#اللقيط
#اللقيط_22
#جزء_من_حلقه_سابقه
شرين: كنت بوصل دينا المدرسه
محمد شاهين:(قام وقف) طيب انا هروح احجز مكان فى المدرج على ما تيجو (وضرب مينا فرجله قبل ما يمشي
مينا:(يصله وهو ماشي يغضب وبص لشرين) احنا مكناش هندخل من غيرك متصدقيش الواد ده ده كداب
شرين: عارفه يا مينا
مينا: شرين انا......
شرين:(بابتسامه) انت ايه (مينا سكت ،، شرين تنهدت وكملت كلامها) ايه يا مينا عاوز تقول ايه
مينا:( بتوتر) ما مافيش
شرين:(بتردد وقلق) مينا انا ،،، انا بحبك (مينا بصلها وسكت
#بدايه_الحلقه_الجديده
عند ليث الى دخل البيت لقى شرين قاعده قرب منها وبصلها وشافها سرحان قعد جمبها
ليث: ايه يا شرين سرحانه فى ايه
شرين: مافيش بس مستنياك
ليث: ليه حصل حاجه ولا ايه
شرين: اه حاجه حصلت فى الكليه انا مش عارفه عملت كده ازاى بس انا مش ندمانه بس مستغربه نفسي
ليث: فى ايه عملتى ايه قلقتينى
شرين:(بصت لليث) انا اعترفت انى بحب مينا وقولتله كده
ليث: ازاى انتى الى قولتى مش هو
شرين: لا انا الى قولت ليث انا انا عارفه انو بيحبنى ومتاكده من ده كمان بس هو مش عارف ياخد الخطوه دى او خايف منى مكنش انا كمان بحبه او ظروفه والى عرفه عن ماضيه
ليث: طب هو عمل ايه
شرين: ابتسم وبان الحب فى عنيه اكتر بس سبنى ومشي
ليث: انا مش عارف اقولك ايه
شرين: انا هسيبه بقا ومش هكلمه تانى لحد ما اشوف هو هيعمل ايه وكلامى ده هيخليه ياخد خطوه او لاء
ليث:( بتنهيده) انتى عملتى كده ازاى
شرين: ماهو مش عاوز يتكلم ولا بياخد خطوه
ليث: بس مينفغش انتى تقولى كده
شرين: اهوه الى حصل بقا
ليث:(بتنهيده) انا قايم انام (وسبها وقام وشرين بصتله بتنهيده وقامت تنام هيا كمان)
~~~~~~~~~~~~~~~~~~~~~~~~~~~~~~~~~
عند مينا الى قاعد فى اوضته بيفكر فى كلام محمد شاهين عن شرين 🎬 #فلاش_باك 🎬
محمد شاهين:(بص لمينا) الى كانت خايف منه اهو استبعدو البت بتحبك هتعمل ايه
مينا:(بلغبطه) مش عارف هو انا سمعت صح
محمد شاهين:( بصدمه) اصلا
مينا:(بلغبطه) انا متلغبط خايف اكون بحلم واصحى منه انا فى علم صح هيا قالت انها بتحبنى صح انت سمعتها مش كده
محمد شاهين: اه قالت كده صدق بقا
مينا:(بص لمحمد شاهين) هو انا المفروض اعمل ايه
محمد شاهين:(بضحكه من منظر صاحبه) المفروض تروح تكلم بباك ومامتك وتتفق تاخد معاد من اهل شرين ويبقى عندنا عريس وعروسه
مينا:(بتمنى) تفتكر عمو يحيي هيوافق بيا طيب بلاش عمو يحيي مامتها هتوافق بيا
محمد شاهين: وانت فيك ايه يترفض لو على الى بتفكر فيه انسي يا مينا وافتكر بس الى فتحلك بيته ورباك مع ولاده حتى لم جاب بنات مخفش عليهم منك سابهم فى حمايتك افتكر ده وبلاش تقول كلام يجرحهم
مينا: والله لو عشت كل عمرى تحت رجليهم انا مش هقدر اشكرهم على الى عملوه معايا وانا من غيرهم مكنتش هوصل لاى حاجه كان زمانى اسم ابن ملجأ او ابن شوارع حد مالوش مستقبل مالوش ملامح
محمد شاهين: يبقى تروح وتفاتح ابوك اقرب وقت علشان حتى متهزش ثقه البت فيك
مينا:(بص لمحمد شاهين بحب) انا بحمد ربنا طول الوقت انو بعتك ليا انا بحبك وبحمد ربنا طول الوقت انك فى حياتى ربنا يدميك فى حياتى يارب
