اللقيط

الحلقه16

#اللقيط
#اللقيط_16
#جزء_من_حلقه_سابقه
(سعد بص ليحيي ونيرة بخوف وعدم إطمئنان وبص للدكتور اللي بصله وهز رأسه بمعني إطمن بإذن الله خير ومش هيكون سمع حاجة بس ليث بيبص على مينا بشك وقلق وحاسس إنه فيه حاجة)
سعد:(بتساؤل) طيب إحنا نقدر نأخد أحمد الوقتي صح!!
مالك:(بإبتسامة) آها طبعاً هيخرج الوقتي عادي بس يلتزم بعلاجه ومايقفش ف الشمس الكام يوم دول نهائـي علشان الجرح مايتعبوش ويصدع..
سعد:(بهدوء) تمام بإذن الله شكراً على تعبكم معانا ..
مالك:(بإبتسامة) مافيش شكر ده واجبنا وألف سلامة عليه..
سعد:(بإبتسامة هادية) الله يسلمك يارب..
(مالك بص على مينا بإبتسامة ورجع بص لسعد ونيرة بإبتسامة شكر على اللي عملوه ده وأخد أسامة وخرج والشباب ساعدوا أحمد يقوم ومشوا كلهم وسط صدمتهم من اللي سمعوه وسكوت مينا اللي قالقهم جداً )
#بدايه_الحلقه_الجديده
(فـي البيت عند سعد دخلوا كلهم ومينا كان لسا على سرحانه اللي قالقهم دخلوا لقوا محمدسعد وهايدي ورنا قاعدين فـي الصالة بيستنوهم وباين عليهم القلق)
محمدسعد:(قام وبص لباباه) ماطمنتنيش ليه يابابا مش قولت لحضرتك تطمني لما تروح..
سعد:(بإبتسامة) نسيت والله يامحمد ما أخدتيش بالـي..
محمدسعد:(راح لأحمد بقلق) إنت كويس؟!
محمدسراج:(بضحكة) زي القرد ياأخويا وسع كده لما نرزعه نقعده بدل ماهو مدلع فيها كدهه..
أحمد:(بضحكة) ماتعملش خير إلا وتضيعه بلسانك اللي بينقط سُكر ده ..
محمدسراج:(بضحكة وغرور) طبعاً طبعاً مافيش ف حلاوة لسانـي أصلاً..
محمدشاهين:(بص لمينا بقلق وتساؤل) إنت كويس ساكت ليه فيه إيه!!
مينا:(بص لباباه ورجع بصلهم كلهم بتوهان وبص لباباه تانـي) إحنا وصلنا البيت أهو يابابا عاوز أفهم بقي الكلام اللي سمعته فـي المستشفي ده!!
سعد:(بصله بصدمة) كلام إيه!!
مينا:(بهدوء) الكلام اللي الدكتور قاله يابابـا أنا سمعت كل حاجة بس ماكانش وقت الكلام هناك بس إحنا ف البيت أهو (وبص لكل الموجودين) ومافيش حد غريب يعني هنا إتكلم عادي..
سعد:(بجدية وترتر) مينا بطل تخاريف كلام إيه اللي سمعته مافيش كلام..
مينا:(بعصبية) لا فيه أومال اللي سمعته ده إيه! لما الدكتور يشبهه عليك وف الأخر يفتكر إنك بتفكره بواحد من حاجة وعشرين سنة أنقذت طفل رضيع من إنه يتمرمط ف الملاجئ ولا يبقي وحش بشري عبارة عن طفل شوارع كان قصده على مين ها قصده ع مين يابابا ماهو مافيش حد هنا مالوش أهل غيري يبقي أكيد أنا اللي بيتكلم عليه..
يحيي:(بعقلانية وهدوء) مينا إهدا الموضوع مش زي م أنت فاهم إهدا كده ..
مينا:(بعصبية شديدة) أومال الموضوع إزاي ياعمو يحيي فهمني الموضوع إزاي (وبص لباباه ومامته اللي بتبص عليه بدموع) كذبتوا عليا ليه!! هاااا كذبتوا عليا ليه يعني أفضل عايش أكتر من عشرين سنة على كذبة إنكم بالصدفة كنتو ف المستشفى اللي مامتي بتولدنـي فيها وماتت وماكانش معاها حد فصعبت عليكم وإتبنتونـي (وبص لباباه بترجي) بعد إذنك يابابا علشان خاطري عاوز أعرف الحقيقية إحكيلي بالله عليك مافيش داعي تخبي الحقيقة عني أكتر من كده بالله عليك علشان خاطري إحكيلي..
