#اللقيط
#اللقيط_6
#جزء_من_حلقه_سابقه
فى المدرسه فى الحصه الاخير عند محمد عباس قاعد فجأه
كريم:(فجأه خبط على درج محمد عباس ,, محمد عباس اتخض وبصله ,, كريم مد ايده فى درج محمد وطلع مجلات مش كويسه بضحكه استهزاء) بتعمل ايه دى معاك فى المدرسه يا جميل
محمد عباس:(بص بصدمه للمجلات وبص للمدرس وقف ) والله ماعرف ايه دى ولا جات ازاى
كريم:(بأستهزاء) لا لا متحلفش بالله لان الكذب مش بينجى (سمعو جرس انتهاء اليوم الدراسى ,, كريم بص لمحمد بصه رعبته) بكره فى الطابور نتفاهم وابقى غيب هاجى اجيبك من بيتكو(وبص لباقى الفصل) قوموروحو (وخرج المدرس من الفصل ومحمد عباس باصص عليه بصدمه ورعب
#بدايه_الحلقه_الجديده
(في بيت سعد قبل النص ساعة ما تعدى جرس الباب رن وفتح أحمد لقي الدكتور يحيي رحب وسلم عليه ودخلوا الأوضة سوا)
محمدسعد:(بصله بخوف) هو مش لسه نص ساعة على معاد العلاج هيا خلصت بسرعة كده!!
يحيى:(بص لمحمد بضحكة من خضته لم شافه) هو المفروض بس عندى مشوار كمان شوية فعطهالك الوقتي وخلاص كده كده مافضلش غير ربع ساعة
محمدسعد:(بخوف) خلاص يا عمو يحيى روح مشوارك عادي ولم تيجى بقا نبقى ناخد العلاج أو مش مهم النهاردة نأخده..
مينا:(بصله بغضب) محمد!! بطل قله الذوء الى إنت فيها دى..
يحيى:(بص ليهم بضحكة) إيه يامينا فى إيه بس هو بيحاول يأجل معاد الحقن من خوفه مش أكتر إهداا ..
محمدسعد:(بحزن وخوف) والله مش قصدى حاجة أنا أسف ياعمو ..
يحيى:(بإبتسامة) لا يا حبيبى مافيش حاجة ..
مينا:(بص ليحيى بإستفسار) أخر جرعة ليا بقي الحمدلله
يحيى:(بإبتسامة) الحمدلله ياحبيبي..
مينا:(قام وقف جاب العلاج ليحيى ويحيى بدأ يحضر حقنة مينا ) الحمدلله الواحد جاب أخره من الشكشكة دي..
يحيى:(بإبتسامة وإستفسار) المهم إنت لسه حاسس بوجع فى زورك أو جسمك!!
مينا:(بهدوء) لا مافيش الحمدلله ..
يحيى:(خلص الحقنة وبصله) المضاد الحيوى قوي أصلاً بإذن الله هتبقي كويس يلا قوم علشان تأخدها وتخلص بقي ..
مينا:(قام وقف قدام يحيى) ماشي..
(وقف مينا وبدأ يحيي يعطيه الحقنة وسط توجعاته منها)
مينا(بوجع) آآآآآآآآه ..
يحيى:(شال السن ودلك مكانها شوية) خلاص خلصت بالشفا يا حبيبى
ليث:(بإبتسامة) كفارة ياباشا ..
محمد سعد:(بصلهم بتوتر) إنت خلصت حقن خالص!!
مينا:(بإبتسامة وجع) الحمدلله عقبالك
محمدسعد:(بخوف) أنا مش عاوز حقن والله أنا بقيت كويس ياعمو
محمدسراج:(بص فى عينه قوى وبضحكة) أومال عينك حمرا ليه كده إنت هتعيط يابني قوم قوم ياجبان متخافش علشان تبقى كويس باين عليك التعب أصلاً.. (ومسك إيده بيحاول يقومه)
محمدسعد:(بيعد إيده عنه بخوف) ياعم أنا جبان مش عايز
ليث:(بص لمحمد وقام وقف جمبه من الناحيه التانية وبحنية) يلا يامحمد قوم دى شكة بس وأخلص منها ..
محمد سعد:(بص لليث بخوف) والله بتوجع رجلى ..
ليث:(بهدوء) ماهيا طبيعي هتوجعك ما أحنا عارفين بس علشان تخف وترجع لدروسك ومدرستك..
محمد سراج:(بص لليث) ياعم ده مش هيجى بالمسايسة (وقام وقف ومسك إيد محمد وبيشده)
ليث:(زق إيد محمد سراج بنرفزة بسيطة) بس يا سراج بقا سيبه ماتخوفوش أكتر ماهو (وبص لمحمد ومسك إيده براحه) يلا يا محمد قوم أنا معاك أهو..
محمدسعد(بص ليحيي بخوف) براحة ياعمو بالله عليك
يحيي(بإبتسامة) حاضر بس ماتتحركش..
