اللقيط

الحلقه 7

#اللقيط
#اللقيط_7
#جزء_من_حلقه_سابقه
(عند مينا الى ظهر فى الشارع وبيتكلم في الفون مع محمدشاهين)
مينا: خلاص يابنى وصلت وطالع أهو ..................... لا متخفش والله  الدوخه راحت خالص وبقيت كويس ................. وكنت هتتعب نفسك وتيجى معايا ليه أنا خلاص وصلت وطالع على السلم أهو .................... ليه مثلاً هتوه عن الشقه ..................... هههههههههههههههه هو أنت قلبت على أمي ليه كده يابني!! ................... طب إقفل إقفل خلاص وصلت أهو ...................... سلام (وطلع المفتاح وفتح ودخل وبصوت عالي شوية ) أنا جيت ....(وفجأه سكت وبص قدامه بصدمة وإستغراب)
#بدايه_الحلقه_الجديده
(عند مينا اللي دخل من باب البيت وبص قدامه بصدمة وإستغراب ظهرت عمته نعمة قاعدة وبتتكلم هيا وسعد ونيرة)
سعد(بإبتسامة) مالك يامينا إتصدمت ليه كده!!
مينا(بإنتباه وتوتر) ها لا مافيش حاجة أنا كويس..
نعمة(بإبتسامة) تعال يامينا تعال ياحبيبي أقعد جنبي عامل إي إنت كويس؟!
مينا(بصلها بعتاب وزعل) الحمدلله..
نعمة(بإبتسامة) ومالك زعلان ليه كده!! على فكرة إنت فاهم غلط..
مينا(بإستغراب) هو إي اللي فاهمه غلط!!
نعمة(بجدية) إنت أكيد عرفت عن الكلام اللي جدتك وعمتك قالوه ف حقك وأكيد مفكرني معاهم ومؤيداهم ف الوضع ده بس إنت شكلك نسيت إني مستحيل أكون معاهم ف حاجة زي دي وشكلك نسيت مكانك ف قلبي وإنك أقرب واحد ف إولاد سعد مقرب ليا واللي ربيته من وهو صغير..
مينا(بهدوء وزعل) عادي ياعمتو أنا أصلاً مش زعلان منهم هما عندهم حق أنا مش إبن للعيلة..
مينا(بجدية وصرامة) مينااا إنت بتقول إي!!
نعمة(بجدية وهدوء) إستني ياسعد وإهدا هو مش قصده حاجة بس أحب أقولك يامينا إنهم مالهومش حق وبكرة يفهموا ويندموا ع اللي بيقولوه ويعملوه ده والله هما بيحبوك أصلاً يس مش عارفة حصلهم إي ومين اللي لعب ف دماغهم بالكلام الأهبل ده ..
مينا(بزعل وحزن) خير ياعمتو أنا مش زعلان وهفضل أحبكم وأحترمكم حتي لو مش متقبلين وجودي ف العيلة كفاية إن بابا وماما وإخواتي بيحبوني وأنا بحبهم ومتقبلين وجودي معاهم يوم مايقولولي هما إمشي إنت مش إبننا هبقي أمشي لأن هما اللي لهم الحق يمشوني أو يعتبروني إبنهم..
نيرة(حضنته وبدموع) إنت إبني البكري وحبيبي اللي ماأقدرش أعيش من غيره يامينا ..
سعد(بإبتسامة)للمرة المش عارف كام هقولك إنت مش بس إبننا ده أنت البكري وأول ماشافت عنينا ووش الخير والبركة علينا ..
مينا(بصلهم بإبتسامة) ربنا يباركلي فيكم ويديمكم في حياتي..
نعمة(بضحكة وهزار) وأنا ماليش من الحب جانب ولااي!!
مينا(بصلها بإبتسامة وراح حضنها) لا والله ياعمتو بحبك جداً وإنت عارفة ده كويس..
نعمة(بإبتسامة) وأنا كمان ياحبيبي والله بحبك ربنا يهدي جدتك وعماتك ..
الكُل(بتنهيدة حزن) يارب..
نعمة(قامت وقفت وبإبتسامة) همشي أنا بقي علشان ماأتأخرش..
سعد(بجدية) تتأخري على إي لسا بدري أقعدي شوية..
نعمة(بإبتسامة وسلمت عليهم) لا يللا وهبقي أجي مرة تانية بإذن الله وسلموا على رنا وهايدي ومحمد كتير..
سعد(بإبتسامة) بإذن الله يوصل خلي بالك من نفسك..
(مشت نعمة بعد أما سلمت عليهم وإطمنت على مينا وسعد ونيرة ومينا قعدوا مكانهم تاني يتكلموا)
مينا(بإستفسار) أومال فين إخواتي!!
