#اللقيط
#اللقيط_29
#جزء_من_حلقه_سابقه
تانى يوم فى بيت يحيي صحيو الصبح على صوت صريخ جامد جدا
يحيي:(قام مفزوع) ياساتر يارب خير فى ايه
ليلى:(بقلق) ده صوت البت رنا اطلع شوف فى ايه ليكون الواد محمد حصله حاجه (يحيي بصدمه قام بسرعه علشان يطلع يشوف فى ايه
#بدايه_الحلقه_الجديده
ظهرو كلهم فى المستشفى
يحيي:(بص لسعد) ايه الى حصل
سعد: معرفش صحينا على صريخ رنا لقيت احمد نايم فى الارض وبالمنظر الى انت شوفته ده ومبينطقش
يحيي: خير باذن الله يطلع بس الدكتور ويطمنا
الكل: يارب (مر خمس دقايق كانهم خمس ساعات خرج الدكتور جريو عليه)
سعد: طمنى يادكتور ابنى كويس
الدكتور: للاسف المريض مش كويس خالص لازم يدخل العنايه المركزه لان السكر عالى جدا
يحيي: احمد مش مريض سكر
الدكتور: سكر مفاجئ اكل حاجه مسكره او زعل قوى
سعد: معرفش بس هو بقاله اسبوع بيقول مصدع وديما عطشان وبيدخل الحمام كتير بس ماخدتش بالى انو ممكن يكون سكر
الدكتور: هو سكر مؤقت هيعرف يتعياش معاه علاجه سهل وخفيف بس لازم يمشي على التعليمات (خرج احمد على توريلا والممرضين راحو بيه ناحيه العنايه المركزه ومحمد سراج وليث ومينا جريو وراه
سعد: حالته خطيره يادكتور
الدكتور:لا هو بس هيفضل هنا علشان ننزل السكر بس ويبقى تحت الرعايه الطيبه بعد اذنكو (مشي الدكتور وسعد ويحيي راحو عند الاوضه الى دخل فيها احمد
سعد:(بصله من الازاز وبدموع) هقول لامه ايه هقولها ايه دى ممكن تروح فيها
مينا:(بدموع) بابا اهدا
سعد:(بص لمينا) اخوك هيموت
مينا: لا مش هيموت بقا مرض عادى يا بابا عند ناس كتير واصغر من احمد كمان متخفش
سعد: احمد متهور ومش هيعرف بيحافظ على نفسه
مينا: احنا معاه ومش هنسيبه بس انت اهدا
يحيي: يلا ياسعد نرجع البيت نطمنهم ونيجى الصبح بأذن الله يكون كويس
سعد:(بدموع) مش همشب واسيبه هنا
ليث: عمو سعد لو سمحت ارجعو وانا هبقى هنا علشان لو احتاجو حاجه
مينا: انا هبقى
يحيي: نرجع انا وانت ومحمد يرجع معانا والشباب يبقو هنا يلا ياسعد
محمد سراج: انا عاوز افضل هنا
يحيي: لا خليك معانا يامحمد وهنرجع الصبح تانى يلا (ومشيو سعد ويحيي ومحمد سراج واتبقى ليث ومينا مع احمد)
~~~~~~~~~~~~~~~~~~~~~~~~~~~~~~~~~~~~~~~~~
رجع سعد البيت ومعاه يحيي ومح سراج
سعد:(بص ليحيي) هقول لنيرا ايه مش عارف
يحيي:احمد هيبقى كويس انت لازم تقوى نطلع معاك
سعد: لا يا يحيي ادخل ارتاح كتر خيركم على الى عملتوه معانا
يحيي: بس ياسعد كلامك ده بيضايقنى والله ربنا يشفيك ولادك يارب ويرجع احمم بالسلامه
سعد: يارب (وطلع سعد للشقه تنهد وفتح ودخل وقفل وراه
نيره:(بصتله ووقفت والكل وقف) ايه ياسعد انت قفلت الباب ليه احمد ومينا فين
سعد: اقعدى يا نيره
نيره: فين ابنى ياسعد العيال فين
سعد:(قعد على كرسي وبصلها) مش هقولك حاجه غير لم تققعدى وتهدى الاول
نيره:(قعدت وبصتله) انا قعدت اهوه هو فين بقا
