#اللقيط
#اللقيط_18
#جزء_من_حلقه_سابقه
ليث: فين طيب وانا احبهولك
دعاء:(بتعب) لا يا حبيبى مش هتعرف انا انا هقوم اجيبه
ليث: طب هاجى معاكى
دعاء: لا يا حبيبى خليك ارتاح شكلك مرهق جدا انا هروح اجيبه واجى بسرعه
ليث: ماشي (راحت دعاء المطبخ تجيب ميه والعلاج دخلت وليث دخل الاوضه فجأه سمع دربكه فى المطبخ ووحاجه هبدت فى الارض وخاجات كتير وقعت
ليث:(بص بخضه ناحيه المطبخ وبصوت عالى) دعااااااء (وجرى على بره
#بدايه_الحلقه_الجديده
ليث دخل المطبخ لدعاء بسرعه لم سمع الصوت
ليث:(بسرعه وخضه) دعاء فى ايه مالك
دعاء:(بتعب) حسيت انو الدنيا لفت بيا بس
ليث: قولتلك اعمل انا مرضتيش
دعاء: مش عايزه اتعبك يا ليث كفايه عليك الدروس والمجاميع والامتحانات انا عارفه وش الدماغ ده
ليث: بس بردو لازم اساعدك
دعاء: انا مش عارفه لو مكنتش اخد اجازه كنت هعمل ايه والله
ليث: الحمد لله ياحبيبتى انك عرفتى تاخدى اجازه فى الوقت ده يلا بقا اطلعى ارتاحى وانا هجيبلك العلاج واجى
دعاء: ماشي (طلعت دعاء وليث جبلها علاجها من التلاجه وراح اعطهولها وفضل جمبها لحد ما حست براحه والدوخه راحت واتحسنت شويه
~~~~~~~~~~~~~~~~~~~~~~~~~
تانى يوم عند رنا الى نايمه على كنبه الانتريه قدام التليفزيون دخلت هايدى من وراها
رنا:(بخضه) مين(قامت قعدت وبصت لهايدى) خضتينى
هايدى: مش بابا مافيش نوم هنا
رنا: اخواتك مش هنا في الجامع بيصلو مع بابا والصلاه لسه مخلصتش
هايدى: طيب ماما تعبانه قووى ومش قادره تعمل اكل تعالى نعمل احنا
رنا: هو احنا بنعرف نعمل حاجه
هايدى: انا بعرف واحنا هنعمل مكرونه وفراخ ونحمر بطاطس وخلاث
رنا: مش بعرف اعمل اصلا
هايدى:(مسكت ايدها) تعالى بس (ودخلو البنات المطبخ وجهزو وبدأو يعملو الاكل
رنا: هايدى احط المكرونه بقا ولا لسه
هايدى: استنى لم الميه تغلي
رنا: ماشي (وفضلو يعملو الاكل دخلت عليهم نيره
نيره: بتعملو ايه
رنا: عملت مكرونه
نيره: شطوره يا قلب ماما وريني كده (وقرب من رنا وداقت المكرونه وسط تراقبب رنا نيره بصتلها بأبتسامه) جميله يا قلبي تسلم ايدكى (وبصت لهايدى) وانتى عملتي ايه
هايدى:عملت فراخ وقليت بطاطس
نيره:(بفرحه) ربنا يخليكو ليا ويكرمنى فيكو انتو واخواتكو يارب
رنا: يعني هيعجبهم الاكل
نيره: ان شاء الله (رنا خرجت بره هايدى بصت لامها) سبتيها تعمل المكرونه ليه ياهايدى كنتى اعمليها انتى
هايدى: هيا وحشه
نيره: هيا حلوه بس معجنه
هايدى: ربنا يستر بقا هجهز الاكل بقا علشان هما خلصو صلاه
نيره: طيب في رز في التلاجه طلعيه سخنيه وحطيه على الاكل علشان احمد مش هياكل مكرونه
هايدى: ماشي (طلعت نيره وهايدى عملت زى ما امها ما قالتها وبدأن تجهز الاكل)
~~~~~~~~~~~~~~~~~~~~~~~~~
رجعو الشاب واتجمعو غلى الغداء وهايدى بتغرف للكل خلصت غرف وبداو ياكلو
احمد:(بص للاكل) هو مين الى عمل الاكل ده
رنا: انا وهايدى (وبصت لبباها) حلو يا بابا مش كده
محمد سعد:(بأرف) حلو ايه ده معجن وناقص ملح
نيره:(بجديه) محمد كل وانت ساكت