سعد(بهدوء) أحمد ف الأوضة سلم ع عمتك وقعد شوية ودخل يذاكر وهايدي ورنا لسا مارجعوش من برا ..
مينا(بتساؤل) ومحمد فين!
نيرة(بتنهيدة وهدوء) جه من المدرسة تعبان ودخل ينام..
سعد(بصلها بصدمة وإستغراب) مدرسة!! هو نزل ليه وهو تعبان مش معموله أجازة مرضية..
نيرة(بحزن) صمم ينزل علشان يبقى مع محمدعباس..
مينا(بإستفسار) ليه ماله محمد!!
نيرة(بصتلهم بتنهيدة وحكتلهم كل اللي حصل لمحمدعباس وعقاب المدير وتعبه لحد ماروحوا من المدرسة) بس ده كل اللي حصل ومحمدعباس لما تعب دعاء أخدته وروحته ومحمد تعب بسبب زعله ع صاحبه وجه مع ليث وسراج..
مينا(بصلهم بحزن) محمد ومحمد مرتبطين ببعض جداً فهتلاقيه تعب بسبب إنه نزل وكمان من زعله علي محمد المهم إن الحقيقة بانت بإذن الله خير ..
سعد(قام وقف وبتنهيدة) طيب تعالوا ندخل نطمن عليه ونشوفه..
(قام سعد ومينا ونيرة وراحوا لمحمد سعد الأوضة يشوفوه ويطمنوا عليه)
.................................................................................
(في بيت عباس ظهر داخل من الباب ومعاه دعاء اللي مسكاه وباين عليه التعب كلهم بصولهم بقلق)
سليمان(قام وقف بقلق) محمد!! مالك إنت جاي بدري ليه من المدرسة (وبص لدعاء) أخوكِ ماله يادعاء؟!
نادية(بقلق وباصة لمحمد) هو محمد تعبان ولاإي!! ماتقولي يادعاء أخوكِ ماله!
دعاء(بصت لمحمد بتنهيدة وبصتلهم) تعالوا هدخله أوضته ونتكلم(سليمان مسك محمد من دعاء وساعده يدخل أوضته وينام على السرير وكلهم دخلوا وراهم الأوضة)
سليمان(بجدية) إحكيلي يللا فيه إي!!
دعاء(بحزن) محمد إمبارح المستر بتاعه شاف ف الدرج بتاعه مجلات مش كويسة..
سليمان(قاطعها بصدمة وعصبية) مش كويسة إزاي يعني!!
دعاء(بصت لمحمد اللي بان عليه الخوف من عصبية باباه وبصت لباباها بهدوء) بابا إهدا وإسمعني للأخر المهم محمد المستر قاله إن حسابه ف الطابور النهاردة وهو أصلاً ماعرفش حد غير ليث وسراج وحاولوا إنهم يكلموا المدير بس كل حاجة كانت بتقول إن المجلات بتاع محمد وإتعاقب ف الطابور بس الحقيقة بانت وطالب إعترف ع اللي عمل كده وقال للمدير في البريك التاني وعمل طابور وعاقبهم وطلب منهم يعتذروا لمحمد بس كان وقع من طوله وأغمي غليه ف عملتله أجازة وإستأذنت وجيبته وجيت..
نادية(بدموع) ياحبيبي يابني وإنت عامل إي الوقتي!!
محمدعباس(بتعب ودموع) الحمدلله..
نادية(بدموع) هو أغمي عليه بسبب إي أصلاً يادعاء دكتور المدرسة قالك إي!!
دعاء(بحزن) هو لما أتعاقب بالضرب المدير طلب منه يقف عند العلم طول اليوم فلما أغمي عليه الدكتور بيقول سبب الإغماء وقوفه ف الشمس وعيط كتير وكمان ماأكلش من فترة فضغطه نزل وأخد حقنة تظبط ضغطه وقالي ينام كويس ويأكل وهيبقي كويس بإذن الله(وبصت لباباها بقلق) ساكت ليه يابابا ؟!
سليمان(بص لمحمد بجدية) ماقولتليش ليه كل الكلام ده خبيت عليا ليه!!
محمدعباس(بتعب وخوف) خوفت أقولك ماتصدقنيش..
سليمان(بصله بصدمة) ماأصدقكش!!!! ليه هو إنت مش إبني وتربيتي وعارف انك مستحيل تعمل حاجة زي كده!! إنطق ماقولتليش ليه وعرضت نفسك للإهانة دي!! ويعني إي مش هصدقك هو فيه أب مش بيصدق عياله!!
محمدعباس(بدموع وحزن) أنا.. أنا أسف يابابا ماأقصدش والله أنا أسف.. بس أنا خوفت أقول لحد لإني ماعملتيش حاجة غلط وحتي ماكونتيش هقول لمستر ليث وسراج بس قولت أعرفهم لعل وعسى يعرفوا يتصرفوا مع المدير بس اللي حصل حصل بقي..