محمدسعد(بخوف) ح حاضر ..
(محمدسعد وقف قدام يحيي ومسك في ليث وبدأ يحيي يعطيه الحقنة وسط توجعاته)
محمدسعد:(ضغط علي إيد ليث جامد وعض على شفته بوجع) آآآآآآه آآآآآآآآه خلاص ياعمو كفاية..
يحيى:(شال السن وبإبتسامة) خلاص خلاص خلصت بالشفا ياحبيبي يارب..
محمدسعد:(بتعب) دي أخر واحدة صح!!
يحيى:(بهدوء) على حسب يامحمد ماتقلقش هتعدي وتخلص منهم بإذن الله يلا أنا نازل علشان ماأتأخرش.. (أحمد قام وصل يحيى لحد الباب ودخل تاني)
أحمد(بضحكة وهزار) عامل إي ياحمادة ..
محمدسعد(بصله بتعب وتوجع من الحقن) الحمدلله ..
محمدسراج(بهزار وضحكة) ليث بقي اللي على القلب الوقتي ماشي يامحمد المرة الجاية وإنت بتأخدها مافيش حد هيكون معاك غيري وهنفخك..
ليث(بضحكة) إرحم الواد يابني مش ناقصك (وبص لمحمد بإبتسامة) حاول تنام يللا يامحمد إرتاح وإحنا معاك أهو
محمدسعد(بتعب) مش جايلي نوم..
ليث(قعده علي السرير) ماشي ماتنامش إقعد بس علشان ماتتعبش وتدوخ..
محمدسعد(بتعب) حاضر
(محمدسعد بصلهم بتعب ونام على السرير نص نومة,, وليث والشباب قعدوا يتكلموا معاه علشان يلهوه عن تعبه وسراج وأحمد يرخموا ويهزروا معاه بسبب خوفه من الحقن)
....................................................................................
(عند محمدعباس اللي راح لمحمدسعد ونيرة فتحتله وسلمت عليه دخل لمحمد الأوضة كانوا كلهم قاعدين وليث وسراج موجودين)
محمدسعد:(أول ماشافه وقف بإبتسامه وسلم عليه وحضنه) محمد!! وحشتنى قووى يابني عامل إي!!
محمد عباس:(بهدوء عكس عادته) الحمدلله إنت عامل إي بقيت كويس؟!
محمدسعد:(بصله بإستغراب من حالته) الحمدلله مالك!!
محمدعباس:(بتوتر) مافيش أنا كويس (وبص لمينا) إزيك يامينا عامل إي!
مينا:(بإبتسامة) الحمدلله يامحمد إنت عامل إيه!!
محمدعباس:(بهدوء) الحمد لله
ليث:(بص لمحمدعباس بشك ) مالك يامحمد!! إنت متغير وسرحان وساكت من وقت المدرسة النهاردة وأنا مرضيتش أتكلم إنت كويس؟!
محمدعباس:(بتوتر وقلق) لالا مافيش حاجة أنا كويس ..
ليث(بشك) متأكد أصل ف نهاية اليوم ف المدرسة شوفتك كده وإنت مروح مش علي بعضك ومالحقتش أسألك مالك ومافيش درس النهاردة زي ماأنت شايف فماعرفتيش أسألك على حاجة وكنت هستني أسالك بكرة فيك حاجة إنت كويس!!
محمدعباس(بدموع محبوسة وتوتر) لالا أنا كويس بس مُرهق شوية بس..
ليث(بعدم إرتياح) أتمنى فعلاً تكون كويس زي مابتقول..
محمدسراج:(بضحة وهزار) إنت هتحصل صاحبك وتنام جنبه ولاإي بتسلموا التعب لبعض!
محمدعباس:(بإبتسامه بسيطة) لا أنا كويس الحمدلله
ليث:(بص لمينا اللي كان نام وهو قاعد معاهم وبص لمحمدسراج بضحكة وهزار) طب يلا يامحمد ننزل مينا نام على نفسه أهو وكأننا بنحكيله قصة قبل النوم..
محمدسراج:(بضحكة وهزار) إحنا عيال مُسليين
ليث(بضحكة ورخامة) طيب يللا يامُسلي قدامي ..
محمدسراج(بإبتسامة وقام وقف) ماشى يلا
أحمد(بإبتسامة) ماتقعدوا شوية ماأنا قاعد ومحمدعباس ومحمدسعد قاعدين أهو..
ليث(بإبتسامة) كفاية كده بقي بقينا بالليل أهو إحنا هنا من العصر يابني هنبقي نيجي مرة تانية يلا سلام .. (ونزلو الشباب بعد أما سلموا عليهم وإطمنوا على مينا ومحمد)
أحمد:(بإبتسامة) طب أنا هقوم أعملكم أى عصير وجاي ياشباب إرغوا علي أما أجي (وخرج أحمد)
محمدسعد:(بص لمحمد عباس بقلق) مالك يامحمد فى إيه!!