(سعد بص ليحيي اللي شاورله بمعني إحكيله مافيش مفر من معرفته الحقيقة سعد تنهد تنهيدة طويلة وبص لمينا وبدأ يحكيله كل حاجة من أول مشكلة نيرة ف الحمل وكشفهم عن الدكتور لحد ماشافوه وهما مروحين وسط صدمة كل اللي قاعد من اللي بيسمعوه وتوهان مينا وسكوته اللي قلقهم عليه)
سعد:(بتنهيدة حزن) لما لافيناك كنت وقتها ملفوف ببطانية خفيفة والحبل السري كان لسا موجود أخدناك وروحنا المستشفي كان اللي مسئول عن حالتك الدكتور اللي قدراً كان مع الدكتور اللي مسئول عن حالة أحمد إهتم بيك وفضلت ف الحضانة فترة وطلعت مشيت ف إحراءات التبني لإننا سبحان الله مجرد ماشوفناك حبناك وإتعلقنا بيك جداً وبص ده كل الحكاية..
مينا:(بتوهان وهدوء) يعني الكذبة اللى كنتوا بتحكوهالـي كانت بتوجعني بس كنت بصبر نفسي إنكم بتحبونـي وإن أهلي كمان ممكن يكونوا سابونـي غصبن عنهم وكنت أقول عادي مش مهم أنا الوقتي عندي أمي وأبويا وإخواتـي اللي حبيتهم وبيحبونـي طلعت الحقيقة وجعها أكبر طلعت لقييييييط !!! مالوش أهل ومايعرفش جاي من حلال ولا من حرام كمان ليه عملت إيه فـي دنيتي علشان جزائـي يكون كدهه عملت إيه !!
سعد:(راحله بدموع محبوسة فـي عينه وبهدوء) مينا حبيبي ماتشغلش بالك بالماضي ده إنت إبننا إحنا إبنا البكري واللي قلبنا إتفتحله يوم ماشوفناه وحبيناه جداً ..
مينا:(بصله بتوهان وهز رأسه بمعني لا) لالالا أنا مش إبن حد أنا ماليش أهل أهلي الحقيقين إتخلوا عني وأهلي اللي حبيتهم وإعتبرتهم كل حاجة فـي حياتـي غفلونـي وكذبوا عليا ..
نيرة:(بعياط) مافيش حقيقية ولاغيرها مافيش حقيقية غيري إنك إبني سامع إنت إبني بطل بقي مالك ومال الماضي إنت إبني واللي بحبه جداً وماقدرش أعيش من غيره أفهم بقي..
مينا:(بصلها بهدوء ولوم وعتاب ورجع بصلهم كلهم بتوهان وحزن) أنا مصدع وعاوز أنام..
(دخل مينا الأوضة وسط عياط إخواته البنات وأمه ودموع كل الموجودين وخوفهم عليه)
يحيي:(جاي يدخله باباه مسك إيده بهدوء) سيبه ياليث ماتدخلوش الوقتي سيبه مع نفسه شوية..
ليث:(بقلق علي مينا) إزاي يعني يابابـا ده ماعملش أي رد فعل ولاعيط ولا دمع دموع بسيطة حتى وكل نظراته تايهه وبيتكلم بهدوء مُخيف..
يحيي:(بيطمنه وهو من جواه قلقان) هيبقي كويس بإذن الله لما يصحي نبقي نشوف اللي هيحصل وكلنا معاه بإذن الله ماتقلقش (وبص لأحمد بجدية) قوم نام ياأحمد علشان ماتصدعش ولو حسيت بوجع ف مكان الجرح عرفني وهجي أعطيك حقنة مسكنة بإذن الله وهجيلك بالليل كمان أطمن عليك (وبص لسعد بهدوء) مبنا هيبقي كويس ياسعد بإذن الله ماتقلقش بالليل هشوفه وأطمن عليه وبإذن الله يكون خير ماتقلقش..
سعد:(بحزن وتعب) يارب يايحيي يارب..
يحيي:(بصلهم بجدية) طيب يلا هنستأذن إحنا والشباب وهنيجي تانـي بإذن الله..
