع بعض شوية ما إتجمعناش مع بعض من زمان..
(ليث أتصل على مينا وقاله يجيب أحمد وينزلوا تحت يقعدوا مع بعض ربع ساعة وظهر مينا وأحمد معاهم فـي الأوضة وقعدوا يتكلموا)
مينا:(بإبتسامة وبص لليث) عامل إيه ياليث؟ فينك يابني وبعدين هو الجواز بيحليٰ كده..
أحمد:(بضحكة وهزار) أومال يابني إوعدنا يارب..
محمدسعد:(بضحكة وهزار) إوعدنا مين يابني إنت لسا طلعت من البيضة..
أحمد:(بضحكة ورخامة) مابلاش إنت ياض ياعيوطة إنت..
محمدعباس:(بضحكة مكتومة علي شكل محمدسعد وبص لأحمد بجدية مُزيفة) أحمد ما أسمحلكش تقول على محمد كده..
ليث:(بضحكة) محمدعباس ومحمدسعد دول إصحاب أصيلة والله بيعجبونـي..
محمدسراج:(بضحكة وبص لأحمد) هو عيوطة بس يابني ده أنا طبلة ودنـي إتخرمت منه ومن عياطه ربنا يستر بقي عليها فـي المرات الجاية ..
محمدسعد:(بضيق وزعل) ما أنتو مش عارفين الوجع اللي بحس بيه أصلاً ..
محمدسراج:(بضحكة ومسك خدوده) إنت زعلت يابيضة خلاص ماتزعلش إنت إسترونج ومش عيوطة..
أحمد:(بص لمحمد برخامة) آل قولي ياحمادة هو لسا كام يوم وتأخد الحقنة التانية ..
محمدسراج:(برخامة مماثلة) أسبوع بالتمام والكمال..
محمدسعد:(بصلهم بزعل وقام وقف) أنا ماشي وسيبهالكم..
ليث:(مسك إيده وقعده وبصلهم بجدية مزيفة) إخرص ياض إنت وهو وسيبوه فـي حاله بقولكم أهو ..
مينا:(بضحكة) إديهم ياليت بصراحة عاوزين يتظبطوا والله وهما قاعدين يتنمروا على خلق الله كدهه..
(قعدوا يضحكوا ويهزروا ويتكلموا مع بعض وبعدين مشي محمدعباس ومينا أخد إخواته وطلع وليث قام طلع شقته بعد أما إطمن على مامته وباباه وإخواته وقعد معاهم شوية)
..............................................................................................
(نفس اليوم بعد أما مينا طلع من عند ليث وسراج ظهر مينا قاعد مع رنا فـي أوضتها بيذاكر معاها الإنجليزي اللي عليها)
مينا:(بإبتسامة وتعب) ماتركزي يابنتي ده المليون مرة اللي أشرحها القاعدة سهلة يعني مش مستهلة..
رنا:(بضيق) ماهيا سهلة وفهمتها بس بجي أحل عليها مش بعرف!!
مينا:(بإبتسامة وضربها على دماغها بسيط) شغلي ده وإنتى تعرفـي ياأختي..
رنا:(بضيق) قصدك إيه يعني ياأستاذ مينا قصدك إني مش بشغل دماغي..
مينا:(بضحكة) إنتي هتشرشحيلي يابنتي ولاعلشان أنا متساهل معاكي يعني هتدلعي عليا والله أنزلك لليث وهو يشرحلك بمعرفته بقى..
رنا:(بفزع وخوف) ياختااااي لا والنبي مش ناقصة كفاية الرعب اللي بيعملهولنا فـي الدرس والمدرسة هنزله كمان يذاكرلي..
مينا:(بضحكة) هو ليث بقى الكابوس بتاعكم ولاإيه!! ده ليث طيب ولطيف خالص والله إنتو ظلمينه..
رنا:(بضحكة) ماهو بمزاجه أوقات يبقى لطيف فعلاً وأوقات بيتحول دريكولا...
مينا:(بضحكة بصوت عالي) دريكولا يانهاري لو سمعك هيعملك بوفتيك..