احمد: فعلا وحش جدا يا ماما وميتاكلش
مينا: لا حلو الفراخ جميله والمكرونه حلو بس الى عملتها نستها على النار شويه
محمد سعد:لا انا مش هاكل منه اعمليلي اكل تاني ياماما
سعد:(بجديه) الاكل ده الكل هياكل منه ومش هيتعمل غيره وكتر خير البنات انهم وقفو وعملو الاكل علشان امهم تعبانه (رنا بصتلهم وطلعت لسانها واكلت من المكرونه وبصت للطبق بأرف)
محمد سعد:(بصلها بضحكه) سكتى ليه ما تكلى
رنا:(بصتله) طعمها مش حلو
سعد:(بص لرنا) لا يا حبيبتي جميله وانا هاكل منها ومره فى مره هتتعدل بأذن الله (واكل من المكرونه وبص لرنا) وليكو منى مكافاه على الى عملتو (رنا وهايدى بصو لبعض بضحكه والشباب اكلو وهما مقروفين من الاكل ونيره قاعده جمب محمد خلص الى قدامه وبتحط غيره)
محمد سعد: لا خلاص شبعت
نيره:نعم انت ماكلتش حاجه من منابك خالص
محمد سعد:خلاص والله اودى فين تاني (وبص في الساعه)اصلا اتاخرت على الدرس (وقام حرى على اوضته واخد كتبه وبصلهم)سلام بقا (وخرج من قدام امه)
~~~~~~~~~~~~~~~~~~~~~~~~~
بعد ما خلصو اكل مينا قام دخل الاوضه على طول البنات لم مكان الاكل ودخلو لمينا احمد كان نزل لاصحابه دخلو رنا وهايدى خبطو ودخلو وقعدو كل بنت من ناحيه
مينا: فى ايه يا بنات
هايدى: انت الى فى ايه حابس نفسك هنا مش بتطلع تقعد معانا بره ليه مش كنا بنتجمع بعد ا الغدا يون الجمعه
مينا: عادى يعنى بذاكر بس علشان الامتحانات واحمد نزل ومحمد راح درس الرياضه مافيش تجمع
رنا: مينا احنا فهمينك وعارفينك ومتحاولش تخبى عننا او تضحك علينا
هايدى:(مسكت ايده بحنان) عارف الايد دى انا بحبها قوى تعترف ليه لانها ياما حامت عنى ودفعت عنى ياما اتصدرت ليا فى اى خطر كان بيطاردنى ياما طبطبت عليا ومسحت دموعى يا ما كانت بضمنى لاحن حض فى الدنيا
رنا: انت سندنا يا مينا متفكرش احمد ولا محمد هيسدو مكانك لا محدش هيسد مكانك احنا محتاجينك معانا لسه قدمنا المشوار طويل ومحتاجين حد نتحاما فيه زي ما كنا بتنحامى فيك زمان
هايدى: احنا مش هننسي الى بتعمله معانا سهرك جمبنا لم نتعب مذكرتك ليا على حساب مذاكره نفسك هو انا عمرى هنسي مستر ابراهيم الى انضربت منه 10 عصيان علشان التسميع فى الوقت الى كنت المفروض تذاكر عشان مراجعه الكميا كنت بتشرحلى عربى ونحو علشان ماروحش للمستر يضربنى
مينا: انتو بتقولو الكلام ده ليه
هايدى: علشان شيفينك واخد جمب من يوم الى حصل
رنا: احنا بنقولك هتفضل فى قلوبنا زى ما انت مش هتتغير ولا هيتغير اى حاجه خالص وهتفضل اخونا الكبير والابن الاكبر للبيت ده
هايدى: مش بابا ديما يقول مينا سندى ودراعى اليمين الى هتسند عليه لم اكبر اسنده واسندنا يا مينا (رنا نامت على صدر مينا ،،، هايدى بصت لمينا وحست انو محبش انها تعمل كده ،، هايدى بصت لرنا) يلا نطلع يا رنا وهو اكيد هيفكر فى كلامنا ،، رنا قامت وبصت لمينا بدموع واول مره يسيبها تخرج من اوضته بتعيط مينا تنهد ورجع يظهرو على ظهر السرير بتفكير وسرحان
