#اللقيط
#اللقيط_21
#جزء من الحلقه السابقه
نيره قاعده فى الصاله بتعيط مينا دخل عليها
مينا:(قرب منها باستغراب) مالك يا ماما فى ايه
نيره:(بعياط) ابوك جوه مع محمد اخوك
مينا:(بص للاوضه وبص لامه) وفيها ايه بس بتعيطى ليه
نيره:(بعياط اكتر) علشان انا اشتكيت لابوك منه انو جاب درجه وحشه وقولتله انو عملها قبل كده وجاب درجه وحشه دخل وقفل الباب وراه وقال محدش يدخل بقالهم اكتر من تلت ساعه جوه ومش سامعه صوتهم
مينا:(بقلق على اخوه) انتى كل مره تشتكى منه وتزعلى لم بابا يكلمه
نيره:(بصت لمينا) هو انا ناقصك يا مينا انت كمان تلوم فيا انا فيا الى مكفينى يابنى الله يخليك
مينا:(بزعل) مش قصدى الوم فيك يا ماما بس يعنى ( وبتنهيده) طب يعنى خير باذن الله مش هيعمله حاجه
نيره:(بصت لمينا) ده ابوك الى مش هيعمل حاجه
مينا:( بقلق) مانتى بتقولى مالهمش صوت
نيره:(بصت لمينا) اه مالهمش صوت لا ضرب ولا حاجه
مينا: يبقى خير بقا ان شاء الله (فجاه الباب اتفتح وخرج سعد وخرج من البيت خالص ومحمد قام قفل عليه الاوضه بسرعه قبل ما حد يدخل عليه مينا ونيره بصو لبعض باستغراب وبصو للاوضه ومينا نزل وراء ابوه بسرعه يلحقه)
~~~~~~~~~~~~~~~~~~~~~~~~~~~~~~
عند مينا الى نزل وراء ابوه لحقه على باب البيت
مينا: بابا بابا
سعد:(وقف وبص لمينا) فى ايه يا مينا
مينا:(قرب منه) مافيش حاجه هو حضرتك رايح فين
سعد: مافيش هروح اقعد على القهوه شويه
مينا:(بارتباك) طب هو ايه الى حصل بين حضرتك وبين محمد
سعد: روح اساله
مينا: قفل الباب عليه ومش عاوز يفتح لحد
سعد: لم يفتح ابقى اساله (وسابه ومشي)
مينا:(باستغراب) هو فى ايه (ورجع البيت تانى لقى مامته بتحاول مع محمد ومحمد مش بيرد عليها)
نيره: ابوك قالك حاجه
مينا: قالى اساله وبس ماقلش غير كده
نيره:(بعياط) واد يا محمد افتح يابنى (مينا بصلها بزعل واخدها وراحو قعد على الكنبه ومينا بيهدى فيها وهو قلقان اصلا على اخوه)
~~~~~~~~~~~~~~~~~~~~~~~~~~~~~~
اخر اليوم محمد فتح الاوضه وراح نام على السرير مينا فتح ودخل
مينا:(بص لمحمد) طردنا بره كل ده وسيادتك نايم هنا
محمد سعد:(من غير ما يبصله) معلش
احمد:( بعصبيه) والله معلشى ده بقا اصرفها منين (محمد مردش عليهم)
مينا:(بص لمحمد وراح قعد جمبه) ايه يا محمد مالك بابا عملك ايه
محمد سعد: معملش حاجه
مينا:(باستغراب) اومال قافل على نفسك ليه
محمد سعد: قالى فكرلك فى عقاب وانا مش عارف اعمل ايه
مينا:( باستغراب) يعنى هيعاقبك
محمد سعد: معرفش يا مينا هو قالى انى بقيت فاشل وانو هو اتساهل معايا وانا عاوز الى يتاعمل معايا على اساس انى عيل صغير مش عارف مصلحتى وانى اقرر عقابى علشان هو لو قرر هيزعلنى
