اللقيط

الحلقه 3

#اللقيط
#اللقيط_3
#جزء_من_حلقه_سابقه
سعد(بتنهيدة حزن) نيرة إهدي كده ممكن مينا يسمع إهدي كمان وبعدين أنا قولتلهم كل الكلام ده طبعاً قالولي إن لأختار مينا يقعد معانا لنطلع من البيت وطبعاً مينا إبني وماأقدرش أستغني عنه زيه زي أي حد من العيال ومن بكرة باذن الله هكلم يحيي أبوليث وأشوفه كده كان بيقول فيه شقة فاضية في العمارة عنده هكلمه يشوفهالي ولو متاحة ننقل من بكرة باذن الله هشوفه الأول علشان لو كده نبلغ الأولاد  ..
نيرة(بدموع) ولو سألوا سبب نقلنا هنقولهم إي!!
سعد(وقام وقف وبجدية) مش لازم يعرفوا المهم إن إبني مايبعدش عني ..
نيرة(بدموع) أنا خايفة أوي وقلقانة ياسعد وخايفة لمينا يحس بحاجة وقتها مش عارفة ردة فعله هتكون إي!!
سعد(بجدية) مش هيعرف حاجة يانيرة ومش لازم يعرف وحاولي تتماسكي قدامهم وماتبينيش أي حاجة وبإذن الله كل حاجة هتبقي خير..
نيرة(بدموع) بإذن الله يارب يارب..
(سعد بصلها بتنهيدة حُزن وقام وقف ودخل أوضته ونيرة قامت ودخلت وراه وسط قلقها وخوفها وظهر مينا قاعد على سريره وباين عليه الصدمة والتوهان من الكلام اللي سمعه)
#بدايه_الحلقه_الجديده
(في بيت سراج ظهرت شيرين قاعدة فى أوضتها زهقانة ومش لاقية حاجة تعملها قامت طلعت برا لقيت ليث وسراج بيتكلموا)
ليث:(بضيق) يابنى إرحم شوية العيال زهقت من كتر المرجعات والإمتحانات اللي بتعملها ..
محمدسراج:(بضيق) يعنى إنت محسسنى إنهم شاطرين قووى..
ليث:(بهدوء) طب إرحمهم شوية علشان وراهم مواد تانية بردو بيذكروها وهما كده هيكونوا مُشتتين..
شرين:(طلعت من أوضتها وقربت منهم) هو إنتوا مش بتقعدوا مع بعض غير لما صوتكوا يعلى ويسمع البيت كله!!
ليث:(بضيق) الغبى أخوكِ مش راحم العيال من المرجعات ومزهقهم في عيشتهم (وبص لشرين بتساؤل) إنتِ إيه اللي مصحيكِ لحد دلوقتى!!
شرين:(بزهق) زهقانة ومش لاقية حاجة أعملها ولا لاقية حد أتكلم معاه والبت دينا وحشتنى قوووى ..
ليث:(بإبتسامة) أها والله كانت عااملة حس للبيت..
محمدسراج:(بهدوء وتساؤل) مش هيا جاية بإذن الله أخر الأسبوع؟!
ليث:(بضيق مُصتنع) أنا هقولها متجيش وتخليها هنا مرحومة منك ومن اللي بتعمله فيهم!
شرين:(بحزن) لا ياليث بالله عليك متقولهاش حاجة سيبها تيجى بقي لأنها وحشتنى قوى وأنا من غيرها ولا حاجة والله ..
ليث:(بإبتسامة) ربنا يخليكوا لبعض يا حبيبتى..
شرين:(بصت لمحمدسراج وبصت للورق اللي فى إيده) بتعمل إيه يامحمد أساعدك في حاجة!!
محمدسراج:(بهدوء) بعلم ورق الإمتحان..
شرين:(بإستغراب) هو كل يومين إمتحان ماترحمهم وترحم نفسك شوية يابني..
محمدسراج:(بضيق) ويارتهم فالحين  ياختى!!
ليث:(بص لمحمدسراج بضيق وقام وقف) أنا قايم أنام علشان أنا عندى مرارة واحدة ومحتاجها فى جسمى وأخوكِ هيفقعها .. (ودخل أوضته ينام)
شرين:(إبتسمت وبصت لمحمدسراج تانى) طيب مش عايز حاجة أعملهالك أو أساعدك في حاجة!
محمدسراج:(بإبتسامة) لا ياحبيبتي تسلميلي أنا قدامى كام ورقة بس هخلصهم وأنام علي طول بإذن الله ..
شرين:(بإبتسامة) تمام ربنا معاك يلاا تصبح على خير..