~~~~~~~~~~~~~~~~~~~~~~~~~
عند محمد سعد ومحمد عباس ودينا قاعدين مع دعاء وبتراجع ليهم الرياضه
دعاء:(لمحمد سعد) برافو عليك يا محمد كمل كده بقا وشوف هتطلع النتيجه ازاى
محمد سعد: ماشي (وبدا انو يكمل حل المسأله ودعاء متابعه للثلاثه ،، دخل عليهم ليث وقرب منهم)
ليث: ها خلصتو
دعاء: لا لسه فى حاجه ولا ايه
ليث: (قعد معاهم) لا مافيش كملو كملو (ليث عينه على محمد ،، محمد بص لليث بقلق وبص فى كشكوله
دعاء:(بصت لمحمد سعد لقيته مش مركز)ايه يا محمد كمل المساله وركز
محمد سعد:(بتوتر وقلق) حا حاضر (ورجع بص للمساله تانى وحط ايده على دماغه وحاول انو يركز بس غصب عنه عينه بتيجى على ليث بيترعب)
دعاء:(بصتله وبصت لكشكوله مكنش حل حاجه من اخر مره شافته)فى ايه مش عارف تكمل (محمد بصلها بخوف وسكت كملت دعاء كلامها)كمل انت ماشي صح
ليث:فى ايه يا محمد مالك (محمد بصله بخوف وسكت ،، كمل ليث كلامه)ركز فى الى بتعمله وركز علشان امتحانك بكره ومتقلقش من حاجه وكل حاجه هتعدى
محمد سعد:(بخوف)بأذن الله (ليث سكت ورجع محمد بص لكشكوله تانى ،، وبرده رعبه مخليه مش مركز)
دعاء:(بجديه شويه)مالك يا بنى فى ايه
محمد سعد:(بصلها بتوتر)ما مافيش يا مس
دعاء:(بجديه)طب كمل حل المساله
محمد سعد:(بتوتر)حا حاضر (ليث تنهد وبص لمحمد ومشي من المكان محمد سعد بصله وبص لكشكوله محمد عباس بصله بزعل وحزن عليه)
دعاء:(بصت لمحمد عباس وخبطت على ايده)ركز انت كمان (محمد عباس بصلها وبص فى كشكوله وهو قلقان على صاحبه جدا بعد اكتر من ساعه خلصو ودعاء بصتلهم وكملت كلامها) خدو كل حاجه معاكو علشان مضيعوش وقت فى ان تاخد من حد حاجه بالتوفيق (لمو حاجتهم وقامو نزلو دينا نزلت وعباس فضل مع اخته ومحمد سعد نزل ليث نزل وراه من غير ما ياخد.باله لسه محمد هيرن الجرس لقى ليث مسك ايده
محمد سعد:(بصله بقلق)فى ايه يا مستر
ليث:مافيش تعالى بس عايزك تحت شويه
محمد سعد: انا عندى امتحان بكره ومحتاج اراجع شويه
ليث:ماشي مش هاخد من وقتك كتير تعالا بس
محمد سعد:(بخوف وبيشد ايده)طب قولى فى ايه بس
ليث:(مسك ايده اكتر وشده وبجديه) مش هنتكلم على السلم يلا قولت (نزل محمد معاه وهو مرعوب فتح ليث الباب ودخلو لقى مينا وسعد واحمد ومحمد سراج قاعدين
محمد سعد:(بصلهم بخوف وفهم الى فيها وبصوت مرعوش)ان انا مش مش هاخد حق حقن
يحيي:مينفعش يا محمد علشان تقدر تكمل امتحاناتك
محمد سعد:(بتردد)انا عندى امتحان بكره الصبح وهتتعبنى
يحيي:ولو ماخدهاش هتتعب اكتر
محمد سعد:(بعياط)مافيهاش حاجه لم تتاجل الشهر ده علشان الامتحانات
يحيي:(بصدمه)الشهر ده على ما يعدى الشهر ده تكون انت وقعت
سعد:يلا يا محمد من غير مناهده كده وتعالا ندخل جوه خدها واطلع ارتاح شويه علشان تكمل مذاكرتك
محمد سعد:(بعياط)وهيا بعد الحقنه دى بيبقا فى راحه يا بابا
ليث:وهتعمل ايه يعنى مجبر تاخد وتروح امتحانك
محمد سعد:(بصله ومسح دموعه)مش مجبر اخدوها ممكن تتأجل