محمدعباس:( أول ما بص لمحمدسعد دموعه نزلت) أنا واقع فى مصيبة ومش عارف أعمل إيه!!
محمدسعد:(بقلق على صاحبه) مصيبة!! مصيبة إي يابني طب فهمنى مش فاهم حاجة..
محمدعباس:(بعياط) مستر كريم شاف فى الدرج بتاعى مجالات مش كويسة
محمدسعد:(بصدمة) ينهار إسود وعمل إيه!
محمدعباس:(بعياط) ملحقش يعمل حاجة كُنا في الحصة الأخيرة والجرس ضرب وقالى حسابك بكرة فى الطابور وماتفكرش حتى تغيب أنا مش عارف أعمل إيه..
محمدسعد:(بقلق) ومين حطلك الحاجات دى ماتعرفش..
محمدعباس:(بص لمحمدسعد بدموع) معرفش يامحمد معرفش حاجة..
محمدسعد:(بحزن) طب وإنت ناوى تعمل إيه؟!
محمدعباس:(بعياط) مش هروح المدرسه بكرة ..
محمدسعد:(بتنهيدة حزن) وبعد بكرة وبعده وبعده هتعمل إي!! مش هتروح خالص يعنى بقي علي كده..
محمدعباس:(بعياط) طب أعمل إي!!
محمدسعد:(بجدية) قول لمستر ليث او مستر محمد هما اللي هيعرفوا يتصرفو عننا ..
محمدعباس:(بعياط وبسرعه وخوف) ينهار إسود لا طبعاً مش هقولهم حاجة..
محمدسعد: يا بنى ماهما كده كده هيعرفوا يعرفوا منك أحسن مايعرفوا من حتة تانية..
محمدعباس:(بدموع) وأبويا لوعرف بقي إنت عارف هيعمل إيه!!
محمدسعد:(بهدوء) قولوا ميقولش لحد وهو مش هيقولهم يامحمد ماتقلقش..
محمدعباس:(بعياط) أنا مش عارف أفكر..
محمدسعد:(بيحاول يطمن صاحبه وبإبتسامة) صدقنى إنت لوحكيت لمستر ليث أو مستر محمد هيفيدوك وعلى الاقل يبقوا عارفين وهتطمن بوجودهم جمبك لو حصل حاجة لقدرالله .. (محمد عباس بصله شويه محمدسعد كمل كلامه بجدية ) ها هتنزل؟!
محمدعباس:(بخوف) طب إنزل معايا..
محمدسعد:(بإبتسامة يطمنه) ماشى هقول لماما وأنزل معاك (راح محمدسعد قال لمامته إنه هينزل مع محمدعباس تحت لليث بسرعة وهيجي ذهب لمحمدعباس الأوضة ونزلوا سوا وسط خوف ورعب محمدعباس)
....................................................................................
(عند محمدسعد ومحمدعباس اللي نزلوا تحت وخبطوا وفتحلهم ليث)
ليث:(بصلهم بإستغراب) فيه إيه!! (وبص لمحمدسعد) إنت إيه اللي نزلك وإنت تعبان ..
محمدسعد:(بصله وبص لمحمدعباس ورجع بص لليث تانى) فى حاجة حصلت وعايزين نقولك عليها ..
ليث:(فتحلهم الباب وبجدية) إدخلوا الأوضة وأنا جايلكم أهو ..
(محمدسعد بص لمحمدعباس اللي باين عليه التوتر والخوف ومسك إيده ودخلوا لقوا محمدسراج قاعد في الأوضة بصوله بتوتر وقلق ودخلوا وليث دخل وراهم)
محمدسراج(بصلهم بشك) الواضح كده إن كلام ليث وشكه في محله وإن فيه حاجة بجد..
ليث(دخل وقعد) ها جيت أهو فيه إي بقي!!
محمدسعد(بص لمحمدعباس بهدوء) إحكيلهم يامحمد يللاا ..
ليث:(بصلهم بإستغراب) فى ايه يابنى انت وهو ماتحكوا .. (محمدعباس بصلهم بقلق وبص لمحمدسعد وسكت)
محمدسراج(بزعيق) خلصتوا بص لبعض إخلصوا يللاا وإحكوا فيه إي!!
محمدسعد(بتوتر) م طول م أنت عصبي كده هو مش هيتكلم..
ليص(بص لمحمدسراج بمعني براحة وبص لمحمدعباس بهدوء) ها يامحمد مالك إحكي فيه إي!!
محمدعباس:(بعياط)مستر كريم لقى فى الدرج بتاعى مجالات مش كويسة(محمدسراج وليث بصوله بصدمة محمدعباس كمل كلامه بسرعة وخوف) بس أقسم بالله ما بتاعتى ولا أعرف عنها حاجة ولامين حطهالي ..
ليث:(بجدية) طب وهو قالك إيه لما شافها !!
محمدعباس:(بعياط)مالحقش يقول حاجه جرس الحصة الأخيرة رن وقالى حسابنا بكرة فى طابور المدرسة..