مينا: طب متقلقش يا محمد
محمد سعد: مش قلقان ولا بفكر والى يحصل يحصل بقا
مينا: طب اهدا اهدا بس ،، انت كنت بتذاكر
محمد سعد: حاولت ومعرفتش
مينا: طب ركز بس وسيب الباقى على ربنا (محمد سعد تنهد وهز راسه بمعنى ماشي ،، مينا طبطب على كتفه وقام اخد غيار ودخل الحمام ومحمد تنهد وبص فى الكتاب وحاول يذاكر
~~~~~~~~~~~~~~~~~~~~~~~~~~~~~~
على العشا اتجمعو كلهم ومحمد قاعد باين عليه القلق والخوف ونيره كل شويه تبصله بزعل وتبص لمينا ولاحمد ويبصو لسعد
هايدى:(بصت لمحمد الى قاعد جمبها) مالك يا محمد انت كويس
محمد سعد: اه كويس الحمد لله
رنا:(بقلق) طب فى ايه عاملين تبصو لبعض ليه
سعد:(ساب المعلقه من ايده وبص لمحمد) ها يا محمد قررت ايه
محمد سعد:(من غير ما يبص لابوه) مافكرتش اصلا
سعد:(بجديه) ليه انا مش قزلتلك فكر فى عقاب علشان لو قررت هتزعل
احمد:(بتردد) يابابا هيفكر فى عقاب ازاى
سعد:(بص لاحمد ولمنيا) ماشي بما انكو الكبار ومن بعدى هتبقو مسؤلين عنه قولولى اعاقبه ازاى
هايدى:(بقلق لم بصت لمامتها ولقيتها بتعيط) فى ايه يا جماعه
سعد:(بص لنيره) انتى بتعيطى ليه مش انتى الى اشتكيتى منه مش انتى الى قولتى انو بقا فاشل ويرجعلك كل يوم والتانى مضروب من مدرسينه فى الدرس
نيره:(بدموع) ايوه بس
سعد:(مقاطع لكلامها) مافيش بس (ورجع بص لمحمد) ها قولى على عقاب ليك
محمدسعد:(بص لبباه) الى حضرتك تقرره انا مش عارف
سعد:( بص قدامه) ماشي انا مش هعاقب المره دى وهعديها بس صدقنى لو جبت الدرجه دى تانى انا مش هخلى حته فى جسمك سليمه تمام(محمد هز راسه بمعنى ماشي وسكت سعد ساب الاكل وقام محمد بص لمامته بزعل وساب الاكل هو كمان ودخل اوضته نيره سابتهم وقامت منيا واحمد تنهدو وقامو دخلو لمحمد رنا وهايدى بصو لبعض بزعل وقامو يشيلو الاكل ظهر محمد نايم على السرير مغمض عينه وبيعيط واحمد ومينا جمبه باصين عليه بزعل وساكتين
~~~~~~~~~~~~~~~~~~~~~~~~~~~~~~~
تانى يوم عند مينا الى راح لمحمد سعد الدرس خلص الحصه وطلعو شاف مينا
مينا: قالى الصبح هاته العياده النهارده
انس: اشمعنا يعنى
مينا: عايز يطمن على وزنه والانميا والضغط يكشف عليه كليا يعنى
انس: طب ما ده كويس يطمن عليه
مينا: ماهو المشكله انو ممكن يرفض
ليث: يا مينا غصب عنه يروح علشان بابا قلقان من خسسانه ده (الباب اتفتح وخرج سراج وبص لمينا ومحمد هو ومحمد عباس شافهم)
محمد سعد:(بصلهم) هاا فى ايه
محمد سراج: يلا يقا هنروح مشوار كده
محمد سعد: فين
مينا: مش عمو يحيي طلبك ف العيادة يابني علشان يطمن عليك
محمد سعد:(بخوف) لا أنا كويس..
ليث:(بعصبيه) بلا كويس بلا بتاع انت مش بتشوف نفسك يابني..
