اللقيط

الحلقه9

#اللقيط
#اللقيط_9
#جزء_من_حلقه_سابقه
محمد سعد:هنروح نقول للمدرير عليكم
يوسف: لا ياحمادة ( بأستغراب) هو انت اسمك ايه!
محمد سعد: اسمى محمد
يوسف: طيب ياحماده متروحش تقول لحد علشان لو حد عرف انت عارف عقاب المدرسه..
محمد سعد: ماهما كده كده هيعرفوا
امجد: مالكش دعوه بقي
وائل: هو انتو ايه الى دخلكو هنا
محمد عباس: نسينا لبس الالعاب ومعاقبين 
وائل: عليكو مين فى الحصص الى جايه
محمد سعد: مستر محمد سراج ومستر ليث ومس مروه
امجد: دول عالم خنقية هتستحملوهم ازاى بس ,, اقولكو فكرو تعالو اهربو معانا (محمد سعد بص لمحمد عباس  ,, امجد شدهم لسور المدرسه  وبدأو انهم يطلعو السور ........
#بدايه_الحلقه_الجديده
محمد سعد:(رجع نزل من على السور وشد محمد عباس) لا ياعم احنا مش هنرب وهنرجع بقا للكابتن علشان ميزعقلناش علشان اتأخرنا
امجد:( بجديه) طب متقولش لحد
محمد سعد:(بصله) لا مش هنقول
يوسف: شكلنا هنبقى اصحاب
محمد سعد: بس غلط الى بتعملو سلام بقا (واخد محمد عباس وجريو من قدامه رجعو للكابتن تانى
احمد:(بعصبيه) كل ده بتلفو انتو بتجرو ولا بتمشو
محمد سعد: لا والله بنجرى
احمد: اومال ايه الى اخركو
محمد سعد: اصل محمد عباس اتكعبل ووقع ورجله كانت بتوجعه شويه 
احمد:(بص لمحمد عباس بسرعه) لسه رجلك بتوجعك
محمد عباس:(بص لمحمد سعد ورجع بص للكابتن) لا الحمد لله بقيت احسن
احمد: طب الحمد لله  تعالو بقا
محمد عباس: هنكمل العقاب
احمد: لا خلاص كفايه عليكو  دانتو هتقعو من طولكو لو لفيتو 5 مرات يلا (راحو الاتنين مع الكابتن ومجابوش سيره لحد عن الى شافوه
................................................................................
(عدي الأسبوع وجه يوم فرح ليث عند مينا وليث ومحمدسعد ومحمدسراج وأحمد قاعدين مع ليث فـي الأوضة)
محمدسراج:(بزعل) خلاص أخر يوم وهتمشي من البيت!!
محمدسعد:(بضحكة) إيه يامستر ده هما كام سلمة الفرق بينكم يعني مش هيسافر بلد تانية يعني..
محمدسراج:(ضربه علي قفاه بهزار) إنت بتفصلني ليه ياله يخربيت كده فصلتني..
مينا:(بص لليث بضحكة) سيبك منهم يا بني يلا وتعال ألبسك الجرافيت..
ليث:(بزهق) أها تعال ده بتاعة مملة بقالي سنة بعمل فيها وعلي الفاضي..
أحمد:(بضحكة) الجرافيت دي معاناة نص شباب مصر يابني نص الشباب بيعانـي من لبسها والنص الأخر بيساعد اللي بيعانوا ..
محمدسراج:(بضحكة) حوش حوش الفلسفة فيلسوف من يومك يا أخوياا ..
ليث:(بضحكة) أقعدوا هزروا هزروا وفاضل علي الزفة أقل من ساعة ..
محمدعباس:(دخل عليهم وبإبتسامة) يلا ياعريس العروسة خلصت وبتستناك..
ليث:(بص لمحمد عباس بإبتسامة ولهفة) كلمتها؟!
محمدعباس:(بسعادة) آه وبتستعجلك ..
ليث:(بص في المراية) يلا يامينا يلا خلص البتاعة دى خلينا نمشي ( خلص مينا الجرافيت وليث عدل لبسه وطلعوا)
ليلي:(بدموع فرحة) أخيراً شوفتك عريس أخيراً ياحبيبي ربنا يسعدك ويهنيك يارب ألف مبروك ياقلبي ..