محمدسراج:(بإبتسامة) وإنتِ بخير يا حبيبتى
(شيرين قامت ودخلت أوضتها علشان تنام ومحمد سراج كمل تعليم الورق اللي في إيده وشوية وخلص وقام دخل الأوضة ينام )
...............................................................................................................
(بعد يومين من الإمتحان اللي كان عليهم في حصة العربي ظهر محمدسراج واقف بيكلمهم وبيزعقلهم  وباين عليه العصبية جداً)
محمدسراج:(بعصبية) يعنى إيه أقول إن فيه زفت مراجعة وإمتحان وتيجى الدرجات بالمنظر ده يعنى إيه 5 بس اللي يكونوا جابيبن أكتر من 18 و2 بس اللي مقفلين الدرجة (الكل قاعد ساكت وخايف ,, كمل محمد سراج كلامه) أنا هعرف أتصرف معاكم كويس وأخليكم تبقى تمام وترجعوا لمستواكم وماتكونوش مستهترين كويس أوي بس مبدأياً كده قبل مانبدأ توزيع الدرجات والعقاب محمدسعد ومحمدعباس يقوموا يقفوا (الاتنين بصوا لبعض بخوف ووقفوا سراج وقف قدامهم وبصلهم بصة رعبتهم وبص لمحمدسعد بجدية) إفتح إيدك..
محمدسعد:(بخوف) ليه يا مستر!!
محمدسراج:(بجدية) هقولك بعدين إفتح إيدك إخلص (محمد سعد فتح إيده ,, كمل محمد سراج كلامه بجديه) التانيه (محمد بصله ولسه هيتكلم  خبطه بالعصايه على ايده  وكمل كلامه) ممتكلمش واخلص (محمد سعد بصله بأستغراب وفتح ايده  محمد سراج ضربه تانى,, وكرر الضربات وضربه 5عصيان وراح لمحمدعباس وضربه زيه وبصلهم وكمل كلامه بعصبية) عارفين إنضربتوا ليه علشان تبقوا تغشوا من بعض كويس أوي! بعمل الإمتحان أنا علشان تغشوا من بعض!!
محمدعباس:(بتوجع) والله العظيم أبداً مافيش حد غش من التاني والله يامستر ..
محمدسراج:(بجدية)لاغشيتوا من بعض أها فيه واحد جايب درجة أكبر من التاني بس إجابتوا متشابهة ومستحيل يكون يعني اللي في دماغك في دماغه بنفس الأسلوب والكلام حتى فى الغلط  على العموم ده غلطتي وبعد كده في أي إمتحان هفرقكم عند بعض أو أخليكم جنب بعض عادي بس الشاطر فيكم يبقي يغش من التاني..
محمدسعد(بخوف) يامستر والله...
محمدسراج(بصله بتحذير) ماتحلفش بالله كذب سامع وإتفضلوا أقعدوا لسا العقاب على الدرجات الفُل اللي سيادتكم جايبينها ..
(محمدسعد ومحمدعباس بصوا لبعض بخوف وقعدوا مكانهم وبدأ سراج يوزع ورق الإمتحان عليهم)
محمدسراج(بجدية وهو بيوزع الورق) مبدأياً كده ومن غير كلام اللي يأخد ورقته ويلاقي درجته أقل من ال18 يتفضل يقف ..
(شوية وخلص محمدسراج توزيع الورق وكل اللي جايب أقل من 18 قام وقف بصلهم محمدسراج بنظرة مُرعبة وبعصبية وبدأ يلف عليهم ويسألهم على درجتهم ويكملهم بالعصاية خلص عقابهم ووقف قدامهم)
محمدسراج(بزعيق) عاجبكم منظركم ده!! لما تبقو كُبار كده وتقوموا تتضربوا بالمنظر المُهين ده !! (وبص لمحمدسعد ومحمدعباس بعصبية) والظاهر إنتو الإتنين إتدلعتوا أوي أكتر إتنين مضروبين النهاردة ليه كُنتوا هتخسروا إي لو قعدتوا على الكتاب نص ساعة بس ..
محمدعباس(بحزن) والله يامستر زاكرنا بس نسينا ..
محمدسراج(بزعيق) كذاب وبطلوا تبرروا لنفسكم الفشل لأن إنتو بقيتوا مُقصرين وعاوزين الواحد يشد عليكم ويوريكم الوش التاني وهيكون كذالك بإذن الله (وبص لكل الفصل بجدية وصوت عالي) الدلع والهزار اللي كُنت بعمله معاكم خلاص بح!!! كل واحد وواحدة هنا المرة الجاية يجي والورقة بتاع الإمتحان عليها إمضاء ولي الأمر لما نخليهم يشوفوا الشطارة بتاع عيالهم ومصاريفهم اللي بيصرفوها على ناس مستهترة سامعين!!!!