محمد شاهين:(بهزار) تؤ تؤ تؤ لا ياسي مينا انا بتكسف
مينا:(بصدمه من رد صاحبه) ولاه ولاه انسى الى قولتله كله انت معفن ومش صاحب وامسح رقمى من عندك ومش عاوز اعرفك تانى (وسابه ومشي وهو مبتسم من طريقه صاحبه
محمد شاهين:(بضحكه وجرى وراء مينا) خد ياله الله بهزر معاك يخربيت الهزار ده ( 🎬 #نرجع_للواقع 🎬
مينا: فعلا لازم ابدا اخد خطوه يارب قربها منى لو فيها خير وابعدها عنى لو فيها شر( وتنهد وغمض عينه وهو ناوى يكلم ابوه بكره لم يتجمعو بعد الغداء)
~~~~~~~~~~~~~~~~~~~~~~~~~~~~~~~~~~
تانى يوم عند دينا ورنا رايحن سوا الدرس
رنا: انا بجد مش عارفه ايه الى بيحصل ده
دينا: فى ايه
رنا: باقى غلى الامتحانات اقل من شهر ومستر ليث عامل امتحان مش المفروض نراجع
دينا: هيمتحنكو ويشوف الغلطات بتاع كل واحد فيكو ويرجع يعيد عليها تانى
رنا: يعنى مش هيعاقب
دينا: ده بقا على حسب مزاجه
رنا: اووف يعنى امتحان انجليزي ومراجعه فرنساوى
دينا: اول مره اشوفك بتشتكى من المرجعات يارنا
رنا: احمد اخويا امبارح جاب فيلم حلو قوووى على النت وقعدنا اتفرجنا كلنا
دينا: يالهوى ونسيتى المراجعه بتاع الدرس
رنا: للاسف نسيت
دينا: بس انتو والله رحمه عننا داحنا علينا النهارده انجليزى ورياضه وكمياء
رنا: ايه بجد والله
دينا: ايوه يابنتى وعلينا مراجعات فى التلاته
رنا: ربنا معاكو (دينا ابتسمت ووصلو الدرس وكل بنت دخلت حصتها)
~~~~~~~~~~~~~~~~~~~~~~~~~~~~~~~~~~~
فى المعهد فى الحصه عند ليث بعد ما سمعو وليث بيعلم التسميع
ملك: مستر هيا مس دعاء مش هتيجى الحصه بتاع النهارده
ليث: لا مس دعاء بقا مش هتيجى الترم ده بقا ان شاء الله على السنه الى جايه
محمد عباس: ايه ده اومال مين الى هيدينا مكانها
مصطفى:(بص لمحمد عباس) يعنى انت مش عارف
ليث: لا يا مصطفى سيبها مفاجاه هتعجب الكل وبعدين مستعجلين ليه حالا يجى وتعرفو
محمد سعد: طب ما تقولنا يامستر بلاش التشويق ده
ليث:(بصله بأستفزاز) لا انا بحب عنصر التشويق (مافيش ثوانى ودخل شاب من سن ليث ،،، ليث اول ما شافه قام وقف وطلعه بره)
خالد:(بصدمه وضرب على دماغه) نهار اسود مستر ياسر (وبصوت اوشك على البكاء) دا احنا هنتنفخ يا رجاله
محمد سعد: ايه يا خالد فى ايه
خالد: اقل غلطه معاه فى المدرسه بعصايتين ده المدرسه
مالك: بس ممتاز يا خالد
بره عند ليث وياسر
ليث: عرفت توصل
ياسر: اه طبعا المكان ميتوهش اصلا
ليث: انا مش عارف اشكرك ازاى بجد انك وفقت تيجى فى الوقت ده
ياسر: انا عارف انو مس دعاء تعبانه وده الى خلانى اجى وطبعا عارف انك مش هتلاقى مدرس فى كفأه مس دعاء الايام دى وعارف انك عاوز تنجز وتخلص الباقى من المنهج متقلقش خالص يا ليث انا هكمل معاه وخير بأذن الله بس هما بس ميكونوش متعبين
ليث: الى يتعبك اديله على دماغه ده مش وقت دلع ولعب
ياسر: معظم الى عندك عارفين انى مش بحب الدلع
ليث: تمام عرف الباقى بقا
ياسر: متقلقش اومال محمد فين
ليث: معندوش حصص النهارده فمجاش هدخل انا بقا اشوف التسميع بتاعهم ده واظبطهم وابقى خلصت ربع ساعه كده
ياسر: تمام (ليث اخد عصايا دخل)