ليث:(باس إيديها وبإبتسامة) الله يبارك فيكِ ياماما ..
محمدسراج:(بضحكة وهزار) آه وأخيراً الاوضة فضيت وبقيت بتاعتي لوحدى..
محمدسعد:(بضحكة) إنت مش كنت زعلان من شوية يامستر
محمدسراج:(بصله بضحكة) هو إنت واقفلي علي الواحدة ليه كدهه يارخم ..
ليث:(بضحكة) بس بقي ناقر ونقير خلوا يوم يعدي من غير نقار ياساتر عليكوا (وبص لأمه بإبتسامة وحنية) أنا معاكوا دايماً ياماما ومش هسبكوا وبعدين ده البيت فوق البيت يعني..
ليلي:(بسعادة) ربنا يباركلك ياحبيبي يارب (وزغرطت وحضنته بفرحة ودموع ونزل ليث مع الشباب وطلعت الزفة وسط فرحتهم وسعادتهم)
.............................................................................................
بعد ما عملو ليث ودعاء سيشن جميل جدا ولفو شويه بالعربيات ووصلوهم اهل دعاء لبيتها ومعاهم اهل ليث وكلهم نزلو وسابوهم لوحدهم
ليث:(بحب) اخير بقيتي بتاعتي
دعاء: ايه بتاعتك دى انت اشترتني ولا ايه
ليث: لا بس بقيتي مراتي وبنتي وحبيبتي
دعاء:(بكسوف) خلاص بقا ياليث انت عارفواني بتكسف
ليث:(بضحكه) لااااا مافيش كسوف من النهارده
دعاء:(بأرتباك)  انا هدخل اغير ولم اخلص هنادي عليك
ليث:(بغمزه) طب مش محتاجه تفتحي السوسته او تفكى الطرحه
دعاء:(بسرعه) لا انا هتصرف (ودخلت دعاء بسرعه وليث قعد يستناها  بعد شويه نادى عليها ودخل لقاها لابسه اسدال صلاه قرب منهاو باس دماغها
ليث: انا كنت خايف تكوني نسيتي
دعاء(بألتسامه رقيقه) مش ممكن انسي يلا بقا
بدأ ليث يصلي بدعاء امام وشويه وخلصو صلاه وقامو اتكلمو مع بعض شويه وراحو في عالمهم الخاص
.................................................................................
وعدى على كده اسبوع كمان (عند ليث اللي قاعد مع محمدسعد ومحمدعباس وهو بيعلم التسميع والإتنين بيبصو لبعض نظرات خوف)
ليث:(خلص وبصلهم) إيه ده!! (محدش رد عليه كمل كلامه بعصبية) متسكتوش وردوا عليا إيه ده!! (وبص للورق) يعني إيه أعطيكم 20كلمة(بص لمحمد عباس) سيادتك تحل منهم 10 كلمات وخمسة بس اللي صح (وبص لمحمد سعد بتريقة)  إنما الباشا التاني عارف العك اللي عامله (بردو الاتتين ساكتين ومبيرودوش ليث هز دماغه بتوعد) الظاهر أنا اللي دلعتكم بس ماتقلقوش هعرف أتصرف وأظبطكم دلوقتي حالاً (الأتنين باصين عليه بخوف ليث بصلهم وطلع بره وغاب شويه ورجع بعد عشر دقايق ومعاه مينا محمدسعد بصله بصدمة ومبصش لمينا وبص قدامه تاني)
مينا:(بقلق لما شاف شكلهم) في إيه ياليث قلقتني!!
ليث:(بتريقة) لا ماتقلقش خالص وتعالي حل مع الأستاذ التسميع يلا واكتبله زى ما عملت في اللي قبل كده..
مينا:(بص لمحمد ورجع بص ليث)  فى إيه طيب بس مش فاهم حاجة!!
ليث:(إعطاله ورقة محمد) صفر من عشرين ده لو واحد فاشل وقعد ع الكتاب نص ساعة هيعرف يجاوب!! لكن اللي أنت شايفة ده فاق الإهمال والفشل وأقولك عاوز يتشّد عليه يامينا وماتسعدوش يامينا تقولي لا هيبقي كويس (مينا واقف وحاطط وشه في الأرض كمل ليث كلامه) بس ماتقلقش أنا هظبطهم الوقتي وأنفخهم من الضرب علشان يتظبطوا ويرجعوا لمستوياتهم ويبطلوا الفشل ده!!