سليمان(حاول يهدي وبصله بهدوء) خلاص ماتزعلش نفسك أهم حاجة إن الحق ظهر واللي عمل كده أخد عقابه..
محمدعباس(بدموع) بس بعد إي!! بعد أما إتعاقبت وإتهانت قدام المدرسة كلها..
سليمان(قعد جنبه بحنية) معلهش ياحبيبي ياما بيحصل ف المدارس من مواقف زي دي أهم حاجة ان الحقيقة ظهرت وبس وتروح مدرستك رافع رآسك قدام الصغير قبل الكبير إتفقنا؟!
محمدعباس(بصله بحزن وحضن باباه وقعد يعيط وهز رأسه بمعني ماشي) حاضر يابابا ..
سليمان(حضنه وبيطبطب على ظهره بحنية) خلاص بقي إهدا..
نادية(بدموع وقامت وقفت) هقوم أعملك أكل وجاية..
محمدعباس(بدموع وحزن) لالا مش هقدر ياماما معدتي مقلوبة والله ومش عاوز الوقتي ..
دعاء(بضحكة وهزار تخفف الجو) سبيه الوقتي ياماما هو أصلاً الدكتور بتاع المدرسة مظبطه وإعطاه حقنة شوية وهيبقي زي الفُل بإذن الله..
سليمان(بضحكة وبيشاركها الهزار) وأخد الحقنة كده بهدوء ولا فضحكم ف المدرسة..
دعاء(بضحكة) لاا أخدها يابابا سراج كلبشه وبعدين ده ليث وسراج موجودين أكيد مش هيفلت يعني بسهولة..
محمدعباس(بضيق) هيا الحفلة عليا ولاإي!!
دعاء(بضحكة وهزار) حاجة زي كده عندك مانع..
محمدعباس(بصلهم بضيق وتعب ونام على السرير) أيوة ويلا بقي عاوز أنام..
سليمان(بضحكة وقام وقف) آه ياقليل الأدب بتطرد أبوك..
محمدعباس(بصله بسرعة) لا يابابا ماأقصدكش والله أنا أقصد دعاء..
سليمان(بضحكة) جيت تكحلها عميتها هتنفخك في الدرس والمدرسة يابني وتحطك ف دماغها خاف منها..
دعاء(بضحكة) إيه يابابا إنت هتسخن الدنيا يللاا يللا وسيبه ينام علشان يرتاح شوية..
(خرج سليمان من الأوضة هو ونادية بعد أما إطمنوا على محمد ودعاء بصتله وقربت منه)
دعاء(بتمسح على شعره بحنية) إنت كويس!!
محمدعباس(بتعب وحزن) الحمدلله..
دعاء(بهدوء) كل حاجة هتعدي وهتبقي كويسة يلا نام شوية وهقوم أنا أكلم ليث لإنه قاعد يتصل عاوز يطمن عليك..
محمدعباس(بتعب) ماشي..
(خرجت دعاء بعد أما إطمنت على محمد وإتأكدت إنه نام وراحت أوضتها وكلمت ليث طمنته ع محمد وقفلت معاه وراحت لمامتها تساعدها في المطبخ)
....................................................................................
(في بيت سعد ظهر سعد ونيرة ومينا داخلين الأوضة لمحمد يطمنوا عليه لقوا محمد نايم وأحمد قاعد بيذاكر)
سعد(بإستفسار) أخوك كل ده مصحاش ياأحمد؟!
أحمد(بهدوء) صحي شوية صغيرين بس وإتكلم كلمتين وبعدين قالي أنا مصدع وهنام ونام تاني..
سعد(بصله بقلق وراح قعد جنبه علي السرير وبيصحيه) محمـــد محمـــد !!
محمدسعد(صحي وبصلهم بتعب) نعم يابابا..
سعد(بقلق) إنت كويس!!
محمدسعد(بتعب) الحمدلله..
مينا(بضحكة وهزار) قوم يابني بقي خلطت على نوم البلد ماشبعتيش نوم كل ده..
محمدسعد(بتعب وحزن باين عليه) مصدع جداً والله..
نيرة(بهدوء وحزن) خلاص بقي يامحمد ماتزعلش نفسك مش الحقيقة بانت واللي عملوا كده أخدوا جزائهم وزيادة ..
محمدسعد(بزعل)آه بس محمد إتعاقب وهو مالوش ذنب ومافيش أصعب من إحساس الظلم وإن الواحد يحس إنه مظلوم ومافيش حد مصدقه ويتعاقب ف الأخر
مينا(بتنهيدة حزن) طيب خلاص إهدا ماتزعلش ومحمد هيكون كويس بإذن الله يومين كده وهيبقي كويس والله وكل ده هيتنسي..