(مشي يحيي بعد ما إطمن على أحمد وسراج وليث وشاهين ومحمود نزلوا وراه وسعد بص لإولاده ونيرة ورجع بص لأوضة مينا بتنهيدة حُزن ودخل أوضته ونيرة ومحمد دخلوا أحمد الأوضة وبصوا على مينا وهو نايم بحزن ودموع وهايدي ورنا دخلوا أوضتهم وبيعيطوا على مينا وخايفين عليه)
.................................................................
فى بيت يحيي نزلو كلهم وكانت دعاء موجوده  ،،  دخلو وباين على ليث ومحمد سراج الصدمه
دعاء:(بصتلهم بأستغراب) فى ايه مالكو وايه الزعيق الى كان تحت ده
ليلي:(بحزن) انا كنت فى المطبخ وسمعت كلام مينا بوضوح لا صوته كان عالى
يحيي: الى ابوه مخبيه من 21 سنه ظهر فى ثوانى
محمد سراج: انا لم بحط نفسى مكانه  حسيت انى ادمرت نفسيا  واحساس انو جاى من الحرام ده وحش قووى
ليث:(بتوهان) الله يكزن فى عونه ويهون عليه
شرين: هو فى ايه يا جماعه انا مش فاهمه حاجه
محمد سراج: سمعنا الدكتور وهو بيقول انو عمو سعد وطنط نيره لقيو مينا على الطريق مش زى ما كان قايل خالص شرين:(بصدمه)ايه طب ومينا عامل ايه دلوقتى
يحيي:دخل فى صدمه عصبيه ويعالم هيفوق منها امتى
ليث:مش انت بتقول مش هيطول
يحيي:انا بطمن ابوه بس الصدمات دى بتطول الا لو فى دعم لمينا مننا ويقدرزهو يستجيب
ليث:اخنا مش هنسيبه هنفضل وراه لحد ما يقدر يطلع الى جواه
يحيي:مينا لو عيط وطلع الى حواه هيرتاح طول ما هو ساكت وحابس دموعه كده هيفضل تعبان
ليث:طب نعمل ايه
يحيي:العمل عمل ربنا يابنى  يلا اطلع علشان تنامو الوقت اتأخر وانتو عندكو مدرسه الصبح
ليث:(تنهد وبص لدعاء)يلا يا دعاء (دعاء وليث طلعو وكل واحد دخل اوضته بحزن تام وفى الى نام وفىةالى فضل يفكر ويحيي فضل يفكر لى حاله مينا)
....................................................................
عند سعد ونيره فى اوضتهم
سعد:(قاعد. وساند دماغه على ايده وباين عليه الحزن الشديد)  انا حاسس انو مينا هيضيع من بين ايدينا
نيره:(بدموع) هو دكتور يحيي قال ايه
سعد: صدمه عصبيه ومش هيفوق غير لم يطلع الى جواه
نيره:(بعياط) طب وبعدين افرد فضل كده ومعملش رد فعل هنعمل ايه هنسيبه يموت
سعد:(بص لنيره) لاول مره بقولك انا حاسس اننا لم كدبنا عليه كان غلط
نيره(بعياط) كنا هنقوله ايه هنقوله اننا لقيناك ممرمي فى الشارع الى ولدتك حسبي الله ونعم الوكيل فيها رمتك مش عايزاك ابوك مش عايز يتحمل مسؤليتك  انا مش فاهمه ازاى جالها قلب ترميه وتمشي شالته فى بطنها تسع شهور وتعب الولاده والاخر ترميه فى الشارع ازاى انا لم خدو منى محمد للحضانه كنت حاسه انو روحى بتطلع  معاه وهما واخدينه من ايدى  لم سيته ومشيت حسيت انو نار بتكوى فيا   احمد لم دخل العمليات علشان العمليه الى عاملها  كنت بموت يومها  ازاى ترمى ضناها
سعد: متقوليش قدامه كده وفهمى محمد ورنا انو لو
حد جرح مينا بكلمه  مش يلومش غير نفسه وميفتحوش الموضوع ده تانى خالص
نيره(مسحت دموعها)العيال متعلقين بمينا جداً (وبضحكة وضع) ده حتى متعلق برنا ومحمد مش بس بهايدي وأحمد متعلق بالصغير قبل الكبير وبالذات محمد بيرجع لعقل محمد وسنه  ومتقلقش انا هنبه عليهم
سعد: ربنا يعنا ويقوينا على الى جاى (وبام وقف) انا هروح اقعد جمبه
نيره:(بتنهيده) ماشي وانا هطمن على البنات واجى اقعد معاك
سعد: ماشي وخرج سعد من الاوضه وراح قعد حمب مينا ومسك ايده وفضل يبوس فيها وفى راسه وهو بيفكر فى حاله وبيفكر لى الى جاى
.............................................................