مينا:(بحزن) علشان خاطرى ياليث بالله عليك خلاص
ليث:(بعصبية ووقف قدامهم) مالكش دعوة يامينا سامع مالكش دعوة أنا جايبك تتفرج بس علشان تشوف تساهلك معاه نتيجته إي!!
مينا:(راح وقف قدام محمدعباس ومحمدعباس وبيبص لليث بإستعطاف) بالله عليك سامحهم المرة دي..
ليث: لا مافيش سماح هيتعاقبوا يعني هيتعاقبوا وإنت هتقعد كمان وتحضرنا
مينا:(بصلهم بحزن وبص لليث) لا هنزل مش هقعد..
ليث:(بجدية) هتقعد يامينا أنا قولتها كلمة (وبص لمحمد عباس) يلا إفتح إيدك (محمد عباس فتح إيده ضربه ليث عصايا غمض عينه ليث مش صابر عليه مسك إيده وضربه وراء بعض خمس عصيان علي إيد واحده وبدون راحة محمدعباس شّد إيده من ليث ليث بصله لقيٰ دموعه نزلت مسك إيده التانية وضرب خمس عصيان وراء بعض أجمد من الاولنين وسابه وبصله) لسه مخلصتش بس هريح إيدك شوية (وبص لمحمدسعد وشد إيده مسكها وضرب خمس عصيان علي ايده ومحمد واقف متحركش من مكانه بس وشه قلب ألوان ليث ساب إيده ومسك التانية وضرب عليها خمس عصيان بردو وسابها ورجع كرر مع إيده التانيه تاني وسابه وبص لمحمدعباس ومسك إيده وضربه خمس عصيان وراح لمحمدسعد ومسك إيده علشان يضربه ومحمد واقف مكانه بان عليه الخنقة بس ماسك نفسه ومانع دموعه تنزل..
مينا:(قاعد هيتجنن علشانهم وهو مش عارف يعملهم حاجه وبحزن باين علي صوته) خلاص ياليث بالله عليك كفاية عليهم كده..
ليث:(بص لمحمدسعد ومسك إيده وضربه خمس عصيان كمله ال20 عصاية..
مينا:(وقف قدام ليث وبدموع مكتومة) كفاية عشان خاطري لو ليا خاطر عندك كفاية يعني مش كفاية واحد مضروب 15 عصاية وواحد 20عصاية بالله عليك بقي كفاية..
ليث:(بصله وساب إيد محمد وبصلهم الاتنين) اتعدلو علشان لو متعدلتوش هعدلكوا سامعين والله أنا كنت ناوي أكسر عضمكم بس يلا مش مهم بس أشم إهمال منكم تاني وهتشوفوا الويل وإنتو أحرار (محمد عباس ظهر دموعه نازله لسه ومحمد سعد علي وضعه لسه متماسك كمل ليث كلامه) اتفضلوا انزلوا (الاتنين أخدوا حاجتهم ونزلو من غير ما يتكلموا مع حد ولا حتي دعاء اللي كانت بتنادى عليهم)
ليث:(بص لمينا بجدية) إتفضل إنت كمان يامينا علشان ماأزعلكش مني وياريت بقي تبطل تساهل معاهم لأنه هيجي علي دماغهم ف الأخر يلا إتفضل..
مينا:(بصله بحزن وتنهيدة ومشي ونزل بيتهم وبص على محمد من باب الأوضة من غير مايأخد باله منه ظهر محمدسعد نايم على السرير وأول ما حط دماغه علي المخدة دموعه نزلت مساحها وغمض عينه والدموع غرقت وشه ومينا باصص عليه بحزن ودموع محبوسة)
..............................................................................
(عند محمدعباس ظهر داخل أوضته وباين عليه الحزن والدموع فـي عينه دخل على أوضته على طول وساب الكتب على المكتب وقعد على السرير وتنهد وبص لإيده اللي كانت معملة من الضرب دخلت كنزة عليه محمد خبى إيده بسرعة)
محمدعباس:(بصلها بعصبية) مش تخبطى قبل ما تدخلى إفرضي كنت بغير يعني..