ليث: طبعا عرفتو مين المدرس الجديد بتاع الرياضه ،،، التسميع كويس الى حد ما والعصايه لم اشتغلت جابت نتيجه وهنشلغها بقا الى باقى من السنه الحصه الى جايه مراجعه او امتحان من الكتاب الى معاك هختار اى امتحان من الامتحانات الى معاكو والى هينقص درجه هيتعاقب عليه وكل واحد على حسب هو نقص فى ايه يعنى لو سؤال سهل وميستحقش الى غلط فيه يغلط فيه هوريه يغلط ازاى انما لو فى صغره ممكن اعديها بس ذاكرو ذاكرو ذاكرو علشان مش هتساهل مع حد (وسابهم وخرج وبعد كام دقيقه دخل ياسر بعد السلام والتحيه وواتعرفو على بعض
ياسر:(مسك كتاب محمد وبص فيه وعرف هما اخدو لحد فين بصلهم وساب الكتاب من ايده) طيب انا كده عرفت مس دعاء وصلت معاكو لايه انا هكتب كام مساله كده على السبوره وهتحلوها عندكو والى وهشوف الاجاب وهتختار عشوائي حد يحلها على السبوره عاوز بس اعرف مستوا كل واحد فيكو (وكتب مسألتين على السبوره واداهم وقت يحلو فيه خلصو بعد وقت معين
ياسر:(مسك الكشكول بتاع محمد سعد وبص فيه وراجع المساله) برافو عليك المسألتين صح (وسابه وراح لمحمد عباس واخد كشكوله وبصله) لسه فى خطوتين فى المساله التاينه
محمد عباس: مالحقتش اعملهم
ياسر: بس عارفهم
محمد عباس: ايوه
ياسر: تمام اطلع بقا حلها على السبوره (محمد عباس اخد من قلم السبوره وطلع وبدا يحل وياسر بيراجع اجابات باقى الطلاب بص لمحمد سعد لقاه بيغشش محمد عباس بصله) اقف يامحمد لو سمحت (محمد سعد بصله بقلق ووقف ،،، وكمل ياسر باقى التصحيح وخلص وطلع وقف قدام السبوره وبص لمحمد سعد) انت شايفنى مثلا قرطاس قدامك (محمد سعد سكت ،، كمل ياسر كلامه بهدوء) بتغششو ليه
محمد سعد: والله ما قولتلو حاجه بس كانت مطلع الناتج غلط
ياسر: انت مالك متكررش تانى علشان ماقلش منك تمام
محمد سعد: تمام
ياسر: اتفضل (محمد سعد قعد بأحراج قدام الكل ،، ياسر بص لمحمد عباس) تمام ادخل يا محمد (ومسح حل محمد عباس وبص للكل) المستوى طبعا كويس وده الى كنت متوقعه طبعا هشرح كام حاجه جديده وياريت تركزو معايا ،، وبدا شرح وسط تركيز الكل)
~~~~~~~~~~~~~~~~~~~~~~~~~~~~~~~~~~~~~
فى البيت بعد ما رجع من كليته ودهل غير هدومه طلع من اوضته شاف بباه قاعد بيقرا قرأن راح قعد جمبه
سعد:(بص لمينا وبص للمصحف وكمل الايه) صدق الله العظيم (وقفل المصحف وبص لمينا) شكلك عاوز تقول حاجه هااا عملت ايه
مينا:(بضحكه) معملتش حاجه والله بس عاوز اتكلم معاك فى حاجه كده
سعد: اتكلم فى ايه
مينا:(بتردد) بصراحه يا بابا اييه
سعد:(بص لمينا من تردد) انت جيت قطعت القرآن علشان تتردد كده قول بقا عاوز اكمل
مينا:(بقلق) حاضر بس متتعصبش علشان اعرف اتكلم
سعد:(بهدوء) لا ياحبيبى قول مش متعصب فى ايه
مينا:(بتوتر) من غير لف ودوران انا عاوز اخطب (سعد بص لمينا وسكت ،، مينا كمل كلامه بتردد) فى ايه يابابا سكت ليه
سعد:(بابتسامه) متوقعتش انكو كبرتو لدرجه انك تيجى وتطلب الطلب ده
مينا: يعنى ايه يابابا
سعد: انت مش شايف انك لسه صغير قوى على الخطوبه والارتباط من دلوقتى
مينا: منا مش ارتباط بس قرأه فاتحه بس ودبلتين بس
سعد:(بابتسامه) طيب ياحبييى مين دى احنا نعرفها