سعد:(بصلها وتنهد) احمد فى المستشفى لسه
رنا:(بدموع) ليه يا بابا هو تعبان قوى كده
سعد: لا ياحبيبتى بس السكر عالى جدا
هايدى:(بصدمه) احمد معندوش سكر
سعد: جاله سكر مفاجأ
هايدى:(بدموع) احمد افور قوى فى السكريات الفتره الى فاتت كان ديما دايخ ويقولى اعملى لمون ولم كان مش يبلاقى لمون يعمل ميه بسكر اى عصير وخلاص وكان بيحليه جدا
سعد: معرفتنيش ليه
هايدى: هو كان بيقول ضغطه عالى
نيره:(بصتلهم بعدم استيعاب) احمد فين بردو مفهمتش
سعد:(بصلها) نيره انتى كويسه
نيره: ايوه احمد فين بقا
سعد: احمد تعبان يا نيره السكر عنده عالى قوى حجزو فى المستشفى
نيره:(بصدمه) وانت سايب ابنك وجاى
سعد: ليث ومينا معاه هناك
نيره: وليث ومينا هيعملولو ايه لازم انت تكون جمبه
سعد:(بقلق من هدوئها) احمد فى العنايه هما بش فضلو ليكونو محتاجين حاجه
نيره:(بهدوء) ااه ماشي عاوزه اروح
سعد:(بقلق) هنروح بكره
نيره:(بهدوء) ماشي انا هقوم انام
سعد:(بص لهايدى ورجع بص لنيره) انتى كويسه
نيره: ايوه كويسه (وستبتهم ودخلت)
رنا:(بدموع وخوف) بابا هيا ماما مالها
سعد: مش عارف
هايدى:(قامت وقفت) انا هدخلها
رنا: وانا كمان
سعد: خليكو جمبها يا بنات وانا هبقى مع محمد(محمد هز راسه بمعنى لا خيليك مع ماما
سعد: علشان متبقاش لوحدك (دخلو البنات الاوضه لقو ماماتهم نايمه على السرير ودوموعها نازله بهدوء قعدو جمبها وسعد ومحمد دخلو اوضه الشباب وسعد نام ومحمد نام جمبه وسعد اخده فى حضنه والاتنين صاحين
~~~~~~~~~~~~~~~~~~~~~~~~~~~~~~~~~~~~
عند انس الى دخل من البلكونه
انس:(بص لمحمد عباس) ده احمد وليث ومينا ماجوش
محمد عباس: طب كلمهم
انس:(طلع تليفونه ورن على ليث) هرن على ليث ،،،، الو ايوه يا ليث
ليث: ايوه يا انس معلشي انى بعتلك محمد مكنش هينفع اسيبه لوحدو قلقتك انا اسف
انس: اسكت شويه وقولى فى ايه واحمد ماله
ليث:(بتنهيده) احمد تعبان قوى محجوز فى العنايه المركزه
انس: ليه
ليث: السكر عالى جدا الجهاز مجبش نتيجه جاب هاف
انس: طب حجزوه ليه
ليث: علشان ينزلو السكر وبعد ما مشي عمو سعد حصله تشنجات بس الحمد لله راحت
انس: ينهار ابيض لدرجه دى
ليث: ايوه طبعا
انس: اجيلكم
ليث: لا خليك مع محمد علشان ميبقاش لوحدو وابقى اطمن على عمو سعد تحت
انس: الصبح هنزله باذن الله يمكن لم رجعو نامو
ليث:ماشي
انس: مينا كويس
ليث: الحمد لله كويس ادعيله
انس: ربنا معاكو
ليث: ماشي يا انس .... لا مع السلامه............. محمد رسول الله (وقفل مع انس وبص للمينا بتنهيده وقام راحله) مينا تعالى اقعد شويه
مينا: عايز اطمن عليه مش عاوزين يدخلونى ليه
ليث: محدش بيدخل العنايه وهما طمنونا عليه
مينا: قلبى هيقف من الخوف منظره لم حصله التشنجات كان صعب جدا
ليث: هيبقى كويس بس انت اهدا بس اهدا (مينا تنهد وسكت وفضل واقف جمب الباب وليث فضل معاه وبيحاول يخفف عنه وهو هيموت من قلقله على احمد
~~~~~~~~~~~~~~~~~~~~~~~~~~~~~~~~~~~~~