يحيي:(قام وقف ومسك ايده ومشي ومحمد مشي وراه)تعالى بس (ودخلو الاوضه وكلهم رواه يحيي مسك الحقنه)يلا يا حبيبى هتوجع دماغك وهتطلع مش هتعرف تركز فة مذاكرتك
محمدسعد:(بص ليحيي بعياط)علشان خاطري ياعمو يحيي بلاش النهارده والله ورايا مذاكره كتير ومحتاجه تركيز
محمد سراج:( قام وقف محمد بعد عنه بسرعه)طب اخلص واركز علشان تخلص وتطلع تذاكر
محمد سعد:(بعياط) يامينا قولهم يسيبونى والنبى
مينا:(مسك ايده)طب اهدا علشان خاطرى وانا معاك اهوه متخفش يلا اخلص منها بقا
محمد سعد:(بعياط)حتى انت كمان يا مينا (وقرب من الباب ولسه هيفتحه لقي سعد قرب منه وحط ايده علة الباب)
سعد:(بجديه)مافيش خروج يا محمد (ومسك ايده وشده وقفه قدام يحيي وتملك منه
محمد سعد:(بعياط)سبنى يا بابا والنبي علشان خاطرى يا بابا سبنى
سعد:(تملك منه اكتر)اهدا بقا كده كده هتاخدها اهدا بقا واخلص (فى الوقت ده يحيي جهز الحقنه وخلصها
يحيي:(قرب من محمد)اثبت بقا يامحمد علشان تخلص (سعد شد على محمد اكتر ويحيي بدا انو يضرب الحنقه
محمد سعد:(بعياط ووجع)آآآآآآه آآآآه خلاص ياعمو شيلها بقا
يحيي:(بجديه)ثبت رجلك فى الارض علشان العلاج يمشي
محمد سعد:(بعياط)آآآآآآآه آآآآآآآآه كفاآآيه
يحيي:(شال السن ودلك مكانها شويه)خلاص يا حبيبى بالشفا يارب(محمد سعد بصله بعياط ومتكلمش
سعد:(مسك ايد محمد بحنيه)يلا يا حبيبى تعالا اتمشي شويه ومسك ايده وبدا انو يتحرك معاه وشويه كده وقعد ارتاح شويه سعد اخدو هو ومينا وطلعو محمد دخل اوضته على طول وقعد على السرير ولسه باين العياط قعد واخد كناب الرياضه وفتحه وبص فيه ودموعه نازله بتعب جدا)
~~~~~~~~~~~~~~~~~~~~~~~~~
عند محمد سعد الى قاعد فى لجنته وكل شويه يحرك رجله بتعب وعدم راحه وبيحاول يتلاشى تعبه ويركز بس تعب رجل غير محتمل ،، محمد عباس باصص لمحمد سعد وحاسس انو مش مرتاح
محمد عباس:(رفع ايده) لو سمحت يا مستر
محمد سراج:(راحله وهو عينه على الكل) نعم يا محمد فى حاجه
محمد عباس:(بص لمحمد. سعد وبص لمحمد سراج) باين انو محمد. تعبان
محمد سراج:(بصله وبص لرجله الى بيحركها دليل على عدم رحته بص لمحمد عباس) طيب يا محمد اقعد. كمل وركز وانا هروح اشوفه (محمد هز راسه بمعنى ماشي وقعد ومحمد سراج شاور للمراقب الى معاه بمعنى خلى بالك وقرب من محمد سعد) محمد (محمد سعد بصله وباين عليه التعب) انت كويس
ليث:(دخل اللجنه وبص لمحمد سراج ومحمد سعد وقرب منهم وبص لورقه محمد سعد وبصله) مالك يا محمد انت تقريبا قريت تخلص
محمد سعد:(بصلهم بعيون مدمعه) ايوه الحمد. لله
محمد سراج:(بصله) اومال مالك
محمد. سعد:(بصله) رجلى وجعانى ومش مرتاحه خالص
محمد سراج:(طلع من جيبه حبايه وراح جاب ازازه الميه بتاعته) خد يا محمد ده مسكن بابا اعطهولى الصبح (محمد سعد اخد من محمد. سراج الحبايه واخدها
ليث:(مسك ايده براحه وقومه) تعالا اغسل وشك علشان تعرف تركز
محمد سعد: لسه قدامى اسئله محلتهاش
ليث: اغسل وشك وارجع كمل (ومشيو الاتنين مع بعض وليث سانده ووصله لحد الحمام اول ما دخلو محمد دموعه نزلت بتعب ،،، كمل ليث كلامه) فى ايه انت كده هتتعب اعصابك ومش هتعرف تركز