مينا: ايوه يابابا شرين بنت عمو يحيي
سعد:(بصله) شرين بنت دكتور يحيي
مينا: هيرفضو صح
سعد: ليه ياحبيبى
مينا: يعنى بعد ما عرفو انى
سعد:(مقاطع لمينا) متكملش علشان مزعلش منك انت الف بنت تتمناك
مينا: انا عاوز شرين مش الالف بنت
سعد:(بحب وحنان) خلاص ياحبيبى سبنى افاتح عمك يحيي لم اشوفه
مينا: لو رفض متقوليش قدام حد
سعد: انا متاكد انو مش هيرفض بس شرين
مينا:(بابتسامه) مش هاجى اطلب من حضرتك كده وانا مش متاكد من مشاعرها
سعد:(بضحكه) يبقى متقلقش ياحبيبى ،، قوم بقا خلينى اكمل
مينا:(بضحكه) ماشي واسف انى قطعت حضرتك
سعد:(طبطب على كتفه) لا ياحبيبي مافيش حاجه (مينا قام دخل اوضته وسعد بص قدامه وبيتمنى انو يحيي ميكسرش مينا وتنهد وكمل قرأه قرآن)
~~~~~~~~~~~~~~~~~~~~~~~~~~~~
نرجع للمعهد عند انس الى دخل الحصه وسلم على الطلاب وبصلهم
انس:(بص للطلاب) طبعا مستوى الحصه الى فاتت معجبنيش وقولت اى وقت هراجع صح (محدش رد عليه ،، كمل انس كلامه) ماشي انا بقا النهارده جاى ومقرر انى اراجع يلا بقا اقفلو كل الى قدامكو ومش عايز حد يفتح حاجه علشان ميزعلش منى نبدا بقا وبدأ يسأل والى بيجاوب بيقعد والى مابيجاوبش بيفضل واقف خلص انس تسميع وقعد على الكرسي بتاعه وبص للفصل الى تقريبا كله واقف معدا اتنين او تلاته
انس:(بص للفصل) ايه ده ايه المنظر ده ،، يعني علشان مبسمعش وعايز انجز معاكو فى المنهج الى بناخده بنرميه مبنذكروش ،، يعني علشان مبسمغش واضرب كل حصه مبتذكروش مبتمشوش الا بالدقوعلى دماغكو (بص لمحمد عباس) اطلع هاتلى عصايه من بره (طلع محمد ودخل بعصايه انس مسكها وضرب فى الهواء) لا معجبتنيش هطلع انا اجيب ،، طلع انس جاب عصايه ودخل ،، دخل وراه ليث ومحمد سراج)
محمد سراج:(بص للى واقف كله وبص لانس) متقولش انو كلهم واقفين علشان مسمعوش
انس: تخيل بقا
ليث: علشان انت اتساهلت معاهم نامو فى الخط واقولك مش هيتعدلو تقولى لا دول كبار وعارفؤن مصلحتهم
انس: خلاص يا ليث انا بقا هستعمل معاهم اسلوب تانى وقت ما يجيلى مزاج هسأل
ليث:(مسك الباب وهو بيقفل) عايز اسمع اللعسوعه من بره (وخرج ليث ومحمد سراج)
انس:(بص لمحمد عباس وقرب منه وبجديه) هتنجز هتخلص عقابك على طول هتتاخر عقابك هيزيد العصايه لو فلتت بأتنين يعني انجز واخلص ،،، محمد عباس بصله بخوف وفتح ايده انس رقع العصايه ونزل على ايده نفسه اتقطع فى ساعتها ومسك ايده ،، انس اخلص يلا ،، محمد عباس فتح ايده التانيه انس نزل عليها بنفس القوم ويمكن اشد محمد مسك ايده الاتنين وكاتم دموعه بالعافيه ،، كمل انس كلامه) يلا
محمد عباس:(بخنقه) ثواني يامستر
انس:( بتهديد) لو اتحركت خطوه من قدامك هسود يومك النهارده (محمد عباس فتح ايه تاني وضربه تاني دموعه اتجمعت بس خاف من تهديد انس وفتح ايده بسرعه ،، وخلص عقابه بعد ست عصيان اقوى من بعض ،، انس سابه وراح لمحمد سعد وبصله ،، وكمل كلامه) طبعا مش هقول لكل واحد نفس الكلام اخلص وانجز (محمد سعد فتح ايده وضربه انس بنفس القوه محمد سعد غمض عينه شويه ووشه احمر وبعد ثواني فتح ايده التانيه واخد العصايه التانيه واخد نفسه وفتح التالته وتكررت الضربات بنفس القوه لحد ما اخد الست عصيان وخلص باقي الشباب بنفس القوى وفى الى عيط وفى الى اتماسك وصل للبنات وكانت اول واحده دينا كانت بتعيط من ضريه للشباب