فى شقه ابتهال ظهرو نعيمه وانعام قاعدين
نعمه:(طلعت من الاوضه) انتو لسه قاعدين
نعيمه:اه هو انتى دخلتى الاوضه تعملى ايه
نعمه: كنت بكلم سعد وبطمن منه على العيال
انعام:(بصلتها)والعيال عاملين ايه
نعمه: هما كويسين بس مينا
ابتهال:(مقاطعه لنعمه)احنا مالناش دعوه بمينا بنسال على الى يخضنا الى هما احفادى
نعمه: انتى بتقولى ايه
ابتهال:هو مينا ابنهم
نعمه:اه ابنهم انا مش فاهمة يعني إستفادوا إيه من اللي عملتوه دايماً بتحبوه وبيحبكم وعمرنا ماإعتبرناه غير إنه إبن سعد ليه تخلوا الناس وكلامهم يقصر عليكم بالطريقة دي.. وحتى ياريتكم قصرتم مع مينا بس إنتو حتى قصرتوا مع أخوكم وإولاد أخوكم وأخدتوا دول بعقاب ده . تعرفوا إن محمد تعبان وبيأخد طويل المفعول طبعاً ماتعرفوش.. طيب تعرفوا إن أحمد كان ف المستشفي طبعاً دي كمان ماتعرفوهاش.. ولا تعرفوا حتى أخوكم عامل إيه ويومه ماشي إزاي وبيعدي إزاي ونفسي أعرف مينا عمل إيه يعني لكرهكم ده..
انعام: إحنا مش بنكرهه بس(وسكتت
نعمه:(بعصبيه و زعيق) بس إيه كلام الناس عملكم أيه غير إنه بعدكم عن أخوكم وإولاد أخوكم ومينا اللي لما عرف الحقيقية ف دنيا غير الدنيا ولا بيتكلم ولا بيأكل ولا بيشرب.. وإنتِ ياماما من أمتي بتكرهي مينا وقاسية معاه كده مش ده مينا اللي لما سعد ونيرة جابوه أخدتيه ف حضنك وإرتحتي له حتى من قبل ماتعرفي حكايته..ياريت تفوقوا لنفسكم وتفوقوا بجد قبل ماتخسروا كل الناس اللي بتحبوهم..
أنا بكرة رايحة لمينا اللي هيفوق لنفسه ويغير رآئه يبقي يجي معايا.. وربنا يهديكم لنفسكم...(وسابتهم ودخلت اوضتها تانى الكل بص لبعض بتنهيده  وسكتو
...................................................................