كنزة:(بإستغراب لعصبيته) إنت لسه داخل ملحقتش يعنى وبعدين مالك متعصب ليه!!
محمدعباس:(بنرفزة) مافيش عايزة إيه؟!
كنزة:(بحزن) مالك فى إيه يامحمد إنت بتزعق ليه!!
محمدعباس:(بتنهيدة وحاول يهدي) مافيش حاجة ياكنزة أنا مرهق بس وعاوز أنام..
كنزة:(بقلق) لا مش كويس مالك بجد من أمتي بنخبي حاجة على بعض!!
محمدعباس:(بزهق وضيق) مافيش حاجة يابنتي أخرجي يلاا عاوز أغير هدومي وأنام
كنزة:(بإستغراب) هتنام الوقتي لسا بدري!
محمدعباس:(بزهق) كنزة إطلعي بقي.
كنزة:(بعند) طيب قولي مالك الأول وأنا هسيبك وهطلع..
محمدعباس:(بصلها بتنهيدة وزهق وقام وقف وفك الزارير بتاع القميص) خليكِ قاعدة أنا هغير هدومي علشان أنام (كنزة بصتله بقلق وزعل وقامت خرجت من الأوضة محمد عباس تنهد وقعد على السرير تانـي بحزن ودموع)
...........................................................................
(عند محمدسعد اللي كان نايم وفجأة صحي على حاجة باردة على إيده صحيٰ بخضة لقي مينا قاعد قدامه بيعمله كمدات على إيده محمد بصله وقام قعد علي السرير)
مينا:(بهدوء) عامل إي؟!
محمدسعد:(بصله وبهدوء) كويس..
مينا:(بعتاب) ليه توصل نفسك للي حصل ده! ليه تخليٰ ليث يففد ثقته فيا وفيك للدرجة دي! طيب سيبك من ده كله مستواك نزل ليه من أمتي ومحمد بيجيب الدرجة الوحشة دي! درجة إي ده مافيش درجة أصلاً من الأساس ليه يامحمد ليه وصلت نفسك لكده؟!
محمدسعد:(قعد يبص حواليه وبعدين بص لمينا بدموع) حد عرف حاجة هنا؟!
مينا:(بهدوء) لا مافيش حد عرف بس تخيل بقي عرفوا ماما وبابا هيعملوا إيه! فليه توصل نفسك لكده؟!
محمدسعد:(بصله بدموع وساكت مش بيتكلم)
مينا:(بهدوء) أنا بكلمك علشان خايف عليك وعلي مصلحتك يامحمد لأن محمد اللي أعرفه مش بالإهمال والتقصير ده فوق لنفسك ولمذاكرتك ده أنت لسا تانية ثانوي هتعمل إيه بقي لما تدخل سنة ثالثة!! فوق لنفسك يامحمد علشان خاطري كمان ليث حطكم في دماغه إنت ومحمدعباس فشوفوا مصلحتكم علشان نفسكم ف الأول وف الأخر..
محمدسعد:(بصله بدموع مكتومة وحزن باين علي ملامحه وساكت من بيتكلم)
مينا:(بحنية وإبتسامة) ماتكتمش العياط عيط يامحمد علشان بعد ماتعيط وتطلع اللي جواك تعرف تفوق لنفسك ولمذاكرتك..
محمدسعد:(بعياط) ماكانش قصدي والله إني ماأذاكرش بس المدرسين كل مدرس طالب نهتم بمادته وكمان ليث بيعطيني أنا ومحمدعباس مواعيد إضافية يعني شبه يومياً عنده..
مينا:(أخده في حضنه يهديه وبإبتسامة) خلاص إهدا ياسيدي حقك عليا أنا ليث بيحبكم والله ولولا إنه خايف على مصلحتكم ماكانش عمل كل ده إهدا بقي خلاص ..
(محمدسعد حضن مينا وعيط ومينا أخده في حضنه يهديه وهو بيهزر معاه)
مينا:(بضحكة وهزار) خلاص بقي ده المفروض والله أعيط أنا كمان معاكم ماليث قلب عليا أنا كمان..