رنا:(بخوف) بوفتيك بس ده بطاطس محمرة كمان وحياتك..
مينا:(بإبتسامة) إنتي بتقولي كده ويعتبر بتشوفوا الدلع كله أومال محمد يعمل إيه ده هو يعتبر البنات مش بيعاقبهم ربع العقاب اللي بيعاقبه للصبيان..
رنا:(بحزن ودموع مُصطنعة) إحنا طُلاب علم غلابة أوي والله..
مينا:(بضحكة على حركات أخته الطفولية) طيب يلا ياطالبة العلم نكمل المذاكرة مش فاضيلك أنا ورايا بلاوي..
رنا:(بإبتسامة وباسته من خده) ربنا يعينك ياأحلى فوتوجرافر وأخ فـي الدنيا..
مينا:(بضحكة) بكاشة أوي ياناس بكاشة يللا ياأختي نكمل..
(مينا قعد يشرح لرنا كل اللي مش فهماه ويساعدها فـي مذاكرتها وسط هزارهم وضحكهم مع بعض)
................................................................................
(بالليل في بيت سعد ظهر مينا وأحمد ومحمد قاعدين فـي أوضتهم وكل واحد بيعمل حاجة ومشغول بيها)
أحمد:(فجأة رمي الفون بزهق) أوووف بقى إيه الزهق ده حتى الموبايل بقى ممل..
مينا:(بضحكة وهزار) بطل نفخ يابني هتطيرنا وبعدين زهقان قوم ذاكر هتبقى زي الفل..
أحمد:(بصله بقرف) بس يامينا علشان ماأزعلكش آل أذاكر وهبقي تمام آل ده وقتها هروح أنتحر وخلصوا مني بجد..
مينا:(بضحكة) مجنون وتعملها (وبص لمحمد اللي نايم على السرير بتاعه وساكت مش بيتكلم) مالك ياحمادة ساكت ليه؟!
محمدسعد:(بهدوء) هقول إيه..
أحمد:(بصله بفزع مُصطنع) يانهاري أنت بقيت هادي وعاقل ياض من ورايا..
مينا:(بضحكة وبص لأحمد) إفصل بقى يابني صدعتنا يخربيت الرغي (وبص لمحمد بإستفسار) مالك يامحمد إنت كويس..
محمدسعد:(قعد على السرير وبصلهم بقلق) أيوة الحمدلله بس مستر محمد قلقني وهو بيقول لأحمد لسا على الحقنة أسبوع شكله بيعّد وفاكر أيامها بجد زي مابيقولي أنا فكرته بيخوفنـي بس ..
مينا:(بضحكة على أخوه وخوفه) هو ده كل اللي شاغل بالك ماتقلقش يابني هتعدي..
أحمد:(بضحكة) ماتخافيش يابيضة هتعدي بإذن الله ولو على سراج فهو من الواضح كده بيحبك بزيادة بصراحة ومهتم بيك أوي..
مينا:(بضحكة) دول شبهه اللي مولودين فـي رؤوس بعض والله..
محمدسعد:(بضيق) في الدرس وقت الجد يبقى تنين مُجنح ووقت الهزار يستلمني ويرخم عليا..
مينا:(بضحكة عالية) هيا إيه حكايتك إنت ورنا مع الوحوش الأيام دي..
أحمد:(بتساؤل) ليه مالها رنا؟!
مينا:(بضحكة) أصل النهاردة وأنا بذاكرلها لما طلعنا من تحت بتقولي على ليث دريكولا والوقتي محمد بيقول على سراج تنين مُجنح..
أحمد:(بضحكة) آه لو سمعوهم هتبقى مجرزة هيطحنوهم فـي بعض ويعملوهم كوكتيل..
مينا:(بصله بضحكة هو ومحمد وقام وقف) طيب تعالوا نروح لرنا وهايدي شوية ماقعدناش مع بعض من زمان..
(قام أحمد ومحمد ومينا راحوا أوضة إخواتهم البنات خبطوا ودخلوا بعد ماأذنولهم)
هايدي:(بضحكة لما شافتهم) خير اللهم أجعله خير مالكم داخلين بربطة المعلم ليه كده؟!