محمدسراج:(بص لمحمدعباس شوية وتنهد) وإيه اللى جاب المجالات دى معاك!!
محمدعباس:(بصله بصدمة وخوف) مستر هو حضرتك مش مصدق إنها مش بتاعتي!!
محمدسراج:(بعصبية) ماتفهم كلامى عدل ياغبى أنا أقصد إيه اللي جابها عندك..
محمدعباس:(بدموع) معرفش والله..
ليث:(بإبتسامة يحاول يهديه) طب يامحمد متقلقش بكرة بإذن الله هنحلها ونشوف الموضوع ده..
محمدعباس(بدموع) أنا خايف أروح بكرة ومش عاوز أروح..
ليث(بهدوء) لازم تروح علشان لو هربت هتثبت التهمة عليك بإذن الله هتتحل ماتقلقش إنت بس..
محمدعباس:(بدموع وقام وقف) طيب هقوم أمشي أنا بقي علشان بقينا بالليل ومتقولش لدعاء حاجة يامستر ..
ليث:(بإبتسامة) ماشى حاضر ماتقلقش..
محمدعباس:(مسك دموعه وقام مشي) ماشى يلا سلام
الكُل(بتنهيدة قلق) سلام..
محمدسعد:(بعد مامحمدعباس مشي بصلهم بقلق) هتعملوا إيه ف الموضوع ده..
ليث:(بتنهيدة) مش عارف هشوف كده أنا وسراج هنعمل إيه وبكرة ربك يحلها بإذن الله..
محمدسعد:(بقلق وحزن) يارب يارب..
ليث:(بإبتسامة) متقلقش يلا اطلع علشان الجو برد وإنت تعبان لسا ..
محمدسعد:(بإبتسامة) ماشى تصبحوا على خير
محمدسراج وليث:(بإبتسامة) وإنت بخير
(طلع محمد وليث راح وصله لحد الباب وقفل ودخل لسراج وفضلوا يفكروا هيعملوا إيه ومن التفكير والتعب ناموا )
....................................................................................
(عند محمدعباس اللي راح المدرسة الصبح وصل كان ليث واقفله على باب المدرسة بيستناه)
ليث:(بص لمحمد اللي كان باين عليه الإرهاق وعينه حمرا جداً وباين فيها الدموع بصله بتنهيدة حُزن) إيه ده يامحمد إنت منمتش وكمان لسه بتعيط..
محمدعباس:(دموعه سبقت كلامه وبخوف) معرفتش أنام والله أنا عاوز أرجع البيت مش عايز أدخل
ليث:(بص لمحمد بهدوء ومسك إيده) متقلقش أنا معاك أهو وكمان مستر محمد بيتكلم مع المدير يلا تعال ماتخافش(دخل ليث مع محمد للمدير وسط خوفه وقلقه)(أما فى أوضة المدير ظهر محمدسراج قاعد يتكلم معاه ويقنعه إن محمد مستحيل يعمل حاجة زي)
محمدسراج:(بتأكيد) أنا واثق فى محمد إنه مش ممكن يكون معاه حاجة زى كده أبداً ..
المدير:(بجدية) بس إنت عارف إنه فى سن مراهقة وده سن ياما بيحصل فيه مصايب ومش صعب يجيب ويشوف حاجة زي كده.. (فجأة الباب خبط ودخل ليث الأوضة وكان معاه محمدعباس اللي باين عليه الخوف كمل المدير كلامه وهو باصص لمحمد) إطلع برا واقف وشك للحيطة على ما الطابور يبدأ(محمد بص لليث وسراج بدموع وخوف ليث بصله وهز دماغه بمعنى إنه يطلع طلع محمدعباس المدير شاور لليث ) اتفضل يامستر ليث أقعد (ليث قعد)
ليث:(بص للمدير) يا مستر أحمد محمد أنا عارف أهله وعارف تربيته كويس جداً ده غير كمان إنه أخو مس دعاء يعنى معروف عنها الأدب والإحترام والكل بيشهدلها بكده..
المدير:(بجدية) أنا عارف كل ده يامستر ليث بس ده مش معناه إنه ممكن الولد ميغلطش ..
محمدسرج:(بجدية) أيوة طبعاً بس مش غلط زى ده!!
المدير:(بجدية) متحاولوش تقنعونى إن الحاجة دي مش بتاعته مستر كريم بيقولى إنه كان قاعد مش على بعضه وكان متوتر وخايف ومرتبك كل حاجة ضده لو سمحتوا يا أساتذة اتفضلوا علشان الطابور هيبدأ ..
ليث:(بتنهيدة) طب بلاش تعاقبوا فى الطابور ..
المدير:(قام وقف) هيتعاقب فى الطابور علشان يكون عبرة للكل ومحدش يعمل زيه تانى إحنا فى مدرسة مش فى الشارع علشان يجيب حاجات زى كده (ليث ومحمدسراج بصو لبعض بتنهيدة وقاموا وقفو كمل المدير كلامه) يلا يا أستاذة إتفضلوا ومحدش يكلمه وأنا هتصرف (خرجوا ليث ومحمدسراج والمدير من الأوضة)
محمدعباس:(أول ما شافهم بصلهم بعياط) مستر ليث..