بعد اربع ايام ظهر احمد نايم فى اوضه عاديه
سعد:(بحنان) حمد الله على السلامه ياحبيبى
احمد:(بتعب) بابا ايه الى حصل انا مش فاكر حاجه
سعد: كده يا احمد كده تتعب نفسك قوى كده كنت بتنتقم من نفسك ولا ايه
احمد: تعبان مالى فى ايه
سعد: لازم تخلى بالك من نفسك اكتر من كده لازم تحاسب على اكلك بقا وتمشي على تعليمات الدكتور علشان متتعبش تانى
احمد: انا مش فاهم حاجه فى ايه
مينا: احمد ممكن تهدى شويه علشان متتعبش
احمد: فى ايه طيب
مينا: انت من كتر السكريات الى دخلت جسمك انت للاسف جالك سكر
نيره:(دخلت بسرعه الاوضه وجريت على احمد) ياقلب ماما (وحضنته) وحشتنى ياحمد قوى انا اتجنيت لم شوفت الاوضه الى كنت فيها فاضيه ،، عامل ايه ياحبيبى
احمد: الحمد لله كويس
نيره: الحمد لله ياحبيبي(الباب خبط ودخلت ممرضه اسمها سهام
سهام:(بصتلهم وبصت لنيره وسعد وبصت لاحمد) حمد الله على السلامه
احمد: الله يسلمك
سعد: هو هيخرج امتى
سهام:(بصت لسعد) الدكتور الى هيقول لم يشوفه بأذن الله
سعد: تمام
سهام:(اطمنت على احمد نسبه السكر والضغط وكله) طيب احمد كويس ونسبه السكر كويس وكمان الضغط حمد الله على السلامه
نيره: هو كويس بالله عليكى
سهام: ايوه والله اطمنى انا حاسه بيكى وبقلقك (وبحزن فى عنيها) ما انا بردو بقلق على ابنى احمد كويس متقلقيش
مينا:(قعد جمب احمد) طبعا اخويا بطل وهيبقى كويس
سهام:(بصت لمينا شويه) ربنا يخليكو لبعض يا حبيبى بعد اذنكو (وطلعت جريت على بره وهيا بتعيط)
امال: ايه يا سهام كل ماتدخلى لشاب هتعملي كده
سهام:(بصتلها بعياط) انا همشي (وجريت غيرت هدومها وجريت على بره المستشفى ماشيه فى الشارع وهيا بتعيط وافتكرت لم رمت ابنها وجم الناس الى اخدوه وعيطت اكتر وفى بالها) معقوله بعد العمر ده كله ارجع اشوف ابنى تانى معقوله هما دول الناس الى اخدوه اه هما انا قرات اسم ابنهم احمد على اسم صاحب العربيه الى اخد ابنى معقوله هو احمد قلبى كان بيدق جامد قوى لم دخلت الاوضه معقوله انا لمست ابنى وانا معرفش انو هو ابنى يارب يارب برد قلبى ونار واشفيه يارب وفضلت ماشيه وهيا بتعيط لحد ما وصلت بيتها طلعت ودخلت الشقه ودخلت نامت وهيا دموعها على خدها
~~~~~~~~~~~~~~~~~~~~~~~~~~~~~~~~~~~~~~~
احنا هنوقف تعب احمد لحد كده ومش هنجيب ايه تفاصيل وهيبقى فى روايه كامله عن مريض السكر ومعاناته وكل ما يخص المرض ده
بعد يومين احمد خرج من المستشفى ورجع البيت
سعد: احمد لازم تلتزم بالعلاج والانسولين علشان متتعبش
احمد: ماشي يابابا حاضر (الباب خبط وفتح مينا لقى الممرضه على الباب)
سهام:مش ده بيت استاذ سعد المحمدى
مينا: ايوه هو حضرتك الممرضه الى كنتى مع اخويا فى المستشفى
سهام: ايوه انا قول لبابا وماما انى عاوزه اشوفهم
مينا: اتفضلى هقولهم اتفضلى اقعدى(دخلت سهام ومينا دخل لسعد ونيره الى كانو مع احمد