أحمد:(بغرور مُصطنع وقعد على السرير وحط رجل على رجل) جايين نطمن عليكم ياأختي عدوا الجمايل دي بقي..
مينا:(بإبتسامة) كويس إنكم لسا صاحين وحشتوني من زمان ماقعدناش مع بعض فجيبتهم وجيت..
هايدي:(بإبتسامة) والله إنت اللي فيهم يامينا سيبك من العيال الرخمة دي..
محمدسعد:(بضحكة) وأنا اللي مضحي بنومي وراحتي وجاي أطمن عليكم خيراً تعمل شراً تلقى صحيح..
أحمد:(بضحكة وبص لرنا) عملتي إيه في المذاكرة بتاع دريكولا أقصد ليث..
رنا:(بخوف) الحمدلله ياأخويااا ربنا يسترها بكرة بقى عندي مراجعة في المدرسة والدرس..
هايدي:(بضحكة) هو ليث بقى دريكولا على أخر الزمن..
مينا:(بضحكة) لا وخدي الجديدة محمد بيقول على سراج تنين مُجنح..
هايدي:(بضحكة) ياختااااي نهاركم من فايت لو سمعوكم..
أحمد:(بضحكة) رنوش شاطرة وهتبهرنا بكرة بإذن الله وترفع رأسنا قدام دريكولا ..
رنا:(بغرور مُصتنع) شكراً جداً حبيبي تسلم..
أحمد:(بقرف ورمى عليها المخدة) بيئة ومافيش فيكِ ريحة الأنوثة ولا الإتكيت أعوذ بالله...
رنا:(برخامة) سيبنالك الإتكيت يا أبو الإتكيت...
(قعدوا يهزروا مع بعض ويحكوا وتكلموا وبعدين قاموا يناموا علشان مدرسهم وكُليتهم بكرة)
...........................................................................
(فـي المدرسة عند دعاء فى الفصل  كتبت مسأله على السبوره وبصت للطلاب)
دعاء:(بصت للكل) محمود تعال حل المسأله دى (محمود طلع علشان يحل المسأله وقعد يكتب  ويحل فيها  ودعاء مرقباه كملت دعاء كلامها بجدية) قول إنك مش عارف أحسن من العك اللي بتعمله ده (محمود بصلها وبص  للأرض وسكت دعاء كملت كلامها)  إرجع آخر السبورة (محمود رجع لأخر السبورة دعاء بصت للطلاب تـاني وبصت لمحمدعباس) تعال يا محمد حل المسأله (محمد عباس بصلها وطلع حل المسأله ووقف فى نصها شويه دعاء بصتله) وقفت ليه ماتكمل..
محمد عباس :(بصلها بقلق) مش فاكر القانون..
دعاء:(هزت راسها بمعنى ماشى وبصت لمحمد سعد) تعال كمل يامحمد(طلع محمد كمل المسأله وحلها صح دعاء بصت لمحمدسعد) إتفضل يامحمد (وراحت جابت العصاية وبصت لمحمدعباس ومحمود) افتحوا ايدكم ( ضربت محمدعباس عصايتين ومحمود ضربته خمسة  ودخلو الإتنين أماكنهم وخلصت الحصة وطلعت أوضة المدرسين بعد حوالى نص ساعة دخل عامل المدرسة الأوضة وبصلها)
عامل المدرسة:(بهدوء) مس دعاء  المدير طالب حضرتك ف مكتبه..
دعاء:(بإستغراب) ماشى (خرجت دعاء بإتجاه أوضه المدير دخلت بعد ما أذنلها )
دعاء:(بجدية) خير يامستر فيه إيه حضرتك طلبتني..
المدير:(بجدية) فيه إن حضرتك متحولة للتحقيق يامس دعاء (دعاء بصتله بصدمة )
..................................................
ياترى فى إيه وإيه اللى حصل لو حابين تعرفوا إستنونا الحلقه اللي جاية
......................................................................
#hadeer
#hager
#rody