محمدسعد(بحزن ونام علي السرير) بإذن الله أناا مصدع جداً وعاوز أنام..
(قطع كلامهم مع بعض رن الجرس أحمد قام يفتح وشوية ودخل هو والدكتور يحيي محمدسعد قعد على السرير بخوف وإتعدل أول ماشاف يحيي)
يحيي(دخل وسلم عليهم وبص لمحمد بجدية) إنت إزاي تنزل المدرسة الوقتي! مش قولتلك أقل مجهود هيتعبك وإنت لسا ضغطك مش مظبوط ولا أنت فرحان بنومتك وتعبك ده!! أنا ماكونتيش هجيلك الوقتي أصلاً بس ليث وسراج قالولي إنك جيت معاهم من المدرسة وكنت تعبان فقولت أطلعلك وأشوف إي نظامك..
محمدسعد(بدموع) ماكانش ينفع أسيب محمدعباس لوحده في موقفه ده..
يحيي(بجدية) حليتله المشكلة لما نزلت وبقيت معاه مثلاً !!
محمدسعد(بصله بتعب ودموع وسكت)
يحيي(بصله بتنهيدة وطلع جهاز الضغط من شنتطه) هات إيدك يامحمد ربنا يهديك.. (وبدأ يقيسله الضغط كمل يحيي كلامه بتنهيدة تعب) زي ماتوقعت الضغط نزل تاني..
محمدسعد(بخوف) لا أنا كويس الحمدلله ومش تعبان ياعمو ماتقلقش..
يحيي(بجدية) إنت اللي بتوهم نفسك بكده لكن إنت ضغطك نزل تاني..
نيرة(بقلق) مش راضي يأكل أصلاً من ساعة ماجه من المدرسة
يحيي(بجدية) طبيعي معدته هتكون مقلوبة ومش طايق الأكل..
سعد(بجدية) والعمل يايحيي؟!
يحيي(بص لمحمدسعد وبص لمينا) هاتلي علاجه يامينا..
محمدسعد(بخوف وتعب) لالا مش عاوز أخد حقن ياعمو بالله عليك أنا كويس والله ..
يحيي(بجدية)ماينفعش لازم تأخد الحقن..
محمدسعد(بخوف) مش اللي أنا أخدتها إمبارح قولتلي هتكون أخر واحدة..
يحيي(أخد العلاج من مينا وبدأ يجهز الحقنة) ده لو سيادتك إلتزمت بالكلام اللي قولته وكان ضغطك ظبط لكنه نزل تاني وهتأخد حقنة الوقتي وكمان واحدة بكرة باذن الله..
محمدسعد(بخوف) مش عاوز ياعمو بالله عليك والله هأكل وهبقي كويس..
يحيي(خلص تجهيز الحقنة وبصله بجدية وبتجاهل لكلامه) يللا يامحمد قوم ..
محمدسعد(بخوف) لالا مش هأخد حقن أنا كويس..
سعد(راحله ومسك إيده وبهدوء) قوم بس كده يامحمد وأنا معاك أهو يلا علشان تبقى كويس وتخلص من الشكشكة دي..
محمدسعد(بخوف وبيبعد عن سعد) مش عاوز حقن يا بابا أنا كويس ..
سعد(مسكه كويس وتمكن منه وبهدوء) معلهش علشان تبقى كويس إثبت بقي وماتتحركش..
(سعد مسك محمد كويس وتمكن منه وسط خوفه وتعبه ومعافرته ويحيي قرب منهم وبدأ يعطيه الحقنة وسط توجعاته)
محمدسعد(بتوجع وضغط على إيد سعد) آآآآآآآه آآآآه خلاص ياعمو كفاية آآآه
يحيي(خلص الحقنة وشال السن ودلك مكانها شوية وبصله بإبتسامة) خلاص خلصت إهدا بالشفا يارب..
محمدسعد(بتوجع وتعب) لسا هأخد تانى؟!
يحيي(بإبتسامة) واحدة كمان بس بكرة وبإذن الله الضغط يتظبط ويبقي عال العال المهم تأكل كويس وتهتم بصحتك..
محمدسعد(راح نام على السرير بعصبية وزعل) كفاية حقن ياعمو والله صعبين ورجلي بتوجعني منهم أنا بقيت كويس وهأكل كمان والله ..
يحيي(عدل شنطته وقام وقف) ماتنامش غير لما تأكل أي حاجة وبعدها نام وماتشغلش بالك ببكرة يللا همشي أنا بقي..