مينا: بابا الممرضه الى كانت مع احمد فى المستشفى بره وعاوزه حضرتك انت وماما
نيره:(بصت لسعد) دى عاوزه ايه دى
سعد: مش عارف تعالى نطلع نشوف (طلع سعد مع نيره وسلمو عليها وقعد سعد ونيره دخلت عملت عصير وجات قعدت معاهم
سعد: حضرتك عاوزه ايه طلبتى نكون انا ونيره موجودين نعم
سهام:(بدموع سابقه الكلام) انتو متعرفونيش بس انا عارفكو كويس قوى هقولكم انا مين فاكرين من 21 سنه لم لقيتو طفل مرمى واخدوه
نيره:(بصت لسعد بقلق) انتى مين
سهام: انا ام الطفل ده (بعياط) بس والله غصب عنى سبته
سعد: غصب عنك ازاى انتى رمتيه حتى مهنش عليكى ترضعيه لو مره واحده
سهام:(بعياط) كان قلبى هيتعلق بيه من 21 سنه حبيت شاب واتجوزنا وحملت على طول وعدت الايام والشهور وكنت بستنى اليوم الى هولد فيه والمس فيه ابنى بس للاسف تأتى الرياح بما لا تشتهى الانفس جوزى كان دكتور امراض نسا كبير قوى يوم ما روحت اولد سمعته بيكلم حد فى التليفون بيقوله انو لسه هتولد النهارده هجبهولك وهنصرف ونحطلها عيل ميت وتاخدو الولد انتو انا انجنيت مبقتش عارفه اعمل ايه كلمته ووجهته وهو قالى وحكالى على كل حاجه قالى انو هو اتسبب فى موت ابن حد من الصعيد طفل لسه مولود ولم عرفو انو مراته حامل قالو هياخدو الطفل مكان الطفل الى مات علشان الست الى ابنها مات ده مش هتخلف تانى طبعا انا انهارت ورفض اعمل كده رفضت افرض فى حته منى وابعده عنى وهو فى ساعتها جاله تليفون شغل ونزل وانا بعدها جالى الطلق اتحملت على نفسي واتحملت وجع الولاده وسكت وولد مكنتش عارفه اتصرف اخد ابنى ومشيت بيه اخدته وهربت بس كنت هروح فين رحت مكان صحرا مافيهوش حد سبت الولد هناك (بدات تعيط) سبته وسبت قلبى معاه كنت بتمنى من ربنا حد ياخده حد يكون كويس مشيت بس قلبى مطوعنيش امشي واسيبه حاولت ارضعه بس مرضتش علشان متعلقش بيه اكتر من كده فضلت جمبه هو بيعيط من جوعه وانا بعيط من وجعى لحد ما سكت خوفت يكون مات لان هو سكت خالص الليل دخل ومحدش عدى علينا لحد ما شوفت عربيه مقربه من المكان سبت الولد وجيت استخبيت وراء صخر هناك لم نزلت انتى واخدتى الولد اخدت رقم العربيه وحفظته ولم سالت على صاحب العربيه عرفت اسمه وفضل معلق فى دماغى لحد ما شوفته صدفه فى المستشفى وشوفت اسم احمد
نيره:(بصدمه ودموع) يعنى انتى عاوزه ايه تاخدى ابنك
سهام:(بسرعه) لا لا طبعا انا فهمت ابوه انى دفت الولد وهو مات انا مش جايه اخده انا جايه اشوفه ماصدقت وصلت ليه انا حتى مش عاوزاه يعرف انا مين مش عاوزاه يعرف اى حاجه عنى بس نفسي اشوفه المحه بس عن قرب اكتر انا ماصدقت انى لقيته بعد ما كونت فاقده الامل انى اشوفه
نيره: انتى شوفتيه
سهام: الى كان فى المسشتفى مش كده قلبى دق اول ما دخلت الاوضه حسيت كأن روحى رجعتلى تانى بعد ما غابت عنى سنين
سعد: هو كان فى المسشتفى بس مش المريض اخوه
سهام:(بصدمه) الى فتحلى الباب
نيره: ايوه
سعد: انا هعرفه انك ظهرتى