أنس:روح يامحمد علشان تتطمن ونتطمن عليك أنت فعلاً جسمك خاسس خالص وضعف
محمد سعد:( بخوف) منا لو روحت بيكتبلى حقن تانى وانا تعبت والله العظيم
مينا: لا هيطمن عليك بس
محمد سعد: ماهو بيطمن عليا فى البيت مش عايز اروح العياده
ليث: يابنى هناك هيطمن عليك اكتر هيعملك سونار وهيقس الوزن والصغط والسكر وهيعملك رسم قلب هيجبلك الاجهزه دى البيت ازاى
محمد سعد: عادى مش عايز اعملهم
محمد سراج: يلا يا محمد متقلقش والله ما فى حاجه تخوف وبعدين انا كده كده رايح هناك علشان اغير على الجرح (ومسك ايده ومينا مسك ايده التانيه واخدوه وخرجو )
ليث:(بص لمحمد عباس) روح انت يا محمد
محمد عباس:(بص لليث) طيب ابقى طمنى على محمد يا مستر
(اما عند محمد سراج ومحمد سعد ومينا قاعدين مستنين دورهم ومحمد عمال ياكل فى ظوافره
محمد سراج:( مسك ايده وبعدها عن بوئه) قرقضهم من كتر اكلك فيهم
محمد سعد:(بخوف) منا قلقان يا مستر
مينا: مافيش حاجه تقلق لو انت سليم قلقك ده هيتعبك (محمد سعد سكت وتنهد ,, بعد شويه جيه الممرض)
الممرض:( قرب منهم) اتفضلو (دخل محمد سعد ليحيي وباين عليه القلق)
يحيي:( بص لمحمد ) فى ايه مالك قلقان ليه وخايف كده
محمد سراج:(قعد على الكرسى) هو كان عايز يجى اصلا
يحيي:( قام وقف) تعالا يا محمد متخفش (محمد راح ليحيى وليث قعد قدام سراج ,, عند يحيى ومحمد ) اطلع نام على السرير (محمد طلع ونام على السرير ويحيى بدأ يكشف عليه بالسونار وبالسماعه وقاسله الحراره ,, يحيي خلص كشف وبص لمحمد ومسك ايده ) قوم اقف على الميزان (محمد قام وقف على الميزان يحيى بصله وتنهد ) اعدل هدومك والبس الكوتشى وتعالا (رجع يحيي لمكتبه )
مينا: ها ياعمو ايه الاخبار
يحيي: انت فاكر يا مينا محمد اخر مره وزن كان كام كليو
مينا: تقريبا 65
محمد سعد: لا وزنا فى المدرسه تبع حصه الرياضه كنت 60
يحيي: 60 ولا 65 وزنك نازل قووى بقا 50 كليو يعنى على كلامك نازل 10 كليو يعنى بتخس جامد وبالتالى جسمك بيضعف بس الضغط معقول يعني مش يقلق بس الأنيميا بقي مش هنعرفها غير بالتحليل بس سيبها شوية لو فضلت ع الوضع ده والضعف ده نبقي نحلل ونشوف النسبة بس تأكل كويس علشان ماتندمش بعد كده لو الانيميا نزلت مافيش ليها علاج غير الحقن علشان تترفع بسرعه ..
محمد سعد: والله انا تعبت من الحقن
مينا: يبقى تاكل وبلاش اكل الكتكوت الى بتعمله ده لقمه وتجرى تقول شبعت
محمد سراج: انا هظبطهولك فى الاكل
يحيي:(بضحكه) طالما انت معاه متتوصاش بقا يا محمد
محمد سراج:( بضحكه) فى ظرف يومين هطخنه 20 كليو
محمد سعد:(بضحكه) ليه يعنى
محمد سراج:( بضحكه) كنت زمان اشوف تيتا الله يرحمه كانت تقعد كده وتحط دكر البط تحت رجليها وتزغطه او تعلفه باين المهم علشان يطخن كده وكنت تاكل من تحت ايده احلى بط هنزغطك بقا وندبحك على العيد الكبير ان عشنا
يحيي:(قام وقف وجاب شاش وقطن وبص لمحمد) طب يلا ياخويا خلينا نخلص انا مش فاضيلكو (محمد سراج ضحك وقام قعد على السرير ويحيي غيرله على الجرح وخلص وطول ما هو بيغير سراج عمال يتكلم ويضحكهم