المدير:(بصله بعصبية وبجدية) بس ياله واقف ساكت (ليث ومحمدسراج بصوله بأسف وبصوا فى الارض ونزلوا من مكانهم راحو وقفوا فى الطابور)
محمدسعد:(أول ماشافهم قرب منهم) ها يا مستر عملتو إيه!!
محمدسراج:(بجدية) إنت إيه اللي جابك النهاردة ..
محمدسعد:(بقلق علي صاحبه) ماكنش ينفع أسيب محمد لوحدوا النهاردة المهم عملتوا إيه!!
ليث:(بتنهيدة حُزن) مصمم إنه يعاقبوه (وسابهم ووقف باصص لمحمدعباس بحزن)
دعاء:(قربت من ليث بإستغراب) ليث هو محمد واقف ليه كده!! (ليث بصلها ولسه هيتكلم لقى الطابور إشتغل فسكت (الطابور بدأ وعملوا تمارين الصباح وتحيه العلم وعملوا الإذاعة المدرسية والمدير وقف ف نص الطابور وبصلهم)
المدير:(أخد المايك وبص للطلاب والأساتذة) عاوز أقول كلمتين وياريت تسمعوهم كويس المدرسة مكان لإنكم تتعلموا وتبقوا أصحاب شأن مش لقلة الأدب والقرف اللي بيحصل ده ولما سموها وزارة التربية والتعليم جابوا التربية والأدب قبل التعليم يعني شخصيتك وإحترامك اللي هيرفع شأنك ده غير كده كمان انت بتعكس تريبه أهلك ليك تعب أبوك وسهر مامتك عليك المفروض تحترم ده النهاردة معانا نسخه من الشباب اللي للأسف بيضيعوا نفسهم بالقرف اللي بيعملوه ده اللي تعب أهلهم مطامرش فيهم الفلوس اللي أبوهم بيدفعوها وبيقطع من لحمهم علشان يعلموه ويرفعوا من شأنه لكن للأسف مابيطمرش فيهم أى حاجة الطالب ده(وشاور على محمدعباس اللي بيبصلهم بدموع وحُزن) للأسف مستر كريم إمبارح شاف فى الدرج بتاعه مجالات للاسف مش كويسة(دعاء بصت للمدير بصدمة وكانت لسه هتقرب من المدير ليث مسك إيديها ومنعها)
دعاء:(بصت لليث بدموع) إنت بتمنعنى ليه ياليث أخويا عمره ما يعمل كده أبداً ..
ليث:(بحزن) حاولنا نقعنه أنا وسراج كتير معرفناش ومش مُقتنع خالص..
دعاء:(بصتله بصدمه)إنت كنت عارف!! إزاى مايقوليش (ليث بصلها بتنهيدة وسكت)
المدير:(كمل كلامه) مجلات مش صح إنها تيجى المدرسة أو إنها تبقى معاه أصلاً ولأنه محترمش ده ومحترمش أهله وتربيتهم له فمن الواجب علينا نعاقبه وقت غلطه ونربيه من تاني(وبص لمحمد عباس)سيب الشنطة عندك وتعالا هنا قدامى (محمدعباس بصله بخوف ورعب وحزن ودموع وساب الشنطه وراح وقف قدام المدير (المدير بص لفراش المدرسة بجدية) هاتلى العصايا من المكتب بتاعي(الفراش راح المكتب ومحمد باصص على الفراش بخوف ورعب)
محمدسعد:(مسك إيد محمدسراج وبدموع) هو إنتوا هتسيبوه يضربه!!
محمدسراج:(بحزن) حاولنا والله ومش راضي يسمعنا خالص ربنا معاه بقي (الفراش جاب العصايا وإعطاها للمدير)
المدير:(بص لمحمدعباس بجدية) يلا إفتح إيدك..
محمدعباس:(بعياط وصوت مش باين) أقسم بالله ماعارف عنهم حاجة ومش بتوعى..