محمد سعد:(بعياط)مش طايق رجلى يا مستر والله وجعانى قووى ومش مريحاني خالص
ليث:طب انا مش عايزك تعيط انت كده هتتعب ومش هتعرف تركز وتكمل باقى الاسئله
محمد سعد:(بعياط)انا قولتلكو انو مش عايز اخدها انا عارف نفسي ببقى تعبان ازاى
ليث:(اخده فى حضنه)اهدا بس علشان خاطرى واطلع كمل امتحانك خلص وارجع البيت ارتاح وكويس قووى انو عندك بكره اجازه ومتجيش الدرس وانا هقعد معاك شويه لوحدك قبل ما اراجع معاكو ليله الامتحان بس حاليا اهدا واغسل وشك يلا
محمد سعد:(غسل وشه وبص لليث)انا اسف يا مستر بس والله تعبان جدا
ليث: بطل هبل ياله انت اخويا المهم رجلك ارتاحت شويه
محمد سعد:(وهو بيمسح دموعه)الحمد لله ارتحت المسكن بدأ يشتغل
ليث:(مسحله دموعه الى نزلت تانى)طب بطل عياط بقا ويلا علشان تطلع لجنتك تانى (محمد سعد مسح وشه وطلع مع ليث ودخل اللجنه محمد عباس بصله محمد سعد بصله وهز راسه بمعنى انو كويس دخل وقعد مكانه)
محمد سراج:(بص لمحمد سعد وقرب منه)بقيت كويس محمد سعد:(بصله)شويه يا مستر قول لمحمد عباس انو يركز وانى بقيت كويس الحمد لله
محمد سراج:(بصله)ماشي( ومشي من جمبه وهو عينه على الكل وقرب من عباس وبصله)ركز بقا هو بقا كويس الحمد لله (محمد عباس بص لسراج وهز راسه بمعنى ماشي وتنهد وبص فى ورقته وكمل حل ،،، محمد سراج كل شويه يبص لمحمد ويطمن عليه انو بيحل من غير ما يحسس حد انو بيشوفه وكله من بعيد لبعيد)
~~~~~~~~~~~~~~~~~~~~~~~~~
خلصت الامتحانات بعد الامتحانات باسبوع بعد الامتحانات باسبوع ليث قاعد مع محمد سعد ومحمد عباس ودينا بعيعطيهم درس
ليث:(قاعد قدمهم ومعاه ثلاث ورقات وباصص فيهم) مش نتيجه الترم الاول بانت
محمد عباس:(بصدمه)بجد يامستر طب ايه هيا فين
دعاء:مستعجل قوى وعايز تشوفها وتشوف خيبتك فيها (محمد عباس بصلها وبص لمحمد سعد وسكت
ليث:(بصلهم بجديه)انا طبعا مش هتكلم كتير لانكم عارفين انتو عملتو ايه وعاكين فى ايه (التلاته ساكتين دينا بتلعب بالقلم وساكته ،،، محمد سعد حاطط ايده على خده وساكت ،، محمد عباس باصص فى الكشكول الى فى ايده وساكت ،، كمل ليث كلامه بجديه) انتو مبترودش ليه عليا
دعاء: احنا كنا متوقعين تجيبو اعلى من كده صدمتونا بالدرجات دى
ليث:(بعصبيه الكل انتفض منها) انتو مخروصين ليه (وبص لمحمد عباس ودينا) جايبين اقل من النص ساقطين يعنى والى جايب اعلى من النص بدرجه ولا اتنين يافرحتنا ييكو
محمد عباس:(بخوف ورعب) انهى ماده
ليث: الى انتو عاكين فيها انا نفس افهم الغباء الى في دماغكو ده المدرس بيشرح لبهايم مبتفهموش