يحيي:(بعد ما خلص) يلا بقا انت وهو من غير مطرود العياده بره زحمه
محمد سراج: ايوه ياعم ماشيه معاك
مينا: خلى بالك من نفسك يا عمو يحيي الواد ده عينه وحشه
يحيي: انت هتقولى يلا بقا امشو ( التلاته بصوله وضحكو وسراج حط ايدح على كتفه محمد وخرجو ,, يحي غمز لمينا فرجعله تانى )
مينا: خير ياعمو يحيي
يحيي: خلى بالك من محمد يا مينا وخلى بالك من اكله وخلى مامتك تشد عليه فى الاكل علشان الانميا شكلها نازل قووى وانا مش عايز اكتبله على حقن تانيه لان الحديد وجعها رخم جدا
مينا: ان شاء الله (ومشى مينا ويحيي تنهد وضرب للمرض جرس دخله المريض الى بعده)
~~~~~~~~~~~~~~~~~~~~~~~~~~~~~~~~
اخر اليوم عند رنا قاعده بتذاكر دخلت هايدي ورمت حاجتها على السرير ونامت عليه بتعب
رنا: اي هو مافيش السلام عليكم
هايدى: وعليكم السلام
رنا: مالك
هايدى: تعبانه قووى
رنا: معلشي من المشوار
هايدى: اه والنهارده ركبنا المترو كمان فرهدنا اكتر
رنا: المترو راحه يابنتى والله عن الموصلات
هايدى: بس بالنسبه لكنزه بتبقى مكلبشه فى ايدى علشان بتخاف من الامكان المغلقه كل ما يجى مكان مغلق ايدى تقف من الكلبشه
رنا:(بضحكه) كنزه دى عسل
هايدى: ادعى عليكى يوعدك بصحبه زيها
رنا: عندى صاحبتى بتخاف من الكلاب والقطط على استعداد تتاخر على حصه مستر ليث علشان متعديش من شارع واقف فيه كلب
هايدى:(بضحكه) يالهوى
رنا: والمشكله بقا لم تحكى لمستر ليث بيدخلها من غير ما يكلمها
هايدى: هيعملها ايه كفايه الرعب الى يتشوفه كنتى بتعملى ايه
رنا: بحفظ
هايدى: طب احفظى كويس بقا علشان بابا ميقلبش عليكى زى ما قلب على محمد
رنا: تعرفى انو محمد جايب 25 من 30 انا فكرته جايب اقل من النص
هايدى: انا افتكر بابا مسك احمد ضربه بالحزام علشان جاب 23 من 30 فى امتحان قبل كده
رنا: ليه كده يعنى
هايدى: بابا قاله كلام مش عايز يطلع من دماغى قاله مش انا اتعب ويطلع عينى فى فلوس دروسك وانت تبقى مهمل ومدرسينك طالع عنيهم وانت تبقى بالاهمال ده بابا عايزنا احنا الخمسه احسن ناس فى الدنيا ده كسر لمينا كاميرا علشان جاب فى الثانوى 90%
رنا: يالهوى
هايدى: ركزى يارنا
رنا: ماشي هحفظ وتسمعيلى
هايدى: ماشي هاخد دش على ما تحفظى
رنا: ماشي (ودخلت هايدى الحمام ورنا قعدت تكمل حفظ)
~~~~~~~~~~~~~~~~~~~~~~~~~~~~~~
تانى يوم فى المدرسه فى اوضه المدير دخل مدرس ومعاه خمس طلاب
محمد سعد ،، محمد عباس ،، يوسف ،، محمود ،، معاذ
المدير:(بص للطلاب وبص للمدرس) في ايه يا مستر خالد مالهم الطلاب دول
خالد:( بص للطلاب وبص للمدير) الاستاذه واقفين في الجنينه الى وراء ومعاهم سجاير بيشربوها (وطلع علبه سجاير حطاها قدامه) اهيه شوف يامستر
المدير:(بصلهم بجديه) انتو بجحين للدرجه دى مش خايفين حد يشوفكو
محمد عباس: والله ما شربنا احنا مالناش دعوه (وبص ليوسف) ما تتكلم يا يوسف