(مشي يحيي وأحمد راح معاه لحد الباب ورجع أوضة محمد تاني اللي كان بدأ يأكل من الأكل اللي مامته عملهوله)
أحمد(قعد جنبه بضحكة) ماتعرفش تأكل غير لمايتشّد عليك يعني كل يابني وإهتم بصحتك بدل م كل يوم والتاني تلاقي نفسك تعبان وبتتشكشك كده..
مينا(بضحكة وهزار) إنت كده ولسا مادخلتيش سنة 3 ثانوي أومال لما تدخلها هتفرفر مننا ..
محمدسعد(بصله بإبتسامة تعب) ربنا يسترها بقي (وبص لنيرة بتعب) شبعت ياماما كفاية كده بقى عاوز أنام..
نيرة(بجدية) يابني كُل كمان يعني هما اللقمتين اللي أكلتهم دول إسمهم أكل..
محمدسعد(نام ع السرير بتعب) مش قادر والله شبعت وكمان عاوز أنام..
نيرة(بتنهيدة ونرفزة) ربنا يهديك يامحمد
(نيرة أخدت الأكل وراحت المطبخ تكمل اللي كانت بتعمله وسعد إطمن عليه وخرج وأحمد ومينا قعدوا جنب محمد لحد مانام وإطمنوا عليه وخرجوا )
..................................................................................................
(عند كنزه رجعت من كليتها لقيت دعاء فى الاوضة بصتلها باستغراب)
كنزة:(بإستغراب) مساء الخير
دعاء:(بإبتسامة) مساء النور ,, يتبصيلى ليه كده!!
كنزه:(بهدوء) اصل غريبه يعنى انتى هنا ليه دلوقتى مش المفروض عندك حصه فى المعهد النهاردة!
دعاء: لالا انا  لغيت كل حاجة النهاردة تعبانه شوية
كنزه:(قربت من دعاء بسرعه وبخضة) مالك فيكى ايه!!
دعاء:(بهدوء) مافيش يا حبيبتى متشغليش بالك
كنزه:(بخوف) ازاى بس مش ديما تقوليلى انت هتبقى سرى قوليلى بقا ابيه ليث مزعلك؟!
دعاء: لا الموضوع بعيد عن ليث
كنزه:(بضحكة وهزار) يبقي بتخونيه وحبيتى حد غيره
دعاء:(بضحكة علي هزار أختها) إنت بتتحولي بسرعة كده ليه بتتكلمي جد وهزار ف نفس الدقيقة..
كنزة(بغمزة وضحكة) دي سر المهنة المهم قوليلي خلاص صرفتي نظر عن أبيه ليث وهنحبي غيره..
دعاء(بضحكة) وانتى تعرفى عنى كده وبعدين ليث ده حُب حياتي أحب غيره مين..
كنزة(بضحكة) أيوه بقي نيالك ياأبيه ليث هنيالك..
دعاء(بضحكة) إفصلي يابنتي إنتي مابتصدقي..
كنزه:(بضحكة) خلاص هتخرس خالص أهو بس قولى بقي
دعاء: (بصتلها بتنهيدة وحكتلها الى حصل فى المدرسه) بس ياستى وجه ومن ساعتها نايم
كنزه:(بدموع) ازاى ميقولش يعنى
دعاء:(بتنهيدة حزن) خاف يقولنا..
كنزه:(بحزن) وبابا عمل إيه لم عرف
دعاء:(بهدوء) زعقله ف الأول بس قلبها فى ساعتها لانه ماكنش ناقص توتر أصلاً وحالته كانت صعبة..
كنزه: طب أنا هدخل أشوفه
دعاء: استنى هاجى معاكى (وقامو البنات خرجو وراحو بإتجاه أوضه محمد عباس سمعوه بيتكلم فى التليفون)
محمد عباس:(بهدوء) لا أنا كويس والله الحمدلله ................. كنت نايم والله ..................... ماأنت متخلف أصلاً تعبت نفسك وجيت ........................ حبيبى  ربنا يديمك فى حياتى يارب ................................. لا لا  مش قادر ............................ شكلنا هنتنفخ من مستر ليث .................... ماشى سلام
كنزه:(دخلت هيا ودعاء) كنت بتكلم مين يا حمادة
محمد عباس:(بصلها) ده محمدسعد..
دعاء:(بإستفسار) هو عامل إيه صحيح ليث بيقولى إنه تعب قووى  ورح بردو..
محمد عباس: هو أصلاً تعبان  وضغطه واطى بس جه علشان يبقى معايا ..
كنزه: ربنا يشفيكوا المهم انت عامل إي!!
محمد عباس: الحمد لله
كنزه: مالك بقا قوم يلا رخم علينا تانى أنا مش واخدة على نومتك دى..
محمد عباس: ماشى هقوم بس يارب متزعليش ف الأخر وتقعدي تزعقي وتفتحي زورك..