سهام:(بسرعه) لا لو حد عرف انو لسه عايش بس هيموت بلاش تحرمنى منه بلاش انا هقول انى عرفت مدام نيره وهيا قاربتى من بعيد صحبتى بعد اذنكو طبعا هاجى اشوفه
سعد: ده حقك طبعا
سهام: هو عرف هو اتلاقى ازاى
سعد: عرف من فتره
سهام: اكيد تعب (بعياط) اكيد كرهنى اكتر صح
نيره: اهدى بس هو لو يعرف الى عملتيه علشانه (سهام بصتلهم وعيطت اكتر ولم مينا طلع من الاوضه مسحت دموعها بسرعه
مينا: انا اسف انى طلعت بس لازم اخرج
سعد:(بص لمينا) رايح فين
مينا: طالع اصالح ليث زعلان منى هطلع اصالحه ودعاء مش هنا
نيره:طب سيبك من ليث دلوقتى وتعالى سلم
مينا:(بص لمامته بتزمر وقرب من سهام) ازى حضرتك
سهام:(بصتله ووقفت) الحمد لله ازيك انت ياحبيبى
مينا: الحمد لله (وبص لسعد) اطلع يابابا بقا
سعد: ماشي يامينا (مشي مينا وسهام عيطت من غير كلام واخدت شنطتها وخرجت بسرعه)
~~~~~~~~~~~~~~~~~~~~~~~~~~~~~~~~~~~~~~~~~
عند سعد ويحيي الى قعدين فى مكتب يحيي فى شقته
يحيي:(بصدمه) انا بتقول ايه ياسعد امه ظهرت
سعد: ظهرت
يحيي: وانت اتاكد ازاى ما يمكن مش هيا
سعد: مش هيا ازاى وهيا حكت كل الى حصل لم لقينا مينا حكت اننا كنا فى عربيه وانا نزلت وبعدها نيره ورمت الجاكت وشليناه وقالت رقم عربيتى القديمه مش هيا ازاى بقت
يحيي: مش مستوعب بصراحه
سعد: ولا انا ولا نيره
يحيي: الولد عرف
سعد: هيا مش عاوزه يعرف حاجه اصلا هيا عاوزه بس تشوفه وتيجى وتقعد معاه على انها صاحبه نيره من زمان
يحيي: وانت ناوى تعمل كده فعلا ومتعرفوش
سعد: مش عارف مش عارف افكر ودماغى واقفه عن التفكير خايف عليه فعلا من (وحكاله الحكايه الى قالتها سهام الممرضه) خايف فعلا يجو وياخدو بالتار من مينا ويقتلوه
يحيي: بس مينا لو عرف ولو صدفه مش متخيل رد فعله ايه
سعد: ولا انا بس هيا مش عاوزه يعرف
يحيي: مش عارف اقولك ايه بجد
سعد: سيبها لله تمشي زى ما هو عايز
يحيي:(بتنهيده) ونعمه بالله هطلع كمان شويه علشان حقنه محمد واحمد واعلم مينا يعطي لي اخوه الحقنه
سعد: ماشي انا طالع
يحيي: ماشي ياسعد (سعد سابه وطلع ويحيي مش عارف يوصل لقرار يساعد بيه صاحبه
~~~~~~~~~~~~~~~~~~~~~~~~~~~~~~~~~~
تانى يوم الصبح عند محمد سعد الى واقف قدام المرايا بيسرح شعره وبص لنفسه بحزن
محمد سعد:(فى باله) ليه بقيت عامل كده خسيت قووى ووشى اصفر وصغر ليه مين الى قدامى ده انا مش عارفه انا بقيت حد تانى معرفوش شكلى اتغير حتى صوتى مبقاش بيطلع ،، انا نفسي اتكلم نفسي اسمع صوتى تانى نفسي ارد على اسئله المدرسين يارب انا مش معترض والله على حكمتك ولا التعب انا بس تعبت ،،، تعبت من دعاء امى طول الليل انى ارجع اتكلم تانى تعبت من نظره الحزن الى عيون بابا لم يبصلى تعبت من انو مينا بيلوم نفسه وانو هو السبب تعبت من عياط احمد وانو محمل نفسه المسؤليه تعبت من حاجات كتيره قووى نفسي اسمع صوتى وانا بصلى تانى وبقراء قران نفسي ادعيلك بصوت تانى (وبدموع ورفع دماغه لفوق وهو بيقول يارب وفجاه) ي يارب (محمد دموعه نزلت وبص فى المريا وهو مش مصدق وجرب يتكلم تانى) يارب (لقى صوته طلع نزل سجد وشكر ربنا فى سجده سمع صوت بينادى عليه من بره بص لباب وقام وقف قدام المريا مسح دموعه وعيونه كويس وخرج