الكُل(بخوف وقلق) حاضر يامستر ..
محمدسراج(بجدية ونرفزة منهم) مافيش شرح جديد النهاردة اللي عنده أي سؤال ولأي جزئية مش فاهمها يتفضل ..
(بدأوا الطلاب يسألوه على الأسئلة والحاجات اللي مش فاهمينها ومحمدسراج يرد عليهم ويشرحلهم تاني وسط تركيزهم بسبب خوفهم منه)
...................................................................................................
(نفس اليوم بالليل ظهر سعد واقف هو والدكتور يحيى بيتكلموا والشباب معاهم بعد ماخلصوا نقل الحاجة)
سعد(بإبتسامة) معلش بقي ياشباب تعبناكم معانا ..
ليث(بإبتسامة) لا ياعمو ماتقولش كده تسكنوه بالهنا يارب والله مبسوطين جداً إنكم هتكونوا معانا في نفس العمارة وقريبين مننا كده ..
سعد(بإبتسامة) ربنا يكرمك ياحبيبي  ..
يحيي(بهدوء وإبتسامة) بإذن الله يكون أحسن وأفضل لكم ياسعد (وبضحكة وهزار) حتى تبقوا قريبين مننا ومحمد ورنا يكونوا جنب ليث وسراج أهو وقت مايحتاجوهم يستغلوهم براحتهم خالص ..
محمدسراج(بص لمحمدسعد ورجع بصلهم) والله عنينا ليهم بس هما يذاكروا ويشدوا حيلهم بس ..
سعد(بتساؤل) هما عاملين معاكم إي صحيح! وأخبار مستواهم إي!!
ليث(بإبتسامة) أنا عن نفسي فهما تمام خالص معايا الحمدلله ومستواهم في تحسن..
محمدسراج(بإبتسامة) وأنا كمان كويسين معايا ياعمو ماتقلقيش(وبص لمحمدسعد بجدية) ولو مش كويسين وحبوا إنهم يلعبوا بديلهم ويستهتروا فيها ماتقلقش هعرف أتصرف معاهم ..
سعد(بضحكة وهزار ) وأنا عن نفسي إعطيتكم إنت وليث كل الصلاحية تعملوا فيهم اللي تحبوه خدوا راحتكم خالص زي اللي بيقولك كده إكسروا وإحنا نجبس ..
أحمدسعد(بهزار وحط إيده علي كتف محمدسعد) بابا سلمكوا تسليم أهالي ياباشا ربنا يرحمك بقي ..
ليث(بضحكة) أيوة بقي م أحنا فلتنا من الثانوي والدروس وبقينا نتكلم بقلب جامد ..
أحمدسعد(بضحكة) أيوة طبعاً مرة من نفسنا بقي..
محمدسراج(بضحكة) ماتفرحش أوي كده الكلية مش جنة أوي كده ده كفاية الدكاترة واللي بيعملوه ف الواحد ..
أحمد(بحزن مُصتنع) علي رآيك والله هو مافيش أحسن من إن الواحد يقعد كده أكل ومرعى وقلة صنعة ..
محمدسراج(بضحكة) إخرس ياض وبطل فشل ..
ليث(بص لمينا اللي قاعد ساكت من ساعته بقلق وحط إيده علي كتفه) مينا مالك ساكت ليه!!!
مينا(بهدوء) لا مافيش حاجة أنا كويس ماتقلقش..
ليث(بقلق) متأكد!!
مينا(بصلهم وبص لليث بتنهيدة وهدوء وهز رآسه) أيوة ماتقلقش والله أنا كويس..
محمدسراج(بقلق) مش باين يعني ده أحنا بنتكلم بقالنا يجي نص ساعة وماسمعناش صوتك!!
مينا(بهدوء) عادي والله هقول إي يعني!!
يحيي( بجدية) بس إنت فعلاً باين عليك إنك مش كويس يامينا وشكلك مُرهق كده متأكد إنك كويس!
سعد(بصله بقلق وخوف) مالك يامينا..
مينا(بصلهم بإبتسامة مُصتنعة وبهدوء) والله كويس ماتقلقوش مُرهق بس شوية ولما أنام وأصحي هبقي كويس بإذن الله..
سعد(بقلق) بإذن الله ياحبيبي ..
(كملوا كلام مع بعض وشوية وقاموا إستأذنوا ومشوا ومينا وأحمد ومحمد دخلوا أوضتهم علشان يناموا وسعد بص على مينا بتنهيدة قلق وخوف)
..........................................................................................................