كنزه:يعنى أنا بصوت وبجيب اخرى منك انت يعنى بتحس ولا بتعبر..
محمد عباس: لا
كنزه: مافيش دم ولا احساس
محمد عباس:(برخامة) سبناهولك
دعاء:(بضحكه على نقارهم مع بعض) والله يابنى قولت دى اللي هتفوقك صدق اللي قال مولودين فوق روس بعض (وفضلو البنات مع محمد يهزروا ويتكلموا معاه وسط نقار بين محمد وكنزة وضحك دعاء عليهم)
.......................................................................................
(أما فى بيت سعد ظهروت الكل كان متجمع على الغداء ,, نيره مقعده محمد جمبها وعماله تحطله أكل ومحمد نفسه يقوم ومش عارف)
محمد سعد:(بص لامه بتعب) على فكرة أنا لو فضلت على الوضع ده  يومين كمان وهحتاج أعمل رجيم..
نيره:(بصتله من فوق لتحت) رجيم!! يا شيخ إتلهى إنت فيك حاجه علشان تخس..
محمدسعد:(ساب المعلقه من ايده) طب انا شبعت الحمدلله
نيره:(تجاهلت كلامه وحطتله اكل تانى) يلا خلص كل الطبق ده..
محمدسعد: ماما بقولك أنا شبعت
نيره:(بجدية) مافيش حاجه إسمها شبعت أكل العصفورة ده مش هيوقفك على رجلك(وبصتله بجديه) كمل أكلك (محمد بصلها بتنهيدة وأكل من الاكل تانى)
رنا:(بصت لبابها) مش النهاردة يابابا سمعنا فى المدرسه إنه مدرستنا جالها أمر إزاله
سعد:(بصدمه) أمر إزاله ازاى يعنى وانت هتروحوا فين
رنا: معرفش والله ده الى سمعته
هايدى: يابختكوا عقبال كليتنا
احمد: وكليتنا
مينا:(بضحكة) عيال فاشلة
احمد:(بضحكة) أنا مش عارف يامينا بجد إنت بتحب التعليم ليه
مينا:(بضحكة) يابنى أنا نفسى أبقى أكبر فوتوجراف فى مصر
محمدسعد:(استغل الفرصه وساب المعلقة من ايده وبص لمينا بحماس) وأنا وأنا هشتغل معاك
مينا:(بتكبر مُصطنع) هبقى أخليك تشيل ورايا سلك الكاميرا ( الكل ضحك عليه)
محمدسعد:(بضحكة) ده انت قديم قووى هو فى كاميرات بسلك النهاردة..
مينا:(بضحكة) اه صح خلاص تشيل الكاميرا نفسها..
نيره:(بصت للكل بجدية) انتوا سبتوا المفيد وبتتكلمو على مين يشيل الكاميرا (وبصت لرنا بسرعة وقلق) ليودوكى مدرسه بعيد يابت يارنا..
رنا:(بهدوء) معتقدتش ياماما هما هيودونا أقرب مدرسة لمدرستنا
سعد:(بجدية) ربنا يقدم اللي فيه الخير(وبص لمحمد) كمل أكلك يا محمد إخلص..
محمدسعد:(بزهق) لا بقي هو إنتوا واخدين بالكو منى ليه كده!!
سعد:(بضحكة) مش ناقصين وقعات يابنى تاني..
محمدسعد: مش هقع بإذن الله أنا كويس والله وهقوم أذاكر شويه
نيره:(بصت لمحمد اللي وقف ومسكت ايده) مش هتقوم غير لم الطبق يخلص
محمد سعد:(قعد اكل تانى بزهق وتعب) متبقيش تزعلى بقي لم أرجع الاكل كله..
رنا: (بأرف) تتك الارف
محمدسعد(بصلها برفعة حاجب) إخرسي يابت أنا مش ناقصك..
رنا(بضيق) كل يا أخويا كُل تستاهل اللي بيحصلك والله..
محمدسعد(بضيق) رخمة
أحمد:(بضحكة) إنت بينك وبين الأكل تار يابني إنت حالتك صعبة..
محمدسعد:(بتعب) معدتى قلبت والله وشبعت خالص..
نيره:(بجديه) بقولك إرجع مكانك وكمل أكلك.. (محمد رجع مكانه ونيره فضلت وراءه لحد ماخلص اكله كله وسط ترخيم احمد ومينا عليه بسبب قلة أكله وتعبه)
.........................................................................................
(عند محمد سعد اللي كان نايم دخل عليه مينا)
مينا:(قرب منه وبيحاول يصحيه) محمد محمد اصحي بقا يلا يابني معاد علاجك عدي..
محمدسعد:(فتح عينه وبصله) هو عمو يحيي طلع؟!