سعد: كل ده بتلبس يلا علشان هتتاخر على المدرسه (محمد بصله وراح قعد مكانه
رنا: بابا انا هتاخر بعد المدرسه النهارده
سعد: ليه يارنا
رنا: هروح عند واحده صاحبتى عامله حادثه هنروح نزورها بعد المدرسه
نيره: متتاخريش يارنا
رنا: لا مش هتاخر متقلقيش علشان عندى درس الساعه 3
سعد: ماشي يا حبيبتى (وبص لاحمد) اخد الحقنه يا احمد
احمد:(بزعل) مينا ادهالى
سعد: رينا يشفيك يا حبيبى
مينا:(بص لمحمد الى باصص قدامه وكل عيونه دموع) مالك انا كويس (
رنا:(بصوت مخنوق) حاول تتكلم يا محمد لان وحشنا صوتك قووى (محمد بصلها بدموع)
هايدى: اه صح حاول مع نفسك هيساعدك كتير
سعد: محمد ان شاء الله هيرجعله صوته انا واثق في ربنا وواثق انو دعائي ليه مش هيروح ورينا هيشفهولى
نيره: صح احنا بندعيلك كتير انو رينا ميحرمناش من صوتك
محمد سعد:(بصلهم شويه يدموع) وربنا استجاب ليكو يا ماما
مينا:(بص لمحمد والكل بصوله بصدمه فرحه) انت اتكلمت يا محمد والنبي سمعنى صوتك تانى انا مش بحلم احنا صاحين (وبص لمحمد ومسك وشه) اتكلم تانى اتكلم
محمد سعد: بصله) لا مش بتحلم
مينا:( اخده في حضنه) الحمد لله يارب الحمد لله
احمد:(بص لمحمد بفرحه وحضنه) الحمد لله الحمد لله (رنا وهايدى قامو حضنو محمد بفرحه وكل ده لسه سعد ونيره مصدومين)
محمد سعد:(راح لبباه) ايه يا بابا مش فرحان ليا
سعد:(بدموع) مش فرحان انا لو كان بايدى اديلك الحجنره بتاعتى علشان تتكلم كنت عملتها انت مش متخيل انا كنت عامل ازاى وانا شايفك ساكت ومتبقتش تتكلم (وحضنه وصوت عياطنم ظهر ومعرفوش يتكلمو.،،، نيره بصتله ومعرفتش تتكلم حضنته وعيط ومحمد عيط علي عياطها وسابته وقعدته جمبها وكل شويه تبصله وتحضنه وهيا مش مصدقه خلصو فطار وكل واحد نزل يشوف مصلحته)
~~~~~~~~~~~~~~~~~~~~~~~~~~~~~~~~~~~
محمد اليوم ده هيروح متاخر المدرسه بعد ما بدأت الحصه الاولى هيقابل سراج بره
محمد سراج:(بصله) انت جاى متأخر ليه
محمد سعد:(بصله شويه) وحشني انو اقول اسمك يا مستر محمد
محمد سؤاج:(بصله بصدمه) ايه ده انت اتكلمت امتى
محمد سعد:(بضحكه) صحيت من النوم لقيتني بتكلم
محمد سراج:(بصله بفرحه وحضنه) الحمد لله حمد الله علي السلامه يا حبيبي
محمد سعد: الله يسلمك يا مستر دخلنى معاك بقا علشان مستر احمد بيعاقب جوه علي التأخير
محمد سراج:(سابه ودخل) لا اتعاقب
محمد سعد:(بصدمه) يا مستر (وبصله بزعل ودخل شاف سراج واقف مع احمد ،، قرب منهم)
احمد: حمد الله علي السلامه يا محمد
محمد سعد: الله يسلمك يا مستر
محمد سراج:(بص لاحمد) لو اتأخر تانى عاقبه (ويلا علي فصلك علشان بقا علشان انا عليكو او تلات حصص ولو وصلت قبلك هتنضرب على الغياب