من هنا وجاى مافيش دلع مافيش اننا نطبطب عليكو علشان الدلع جاب نتيحه عكسيه بعد كده الغلطه بحساب مبقاش فيه دلع تانى زى الاول (التلاته بصو لبعض بخوف ليث وحط قدام كل واحد نتيجته) دى على فكره مش الشهاده الاصليه ،، الاصليه مع عمو سعد وبابا وعمو عباس اصلهم يا عينى كانو فاكرين نفسهم هيفرحو بس اتصدمو من ولادهم ودرجاتهم وتعبهم الى راح هدر انا مش هكلمكو خالص انا هكتفى بالى هسمعو (وبص لمحمد عباس) هتسمتع بالى هنا وهاجى اتفرج عليك يلا قومو انزلو الضرب كفايه عليكو بقا الى هيحصل تحت يلا قومو (التلاته قامو نزلو دينا دخلت شقتهم وعباس وسعد بصو لبعض بخوف من غير كلام عباس نزل وسعد فتح الباب ودخل ملقاش حد دخل اوضته على طول وقعد على السرير بخوف)
~~~~~~~~~~~~~~~~~~~~~~~~~
نزلو الشباب عند محمد سعد عند سعد الى دخل اوضته وسعد دخل وراه وباين عليه العصبيه بسبب درجات محمد
سعد:(بعصبيه) شوفت درجاتك (محمد سعد سكت ومردش على ابوه ،، كمل سعد كلامه بعصبيه) رد عليا دى درجات تجبها فى ثانيه ثانوى لم انت مش قده قولتلى دخلنى ثانوى ليه (محمد. بردو ساكت ومش بيرد كمل سعد كلامه بعصبيه اكتر) يعنى انت مش عايز ترد عليا (قرب منه اكتر ومسك ايده جامد) انت عارف المفروض اعمل ايه دلوقتى اطلع اجيب من ليث خرزانه وانزل اكسرها عليك (بردو محمد ساكت وباصص لابوه بخوف ووجع من مسكه ايده سعد كمل كلامه) متنرفزنيش ياله بسكوتك ده وقولى انت ازاى تجيب الدرجات دى
محمد سعد:(بخوف ورعب ووجع من مسكه ايده) انا اسف يا بابا
مينا:(دخل عليهم بسرعه) بابا علشان خاطري خلاص ،،، لو سمحت يا بابا خلاص اهدى بقا
سعد:(بص لمينا بعصبيه) اهدى ايه يا مينا بس ده جايب اعلى من النص بدرجه كانه قاعد غبى فى درسه مبيسمعش لشرح مدرسه اصلا
احمد: بابا لو سمحت اهدى تقريبا الدرس كله نازل كده احنا اتكلمنا مع ليث ومحمد يا بابا وهو قال هيشوف العيب فين لو سمحت خلاص
سعد:(بصلهم بجديه) بردو مش مبرر للدرجه دى ما مدرس المدرسه بيشرح
محمد. سعد: مبنفهمش منهم حاجه والله
سعد:(بص لمحمد بجديه) ماشي يا محمد بينى وبينك اخر السنه وابقى تعالا هات الدرجات دى تانى ساعتها هسود يومك انت فاهم (وسابهم وخرج وسط خوف محمد. من ابوه وامه ومينا واحمد فضلو مع اخوهم
~~~~~~~~~~~~~~~~~~~~~~~~~
[٦/١٢ ٦:٥٤ م] هد ير: عند محمد عباس الى داخل البيت بخوف شديد وبيتمنى الارض تتشق وتبلعه ،، دخل محمد الشقه لقى ابوه قاعد ومامته معاه وبتحاول تهدى جوزها
ناديه:علشان خاطري يا عباس براحه (وبصو للباب لقو محمد
عباس:اهلا بالناس الساقطه الى حتى معرفوش يجيبو نص الدرجه (محمد بصله بزعل وبص فى الارض عباس قرب من محمد ،، محمد رجع وراء بخوف عباس قرب منه ومسك ايده وشده دخلو جوه مكان ما كانو قاعدين وزق محمد وقعه على الكرسي وكمل كلامه بعصبيه) هو ده اتفقنا ،، ده الى اتفقنا عليه كل ما اقولك ذاكر تقولى بذاكر هيا فين بقا المذاكره دى ها قولى هيا فين
محمد عباس:(بخوف)والله يا يابابا الكميا الى نزلتنى
عباس:عشان ساقط فيها يافاشل
محمد عباس:(بدموع من كلام ابوه)لا يا بابا انا مش فاشل بس والله هيا كانت صعبه قووى
عباس:(بعصبيه)اشمعنا الى قفلو الدرجه يعنى اشمعنا انت الى خايب
محمد عباس:والله العظيم ما شفت حد قفلها خالص فى اصحابى
عباس:ما انتو فشله زي بعض وبتقارن نفسك بفاشل زيك ليه قارن نفسك بالى حايب درجه كويسه