مدير:(بزعيق) اخرص خالص متتكلمش انا هربيكو من تاني (راح طلع العصايا من مكتبه وقرب منهم وكمل كلامه بزعيق) انتو خساره فيكو تعب اهاليكو اصلا انها بتتعب علشان تعلم شويه كلاب زيكو ،،، (وحط العصايا فى صدر يوسف وزقو لوراء افتح ايدك ومتفلتش ،، يوسف فتح ايده المدير ضربه يوسف مسك ايده شويه ومش راضي يفتح ايده تاني ،، المدير مسك ايده وشدها فتحها وضربه عليها جامد وفضل يضربه ويوسف عمال يشد ايده ومش عارف المدير ضربه على ايده اكتر من ست عصيان لدرجه انو يوسف عيط من الضرب وضرب التلات شباب التانين ومسبهمش الا لم عيطو التلاته وبص لمحمد سعد ومسك ايده)
محمد سعد:(بخوف) والله يا مستر ماشرينا حاجه
المدير:(ضريه على صوابعه الى مطبقها) افرد ايدك (محمد سعد فرد ايده المدير ضربه عليها ومسابوش ومدلوش فرصه انو يرتاح وعمال يضرب على ايده الباب خبط ،، المدير سابه وبص للباب) اتفضل
ليث:(دخل محمد سعد ومحمد عباس بصو لبعض واتصدمو) مستر انا كنت عايز اجازه (وبص لمحمد سعد ومحمد عباس وباين على محمد سعد الوجع وبص للمدير) عايز اعمل اجازه لمس دعاء علشان تعبانه ،، هو في ايه يا مستر
المدير:(بص لليث) ثواني بس يا مستر (وبص لمحمد سعد تاني ومسك ايده تانى وضربه عليها وسابه ضرب محمد عباس نفس الضرب وسابهم وقعد على المكتب وبصلهم بعصبيه) العقاب لسه مخلصش لازم نعرف اهاليكو الى ونستدعيهم هنا علشان يعرفو التربيه الى ربوهالكو
ليث:(بص للمدير) فى ايه يامستر عملو ايه العيال دى
المدير:( بص لليث بعصبيه) الاساتذه بيشربو سجاير
ليث:(بص للمدير بصدمه وبص لمحمد سعد ومحمد عباس ورجع بص للمدير) طب حضرتك هتبلغ اولياء الامور
المدير: اه طبعا
ليث:(بثبات) لو سمحت يا مستر بس انو يعني دى اول مره يعملوها وحضرتك عقبتهم بلاش استدعاء ولى امر
المدير: ممكن نتغاطا عن اى غلط بس غلطات مينفعش نمحيها
ليث: انا مابقولش نمحيها بس هما اتعاقبو
المدير:(بتنهيد) انت شايف كده يا مستر
ليث: ايوه انا من رأى كده حضرتك عاقبتهم
المدير:(بصلهم بجديه) انا كنت هعملكو استدعاء ولى امر وكنت هعاقبكو تاني قدمهم بس لو اتكررت تاني هتشوفو اسود يوم فى حياتكو اتفضلو
ليث:(بص لمحمد عباس بصه رعبته بهمس من غير ما المدير ياخد باله) استنو بره (وطلعو الخمس طلاب من الاوضه)
المدير: نعم يا مستر ليث
ليث: كنت عايز اعمل اجازه لمس دعاء يعني علشان تعبانه شويه
المدير: الف سلامه عليها حاضر همضيلك عليها (ومضاله على الاجازه واخدها ليث وخرج)
~~~~~~~~~~~~~~~~~~~~~~~~~~~~~~~
عند ليث الى خرج من اوضه المدير لقي محمد سعد ومحمد عباس واقفين راحلهم وزقهم قدامه ودخلو اوضه المدرسين الى مكانش فيها حد زقهم ودخل وقفل الباب
ليث:(بصلهم بعصبيه) انتو شربتو سجاير نهاركو اسود النهارده
محمد سعد:(بخوف)لا اقسم بالله لا
ليث:(بعصبيه)اومال ايه الى المدير بيقول ده
محمد عباس:(بخوف ورعب) احنا كنا واقفين معاهم ومستر خالد شافنا واخد عاطل مع باطل والله