انس:(بصلها) يلا (فتحت دينا ايدها انس ضربها قوى بس مش زى الشباب وضربها تلات عصيان وكمل عقاب البنات الى كانت منهار اصلا قبل ما يتعاقبو خلص عقاب
انس:(بص للكل) هسمع وقت ما يجيلي مزاح وابقى اشوف المنظر ده تاني وسابهم وخرج الطلاب بدأت تخرج من الفصل وخرج اخر تلاته محمد سعد ودينا ومحمد عباس
محمد. سراج:(بتريقه) وحاسبين الدموع ليه سبوها تنزل (محمد سعد بصله وبص قدامه وكان ماشين ودينا سبقاهم
ليث:(بصلهم بجديه) هو انتو مش ناوين تذكرو خالص يعني هتخشو سنه تالته ازاى بالمستوى ده انتو عايزين ضرب من النار علشان تتعدلو
محمد سراج: دول اخرهم يقشرو بصل مع الحريم
انس:(خرج من الحمام وبصلهم بجديه لقو دموعهم نزلت من الكلام ودينا بتعيط) بتعيطو قووى وبتحسو والله انتو مهملين وتستاهلو العقاب ولو عليا كنت ضربتكم لما خلصت عليكم ف إيدي لأن المنظر اللي شوفته ده مايرضيش حد.. وبالذات لما أشوف سيادتكم مافيش مذاكرة خالص وكأنكم ماتعرفوش أي حاجة ف المنهج.. بس ملحوقة أنا هعرف أتعامل معاكم كويس أوي وهخليكم تسمعوا الكيميا كده وانتو نايمين..
ليث:(بص لانس) بكره عايزك الساعه 10بالليل بعد الدرس تراجع الكميا في البيت علشان
انس:(بتنهيده) ان شاء الله (وبصلهم) اتفضلو امشو (ومشيو التلاته ،، انس بص لليث) مراجعه كميا ايه
ليث: هتيجي تسمع بكره ونشوف المذاكره وهتسمع ابعقاب يوم الجمعه ،، يلا علشان نمشي (وقانو التلاته قفلو ومشيو)
~~~~~~~~~~~~~~~~~~~~~~~~~~~~~~~~~~~
عند ليث ودعاء فى شقتهم
دعاء:(قربت من ليث بفرحه) ليث عاوزه اقولك حاجه بس مش عارف هتبقى فرحه ولا صدمه وهتزعل
ليث:(بصلها بحب) وتفتكرى انتى الى هتقوليها وتزعلنى يعنى
دعاء: انا نفسي لم عرفت زعلت شويه بس بعدين فرحت
ليث: طب ايه هيا بقا اعرف علشان احدد اذا كنت هفرح ولا هعمل زيك وازعل
دعاء:(قعدت جمبه) مش احنا كنا هارفين انو فى ولدين فى بطنى
ليث:(بتفكير) اوعى تقولى فى بيبى نزل
دعاء: استنى بقا متسبقش الاحداث
ليث:(بتنهيده) ماشي ياستى ادينى سكت ها بقا فى ايه
دعاء: انا روحت اعمل فور دى لان بطنى كبيره زياده عن اللزوم كان مفكرين انو فى بيبى حجمه اكبر من الطبيعى وهيتولد وهيتعب وكده بس طلع فى حاجه تانيه خالص
ليث: فى ايه يعنى
دعاء:(بابتسامه حب) طلع فى بيبى ثالث علشان حجمه صغنون قوى مكنش باين فى السونار العادى ولم عملت الفور دى وضح
ليث:(باستغراب) مش فاهم فى ايه يعنى
دعاء: يعنى احنا هنجيب توأم ثلاثى
ليث:(بصدمه) تلاته ازاى انا اعرف الثنائى انما الثلاثى ده جديده
دعاء: لا ياحبيبى فى رباعى كمان والفرحه الاكبر والاجمل انهم متطابقين
ليث:(بصدمه اكبر) يعنى شكل بعض
دعاء: ايوه علشان كده الدكتور قالى احتمال ولاده اى وقت فى السابع ولازم امشي على نظام علاج معين بس انا عاوزه اطلب منك طلب
ليث:(لسه مصدوم) نعم