محمدسعد:(بصله بضحكة بسيطة وعينه مليانة دموع وماإتكلمش)
مينا:(بضحكة وبيمسحله دموعه) خلاص بقي لحد يدخل علينا ونتقفش ونتنفخ أنا وإنت بحق وحقيقي قوم يلا إغسل وشك وفوق كده علشان تذاكر..
محمدسعد:(بصله بدموع وتعب وحضنه تاني) أنا بحبك أوي يامينا ربنا يباركلي فيك يارب..
مينا:(بإبتسامة وحنية وبيمسح علي ظهره) وأنا كمان بحبك يامحمد يلا ياحبيبي قوم إغسل وشك وفوق كده وأنا هقعد معاك نذاكر سويٰ..
محمدسعد:(بصله بإبتسامة وقام وقف) حاضر..
(راح محمد يغسل وشه ومينا باصص عليه بتنهيدة وقلق وبيفكر هيعمل إيه مع ليث شوية وخرج محمد وجاب كُتبه وقعد جنب مينا وقعدوا يذاكروا سوا)
...............................................................................................
عند رنا ومحمد سعد وهما نازلين من البيت
رنا: محمد هيا ايدك زرقاء ليه كده
محمدسعد: متشغليش بالك يارنا،،  يلا بقا علشان منتأخرش علي المدرسه (ونزلو الاتنين وراحو بأتجاه المدرسه)
رنا: مالك يا محمد متغير بقالك كام في ايه
محمد سعد: مافيش والله
رنا:(مسكت ايده بحنان) هو انا مش بقولك كل اسرارى انا بس عايزه اطمن عليك
محمدسعد: اطمنى ياحبيبي انا كويس والله
رنا: طب اقولك حاجه ومتزعلش مني
محمدسعد:(بصلها) قولي
رنا:(بخوف) انا شوفت اخر امتحان مستر ليث عمله (محمد بصلها بصدمه وبص قدامه تاني)
محمد سعد:(بزعل) ليه بتلعبى في حاجتي يارنا
رنا: لا والله انا كنت بروق الاوضه وبحط هدومك في الدولاب والورقه وقعت وشوفتها ،، انا والله مش هقول لحد  بس دى ورقتك فعلا(محمد سعد سكت ومردش عليها،،  كملت رنا كلامها)  ورقتك فعلا انا مش مصدقه والله بس انت عارف ساعات الواحد بيقي عارف حل السؤال ومبيعرفش يجيبه تلاقيه حصل معاك كده صح  انا عارفه انو اكيد مستر ليث مسكتش وعاقبك بس هو بيحبك قووى ومش عايزك تبقي اقل من حد ديما بسمعه يقول كده في الحصص متزعلش منه ومتزعلش منى (لم لقيت اخوها بان عليه الخنقه رنا بصت ف الساعة) طيب يلا يلا إتأخرنااا والطابور قرب يبدأ
................................................................................................
خلص اليوم الدارسى وظهرو فى الدرس  (تاني يوم في المعهد ظهروا محمدسعد ومحمدعباس كانوا عندهم درس لمحمدسراج قعدوا بيستنوا  معاد الدرس يجي شافهم محمدسراج قرب منهم وقعد معاهم)
محمدسراج:(بضحكة وهزار) إيه ده!! ماشاء على الإلتزام جايين بدري يعني النهاردة ..
محمدسعد:(بهدوء) عادي مش بدري ولاحاجة لسا عشر دقايق بس والدرس معاده يجي..
محمدسراج:(بضحكة) وإنت مالك بتتكلم بهدوء ليه كده!
محمدسعد:(بهدوء) مافيش يامستر أنا كويس..
محمدسراج:(بصلهم بتركيز وبالأخص إيديهم وبصلهم بتساؤل) مالها إيديكم إنتو الإتنين!!
محمدسعد:(خبي إيده ورا ظهره وبحزن) عادي مافيش حاجة يامستر ماتشغلش بالك..
محمدسراج:(بشك وتساؤل) ليث معاقبكم؟!