مينا: لا مطلعش قوم يلا انزله انت
محمدسعد:(قام قعد بخضه) نعم!!! يعني هو نسي اقوم انا انزله وأفكره..
مينا: اه تنزل علشان تأخد علاجك وتخلص وأحمد هينزل معاك يلاا
محمدسعد: أحمد (رجع نام تاني) لامش نازل..
مينا:(قومه تاني وبجدية)هو إيه اللي مش نازل يابني
محمدسعد:يامينا هو نسي انزل انا افكره ليه
مينا:قوم يابني بقا انزل مع اخوك
محمدسعد:لا انزل انت معايا
مينا:لا انت متعب
محمد سعد:لا منا مش هنزل ابقي مع احمد وكمان مستر محمد  لوحدى
مينا:(بضحكة) ولو تعبتنا تحت
محمدسعد: مانتو لو تحسو بيا وبالحقنه والله هتتفهمو تعبي منهم..
مينا:(بضحكة) ده علي اساس اني مجربتش قوم يللا وهنزل معاك وأمري لله (وبصت عالي)ماما انا نازل مع محمد علشان ياخد الحقنه
محمدسعد:(بفزع) فضحتني يامينا فضحتني ( مينا بصله بضحكة ومسك إيده ونزلو الاتنين سوا تحت عند الدكتور يحيي)
..............................................................................................
عند كارمن الى قاعده فى اوضتها  فجأه قامت وقفت وطلعت بره
كارمن: مامتى حبيبتى وحشتنى قوى
عايده:(بصتلها) اخر الدلع ده ايه
كارمن: بلاش ادلعك يعنى مش انتى مامتى حبيبتى
عايده: عايزه ايه يا كارمن
كارمن: اروح عيد ميلاد صاحبتى
.عايده: لا
كارمن: ليه يا ماما بس
عايده: كده يا كارمن اولا احنا بقينا بالليل ثانيا بقا اخوكى ولا ابوكى هيرضو
كارمن: هو بكره والساعه 6 وعاجى 8 مش هتاخر يعنى
عايدة: ابوكى واخوكى مش هيرضو
كارمن: انتى لو رضيتى  هما هيرضو بس انتى واقفى
عايده: انا مش موافقه
كارمن: ليه بس يا ماما انا كل اصحابى بيخرجو وبيرحو وبيجو اشمعنا انا
عايده:اهاليهم مش بيخافو عليهم
كارمن: لا بيخافو عليهم بس مدينهم حريه
عايده: يا حبيبتى الجو وحش  والخطف بقا كتير جدا انتى مسمعتيش عن البنت الى خطفوها على اول الشارع اسيبك تنزلى ازاى
كارمن: طب مانا بروح كليتى ومحمد بيخرج اشمعنا دلوقتى الى لا
عايده: ربنا الى عالم لم بتخرجو ببقا عامله  ازاى واخوكى راح يصور ورق علشان صاحبه مش رايح عيد ميلاد
كارمن: محمد قاعد على القهوه تحت
عايده: (بصتلها بصدمه) لا هو قايلى انو هيصور ورق
كارمن: لا قاعد على القهوه  مع ابراهيم وخالد
عايده: ماشى يا كارمن
كارمن:(بفرحه) هروح العيد ميلاد
عايده: لا طبعا روحى اوضتك يلا (كارمن مشيت وهيا بتبريطم بالكلام والباب اتفتح ومحمد دخل ,, عايده بصتله وكملت كلامها) اتاخرت ليه يا محمد
محمد شاهين: كنت  تحت مع ابراهيم وخالد
عايده: على القهوه
محمد شاهين: اه
عايده: وانا مش قولتلك احنا مش بتوع قهاوى بلاش قعاد على القهوه
محمد شاهين: ماشى يا ماما انا ماكنتش قاعد يعنى ده كان فى مشكله بنهم وكنتت بصالحعم على بعض
عايده: اسمع كلامى يا حبيبى علشان خاطرى
محمد شاهين:  حاضر يا ماما
عايده: ربنا يريح قلبك يابنى
محمد شاهين:(باس ايد امه) ربنا يبارك لينا فى عمرك يارب يلا تصبحى على خير
عايده: وانت بخير يا حبيبى (ودخل محمد الاوضه وكمان عايده دخلت اوضتها)
.........................................................................................................
(نزلوا الشباب تحت وفتحلهم يحيى)
يحيى:(بإستغراب) إيه ده إنتوا نزلتو ليه هيا الساعه كام؟!
مينا:(بضحكة) الساعه 8 ونص
يحيى:(بضحكة) الوقت سرقنى وانا بتكلم فى التليفون..