تانى يوم الصبح  تانى يوم العصر طلع يحيي  علشان يشوف احمد ومينا ويطمن عليهم  ظهر فى الاوضه
سعد:(بقلق) يحيي مينا مأكلش من امبارح خالص ولا شرب اصلا وبيصحى يبص للسقف وسرحان  وفجأه ينام
يحيي:(بص لمينا بقلق) هكشف عليه بس هعطى احمد العلاج واكشف عليه
احمد: لا ياعمو يحيي طمنا على مينا الاول 
يحيي:(بص لمينا بزعل وقرب منه)مينا مينا (مينا فتح عينه وبصله وهو ساكت  ،، يحيي كمل كلامه)عامل ايه كويس يا حبيبى ( مينا بردو ساكت ومردش عليه  ،،   فجأه مينا قفل عينه  ،،  يحيي تنهد وبص لسعد)حاولتو معاه فى الاكل ولا هو مطلبش
سعد:لا مامته حابت فطار لاحمد واتحايلت عليه مرداش ياكل خالص
يحيي:حاولو معاه تانى لحد بكره الصبح لو رفض هركبله محاليل يعوض الاكل علشان ميتعبش اكتر (وبص لاحمد)عامل ايه دلوقتى
احمد:(بزعل)الحمد لله
يحيي:(فتح شنطته وطلع منها قطن ومرهم وشاش وبلاستر وادوات تغير على الجرح)طيب انا هغيرلك على الجرح دلوقتى علشان اطمن عليه (احمد هز راسه بمعنى ماشى   ،،  بدا يحيي يشوف شغله ويغير على الجرح واحمد باصص على مينا بزعل وحزن  ،،  خلص يحيي  واخد من علاج احمد حقنه وبص لاحمد) مافيش وجع فى الجرح يا احمد
احمد:فى زن فى دماغى مكان الجرح
يحيي:يعنى اعطيك المسكن كمان
احمد:ايوه
يحيي:ماشي (جهز المضاد الحيوى وبص لسعد) رج الازازه دى على ما اعطيه المسكن  ،،  سعد اخد منه الحقنه  ويحيي جهز التانيه  وبص لاحمد) يلا يا احمد وبدا يعطي لاحمد الحقنه متوجعش منها  ،، خلص الخقنه وعطاها لسعد واخد منه المضاد الحيوى  وظبها وبدأ يعطيها لاحمد
احمد:(بوجع)آآآآه
يحيي:(شال السن ودلك مكانها)خلاص يا احمد بالشفا (بص لسعد) متسبش مينا وحاول انك تضغط عليه وتخليه يا كل
سعد:بأدن الله يارب يستجيب
يحيي:يارب (وتنهد ولم حاجته ومشى سعد وصله  ورجع تانى قعد جمب مينا وكانت نيره دخلت قعدو اطمنو على احمد  والحزن باين عليهم علشان مينا
..................................................................
فى المدرسه  عند رنا الى قاعده مكانها ومنهاره من العياط
ريما:(ماسكه ايد رنا) خلاص بقا يارنا بطلى عياط
رنا: هو اصلا مش من حقه يزعقلى ويشتمنى
ريما: هو شتم الفصل كله
رنا: بس خصنى بالاسم وضحك عليا الفصل كله
ريما: خلاص متزعليش بقا ياقلبى
رنا: ايه يعنى معرفتش اشرح التجربه  هو انا كنت مدرسه وبعدين مين الى يشرح اصلا
ريما: يابنتى فى مدرسن كده حتبين يستعرضو علينا عضلاتهم
رنا:(بصتلها) هو لسه منخرجش وجاى تدريب مينفعش يكلمنا بالطريقه  دى وانا هشتكى لمشرفه الدور عليه
ريما: انتى كده هتوقعى نفسك فى مشاكل واحتمال يحطك فى دماغه
رنا: يتفلق (وطلعت بسرعه لمشرفه الدور الى كانت قاعده مع المدرسين رنا بصتلها بعياط)  مس رباب لو سمحتى ممكن اتكلم معاكى شويه
رباب:  اكيد يا حبيبتى تعالى (ومشيت مع رنا قعدو لوحدهم  ،،  كملت رباب كلامها) فى ايه يارنا
رنا:(بعياك)  مستر خالد بتاع العلوم الى جاى تدريب علينا طلب منى اشرح تجربه احنا لسه اصلا مأخدنهاش معاه ولم طلعت شرحتها شرحتها على قد فهمى ليهاڜ معجبوش وفضل يتريق عليا ويشتمنى وشتم الفصل كله ووصفنا بالاغبياء وشتمنى انا بالاسم وحدف الكتاب فى وشى وبقاله كام حصه مستقصدنى
رباب:(بصت لرنا ومسحت دموعها) خلاص متعيطيش يا حبيبتى وانا هكلم مستر خالد اشوفه حصل منك ايه علشان يعملك كده
رنا:(بعياط) والله العظيم ما عملتله حاجه
رباب: ادخلى فصلك وبطلى عياط وانا هشوف الموضوع ده
رنا: شكرا يا مس (دخلت رنا فصلها ورباب رجعت للمدرسين تانى)
ريما: عملتى ايه
رنا: قالتلى هشوف الموضوع ده ومتعيطيش (دخل المدرس الى عليهم سكتو البنات وانتبهو للشرح)
..........................؟........................................