(محمدسعد ومحمدعباس بصوله ورجعوا بصوا ف الأرض وسكتوا ما إتكلموش)
محمدسراج:(بصلهم بتنهيدة) بصوا أنا مش هلوم ليث ولاأقول إنه غلطان لإن بالذات ليث عمره مايتعصب كده غير لما تكونوا مقصرين جداً وجداً أوي كمان بس اللي أقدر أقولهولكم خلوا بالكم من مذاكرتكم ومصلحتكم شوية عن كده وبلاش الإهمال اللي هيجي من وراه المرمطة والضرب ده وماتزعلوش من ليث هو خايف على مصلحتكم إنتو عارفين إنكم الإتنين بنعتبركم إخواتنا الصغيرين فلما نشّد على حد منكم ده لمصلحتكم فـي الأول وفـي الأخر فخلوا بالكم من مذاكرتكم إتفقنا؟!
محمدسعد:(بصله بحزن وتنهيدة وهز رأسه بمعني ماشي) بإذن الله حاضر يامستر..
محمدسراج:(بص لمحمدعباس بضحكة) وإنت يابني سمعنا صوتك لاأسكت الله لك حساً ..
محمدعباس:(بهدوء) حاضر يامستر ..
محمدسراج:(بصلهم بتنهيدة) ماتزعلوش بقي ليث بيحبكم والله بس هو خايف على مصلحتكم بكرة مش عندكم درس عنده إبقوا صالحوه بقي وهيسامحكم ماتقلقوش..
محمدسعد ومحمدعباس:(بصوله بدموع مكتومة وحزن وهزوا راسهم بمعني ماشى) بإذن الله يامستر..
محمدسراج:(بإبتسامة) طيب يلا إدخلوا زمايلكم إتجمعوا أهو يلاا علشان معاد الدرس (ولسا جاين يدخلوا لقوا ليث قرب منهم وبصلهم)
ليث:(قرب منهم وبجدية) واقفين كده ليه!!
محمدسراج:(بضحكة) كنت بتكلم معاهم ياعم إهدا كده إنت طالع من الجواز سخن ع العيال ليه كده!!
ليث:(بجدية) علشانهم بيستهبلوا دي مش مناظر ناس ف ثانوية عامة دي!!
محمدسراج:(بهدوء) طيب إهدا وأنا كلمتهم وبإذن الله يشوفوا مصلحتهم ماتقلقش..
ليث:(بجدية وتريقة) أتمني ..
محمدسراج:(بصلهم بإبتسامة) طيب يللا إدخلوا الأوضة وأنا جاي أهو ..
(دخل محمدعباس ومحمدسعد الأوضة بتاع الدرس وليث باصص عليهم بتنهيدة)
محمدسراج:(بضحكة) تفضل هادي هادي وتفتح مرة واحدة العيال إيديهم وارمة يابني إنت عملت فيهم إيه!!
ليث:(بجدية) علشان يتظبطوا ويبطلوا دلع ويلاا بطل رغي وروح مش معاد الدرس بدأ ..
محمدسراج:(بضحكة وقام وقف) إنت هتقلب عليا ولاإيه لا ياأخويا روح حصتك يلاا وسيبني ف حالي..
(دخل محمدسراج علشان يعطي حصة الدرس بتاعته وليث باصص دخل الأوضة بتاعته يعطي دروسه)
...............................................................................
(عند أحمد اللي كان فى الكليه قاعد مع كارمن وبيتكلموا مع بعض)
أحمد:(بزهق) بس
انا مبقتش اشوفك يا كارمن خالص
كارمن: طب اعمل ايه بس
احمد: معرفش بقي
كارمن:( بزعل) هو انت كل ما تشوفنى هتنكد عليا
احمد: هو انا بشوفك اصلا علشان انكد عليكى ولا  اعمل حاجه تانيه
كارمن: ياحمد أنا مكنتش فاضيه والله خالص  كان وريا كذا  حاجه بخلصها فى الكليه وانت عارف تقل المواد عندنا
احمد: كنت بتفتحى نت واكلمك متروديش
كارمن: والله ما ببقا واخده بالى جروبات الكليه بتضيع اى راسائل بتجيلى ناس كتير زعلت منى بسبب كده بس انا ميهمنيش كل دول انت بس الى تهمنى وانت مش عايز تصدقنى
احمد: لا انا مصدقك  بس بجد بتوحشينى..