فى نفس اليوم  فى بيت عباس ظهروا كلهم متجمعين وبيتعشوا مع بعض وبيتكلموا)
دعاء:(بصت لمحمد عباس بجدية) متنساش يامحمد تجيب إمتحان النهاردة لبابا علشان يمضيلك عليه..
(محمد عباس بصلها   بصدمة وزعل وبص فى طبقه وسكت)
عباس:(بص لمحمد بإستغراب) إمتحان إيه ده يامحمد!!
محمدعباس:(بتوتر وخوف) لا يابابا مش إمتحان ولا حاجة عادي يعني..
دعاء:(بجدية) آه مش إمتحان يابابا بس كانت مراجعة على العربي مستر محمد كانت عاملهالهم إبقى شوفوا كده عمل إيه وإمضيلوا علي الورقة..
عباس:(بص لمحمدعباس بجدية) عملت إيه يامحمد!!
محمدعباس:(بص لدعاء بنرفزة) جايب 13 من 20 يارب تكونى كده إرتحتى..
عباس:(ضرب محمد بظهر إيده على غفلة) ماتحترم نفسك ياله وتتكلم عدل ..
محمد عباس:(بحُزن) أصل هيا عارفة الدرجة يا بابا وأنا كنت هقول لحضرتك بس هيا مصممة تحرجنى قدامكم وخلاص..
دعاء:(بإستهزاء) أحرجك قدام مين!! إذا كان إنت النهاردة كان منظرك زبالة وإنت بتنضرب قدام زمايلك ده غير الغش كمان
محمد عباس:(بخنقة) أقسم بالله ماغشينا من بعض ولا نعرف الإجابة دى جت زي بعض إزاى وبالنص كده ( وبصلها بزعل وسابهم وقام من على الاكل دخل أوضته)
كنزة:(بعتاب) مش قولتلك متعمليش كده وتحرجيه قدامنا ..
دعاء:(بهدوء)لا كان لازم اعمل كده لإنه مكنش هيتكلم ولا يعطي بابا الورقة..
عباس:(بجدية) بس لازم يتشد عليه ..
كنزة:(بجدية) عديها المرة دى يابابا علشان خاطرى من ساعة من جه من برا وهو خايف جداً وزعلان
عباس:(بصلهم بتنهيدة وقام دخل الاوضة لمحمد) محمد..
محمدعباس( بصله بدموع وحزن) أقسم بالله أنا كنت ناسى إن فيه مراجعة خالص تاهت عن دماغى  وأنا زعلان من نفسى إنى جبت الدرجه دى أصلاً
عباس:(قعد جمبه وبهدوء) خلاص ياحبيبى إهدا كفاية عياط وعوضها الإمتحان الجاى بإذن الله أنا واثق إنه اللى حصل النهاردة مش هيخليك تنسى أى مراجعة تانى وهتاخد بالك كويس من مذاكرتك ويلا بقي هات الورقة أمضيهالك..
محمدعباس:(بص لبباه بإستغراب) حضرتك مش زعلان منى!!
عباس:(بهدوء) لا زعلان طبعاً بس اللى هيخلينى مزعلش انك توعدنى انو إمتحان المرة الجاية وإنك تكون مقفله ..
محمدعباس:(مسح دموعه وبإبتسامة) ماشى حاضر بإذن الله يابابا أوعدك..
(قام محمد يجيب الورقه لبباه وعباس طلع قلم من جيبه ومضى الورقه وإعطاها لمحمد وسابه وخرج محمد بص للورقة وتنهد بزعل وحطها فى الكتاب وسابها وأخد كتاب الانجليزى وقعد يذاكر)
..................................................................................
(في بيت سعد ظهرت رنا قاعدة بتذاكر رياضيات وهايدي نايمة على السرير)
هايدى:(فتحت عنيها بتعب) رنا إطفى النور أنا مش عارفه أنام وإتهديت طول اليوم مع ماما في الترتيب..
رنا:(بتعب) الله ماأنا كمان عملت معاكم بس ورايا مذاكرة ياهايدى  أعمل إيه يعني!!
هايدى:(بهدوء) إطلعى ذاكرى برا  ياستى بدل عاوزة تذاكري أوي..
رنا:(بخرف) لا هخاف ياهايدى أقعد برا لوحدي أنا لسا ماأخدتيش على الشقة وبعدين مامحمد بيذاكر مع مينا وأحمد وعادى إشمعنا أنا بقي بتزعقيلى!!