ناديه:(بتحاول تبعد جوزها عن ابنها)خلاص بقا ياعباس اهدى شويه بقا هتتعب كده
عباس:(بصلها بعصبيه) اهدا ازاى يعنى تعبى راح على الفاضى انتظارى لانه اشوفه انسان كويس بيقولى ده صعب عايزانى اعمل ايه يعنى
ناديه: عايزاك تهدا شويه بقا هو هيبقى كويس وهيذاكر مش كده يا محمد
محمد عباس:ايوه والله هذاكر حاضر بس متزعلوش منى
عباس:(بصله بعصبيه وشده قومه)غور من قدامى ياله انا لو مسكتك مش هيطلع عليك النهار وانت سليم ( محمد عباس وقع فى الارض بص لبباه بزعل وقام دخل اوضته وهو زعل من زعل ابوه منه)
~~~~~~~~~~~~~~~~~~~~~~~~~
عند. دينا الى قاعده فى اوضتها بتعيط وشرين قاعده جمبها وبتطبط عليها
محمد سراج:(فتح الاوضه فجاه ودخل فزع دينا شرين مكانهم) بتعيطى
شرين: كفايه يا محمد بقا ليث لسه مزعقلها متبقوش كلكو عليها
محمد. سراج: كلنا ايه يا شرين انتى عارفه هيا جايبه كام
شرين: درجه وحشه بس خلاص بقا مش هنعلقلها المشنقه
محمد سراج: لا هنعلقها يا شرين علشان احنا بننهى فى قلوبنا طول السنه ولا حد فيهم بل ريقنا بمجموع عدل
شرين: اكيد بقا العيب مش منهم يعنى مش معقول اكتر من 20 طالب فاشل شوف بقا العيب فين
يحيي:(دخل عيلهم) محمد. شرين سبونى مع اختكو شويه
شرين: بابا لو سمحت كفايه
يحيي: شرين متخفيش انا مش هعملها حاجه بس سبونا لوحدنا شويه (محمد خرج وشرين تنهدت وخرجت مع محمد ،، يحي قرب من دينا وقعد جمبها) دينا
دينا:(بصتله) بابا انا والله العظيم ماعرفش انا جبت الدرجه دى ازاى
يحيي: خلاص انسي النتيجه دى بالوحش والحلو وركزى فى الى جاى وبس ركزى فى الترم التانى وهاتى درجه اعلى وقفلى الدرجات كلها واثبتى انك شاطره
دينا: بس ابيه ليث وابيه محمد زعلانين منى
يحيي: هما عايزينك شاطره وكويسه واحسن من احسن حد يعنى عايزينك تطلعى الأولى على زمايلك على طول مش مره واحده وخلاص مش عايزين حد اعلى منك عايزينك احسن منهم كمان
دينا: حضرتك مش زعلان منى يا بابا
يحيي: ان جيتى الحق انا زعلان بس هنعمل ايه يعنى دى حاجه مش فى ايدينا بس بأيدينا نغيرها للاحسن صح
دينا:(وهيا بتمسح دموعها) صح
يحيي: يبقى توعدينى تذاكرى وتركزى كويس قووى ماشي
دينا:(بدموع) ماشي (يحيي بص لدينا بابتسامه وحضنها وطبطب عليها وسابها وخرج دخلتلها شرين قعدت جمبها وهيا حزينه عليها جدا وخوف دينا من ليث
~~~~~~~~~~~~~~~~~~~~~~~~~
تانى يوم عند محمد سعد ومحمد عباس
محمد عباس:(بزعل) انا بابا بهدلني والله لو كنت وقفت قدامه شويه كمان كان ضربنى ورزعنى على الكرسي رزعه ظهرى وجعنى
محمد سعد: وبابا زعقلى وبهدلنى بردو والى شالنى من ايده مينا واحمد
محمد عباس: ربنا يستر بقا من الترم الى جاى ومن الكميا بقا
محمد سعد:(بص فى الساعه) احنا كده اتاخرنا يلا مد شويه (وسرعو خطواتهم ودخلو الدرس اول ما دخلو بصو قدمهم بصدمه ورجعو لوراء تانى
~~~~~~~~~~~~~~~~~
ياترى فى ايه وايه الى صدمهم لو حابين تعرفو استنو الحلقه الى جايه
#hadeer
#hager
#rody