كارمن: طب خلاص بقا  علشان خاطرى
احمد: ماشى يا كارمن ماشى  خلاص هنطلع نتغدى بره
كارمن: ماشى  بس هروح دلوقتى علشان المحاضره هتبدأ
احمد: تمام وانا بردو حروح المحاضره خلصى ونتقابل هنا
كارمن: ماشى يلا سلام
احمد سلام (وكل واحد راح المحاضره بتاعته )
...........................................................................................
(في العيادة بتاع يحيي ظهر قاعد مع سعد وبيتكلموا مع بعض)
سعد:(بإستفسار) المفروض هتفتح أمتي؟!
يحيي:(بإبتسامة) كمان نص ساعة كده بس أنا بحب أجي بدرى أستني الناس مش هما اللي يجو يستنوني أكيد بيقي في حد تعبان وفي اللي بيجي من بعيد..
سعد:(بإبتسامة) إنت مافيش زيك والله ربنا يكرمك يايحيي (تليفون سعد رن فطلعه وفتح علي اللي بيرن) ايوه يانيرة ............. تاني......... أكيد من لعب الزفت الكوره اللي مش بيرحم نفسه منها دي .................  خليه يروح درسه ويبطل دلع بدل ما أجي أطلع عينه................ ماشي أنا شوية كده وجاى ........... سلام (وقفل التليفون وتنهد بزهق)
يحيي:(بإستغراب) في إيه بس يا سعد إهدا كده فيه إيه!!
سعد:(بضيق) الواد محمد بقي بيدلع قوي جاى من المدرسة بيعط لأمه من رجله ومش قادر يدوس عليها وأكيد بيهرب من الدرس تلاقيه مش مذاكر ولاحاجة..
يحيي:(بتركيز) رجله منين اللي بتوجعه وبيشتكي من أمتي؟
سعد:(بهدوء) ركبته وبتوجعه من تلات أربع أيام كده تلاقيها من لعب الزفتة الكورة مابقاش يرحم نفسه..
يحيي:(بجدية) لم أرجع البيت بالليل أنا عايز اشوفه وأشوف المكان اللي بيوجعه بالظبط..
سعد:(بقلق) ليه يعني في حاجه ولا ايه
يحيي: وجع الركبة مش لازم يتسكت عليه ممكن يكون عنده نسبه الروماتيزم عاليه لازم يتعمله تحليل نشوف تعب رجله من إيه!
سعد:(بقلق) يعني مش من لعب الكورة؟!
يحيي:(بجدية) لعب الكورة يوم بالكتير ولم يرتاح بيبقي كويس إنت بتقول بقاله تلات أيام..
سعد:(لسا هيتكلم لقي السكرتير اللي برا جه وبدأت الناس تيجي تكشف قام وقف وبصله) طيب أنا همشي وبالليل أبقى أجيبهولك تشوفوا لأنك قلقتنى عليه..
يحيي:(بإبتسامة) وأنا مروح هحود عليكم بإذن الله وأشوفه وماتقلقش خير بإذن الله
(مشي سعد وسط قلقه على محمد ويحيي بدأ يكشف علي المرضي ويشوف شغله)
...........................................................................................
عند محمدسعد ومحمدعباس ظهروا رايحين الدرس ومتأخرين وبيجروا علشان ليث مايعاقبهم ويزعقلهم وصلوا الدرس وخبطوا الباب وليث فتحلهم وهما باصين عليه بخوف ليث بصلهم بجدية وشاورلهم بإيده بمعني إدخلوا من غير ما إتكلم معاهم دخلوا وقعدوا وليث بدأ يشرح الدرس وسط تركيزهم وتجاهل ليث ليهم خلص الدرس وكله مشيٰ وهما لسا قاعدين زي ماهما ليث بصلهم وخرج وسابهم بصوا عليه بتنهيدة حُزن وخرجوا وراه)
ليث:(بصلهم بجدية) عاوزين إيه؟!
محمدعباس:(بحزن) مستر إنت لسا زعلان منناا ..
ليث:(بصله بهدوء وبجدية) وكمان ليك عين تسألوا لا مش زعلان خالص هزعل ليه يعني عملتوا إيه علشان أزعل!!
محمدسعد:(بحزن) مستر ليث والله..
ليث:(قاطعهم بجدية) إمشوا وروحوا يللاا ..
محمدسعد:(بحزن) مستر والله إحنا ذاكرنا بس..