محمد سعد:(بضحكه) ماشي (ومشي من قدامه راح فصله محمد سراج تنهد وراح وراه)
~~~~~~~~~~~~~~~~~~~~~~~~~~~~~~~~~~~~~
عند محمد سعد الى دخل الفصل اول ما شافه محمد عباس راحله
محمد عباس: انت جيت كنسلت عليا ليه مكنش في حد في البيت(محمد سعد بصله شويه وهو ساكت،، كمل محمد عباس كلامه) تعالا نقعد مستر محمد لسه مجاش
محمد سعد: منا شوفته تحت
محمد عباس بصله بصدمه
محمد عباس:(بصدمه)ايه
محمد.سعد.:شوفته تخت
محمد عباس:(بنفس الصدمه)انا مش بحلم صح ،، اتكلم تاني
محمد سعد:(بضحكه)لا مش بتحلم انا اتكلمت الحمد لله (محمد عباس بصله بدموع وضحكه وجرى عليه حضنه ومعرفش يتكلم ،، دخل محمد سراج الفصل وشريهم الاتنين على دماغهم
محمد سراج:مكانك يا حلو انت وهو
محدد عباس:(بدموع)محمد اتكلم يا مستر
محمد سراج:(بضحكه)انت فرحان اكتر منه هو نفسه
محمد عباس:اه طبعا فرحان جدا
محمد سعد:(بص لمحمد عباس)ربنا يديمك في حياتى يا محمد يارب
محمد عباس:(حضنه تانى)ويديمك في حياتى يا اقرب ليا من روحي
محمد سراج:ايه جو العشق الممنوع ده يلا ياله انت وهو على مكانك (الاتنين دخلو اماكنهم ومحمد سراج فرحام لمحمد سعد وعباس مش مصدقه نفسه وكل شويه يحضن محمد سعد
محمد سراج:(بصلهم الاتنين)سعد ارجع اقعد مكان مالك وتعالى يا مالك هنا
محمد عباس:ليه يا مستر
محمد سراج:علشان نفضي جو المحن ده (مالم وسعد بدلو الاماكن)
محمد عباس:فرحان بيه يامستر الله محمد سراج: ماشي بعد الحصه ابقى افرح ركزو معايا بقا (وبدا يشرح وسط تركيز الكل)
~~~~~~~~~~~~~~~~~~~~~~~~~~~~~~~~~~~~~~~~
(بعد نهايه اليوم الدراسي ظهر سراج وأنس ومحمدعباس ومحمدسعد رايحين لليث يشوفوه ويسألوا عليه ظهرت دعاء فتحتلهم الباب بصتلهم بإبتسامة ودخلتهم)
محمدسراج:(بتساؤل) أومال ماظهرتوش ولاأنتي ولاليث النهاردة ف المدرسة ولا الدرس ليه خير !!
دعاء:(بتنهيدة تعب) مافيش ليث تعب شوية الصبح وماعرفناش نيجي..
محمدسراج:(بقلق) تعبان ماله!!
دعاء:(بإبتسامة وهدوء) ده شوية برد بسيط ماتقلقوش إدخلوله هو جوا ف الأوضة..
(دخلت دعاء المطبخ وظهر محمدسعد بيبص على المكان اللي أتعاقبوا فيه بخوف ودموع ف عينه وتايهه من واخد باله منهم محمدعباس شاور لمحمدسراج وأنس على محمد بصوا لبعض بتنهيدة وفهموا اللي فيه وقربوا منه وكل واحد مسك إيد ودخلوا لليث)
محمدسراج:(بص لمحمدسعد بهدوء) محمد إهدا خلاص كل ده عديٰ ماتفكرش فيه..
أنس:(بهدوء) محمد إهداا علشان ليث مايزعلش لما يشوفك كده وبعدين كل ده عدي زي مامحمد بيقول خلاص ماتحطيش أي حاجة ف دماغك..
محمدسعد:(بصلهم بإبتسامة بسيطة) أنا كويس ماتقلقوش..
(دخلوا هما الأربعة لليث اللي ظهر نايم على السرير ومغمض عينه وباين عليه التعب بسيط)
أنس:(بإبتسامة وهزار) ده أحنا طلعنا تعبانين بجد أهو وأنا اللي فكرتك عاوز ترتاح ف البيت وبتتحجج..