دعاء: انا عاوزه اروح عند ماما لحد ما اولد الحركه بقيت صعبه قوى وانا مش عارفه اتحرك لوحدى وشرين ودينا داخلين على امتحانات مش هيعرفو يبقو معايا
ليث:(بصدمه) ماشي
دعاء:(بابتسامه) مالك ياليث انت مش فرحان ياحبيبى
ليث: مش عارف انا متلغبط ومشاعر داخله فى بعض هبقى اب لتلاته مره واحده اكيد هيبقى صعب تربيتهم وتوفير ليهم معيشه كويسه وانتى هتقدرى
دعاء: طول ما احنا مع بعض ياحبيبى هنعدى كل حاجه سوا ،،، انا والله لو مكنتش تعبانه مكنتش طلبت منك اروح ابقى عند ماما
ليث: وانا ميهمنيش غير انك تبقى مرتاحه وفعلا انا ببقى قلقان عليكى ومتشليش هم اى حاجه انا جبت مدرس رياضه مستر ياسر الى معانا فى المدرسه مدرس شاطر وممتاز وكل الى بيديهم فى المدرسه بيشكر فيهم
دعاء: ايوه الحمد لله انا كنت حامله الهم والله مكنتش هعرف التزم بالدروس وكده
ليث: لا ياحبيبتى متشليش هم. بس اخوكى هيفضل هنا زى ما هو مش هيروح معاكى البيت
دعاء: لا طبعا هيفضل معاك انا اصلا ماشيه علشان عارفه انو فى حد معاك لانى عارفه انك مش هتعرف تنام تحت تانى
ليث: خلاص ماشي انا نازل دلوقتى علشان الحصه اللي ورايا فى المدرسه وانا جاى هرن عليكى تجهزى ماشي
دعاء: ماشي ياحبيبى مع السلامه
ليث:(باسها من خدها) مع السلامه ونزل وهو لسه مش مصدق الى دعاء قالته ولسه مش مستوعب الى بيحصل معاه)
~~~~~~~~~~~~~~~~~~~~~~~~~~~~~
(بعد ماهلص اليوم الدراسى فى المدرسه والمعهد ظهر محمدسراج ومينا واخدين محمدسعد ورايحين لأنس علشان يعطيه الحقنة ومحمد باين عليه التعب والخوف بس ما إتكلمش)
مينا:(حس بيه وبصله بقلق) محمد إنت كويس!!
محمدسعد:(بخوف) الحمدلله..
مينا:(بقلق) أومال مالك وشك أصفر ليه كدهه ماتخافش ياحبيبي هتعدي والله..
(محمدسعد بصله بخوف ودموع مكتومة وهز رأسه بمعني إن شاء الله وسكت مينا بصله بقلق وبص لسراج وهز رأسه بمعني هو ماله فيه إيه)
محمدسراج:(بص لمينا ورجع بص لمحمدسعد ومسك إيده) تعرف تهدي شوية حرام عليك نفسك والتوتر اللي إنت فيه ده إيدك متلجة ووشك أصفر خالص إهدي! أنا عارفة إنك خايف من الحقنة ومتوتر بسبب إن أنس زعلان منك بسبب إمبارح بس ده حاجة ودي حاجة أهدي بقي علشان ماتقعش من طولك ماشي..
(محمدسعد بصله بدموع مكتومة وهز رأسه بمعني ماشي وسكت شوية ووصلوا عند بيت أنس خبطوا وفتحلهم ودخلهم وسط خوف محمد من الحقنة ومن أنس)
مينا:(بضحكة) عاش من شافك ياسي أنس إنت لسا زي م أنت بتطحن نفسك ف الدروس وتنسي نفسك..
محمدسراج:(بضحكة وهزار) يابني دي دماغه لسعت من كتر الكيميا اللي فيها ..
أنس:(بضحكة) إنت جاي علشان تهزقني ياض..
محمدسراج:(بضحكة) لا ياأخوياا جايين علشان خاطر حقنة حمادة..
(أنس بصله ورجع بص لمحمدسعد اللي قاعد باين عليه الخوف والتوتر ورجع بصلهم تانــي)
أنس:(بص لمحمد ورجع بص لمينا بجدية) هات الحقنة يامينا ..
(مينا إعطي الحقنة لأنس اللي بدأ يجهزها وسط خوف محمد ورعبه منها وسراج ومينا باصين عليه بإستغراب)
محمدسراج:(بتساؤل وإستغراب) غريبة يعني ساكت!! مش دي الحقنة اللي بتقلب الدنيا على أما تأخدها ولاأنا بيتهيألـي!!!
مينا:(بقلق) إنت كويس يامحمد؟!
محمدسعد:(بدموع مكتومة وخوف) الحمدلله..