فى بيت سعد محمد طالع من اوضته
نيره: رايح فين يا حبيبي
محمد سعد: طالع عن مستر ليث يا ماما
نيره: ربنا يوفقك يا حبيبي (سمع الباب بيخبط راح وفتح الباب لقى عمته نعمه وجدته ابتهال)
محمد. سعد: عمتو (وحضنها وسلم عليها)
ابتهال: عامل ايه يا محمد
محمد سعد:(بص لجدته  بزعل ورجع بص لنعمه)  اتفضلو
نعمه:(دخلت هيا وابتهال  ،،  نعمه بصت لمحمد) مش هتسلم على تيتا يا محمد
محمد سعد:(بص لجدته بلوم ورجع بص لعمته) معلشى ياعمتو عندى حصه (وسابهم وطلع)
نيره:(بصت لمحمد بتنهيده وبصلتهم وراحت سلمت على ابتهال ونعمه وبصتلهم) اتفضلو  ادخلو هقول لسعد  ،،   دخلت لسعد وخرجت معاه
سعد:(سلم على  نعمه  وامه وقعد)  جاين ليه
ابتهال: جاين نشوفكم ونطمن عليكم
سعد: والله ماشي فيكو الخير
ابتهال:(بصت لنعمه) ادا الى انتى قولتى عليه محتاجلنا
نعمه: براحه يا سعد فى ايه
سعد: فى ايه  ،،  كل ده وشايفه انو مافيش حاجه (وبص لامه) تعرفي ايه عنى من ساعه ما جيت هنا  تعرفي انو محمد تعب وبياخد طوال المفعول  بقاله شهرين  تلاته   ،،،   تعرفى  تعرفى انا كنت عايش ازاى تعرفى   انو احمد تعب وعمل حادثه. ومن قبله مينا  تعرفى انى كنت هسيب شغلى واترفد منه بسبب ضغط الاعصاب الى كنت فيها  ،،   تعرفى انو عدى عليا ايام مكنش معايا اى مليم امشى بيه امور البيت  تعرفى بيعت نيره دهبها علشان العيال متحسش بحاجه  ،،      خلينا ساكت احسن
ابتهال: انا جايه اطمن على احمد وماشيه تانى طالما مش طايق تشوفنى
نعمه: ومينا
ابتهال:مينا السبب فى بعد ابنى عنى
نيره:ماما بالله عليكى مينا فيه الى مكفيه وزياده جدا   لو ناويه تتجاهليه  انا هنادى احمد هنا  حضرتك شوفيه وبلاش تدخلى الاوضه
ابتهال:(قامت وقفت بعصبيه)انتى هتمنعينى ادخل على ابن ابنى علشان مجرحش واحد من الشارع( وجريت غلى الاوضه ومحدش لحقها ولا عرف يوقفها   دخلت لقيت مينا قاعد على السرير وباصص لباب وهو ساكت واحمد قاعد جمبه ووشه غرقان دموع
احمد:(اول ما شافهم) من فضلك اخرجى بره علشان اخويا تعبان  وانا كمان ومحتاجين ننام
ابتهال:(بصت لمينا بصدمه من شكله والحاله الى هووفيها وقربت منهم)مينا (مينا مبصلهاش وفضل باصص لعمته  ،،  جاتله نعمه حضنته بس هو محضنهاش ولا اداى اى رده فعل  فضلت تكلمه شويه وهو ساكت مبيرودش وابتهال ساكته ومصدومه من منظر مينا وقعدو شويه ومشيو وطول القعده ابتهال بتبص لمينا بصدمه وهيا ساكته
....................................................................