المدير:(بزعيق وصوت عالى) إخلص يلا ولو فلتت هتتمد قدام المدرسه كلها (محمد عباس بص لليث بعياط وليث بص فى الارض بحُزن محمد عباس بص للمدير وفتح إيده وهيا بتترعش المدير ضربه أول عصاية محمد غمض عينه من شّدتها وحس إنه روحه بتتسحب كمل المدير كلامه بجدية) التانية وإخلص بسرعة(محمد فتح إيده التانية وإنضرب العصايه التانيه والمدير بيضربه وهو بيتكلم)أنا عارفك وعارف أخلاقك وإنت أخو مين وعلشان كده وقت الغلط هعاقبك العقاب اللي تستاهله وهربيك من تاني(دعاء واقفة باصة لأخوها بعياط وحاسة كأن العصيان دى نازلة عليها هيا مش على أخوها ليث واقف وكاتم دموعه بالعافية بسبب حزنه على محمد ويزعله على دعاء وعياطها على أخوها ومحمد سراج عايز يروح يحوش عن محمد وليث اللي مانعه علشان مايتهورش محمدسعد واقف باص لمحمدعباس وهو بيضرب بصدمة ودموعه نازلة المدير ضرب محمدعباس خمس عصيان كل عصاية أشد من التانية لدرجة إيده علمت وإحمرت)
المدير:(بعد ما خلص عقاب محمد بصله بزعيق) كده عقابك لسا مخلصش هتروح زي الشاطر كده تقف عند العلم لحد نهايه اليوم وبكره مش هتدخل المدرسة إلا لو معاك ولى أمرك ,, محمد عباس بصله بصدمة وعياط كمل المدير كلامه بعصبية) إتفضل روح عند العلم وأقف وماأشوفكش قعدت نهائي(محمدعباس راح وقف عند العلم ودموعه على خده بهدوء تام ودعاء وكلهم هيموتوا ويروحوا يطمنوا عليه)
المدير:(بجدية) أنا أسف عطلت الحصة الأولى بس كان لازم يتربى ويتعاقب قدام الكل علشان يكون عبرة للمدرسه كلها ومافيش حد يفكر يعمل أي غلط إتفضوا إطلعوا كله على فصله مش عايز أشوف طالب فى أرض الطابور نهائي (كل الطلاب طلعت الفصول وفضل محمدعباس واقف عند العلم وسط عياطه وتعبه وحزنه اللي باين عليه طلعت دعاء وقفت عن أوضة المدرسين وباصة على أخوها بحزن وعياط ومحمدسعد طلع الفصل وقعد مكان محمدعباس وسند على الدرج بتعب ودموعه على خده أما ليث راح لدعاء يهديها ومحمدسراج راح الفصل وفضل واقف وهو مش عارف يعمل إيه وسط حزنه على محمدعباس)
....................................................................................
عند مينا الى قاعد مع محمد شاهين فى الكليه
محمد شاهين: ايوه كده انزل وشم هواء احسن من ركنه البيت
مينا: والله نفسى انزل بس الحاجه الى مكنتش راضيه
محمد شاهين: المهم انت بقيت كويس خلصت علاجك
مينا:اه الحمد لله خلصته وخلصت معاه
محمد شاهين:(بضحكه) معلشى ربنا يتم شفاك على خير ,, اخبار محمد ايه
مينا: الحمد لله كويس ,, شكرا على زيارتك يا محمد
محمد شاهين: مافيش بنا شكر انت اخويا ياله
مينا: حبيبى
محمد شاهين: المهم بقا انا جمعتلك كل المحاضرات الى فاتت واتفقت مع الدكاتره انو الى مش هتفهمه منى هتروح تفهمه من الدكتور وكل رحب بالموضوع وكل الدكاتره يابنى طلعو بيحبوك جدا
مينا: وانا والله بحبهم جدا
محمد شاهين: وكل الشباب سالو عليك وكانو عايزين يجى البيت بس انا بصراحه طولت الموضوع علشان اخواتك البنات
مينا: اه كده كويس لان بابا مبيحبش حد غريب يدخل البيت
محمد شاهين: طب كويس انهم ماجوش
مينا: طب احنا عندنا محاضرات دلوقتى
محمد شاهين: لا
مينا: خلاص يلا ابدا اشراح يا دكتور الى فاتنى
محمد شاهين:(حط رجل على رجل ) طيب اسمع بقا يابنى وركز معايا انا مش هعيد الشرح تانى
مينا: ماشى يا دكتور اتفضل اشرح (وبدأ شاهين يشرح لمينا المحاضرات وبنهم هزار وضحك ونفس الوقت مركزين جدا فى شرحهم )
................................................................................................
(فى نص اليوم عند المدير ظهر في مكتب المدير طالب إسمه معاذ وبيتكلموا)
المدير:(بجدية) إنت متأكد يامعاذ؟!
معاذ:(بجدية) آه والله سمعتهم وهما بيتكلموا محمد مالوش أى ذنب خالص..
المدير:(بجدية) معاذ محمود كده هيتعاقب متأكد من كلامك ولا علشان محمد صاحبك عاوزة تدافع عنه وتشيل التهمة من عليه!! لو هتعمل كده فبلاش ..
معاذ:(بجدية) أنا لامحمود صاحبى ولامحمد صاحبى إحنا مجرد زمايل بس ولا أنا حتى من فصلهم أصلاً ولا عمرى إتكلمت مع حد منهم غير كلام بسيط بس أنا سمعت محمود ومصطفي في الحمامات بيتكلموا وواضح إن محمود مش قصده يحطهم لمحمد أصلاً بس باين المدرس دخل فرماهم في أي حتة وجت عند المدرس ومستر كريم شافها عنده فأنا لما سمعتهم قولت لازم أعرف حضرتك لأن كده محمد مظلوم..