ليث:(قاطعهم بجدية وعصبية) والله لو حلفتوا تاني وقولتوا إنكم مذاكرين لأكسر عليكم العصايا بجد لإن إنتو لو كنتوا مذاكرين ولو ربع ساعة قبل ماتيجوا كنتو على الأقل جاوبتم نص نص لكن واحد جايب صفر وواحد جايب خمسة فين بقي المذاكرة ها فين!!
(محمدسعد ومحمدعباس بصوله بحزن على زعله منهم وبصوا فــي الأرض وسكتوا شوية وسراج خرج من أَوضته بعد ماخلص الدروس وقرب منهم)
محمدسراج:(بإبتسامة وهزار) ماتصالحهم بقي يابني العيال شوية وهتعيط..
ليث:(بصلهم بتريقة) لا ماتقلقش مش هيعيطوا ولاحاجة أصل مافيش دم وهما ولا علي بالهم واللي بيزعل ده بيكونوا بيحسوا عن دمهم..
محمدسراج:(بصلهم بضحكة وهزار) من ناحية مافيش دم فهما مافيش بس ماتزعلش منهم بقي ده بيحبوك ياجدع والله وكانوا زعلانين إمبارح إنك زعلان منهم..
ليث:(بجدية) لو بيحبونـي زي مابتقول فين بقي التنفيذ بقي ومذاكرتهم ولا هو كلام وخلاص..
محمدعباس:(بحزن) إحنا أسفين يامستر والله هنذاكر وهنشوف مصلحتنا ..
محمدسراج:(بإبتسامة) خلاص بقي ياليث صالحهم ياعم وأنا كلمتهم وبإذن الله يذاكروا ويشوفوا مصلحتهم..
ليث:(بهدوء) خلاص ماشي ..
محمدسعد:(بسعادة وفرحة) صالحتنا يامستر!!!
محمدعباس:(بإبتسامة) والله والله يامستر خلاص كده مش زعلان مننا ..
ليث:(بإبتسامة) خلاص مش زعلان بس والله والله وده حلفان أتحاسب عليه قدام ربنا لو قصرتوا تـاني ف مذاكرتكم مش هرحمكم سامعين..
محمدسعد ومحمدعباس:(بخوف بس بصوا لليث بإبتسامة) حاضر حاضر والله هنذاكر كويس..
محمدسراج:(بصلهم بضحكة وهزار) كفاااااااارة عدوا الجمايل بقي أي خدمة..
ليث:(بضحكة على سراج وبصلهم) يلا بقي روحوا الوقت إتأخر علشان تذاكروا ..
(مشي محمدسعد ومحمدعباس وسط فرحتهم إن ليث صالحهم وليث باصص عليهم بتنهيدة)
محمدسراج:(بهدوء) ربنا يهديهم إدعيلهم يلا بقي إحنا كمان نقفل المعهد ونمشي
ليث:(بهدوء) يللاا  (محمدسراج قفل المعهد ومشي هو وليث)
..........................................................................................
( فـي مكان تاني ظهرو أحمد وكارمن فى المطعم بيتغدو)
احمد: هتفتحى نت النهاردة؟!
كارمن: بإذن الله علشان متعملهاش موضوع زى الي عملتهولي من يومين
احمد:(بصوت عالى شويه) انا معملتهاش موضوع وبطلى  كلامك المستفز ده
كارمن:(وقف بعصبيه) على فكره احنا فى مطعم وسط ناس وانت متنفعش تزعقلى كده (ولسه بتلف علشان تمشى لقيت محمد شاهين فى وشها ومعاه مينا (كملت كلامها بخوف) محمد
احمد:( بص لمينا ومحمد وكارمن) انتو تعرفو بعض
محمد شاهين:( بصله بهدوء) أختى (وبص لكارمن) يلا نمشى (واخد كارمن ومشى  مينا بص لمحمدشاهين بزعل وبص لاحمد)
مينا:(بص لأحمد بجدية) اتفضل يا استاذ قدامى ..
..................................................................................
وبكده نكون وصلنا لنهايه الحلقه ياترى ايه الى هيحصل لوحابين تعرفو استنونا الحلقه الى جايه
.........................................................
#hager
#hadeer
#rody