أنس:(بجدية) خلصت يلا يامحمد قوم علشان الحقنة ماتبوظش..
(قام محمد لوحده ووقف قدام أنس اللي بصله بإستغراب وبص لمحمدسراج ومينا اللي بيبصوا عليه بإستغراب وقلق فاق أنس وبدأ يعطي محمد الحقنة وسط توجعاته اللي كاتمها وعض على شفايفه جامد خلص أنس الحقنة ودلك مكانها شوية وراح يرمي السرنجة ويغسل إيده ومحمد قعد على الكرسي بوجع وكاتم دموعه بالعافية)
مينا:(بقلق) محمد مالك ماتقلقنيش بالله عليك إنت أول مرة تأخد الحقنة بالهدوء ده فيه إيه مالك إنت كويس!!!
محمدسراج:(بهدوء وشك إن زعل محمد بسبب عقاب أنس) إنت زعلان من مستر أنس بسبب اللي حصل إمبارح وخايف منه صح!!
مينا:(بإستغراب) ماله أنس وحصل إيه إمبارح!!
محمدسراج:(بتنهيدة) معاقب الدرس كله بس محمدسعد ومحمدعباس ودينا متوصي بيهم ف التهزيق شوية..
(مينا لسا هيرد قطع كلامهم خروج أنس وقرب من محمدسعد وقعد جنبه)
أنس:(بإبتسامة) يعني كل الهدوء ده بسبب إنك زعلان وخايف مني!! طيب خلاص ياسيدي ماتزعلش حقك عليا هه كده إرتحت!! وبعدين أنا بعمل كده علشان إيه مش علشان خايف على مصلحتكم لإنـي بعتبركم إخواتـي وولادي كمان يعني طبيعي وقت الغلط هشّد عليكم أول ناس وأكتر ناس..
محمدسعد:(بدموع وحزن) أنا أسف يامستر..
أنس:(بإبتسامة ومسحله دموعه) طيب خلاص إهدي إنت جاي تعيط بس م أخدت الحقنة وخلاص خلصنا..
محمدسراج:(بضحكة وهزار) بس والله حلو جو الهدوء اللي أخد فيه الحقنة ده ماحصلناش تلوث سمعي المرة دي..
مينا:(بضحكة وهزار) إتكلم عن أخويا عدل بدل م أزعلك ..
أنس:(بضحكة) إفصلوا أنتو الأتنين وبطلوا صداع صدعتوناا (وبص لمحمدسعد بتساؤل وإبتسامة) ها رجلك فكت شوية ولالسا واقفة ؟!
محمدسعد:(بصله بهدوء) الحمدلله يامستر ..
أنس:(طبطب على ظهره وبإبتسامه) ربنا يشفيك ياحمادة..
(محمدسراج ومينا وأنس قعدوا يهزروا ويتكلموا مع محمدسعد علشان يلهوه عن الحقنة وتعبها وكمان زعله وشوية وأخدوه ونزلوا لما رجله فكت وقدر يمشي)
~~~~~~~~~~~~~~~~~~~~~~~~~~~~~~~~~
اما ليث الى رجع البيت اخد دعاء ودها عند مامتها وقعد شويه ومشي
عند دعاء وكنزه فى اوضتهم بعد ما مشي ليث
كنزه: متجبتيش محمد معاكى ليه والله وحشنى جدا
دعاء: سبته يذاكر مع محمد
كنزه: بس انتى متاكده من الى بتقوليه
دعاء: اه طبعا وهتيجى معايا تشوفيهم فى السونار
كنزه:(بفرحه) خلاص بقا سبيلى واحد
دعاء:(بصدمه) اسبلك واحد ايه ياكنزه هو عروسه
كنزه: اه انا عاوزه واحد بس مش مهم هتسميهم ايه
دعاء: بفكر فى ياسين ويونس ويوسف بس لسه مقترحتش على ليث
كنزه:(بقلق) بس انتى هتقدريلهم
دعاء: والله انا خايفه من المسؤليه قوى بس اهوه ماما معايا وانتى وطنط كمان وشرين ودينا وهايدى ورنا وطنط ام مينا كمان كلهم هنام مستنين انى اولد انا مش هحس اساسا بحاجه لان الكل هناك حواليا
كنزه: انتى بجد محظوظه بليث واهله ربنا يخليهولك يا حبيبتى وتقومى بالسلامه انتى والبيبيهات يارب
دعاء: يارب ياكنزه يارب شوفتى فرحه ماما وخوفها فى نفس الوقت وبابا وكلهم هناك فرحو قوى
كنزه: طبها يابنتى اول حد يجيب 3 منا ماشاء الله يعنى عليكى الله يحميكى من العين يارب