هايدى:(بتنهيدة تعب) هما بيعرفوا يناموا  فى النور ياستي وبعدين تعالى نامى إنتى أكيد تعبانة من تعب طول اليوم ..
رنا:(بتعب) والله تعبانة بس ورايا مذاكرة رياضة أعمل إي!!
هايدى:(بهدوء) أكيد مس دعاء مش هتكلمك يعنى بكرة وعارفة الظروف ماهيا شايفة وعارفة الى إحنا فيه متقلقيش..
رنا:(بقلق) لا هتزعقلى والله ..
هايدى:(بتنهيدة) مش هتزعقلك يابنتى يلا بقي إطفى النور ده وتعالي ونامى وبكرة إبقي كملي مذاكرتك ..
رنا:(بحماس طفولي) هتاخدنى وتنيميني فى حضنك!!
هايدى:(بضحكة وفتحت إيديها) اه ياستي تعالى يلا عندي كام رنا أنا ..
رنا:(قامت بسرعة وطفت النور وجريت نامت جمب هايدى على الارض ) يلا ننام..
هايدي(بإبتسامة) يللا علشان نصحي الصبح بدري نساعد ماما ف باقي الشقة هانت قربنا نخلص ونرتاح بقي ونستقر
رنا(بنعاس) بإذن الله يلا تصبحي على خير..
هايدي(بإبتسامة) وإنت من أهله ياحبيبتي..
(هايدى نامت وأخدت رنا فى حضنها وناموا هما الإتنين من تعب اليوم )
....................................................................................................
تانى يوم الصبح فى بيت سعد ظهرت نيرة بترص حاجه النيش وبتظبط وبترتب البيت ومحمد واقف جمبها وقاعد يزن عليها)
محمدسعد:(بإصرار) علشان خاطرى يا ماما إمضيها وبلاش بابا يعرف حاجة عنها بالله عليكى
نيره:(بصت لمحمد بجدية) قولتلك لاء ولازم باباك يعرف الدرجة اللي سيادتك جايبها دي علشان تبطل لعب وإستهتار وتركز شوية في مذاكرتك وتخلي بالك من مصلحتك ..
محمدسعد:(بخوف) بالله عليكى ياماما أول وأخر مرة والله بابا لو عرف هيضربنى
نيره:(بجدية) تستاهل الضرب بصراحة..
محمد سعد:(بحزن) والله ياماما أنا بذاكر ومش مقصر بس نسيت خالص إن مستر محمد قالنا إن فيه مراجعة ومالحقتيش أذاكر والله ..
نيرة(بجدية) مافيش حاجة إسمها نسيت بتنسي تأكل بتنسي تشرب بتنسى تلعب إشمعنا مذاكرتك ومصلحتك بس اللي بتنساها ها !!
محمدسعد(بحزن ودموع) علشان خاطرى  بالله علييكى والله أول وأخر مرة طب أروح لمين يعنى يمضيها  مينا مش راضى وأحمد هيفتن عليا عند بابا ويقوله
نيرة:(بجدية) طيب ماأنا كمان هقول لأبوك..
محمدسعد:(بحزن) بقي كده ياماما طيب ماشي هروح أمضيها أنا ..
نيرة:(بعصبية بسيطة) ماشااء الله يعني مُهمل وجايب درجة وحشة وكمان هتزور وتمضي لنفسك روح إمضيها بس أحب أعرفك إن هتبقي معروفة وواضحة أوي إن دي مش إمضاء باباك ووقتها بقي أبوك مش هيضربك ده هيولع فيك إنت حُر ..
محمدسعد:(بخوف ودموع) طيب إمضيها إنتى بالله عليكى ياماما علشان خاطري..
نيرة:(بصتله بتنهيدة وأخدت منه الورقة) والله يا محمد ماهعيدها تانى وأخر مرة سامع وبعد كده هاخد اوريها لابوك
محمدسعد(بتنهيدة راحة ومسح دموعه) حاضر والله ( نيرة أخدت منه الورقة ومسكت القلم ومضيت عليها وإعتطهاله محمد أخدها ودخل أوضته تانى نيرة بصتله بتنهيدة وكملت اللي كانت بتعمله)
...............................................................................................
بعد يومن من النقل فى الكلية ظهر محمدشاهين ومينا قاعدين مع بعض ومينا سرحان ومابيتكلمش)
محمدشاهين:(بص لمينا بقلق) مينا !!
مينا:(بسرحان وهدوء) إمممم نعم يامحمد!!
محمدشاهين:(بقلق) مالك يامينا إنت فيك حاجة بقالك فترة مالك بقي قولي!!
مينا:(بصله يتنهيدة) مافيش يابني هيكون مالي يعني!