المدير:(بتنهيدة)ماشى يامعاذ روح يلا علشان البريك التاني هيبدأ وأنا هشوف الموضوع ده..
(طلع معاذ وشوية والمدير قام وقف وخرج برا المكتب كان وقتها البريك خلص المدير راح وقف ومسك المايك وطلب منهم يعملوا طابور وإتجمهوا الطلاب والمدرسين فى أرض الطابور ولسه محمد واقف عند العلم متحركش..
المدير:(بجدية مسك المايك وبص للطلاب والمدرسين) هنرجع تانى لموضوع الصبح ونقول إنه المدرسة مش مكان لقلة الأدب اللى بتحصل دى وهرجع أقول إنه إنت بأفعالك سواء حلوة وحشة بتعكس تربية أهلك المفروض تحترم ده طبعاً المهم الطالب محمدعباس إتعاقب الصبح وواقف عند العلم من الصبح..
محمدسعد:(بص لليث بخوف ودموع) هو هيضربه تانى ولاإي!!
ليث:(بقلق) معرفش يامحمد أقف ساكت (محمد بصله وبص للمدير وبص لمحمدعباس بخوف وسكت)
المدير:(كمل كلامه وهو باصص لمحمد) تعال هنا يامحمد.. (محمد عباس بصله بخوف وراح وقف قدام المدير كمل المدير كلامه) معاذ جالى وقت البريك البريك وقالى كلام مهم قالى إنه سمع طالبين بيتكلمو عند الحمام فى الموضوع ده.. ( #فلاش_باك )
(فى البريك عند حمام المدرسة ظهروا واقفين طالبين وبيتكلموا بصوت مهموس)
مصطفى:(بتساؤل) مالك يا محمود!!
محمود:(بحزن) حاسس بالذنب قوى ..
مصطفى:(بتنهيدة) علشان محمد يعنى
محمود:(بحزن) آه أنا مش قريب منه بس بجد صعبان عليا
مصطفى:(بجدية) يعنى إيه يامحمود عايز تروح تعترف على نفسك..
محمود:(بحزن) مش عارف بس أنا والله ما كان قصدي أحطها عنده أنا لم لقيت المستر داخل الحصة حطيتها فى أى حتة ماخدتش بالى إنه الدرج بتاعه..
مصطفى:(بتنهيدة)خلاص هو إتعاقب وعدت وخلاص بقي
محمود:( بتنهيدة وحزن) أنا طالع الفصل(وسابه ومشى ومصطفى طلع وراه ومش واخدين بالهم من اللي كان معدي صدفة وسمع كلامهم ظهر معاذ هو اللي كان واقف قريب منهم وسمع كل حوارهم وراح للمدير وحكاله) ( #نرجه_للواقع)
المدير:(فى المايك بجدية) أنا عايز الطالب محمود ومصطفى يجولى هنا حاالاً (طبعا كل الطلاب بتسمع والصدمه باينة على الكل محمود ومصطفى بصوا لبعض وراحو للمدير كمل كلامه) مين فيكوا صاحب المجلات..
محمود:(وهو باصص للارض بإحراج) بتاعتى(وبص لمحمد عباس وبص للمدير بسرعة) بس أقسم بالله ماكان قصدى أحطها عند محمد أنا حطيتها مكان ما كنت واقف معرفش إنه مكان محمد..
المدير:(بصله بصرامة) مجتش فى ساعتها قولت ليه!!
محمود:(بخوف) خفت يا مستر والله ..
المدير:(بعصبية) يعنى إيه!! تضر صاحبك وتسسب فى إهانته بالمنظر ده وتقولى خفت( محمود بص فى الارض بدموع كمل المدير كلامه وهو باصص لمحمود) إفتح إيدك
محمود:(بص للمدير بخوف) أنا أسف يا مستر أنا مش هعمل كده تانى والله..
المدير:(بعصبية) إفتح إيدك بقولك (وضربه خمس عصيان المدير كمل كلامه) دول خمس عصيان عقاب المجلات والقرف اللي إنت بتشوفه ده أما الخمسه اللي جاين دول علشان عارف إنه صاحبك مظلوم وسكت وضربه خمس عصيان وبص لمصطفى) وإنت عارف إنه صاحبك مظلوم وبردو سكت..
مصطفى:(بتوتر وخوف) أنا .. أنا
المدير:(بص لمصطفى بعصبية) إنت تخرص وتفتح إيدك وإنت ساكت (مطفى فتح ايده وأخد خمس عصيان المدير كمل كلامه بعصبية وهو باصص لمحمود) متدخلش المدرسة بكرة إلا ومعاك ولى أمرك واتفضل إعتذر لصاحبك على اللي عملته..