ليث:(بعصبيه)ومتنيلين واقفين معاهم ليه (الاتنين سكتو) عليكو مين دلوقتى
محمد سعد:(بص لمحمد عباس بتوتر)مستر ايمن
ليث:(بصدمه)هربتو من حصته
محمد عباس:قولناله اننا نزلين الحمام
ليث:وطبعا مرجعتوش الحصه (الاتنين سكتو ليث بصلهم بعصبيه) اقسم بالله انتو الاتنين ازبل من بعض لم تهربو من حصه وتروحو تفقو مع ناس معروفين انهم ايه فى المدرسه وسمعتهم سبقاهم وانتو واقفين معاهم علشان يطلعو عليكو سمعه زيهم انتو كمان ايه الى وقفكو مع العيال دى(الاتنين سكتو وبصو في الارض كمل ليث كلامه بعصبيه) انطقو وردو عليا بدل ما ادور فيكو الضرب( بردو الاتنين ساكتين ،،، ضرب محمد سعد فى صدره جامد) انطقو (بردو وقفو ساكتين راح ليث وجاب عصايا وضرب محمد عباس في رجله جامد بالعصايا)
محمد عباس:(بوجع) اتعرفنا عليهم من فتره
ليث:(بعصبيه) العيال دى متكلمهمش تاني خالص انتو سامعين ( الاتنين هزو راسهم بمعنى ماشي وسابهم وخرج بصو لبعض وخرجو من الاوضه راحو الفصل
لقو خالد لسه فى الفصل
خالد:(بصلهم الاتنين) كنتو فين (بصو لبعض وبصو لخالد وسكتو
ليث:(جيه من وراهم) كانو معايا يا خالد
خالد:(بص لليث) بقالهم اكتر من ساعه الا ربع بره
ليث: معلشى يا خالد
خالد:(هز راسه بمعنى ماشي) انا اصلا خلصت الحصه بعد انك يا ليث
ليث: اتفضل (ليث بصلهم) اتفضلو (دخل محمد سعد ومحمد عباس الفصل قعدو مكانهم وليث دخل سلم عليهم وقعدو ،، ليث كمل كلامه) افقلو كل الى قداممو علشان نسمع وبدأ معاهم التسميع )
~~~~~~~~~~~~~~~~~~~~~~~~~~~~~~~
عند مينا ومحمد شاهين قاعدين فى كافتريا الكليه مع بعض
محمد شاهين:(بص لمينا) هتفضل لحد امتى كده مش عارف راسك من رجليك
مينا: اعمل ايه يعنى يا محمد
محمد شاهين: اعترفلها مش هيا يمكن هيا كمان بتحبك
مينا: بعد الى عرفته عنى
محمدشاهين: عرفت عنك ايه يا مينا وبعدين هيا لو مكنتش بتحبك او حاسه بحاجه مكنتش اتكلمت معاك بس هيا بتتكلم عادى
مينا: مش يمكن اصحاب دراسه بس
محمدشاهين: والله هو انا الى هعرفك على شرين طب ما احنا اصحاب دراسه بتشوفها تتكلم معايا غير لم تكون موجود
مينا:(تنهد وبص قدامه شاف شرين جايه عليهم) ازيك يا شرين
شرين:(بصتله وقعدت على الكرسي) الحمد لله وانت
مينا: كويس
محمد شاهين: احنا كنا هندخل المحاضره ونسيبك ايه الى اخرك
شرين: كنت بوصل دينا المدرسه
محمد شاهين:(قام وقف) طيب انا هروح احجز مكان فى المدرج على ما تيجو (وضرب مينا فرجله قبل ما يمشي
مينا:(يصله وهو ماشي يغضب وبص لشرين) احنا مكناش هندخل من غيرك متصدقيش الواد ده ده كداب
شرين: عارفه يا مينا
مينا: شرين انا......
شرين:(بابتسامه) انت ايه (مينا سكت ،، شرين تنهدت وكملت كلامها) ايه يا مينا عاوز تقول ايه
مينا:( بتوتر) ما مافيش
شرين:(بتردد وقلق) مينا انا ،،، انا بحبك (مينا بصلها وسكت
~~~~~~~~~~~~~~~~~~~~~~~~~~~
ياترى ايه الى هيحصل ،،، لو حابين تعرفو استنو الحلقه الى جايه
~~~~~~~~~~~~~~~~~~~~~~~~~