محمد سعد:(بسرعة) طب نطلع بقي ونسيب حضرتك تكمل تليفونك (ولسه بيلف علشان يطلع)
يحيى:( مسك ايد محمد وبضحكة) تعال بس متهربش أنا خلصت خلاص(مينا ضحك ودخلوا  الاتنين الأوضي ويحيي وراهم )
مينا:(بص لمحمد وبعدين بص ليحيي بضحكة) مكنش راضى ينزل ياعمو خالص ده منزله بالغصب..
يحيى:(بص لمحمد بجدية) مانت لو كنت سمعت الكلام ومنزلتش إمبارح المدرسه كنت زمانك خلصت امبارح الحقن والشكشكة دي..
محمدسراج:(بص لمحمد بنرفزة) أنا لما شوفته عصبنى والله
محمدسعد:(بحزن) ماكنش ينفع أسيب محمد لوحده ده أول ماحس إنه عايز يتكلم ويفضفض عن اللي جواه متكلمش غير معايا (وبتذكير) هو حضرتك شوفته ياعمو يحيى صح!! هو عامل ايه بابا مش راضي يخلينى اروح أشوفه بيقولي لما تخلص علاجك..
يحيى:(أخد الحقنه من مينا وبدأ يجهزها) كويس يامحمد أنا لسه جاى من هناك دلوقتى  أنا حتى كشفت عليه ومكتبتلوش علاج لأنه كويس ومش محتاج
محمدسراج:(بصله من فوق لتحت) الدور والباقى على اللي بيتشكشك كل شوية..
محمدسعد: (بص لمحمد سراج بزعل) هو أنت يا مستر فرحان فيا
محمدسراج:(برخامة) جداً جداً فوق ما تتصور..
مينا: أومال فين ليث!!
محمدسراج: عند دعاء هناك
محمدسعد:(بزعل) مش كان ياخدنى معاه بدل هو هناك كنت هروح وأجي معاه ووقتها بابا كان هيوافق..
يحيى:(خلص الحقنه وبص لمحمد ) لما تبقى كويس كده كده هتنزلوا الدروس وتشوفوا بس يلا بقي قوم..
محمد سعد:(بصله بخوف وبتفكير) أنا عندى حل وبلاش الحقنة..
يحيى:(بضحكة) قول الحل بس هتاخد الحقنة
محمدسعد:(بخوف) لا مش هاخدها إسمعنى بس هطلع أكل كويس والله وهأكل حاجة حادقة كمان جبنه حدقة أو أي حاجة وبلاش الحقنة..
يحيى:(بجدية) هتتعب معدتك كده +إن ده مش كافي يرفع ضغطك ويظبطه لازم علاجك..
محمدسعد:(بخوف) طب والله انا بقيت كويس ياعمو
يحيى: يلا بقا يا محمد ده شكه وهتخلص..
محمدسعد:(بخوف ودموع) والله ياعمو صعبة وبتتعبني..
مينا(بتنهيدة وراحله) معلهش يامحمد يلاا شكة وهتخلص ومش هتاخد تانى بإذن الله.. 
محمدسراج:(بص لمحمد بجدية) هتقف لوحدك ولا أكتفك وهتأخدها برضو..
محمدسعد:(بصله بخوف) لا متكتفش(محمد وقف قدام يحيى وسط خوفه ومينا وقف قدام محمد ومسك ايده )
محمدسعد(بخوف) براحة ياعمو بالله عليك..
يحيى:(ضرب لمحمد الحقنه) حاضر بس إثبت بس
(يحيي بدأ يعطي الحقنة لمحمد وسط توجعاته)
محمد(بوجع وضغط على إيد مينا آآآآآآآآآآه آآآآآآآآآآه كفاية ياعمو..
يحيى:(شال السن ودلك مكانها شويه) خلاص خلصت بالشفا
محمدسعد:(بتوجع وقعد على السرير)أووف رجلي وقفت..
محمدسراج(بجدية) حافظ على أكلك وصحتك وإنت تترحم من كل ده
مينا(بضحكة) بقوله والله إنت كده ولسا مادخلتش ثالثة ثانوي
محمدسراج(بضحكة وهزار) ع رآيك ده هيتنفخ وإحنا هنقعد نضايقه ونتريق عليه بقي
يحيى:(بضحكة) ده هو لو مش هيأكل علشان نفسه هيأكل كويس علشان يترحم من تريقتكم دي محمدسراج(بضحكة وبص لمحمدسعد بضحكة إستفراز) بكرة نشوف
(يحيي إستأذن منهم بعد أما إطمن على محمد ومحمدسراج ومينا قعدوا يهزروا مع محمد ويرخموا عليه شوية وبعدين إستأذنوا وطلعوا هو ومحمد)
..........................................................................
ياترى ايه الى هيحصل تانى لو عايزين تعرفو استنو لبعد رمضان بأذن الله لو كان لينا عمر
................................................................................
#hadeer
#hager
#rody