محمدشاهين(بجدية) إسأل نفسك يامينا إنت مش شايف نفسك يعني مالك بجد فيه إي!!
مينا:(بزهق) مافيش يامحمد أنا كويس الحمدلله..
محمدشاهين:(بقلق) لا مش كويس ماتضحكش على نفسك وباين عليك فعلاً إنك مش كويس هو فيه حاجة مزعلاك طيب!!
مينا:(بتنهيدة تعب) والله مافيش حاجة يابني أنا كويس!
محمدشاهين:(بتصميم) لا مش كويس وسرحان من ساعة ماقعدنا وبقالك فترة ساكت ومش بتتكلم وفيك حاجة متغيرة
مينا:(بصله بتنهيدة تعب وسكت ماإتكلمش)
محمدشاهين:(بقلق) طب هعمل نفسي مصدقك وإنك فعلاً كويس فين بقى الكويس ده إنت بقالك كام يوم مش بتاكل كويس ووشك مصفر وتحت عينك إسود وبتقولى مافيش حاجه إزاى بقي!!
مينا:(بص لمحمدشاهين بزهق) هو إحنا مش ورانا محاضرة دلوقتى يلا نقوم..
محمدشاهين:(بتنهيدة قلق) بتتهرب أنا عارف بس ماشي يامينا يارب فعلاً تكون كويس زي مابتقول يلا قوم ياسيدي المحاضرة كمان 10دقايق ..
مينا:(قام وقف وبهدوء) طب يلا نروح نحضرها وأروح علشان مصدع وعايز انام..
(مينا قام وقف ولم حاجته وسبق محمدشاهين على المدرج ومحمدشاهين قام وقف وبص على مينا بتنهيدة قلق عليه وأخد حاجته وقام وراه ودخلوا المحاضره
..............................................................................................
(عند مينا اللي راجع من الكلية وماشي سرحان فجأة خبط في حد رفع وشه علشان يعتذر لقاه ليث وبيبصله بتركيز وساكت)
مينا(بهدوء) أسف ياليث ماأخدتيش بالي منك..
ليث(بتجاهل لكلامه وبصله بجدية) مالك!!
مينا(بتهرب) ماليش هيكون مالي يعني ياليث ماأنا كويس قدامك أهو ..
ليث(بجدية) فين الكويس ده إنت بتضحك عليا ولا بتضحك على نفسك يعني مش فاهم؟!
مينا(بهدوء) هضحك عليك بس ياليث والله أنا كويس مش عارفة أعمل إي يعني علشان أعرفكم إني كويس..
ليث(بهدوء) طيب إنت كويس ياسيدي ماشي سرحان ليه لدرجة ماشوفتنيش وأنا قدامك وخبطت فيا !!
مينا(بهدوء وحط وشه في الأرض) مافيش..
ليث(بحدية) لا فيه يامينا وبطل تكذب بقي وتقول مافيش لأنه فيه سرحانك اللي طول اليوم وسكوتك ومش بتتكلم خالص غير الكلمة وردّ غطاها زي مابيقولوا شكلك تعبان ومُرهق ووشك أصفر كل ده وبتقول مافيش أومال لو كان فيه بقي كنت هتكون عامل إزاي!!
مينا(بتهرب) عادي يعني والله مُرهق من الكلية بس..
ليث(بجدية) هحاول أصدقك يامينا مع إني عارف ومتأكد إن كل اللي بتقوله ده كذب لإني بعرفك وبحس بيك من غير ماتتكلم حتى يعني لو كذبت على الناس كلها مش هتقدر تكذب عليا سامع!! وعلي فكرة من يوم مانقلتوا وكُنا بنتكلم وإنت كنت واقف معانا وساكت وأنا عارف إنك مش طبيعي وفيه حاجة مزعلاك بس سكت وقولت بلاش أضغط عليك وهتيجي تحكي من نفسك بس للأسف لسا مُصمم ماتحكيش وتعرفني مالك..
مينا(بتنهيدة) صدقني عادي يعني مافيش حاجة تتحكي ..
ليث(بجدية وتنهيدة قلق عليه) ماشي يامينا هعمل نفسي مصدعك يللا بقي إطلع علشان كفاية كلام ع السلم كده..
مينا(بصله بهدوء وهز رآسه) حاضر سلام
ليث(بصله وهو طالع بتنهيدة قلق) سلام يامينا
..........................................................................................
(في بيت شاهين ظهر محمدشاهين قاعد ساكت وسرحان والكل مستغرب سكوته بس ماإتكلموش)
كارمن:(بضحكة ومسكته من خدوده) مالك يا مودى!