دعاء: ربنا يعنا على تربيتهم يارب ويجو يكونو بصحه كويسه
كنزه: بس دعاء على فكره هما هيتولدو هيدخلو الحضانه متقلقيش وسبيهم لحد ما يطمنو عليهم متستعجليش على خروجهم
دعاء: الدكتور قالى كده بس انا قوليلو هحجز اوضه فى السمتشفى لحد ما يطلعو بالسلامه هو قالى احتمال الصغنون الى ظهر فى الفور دى الى يطول فى الحضانه شويه بس كا اجزاء جسم وكده هما كويسين
كنزه: متشليش هم ياحبيبتى وسبيها لربنا يمشيها زى ما هو عاوز
دعاء: ايوه ونعمه بالله
كنزه: هقوم بقا اعملك عصير واساعد ماما فى الاكل
دعاء: لا بصى انا هنام شويه على ما تخلصو الاكل
كنزه: ماشي (طلعت كنزه ودعاء نامت)
~~~~~~~~~~~~~~~~~~~~~~~~~~~~~~~~~
عند محمد عباس طلع لليث الى كان قاعد على السفرا بيخلص حاجات
محمد عباس:(قرب منه) ابيه هيا دعاء فين
ليث:(بص لمحمد عباس) اقعد (محمد عباس قعد ،، كمل ليث كلامه) دعاء راحت عندكو هناك علشان تعبانه من الحمل وكمان لاننا عارفنا انها حامل فى توأم ثلاثى فالحركه هتتعبها فراحت بقا لحد كا تقوم بالسلامه
محمد عباس:(بصدمه) ثلاثى
ليث: اه
محمد عباس: طيب بكره بقا هرجع البيت هناك بقا
ليث: ليه
محمد عباس: ما اختى مش هنا
ليث: وانت قاعد علشان اختك يعنى
محمد عباس: لا بس
ليث: لا مافيش مرواح انت هتفضل معايا هنا ولا انت عندك اعتراض
محمد عباس: مافيش بس انا زهقت وعاوز ارجع بيتى بقا
ليث: بيت اختك هو بيتك
محمد عباس: بس انا برتاح على سريرى اكتر
ليث: معلشي تعالا على نفسك كمان الفتره دى خلاص هانت على الامتحانات وتخلص وارجع ياعم براحتك
محمد عباس: بس يعنى
ليث: محمد مافيش رجوع البيت دلوقتى واتفضل بقا قوم ذاكر علشان الى حصل فى الكميا ميتقررش تانى
محمد عباس:(بصله) طيب انا فى سؤال واقف معايا فى الامجليزى الامتحانات الى قولت عليها فى الحصه ينفع تفهمهولى
ليث: ماشي روح هات الكتاب وتعالا (محمد عباس بصله بقلق وراح جاب الكتاب ليث بص للسؤال وتنهد وقعد يفهمه لمحمد تانى وبراحه وبهدوء ومحمد ركز معاه
~~~~~~~~~~~~~~~~~~~~~~~~~~~~~~~~~~
تانى يوم عند ليث الى قاعد مع محمد بيتعشو
ليث: بقولك يامحمد انا هطلع لانس شويه
محمد عباس: فى حاجه ولا ايه
ليث: مش عارف شكله مش عاجبنى من الصبح وحاسه انو تعبان هروح اطمن عليه وانت شوف لو هتذاكر او تنزل مع محمد تحت تذاكرو مش تلعبو
محمد عباس: ماشي هنذاكر والله
ليث: ماشي شوف هتذاكر ايه علشان متبقاش لوحدك
محمد عباس: ماشي هدخل اجيب حاجات العربى (ودخل بسرعه وبعظ كام دقيقه خرج كان ليث شال مكان الاكل وخرجو من الشقه)
ليث:(بص لمحمد عباس) ذاكرو يامحمد ماشي
محمد عباس: حاضر والله (ليث طلع ومحمد نزل ،،، ليث طلع لانس وخبط عليه بس مكنش فيه اى رد منه خبط تانى وبردو مافيش رد من انس ليث بص على مكان المفتاح الاحتياطى لقاه اخده وفتح دخل الشقه ودخل يدور على انس فجأه لقى انس واقع على الارض بصله بصدمه وجرى عليه
~~~~~~~~~~~~~~~~~~~~~~~~~~~~~~~~~~~~~~~~~~~~~
ياترى انس ماله وايه الى وصله لحاله الاغماء دى لو حابين تعرفو استنو الحلقه الى جايه