ليث:(بصلهم بتعب وإبتسامة وهزار) إنتو ورايا ورايا إستغفرالله الواحد مايعرفش برتاح منكم يوم..
محمدسراج:(بضحكة وهزار) يعني تعبان وفيك حيل تهزق فينا كمان والله إحنا اللي غلطانين إننا عبرناك..
ليث:(بضحكة) متشكرين ياسيدي تعالوا إترزعوا ..
محمدعباس:(بص لليث بإبتسامة) ألف سلامة عليك يامستر..
ليث:(بإبتسامة) الله يسلمك يابيسو ..
(محمدسعد بصلهم بضحكة وهما كمان ضحكوله بمعني إتكلم وفاجئه يللاا محمدسعد بصلهم بإبتسامة وبص لليث)
محمدسعد:(أخد نفس طويل وبص لليث بإبتسامة) ألف سلامة عليك يامستر ..
ليث:(بصله بإبتسامة) الله يسل(وقطع كلامه بصدمة وفرحة) إيه ده!!!! إنت إتكلمت أمتي؟!!!!
محمدسعد:(بضحكة وهزار) والله أنا النهاردة صحيت من النوم لقيت نفسي بتكلم مش عارف بقي..
ليث:(بصله بسعادة وحضنه) ياحبيبي حمدلله علي سلامتك كان واحشني صوتك جداً والله تخيل!!
محمدسعد:(بصله بإبتسامة ودموع) وإنت كمان وحشني الكلام معاك يامستر..
محمدسراج:(فك محمدسعد من حضن ليث وبضحكة) ياعم سيبك الواد هتعديه وهو مش ناقص..
أنس:(بضحكة وهزار) آها بصراحة هو إتنفخ تعب وعلاج وحقن بما فيه الكفاية لسنة قدام..
محمدعباس:(بضحكة وهزار) الحمدلله بقي زي القرد أهو مافيش غير حقنة طويل المفعول اللي مش قادرة على فراقه..
محمدسعد:(بصله بضيق) ي أخي إفتكرلنا حاجة عدلة..
محمدسراج:(بص لليث بتساؤل) المهم الحاج بابا شافك وكتبلك ع علاج ولا مايعرفش زي حالاتـي ..
ليث:(بإبتسامة) لا طلع شافني قبل مايروح العيادة وكتبلي على برشام للبرد وبس وإنتً ماعرفتيش لإنك نازل المدرسة النهاردة بدري وعندك دروس كمان بعد المدرسة على طول..
محمدسراج:(بإبتسامة حنونة) خير ياحبيبي المهم إنت كويس يعني الحمدلله؟!
ليث:(بإبتسامة) الحمدلله ..
محمدسعد:(بحزن ودموع مُصطنعة) علي فكرة بقي أنا أعترض علي اللي بيحصل ده إشمعنا عمو يحيي كتبلك برشام وأنا على طول يكتبلي حقن ومش بلاقي حد يشجعني ويسليني كدهه وأحنا بأخد الحقن وبتنفخ لوحدي ..
محمدسراج:(بضحكة) يسليك هيا الحقن بقت تسالـي ياختااااي وبعدين بيتكتبلك غير حقن لإنك مفرفر ومش مسيطر يابيضة..
ليث:(بضحكة) خلاص ماتزعلش ياسيدي هعطسلك ف وش محمدعباس ولاسراج ونوصي عليهم بابا ينفخهم حقن..
محمدسعد:(بص لأنس ورجع بص لليث بضحكة) ومستر أنس لا إشمعنا !!
ليث:(بص لأنس ورجع بص لمحمدسعد بضحكة وهزار) لا أنس أنا مش قده سيبه كدهه ربنا يحميه لصحته وشبابه..
محمدسعد:(بص لأنس بضحكة) مسيطر إنت يامستر عاش
أنس:(بصله بضحكة وغرور مُصطنع) أومال يابني هو إحنا أي حد عيب عليك..
(قعدوا يضحكوا ويهزروا مع بعض وسط فرحتهم برجوع صوت محمدسعد وصحته اللي بتتحسن عن الأول دخلت دعاء وقدمتلهم واجب الضيافة وراحت المطبخ تانـي وشوية وإستأذنوا ومشوا بعد ماإطمنوا علي ليث)