محمود:(بص لمحمدعباس بندم وحزن) أنا أسف (محمد بصله وفجأة وقع أغمى عليه)
دعاء:(بصريخ) محمــــــــــــــــــــد (وجريت عليه وليث وسراج ومحمدسعد خرج من طابوره وجري عليه وكل المدرسة إتلمت حوالين محمد(دعاء بصت لليث بعياط) إشتالوا ياليث ووديه للدكتور بسرعة..
محمدسراج( إشتال محمد بسرعة وبص لليث بجدية) خليك مع دعاء وأنا هوديه أهو وتعالوا ورانا ..
(محمدسراج أخد محمدعباس وراحوا للدكتور بتاع المدرسة وحطوه على السرير وكان محمدسعد ودعاء وليث موجودين معاهم بدأ الدكتور يكشف عليه شوية وخلص وبصلهم)
دعاء:(بعياط) ماله يا دكتور!!
الدكتور:(بجدية) متقلوش يا جماعة هو بس وقف فى الشمس كتير وواضح إنه مأكلش حاجه من الصبح وكمان شكله معيط كتير فده اللي سببله الاغماء بسبب ضغطه نزل خالص هفوقه وهعطيه حقنة وهيبقي كويس بإذن الله (وبدأ الدكتور يفوق محمدعباس وكلهم باصين عليه بخوف شوية والدكتور فوقه ومحمد فاق وبصلهم بتعب..
محمدسعد(بصله بحزن ودموع) محمد إنت كويس..
محمدعباس(بصلهم بعياط وماإتكلمش..
الدكتور(بيجهز حقنة وبصله) حمدلله على السلامة قوم يللا علشان تأخد الحقنة دي علشان تبقي كويس..
محمدعباس(بصله بتعب ودموع وصوت ضعيف) مش عاوز حاجة أنا عاوز أروح..
الدكتور(بجدية) ماشي هتروح بس لازم تأخذها علشان تقدر تقوم تروح أصلاً..
محمدعباس(بتعب ودموع) مش عاوز..
الدكتور(بصلهم بجدية) حد يمسكه بقي علشان يأخدها علشان مايتعبش..
(محمدسراج بص لمحمدعباس وراح مسك إيده ووقفه براحة وسط مقاومة محمدعباس له)
محمدعباس(بدموع) مش عاوز حقن أنا عاوز أروح ..
محمدسراج(بجدية) حاضر هتروح بس إهدي بس كده الأول..
(ف الوقت ده كان الدكتور خلص تجهيز الحقنة وقرب منهم ويدأ يعطي الحقنة لمحمدعباس وسط توجعاته وتعبه)
محمدعباس(بوجع ومسك محمدسراج جامد) آآآآآآآآه آآآآه
الدكتور(خلص الحقنة وشال السن ودلك مكانها شوية وبصله بإبتسامة) خلاص خلصت بالشفا يارب..
دعاء(بخوف وقلق وبصت للدكتور) هو هيبقي كويس!!
الدكتور(بعملية) هو كويس جداً أصلاً ينام بس ويأكل كويس وماتقلقيش عليه الحقنة هظبطله ضغطه ويبقي كويس ..
دعاء:(بجدية) طيب أنا عايزة أجازه مرضية لمحمد يومين كده ولاحاجة..
الدكتور:(راح جاب كشف طبي وعملها أجازة) تمام دي أجازة أسبوع أهي ولو بقي كويس وجه قبلها مافيش مشاكل وألف سلامة عليه..
دعاء:(بدموع) الله يسلمك يادكتور ..
(سابوا محمدعباس يرتاح شوية لحد مايقدر يقوم يقف ويروح بعدها الدكتور إطمن عليه ودعاء أخدته ومشت وليث وسراج روحوا هما كمان وأخذوا محمدسعد بعد أما إستأذنوا المدير بسبب إنه تعب بسبب زعله علي صاحبه وكمان هو لسا في الأسبوع الأجازة بتاعه)
.......................................................................................................
(عند مينا الى ظهر فى الشارع وبيتكلم في الفون مع محمدشاهين)
مينا:(بضحكة) خلاص يابنى وصلت وطالع أهو .....................
لا متخفش والله الدوخه راحت خالص وبقيت كويس ................. وكنت هتتعب نفسك وتيجى معايا ليه أنا خلاص وصلت وطالع على السلم أهو .................... ليه مثلاً هتوه عن الشقه ..................... هههههههههههههههه هو أنت قلبت على أمي ليه كده يابني!! ................... طب إقفل إقفل خلاص وصلت أهو ...................... سلام (وطلع المفتاح وفتح ودخل وبصوت عالي شوية ) أنا جيت ....(وفجأه سكت وبص قدامه بصدمة وإستغراب)
.................................................................
وبكده تكون خلصت حلقتنا لو حابين تعرفو الى جاى استنونا الحلقه الى جايه
.......................................................................................................
أسفين على التاخير والله غصب عننا ..
..............................................................
#hadeer
#hager
#rody
KAMU SEDANG MEMBACA
اللقيط
Misteri / Thrillerانك تلاقى طفل صغير وتشيل مسؤليته كامله شوف الحياه اتغيرت ازاى