محمدشاهين:(زق إيدها وبصلها بطرف عينه) قولتلك مليون مره بلاش الحركة المُستفزة دى..
كارمن:(بغلاسة ومسكته تانى) بتضايق منها يا بيضة ..
محمدشاهين:(بعد إيديها تانى وبنرفزة) يابت قولتلك بس بقا ..
كارمن:(بعدت عنه بزعل مُصطنع) إنت أصلاً مابقتش تحبنى زى الاول إخس عليك وإنت أخ زي قلتك..
محمدشاهين:(بضحكة) طفلة وربنا طفلة ..
كارمن:(بغلاسة) بتحبنى يا مودى!!
محمد شاهين:(بصلها بجدية مُصتنعة) لا مش بحبك وإبعدي عني بقي..
كارمن:(بصت لباباها بزعل) شوفت يابابا يعنى لو كنت جبتلى كمان أخ مكنتش إحتجت للمعفن ده لكن علشان أنا ماليش غيره للأسف فلازم أحبه غصبن عني..
محمدشاهين:(بضحكة) وأنا كمان يا كوكى ماستغناش عنك
كارمن:(بصتله بدلع) بجد يا محمد!!
عايدة:(بضحكة) فيه إيه يا كارمن مالك يا حبيبتى إنت سخنة..
كارمن:(بضحكة) فيه إيه يا ماما أخويا وبدلع عليه إيه يعنى
سليمان:(بضحكة) لا ياقلبى إدلعى براحتك وإحنا لينا كام كوكى في البيت يعنى..
كارمن:(بضحكة وكسوف مُصطنع) مالكوش غير واحدة بس وخافوا عليها بقا لتنقرض..
محمدشاهين:(بضحكة) لا يا حبيبتى ربنا يخلكِ لينا يارب ومانتحرمش من رخامتك (وقام وقف وبص لبباه ومامته بإبتسامة وهدوء) تصبحوا على خير يا جماعة (وسابهم وقام دخل أوضته وعايدة وسليمان بيضحكو علهم)
كارمن:(بصدمة) مانتحرمش من رخامتك!!! أنا رخمة ماشى يا محمد أنا كمان داخلة أنام ومش هكلمك تانى تصبحوا على خير(وقامت دخلت أوضتها وهيا متعصبة من محمد وعايدة وسليمان بيضحكو عليهم)
سليمان:(بإبتسامة) ربنا يهديهم ويباركلهم في بعض
عايدة:(بإبتسامة) يارب ..
(وقعدوا وكملوا سهرتهم سوا وشوية وقاموا ناموا هما كمان)
.................................................................................................
(في بيت سعد ظهروا كلهم قاعدين ومينا جاي من الكلية دخل وسلم علي باباه ومامته وإخواته)
نيرة(بإبتسامة) حمدلله علي السلامة ياحبيبي أومال إتأخرت النهاردة ليه!!
مينا(بهدوء) الله يسلمك ياماما كان عندي محاضرتين وكمان ليث قابلني علي السلم وأنا طالع وإتكلم معايا شوية..
سعد(بتساؤل) خير فيه حاجة ولاإي!!
مينا(بإبتسامة وهدوء) لا يابابا مافيش حاجة كان بيطمن عامل إي في الكلية وكده..
نيرة(بإبتسامة) طيب يلا روح غير هدومك وتعال علشان نتغدي مع بعض..
مينا(بهدوء) لا ياماما والله ماأقدر أنا جعان نوم ومصدع ومش شايف قدامي..
سعد(بحدية) إتغدي الأول وبعدين روح نام مافيش نوم من غير ماتأكل ...
مينا(بتوسل وتعب) والله يابابا ماأقدر هأكل والله بعد أما أصحي..
سعد(بتنهيدة) ماشي روح يلا نام وساعتين كده وهنصحيك بإذن الله علشان تعرف تنام بالليل ..
مينا(هز رآسه بمعني ماشي) حاضر يابابا ..
(راح مينا أوضته علشان ينام وكلهم باصين عليه بقلق من سكوته)
محمدسعد(بقلق) هو مينا ماله حاسس إن فيه حاجة!!
سعد(بقلق وبصلهم بجدية) هيبقي كويس بإذن الله يلا علشان نتغدي وكل واحد يشوف وراه إي يعمله..
(بدأوا يتغدوا ونيرة وسعد بيبصوا لبعض بقلق على مينا وهدوءه وسكوته خلصوا أكل وقاموا كل واحد يشوف وراه مذاكرة أي يذاكرها عدي على كده ساعتين ونيرة راحت الأوضة علشان تصحي مينا مجرد ماحطت إيديها عليه لقته سخن بصتله بخوف وقلق وراحت ندهت لسعد اللي كلم يحيي يجي يشوفه)
سعد(وهو قاعد جنب مينا وبص لنيرة) نيرة إهدي هيبقي كويس بإذن الله ماتقلقيش..