بالليل فى اوضه محمد ومينا واحمد ظهر يحيي وسعد وليث ومحمد سراج ومحمد. سعد موجودين فى الاوضه
يحيي:(بص على مينا)  هو مينا مصحاش من ساعتها
محمد سعد: لا ياعمو مصحاش نايم من ساعه ما دخل
يحيي:(بتنهيده) ماشي (وبص لاحمد) عامل ايه ياحمد
احمد: الحمد لله تمام انا كويس وﷲ
يحيي: طيب فين العلاج
سعد:  (جابله العلاج)  علاج احمد اهوه(يحيي اخده وطلع منه حقنتين  وبدأ يجهز المضاد الحيوى الاول والحقنه المسكن  (خلص وبص لاحمد) هتقدر تقوم
احمد:(شال من عليه الغطا وبص ليحيي) ان شاء الله (وقام وقف وساعده محمد سعد ومسك ايده  ،،  احمد وقف قدام يحيي ويحيي ضربله الحقنه
احمد:(مسك ايد محمد جامد وبصوت خفيف) آآآه يحيي:( شال السن  ضربله الحقنه  على طول بس محسش بيها   قوى واتحمل وجعها يحيي شال السن  ودلك مكانها شويه   ،،   احمد قعد ويحيي بص لمينا  وقرب منه  ،،  وكمل كلامه) مينا  ،،  مينا  (مينا فتح عينه وسند دماغه على المخده وسكت وسكت  ،،  يحيي كمل كلامه) مينا انت كويس (ومسك ايده قومه قعده) طمنى عليك (مينا مبصلوش وبص قدامه بسرحان
ليث:(قرب من مينا) مينا طب رودي عليا انا ( مينا بص لليث بسرحان وتوهان وسكت)
سعد: هو فى ايه يا يحيي مينا ماله
يحيي: طب مش هتقوم تطمن على اخوك احمد (مينا بص لاحمد بتوهان وبردو ساكت  ،،  كمل يحيي كلامه)  مينا رود علينا او كلم بابا
سعد:(بخوف) طمنى عليك يا حبيبى (مينا مبصش لسعد اصلت بص قدامه بتوهان
محمد سعد: طب مش انت يتحب تتكلم معايا يلا قوم اتكلم معايا (مينا بصله بتنهيده وبص لقدامه   تانى  بتوهان وسرحان وحزن
يحيي:(بتنهيد عاليه كتب اسم حقنه فى ورقه وبص لمحمد سعد) هات الحقنه دى من تحت يا محمد وتعالا(محمد اخد الورقه ونزل 
سعد:(بص ليحيي) ماله يا يحيي
يحيي:(بص لسعد بحزن) دخل فى صدمه عصبيه مش
هيفوق منها غير لم يطلع الى جواه  انا هديله مهدا علشان ينام لان صحيانه مافيش فايده منه (طلع محمد ويحيي جهز الابره
سعد:(راح لمينا بتوهان وقعد حمبه وخلاه نام ومسك ايده  يحيي ضرب فيها الحقنه بعد ثوانى معدوده مينا نام  يحيي بصله بتنهيده واسف ونزل ليث ومحمد سراج نزلو وراه ومحمد سعد  و معاه سعد قعدو حمب مينا واحمد قاعد على سرير بحزن وزعل 
....................................................................
عدى يومين ومينا رافض الاكل والشرب تمام
عند يحيي الى ظهر فى اوضه مينا
يحيي:(بص لسعد)مينا اكل ولا لسه
سعد:لا والله لسه بنتحايل عليه حتى الميه رافض كل حاجه
يحيي:(بنرفزه بسيطه) يعنى ايه يا سعد مأكلش  انا مش قولتلك لو مأكلش عرفنى وانا اجيله ليه سايبه لحد دلوقتى  بقاله يومين واكتر اهوه
سعد:(بخوف) احنا عطلناك كتير يا يحيي  ،،  وبعدين انت جيت اهوه متأخرتش شوف بقا هتعمل ايه
يحيي:( طلع من شنطته دفتر وقلم وكتب فيه وبص لمحمد سعد) انزل لهشام يا محمد هات منه العلاج ده وهات الكانيولا الزرقاء  ،،   محمد اخد منه الورقه ونزل محمد وبعد شويه طلع ومعاه العلاج  يحيي اخده منه  وطلع من الكانيولا  وقعد جمب مينا الى كان نايم ومسك ايده ودور على عرق شويه وبص لمحمد) اطلع لماما هات منها طرحه يا محمد
محمد سعد: حاضر (طلع محمد وبعد دقيقتين دخل ومعاه الطرحه  ،،  يحيي اخدها منه وربطها على ايد مينا  ودور على عرق وفتح الكانيولا  ومسك ايد مينا كويس ودخل سن الابره فى العرق  ،، مينا  صحى بخضه وشد ايده من يحيي بوجع  ،،   يحيي مسك ايده بسرعه وبص لمينا) خلاص يا حبيبى اتركبت الحمد لله  ،،  مينا بصله بنهجان ومتكلمش  ،،  يحيي تنهد بحزن وبص لايده  ومسك الكانيولا وحرك فيها جابت دم  ظبطها  وساب ايده  ،،  واخد المحلول وحط فيه الحقن وركبه لمينا  وبص لسعد)  المحلول ده هيعوض الاكل
محمد سعد: يعنى لو مأكلش ياعمو عادى
يحيي: لا طبعا بس اهوه بنعوض لحد ما يرضى ياكل  ،،  احمد لسه مجاش
سعد: لسه مدخلوش للدكتور قدمهم شويه لسه
يحيي: بأذن الله يكون الجرح بتاعه كويس من حسب خبرتى انو كويس
سعد: انا مش عارف اقولك ايه والله على الى بتعملوه انت وولادك 
يحيي: فى ايه يا سعد احنا اصحاب عمر بلاش الكلام ده  وربنا يشفيلك ولادك يارب
سعد:(بتنهيده) يارب (وقعد. وبصو على مينا بحزن  وفضلو جمبه لحد ما علاجه يخلص)
..................................................................