نيرة(بدموع) بقاله فترة أصلاً مش مظبوط وحاسة فيه حاجة..
سعد(بقلق) هيبقي كويس بإذن الله وإفتحي الباب شكل يحيي جه علشان يشوفه..
(راحت نيرة تفتح الباب لقت يحيي وليث معاه وباين عليهم القلق دخلتهم الأوضة اللي مينا فيها ويحيي قرب منه وبدأ يكشف عليه ف الوقت ده كان مينا صحي على صوتهم بس كان نايم على السرير من تعبه خلص يحيي الكشف وبصلهم)
يحيي(بإبتسامة يطمنهم) مانقلقوش هيبقي كويس بإذن الله هو بس حرارته إرهاق وقلة أكل ومينا أصلاً ضعيف وماعندوش مناعة فده السبب لحرارته هعطيه الوقتي حقنة تنزل الحرارة وهبقي أجي أشوفه تاني لو لسا سخن هكتبله علاج ومضاد حيوي وهيتحسن بإذن الله..
سعد(بقلق) يعني هو كويس؟!
يحيي(وهو بيجهز الحقنة) هيبقي كويس بإذن الله ياسعد ماتقلقش (وبص لمينا بإبتسامة) يللا يامينا علشان الحقنة دي تنزلك الحرارة شوية يللا ..
ليث(بصله وراح قعد جنبه لما شاف خوفه ومسك إيده وساعده ينام على جنبه براحة) ماتخافش ماشي..
(يحيي قرب منهم وبدأ يعطيه الحقنة وسط توجعاته اللي مش طالعة أوي من تعبه)
مينا(بتعب وصوت ضعيف) آآآآآآه آآآآه
يحيي(شال السن ودلك مكانها شوية وبصله) خلاص خلصت بالشفا يارب..
ليث(بص لمينا بقلق وبيمشي إيده علي شعره) إنت كويس!
مينا(بصله بتوجع وتعب وهز رآسه بمعني أيوة وغنض عينه وسكت ماإتكلمش)
يحيي(بإبتسامك) هيبقي كويس بإذن الله من الوقتي لــ بالليل لو ماإتحسنش ولسا تعبان هكتبله ع علاج بإذن الله يمشي عليه ويبقي كويس المهم إعملوله كمدات الوقتي والحرارة بإذن الله هتنزل ..
نيرة(بدموع) بإذن الله حاضر هعمله كمدات..
يحيي(بإبتسامة وقام وقف بعد أما إطمن علي مينا) طيب يلا همشي أنا مينا أصلاً الحقنة هتخليه ينام وهبقي أجي أشوفه وأطمن عليه بإذن الله..
سعد(بجدية) بإذن الله شكرا يايحيي تعبناك معانا ..
يحيي(بإبتسامة) تعب إي ياسعد مينا إبني ربنا يشفيه بإذن الله يلا سلام..
(مشي يحيي وليث اللي باصص على مينا بقلق وخوف وسعد قعد جنب مينا ونيرة طلعت تجيب فوطة وماية باردة وبدأت تعمله كمدات وسط دموعها وخوفها عليه)
....................................................................................................
(في بيت سعد بالليل ظهر سعد ونيرة قاعدين في الأوضة وقلقانين على مينا)
سعد:(بقلق) أنا قلقان على الواد مينا قوى وعلى العيال اللي نايمة معاه فى الاوضة دى..
نيرة:(بقلق) ماتقلقش ربنا يسترها بإذن الله وبعدين كل واحد نايم على سريره تعال نقوم نطمن عليهم..
سعد: ماشى (وقامو الاتنين يطمنوا على الشباب دخلوا الأوضة براحة علشان محدش منهم يصحى دخلوا الأوضة وبصوا بإستغراب)
نيرة:(بقلق هو مينا فين؟!
سعد:(بقلق) إستنى يمكن فى الحمام
( وراح خبط على الحمام محدش رد  فتح الباب ملاقش حد)
سعد:(بقلق وبص لنيرة) مينا مش جوا ..
نيرة:(بصت على سرير مينا وراحت ناحيته ومسكت ورقه وفتحتتها وقرأتها وبصت لسعد بدموع) سعد مينا ساب البيت (سعد بصلها بصدمة)
......................................................................................
ياترى ايه الى ممكن يحصل لو حابين تعرفو استنونا الحلقه الى جايه
#hadeer
#rody
#hager