عدى اسبوع على تعب مينا واحمد ومازال مينا ساكت متكلمش كلمه واحده وده مسبب قلقل للكل
فى اوضه مينا والشباب  مينا قاعد على السرير ومعاه ليث ومحمد سراج واحمد ومحمد سعد
ليث:(قام قعد جمب مينا) مش ناوى تفوق بقا يا مينا عدى كام يوم اهوه كفايه بقا
احمد:يابنى وحشنا صوتك الله
محمد سعد: طب انا مضايق يا مينا وانت عارف انو مبعرفش احكى غير ليك علشان تنصحنى  ،،  اسمعنى وانصحنى بقا (بردو مينا ساكت)
ليث:(بهدوء)  ماينفعش اللي انت فيه ده  !  انا عارف إن الموضوع صعب عليك بس كل واحد ف الدنيا دي مبتلي وده إبتلاءك ف الدنيا وبإذن الله هيعوضك وهو فعلا ربنا  معوضك بعمو سعد وإخواتك  وطنط نيره وعوضك بينا كلنا..(مينا باصص ليث وظانر فى عيونه دموع  ،،  ليث كمل كلامه) يلا تجاوب معانا يامينا سيب الدموع تنزل ضدقنى هترتاح (بردو مينا ساكت وفى دموع حابسها بالعافيه  ،،  ليث لم زهق  بعصبيه بسيطه) إنت على فكرة ضعيف يامينا
محمد سراج:(بسرعه)ليث
ليث( مبصش لمحمد سراج وعينه فى عين مينا الى بص لليث  ،،  ليث كمل كلامه بعصبيه اكتر شويه) أها والله ضعيف علشان مش قادر تقاوم اللي انت فيه وترجع لحياتك ولينا وحابب سكوتك والعالم اللي دخلت نفسك فيه..
احمد:(قام بسرعه بخوف من عصبيه ليث)اهدا شويه ياليث
ليث:(زق احمد وبزعيف) بس بقا محدش يكلمنى (ورحع بص لمينا بعصبيعه) انت شكلك حابب انت قعدتك على السرير كده  المحاليل الى انت عايش عليها بتاكل بطلوع الروح  زى مايكون عيل صغير ( ليث مسكه من هدومه بزعيق) إنت سامعني سامعني يامينا إنت ضعيف وأنا عمري ماشوفتك بالضعف ده  وطول ما انت ساكت هتبقى ضعيف  حتته عيل صغير مش قادر يخرج من حزنه(ليث ماسك مينا من هدومه عمال يهز فيه  ومينا باصصله  بدموع وساكت ونفسه بقا عالى وسريه  ،،  كمل ليث كلامه بعصبيه) ده مش مينا اللي أنا أعرفه  فوق لنفسك بقي وإرحمنا وإرحم أبوك وأمك وإخواتك وصاحبك وإرحمني إنت عارف إني مابقدرش أشوف فيك أي حاجة مابالك باللي عامله ف نفسك ده..
فوق بقولك  ،،  مش هسيبك يامينا غير لما تبقي كويس وأنا ياأنت (بردو مينا حابس دموعه بالعافية  ،،  ليث بنرفزه وعصبيه رفع ايده وضرب مينا بالقلم وهو بيتكلم بعصبيه)يابنى فوق بقا (محمد سعد حط ايده على بوئه واحمد اتصدم ومحمد سراج. قام وقف مينا بص لليث بصدمه والدم نازل من شفته
..................................................................
ياترى ايه رده فعل مينا لو حابين تعرفو استنونا الحلقه الى  جايه
#hadeer
#hager
#rody