#اللقيط
#اللقيط_2
#جزء_من_حلقه_سابقه
خرج سعد لقى نيره واقفه على الباب كان مينا خرج سعد اخد نيره ودخلو المطبخ
نيره: كسرت الكاميرا ليه طالما هتجبله غيرها
سعد: فش غل بدل ما كنت اطلع فيه هو العصبيه
نيره: خف يا سعد شويه متنساش الى حصل زمان ومتنساش احنا كان ممكن نبقى فى ايه دلوقتى
سعد: مش ناسى يانيره سبينى بقا اطلع اغير
نيره: ماشى يا سعد ماشى (طلع سعد غير ونيره وقفت تكمل عمل الاكل )
#بدايه_الحلقه_الجديده
مرت السنين وكبرو الاطفال ودخلو المدارس والكليات
مينا قام الساعه سته على صوت المنبه فتح عينه
احمد:(بزهق) يوووم اطفو الزفت ده
مينا: الساعه 6 يلا اصحو
احمد: لا لسه شويه
مينا: يللا يا حمد قوم النهارده اول يوم الكليه (ولف لمحمد) اصحى يابنى قوم يلا علشان المدرسه
محمد سعد:(لف الناحيه التانيه) لسه حبه
مينا انا هدخل الحمام واطلع اصحيكو تانى (دخل مينا الحمام وبعد شويه طلع وفضل وراء اخواته لحد ما صحيو وجهزو التلاته وطلعو كان سعد صحى والبنات بيجهزو االفطار مع امهم بعد شويه اتجمعو الكل على الفطار
سعد: بدايه جديده وسنه جديده عليكو يارب ويوفقكو كده وتفضلو رافعين راسنا يارب
الكل : يارب
رنا: بابى هو باص المدرسه هيجى النهارده
محمد سعد: انا مش عايز اروح المدرسه فى الباص
سعد: اومال ايه عايز تروح مشى يعنى
محمد سعد: اه هروح مع اصحابى
سعد: (بص لمحمد بتنعيده) الباص هيجى هتروح مع اختك وترجع مع اختك سامع
محمد سعد: يا بابا
سعد: محمد انا مش عايز كلام كتير(وبص لاحمد) وانت ياحمد متتاخرش
احمد: حاضر يا بابا
سعد: هايدى خلى بالك من نفسك يا حبيبتى
هايدى: متقلقش يا بابا
سعد: مينا انا مش هوصيك
مينا: متقلقش يا بابا
نيره: كل سنه تعمل كده اول يوم
سعد: وهفضل اعمل كده لحد ما رنا تخلص اخر يوم ليها فى اخر سنه
نيره: ربنا يباركلنا فيهم يارب
مينا: ويخاليكو لينا ويبارك فى عمركو (وكملو اكلهم والباص جيه نزل محمد ورنا وبعدها هايدى ووميما احمد نزلو مع بعض )
.....................................................................................................
بعد ما نزلو الشباب عند نيره قاعده مع سعد بيتكلمو
سعد:(بتنهيده عاليه) وبعدين يا نيره انا مش عارف اعمل ايه
نيره:مش هسيبه يا سعد انا قلبى اتعلق بيه لو انت مش عايزو انا مستغناش عنه
سعد: انتى بتقولى ايه بس انا مستغناش عنه ابدا بس انا مش عارف اعمل ايه
نيره: خلاص ناخد ولادنا ونمشى مش هما مش عايزينو فى البيت ناخدوهم ونمشى
سعد: هنروح فين بس وهنعمل ايه
نيره: طب يعنى هتمشيه طب هو هيروح فين
سعد: مش هنمشيه طبعا ولا تجيبى سيره كلام قدامه
نيره:(بتفكير) ليه منروحش الشقه الى اتجوزنا فيها لسه موجوده ومينا جيه فيها وجبت احمد فيها وهايدى كمان
سعد: وتفتكرى ولادنا هيرضو
نيره: عنهم ما رضو يخبطو دماغهم فى الحيطه المهم انو مبعدش عننا ابدا
سعد: ربنا يسهليا نيره يمكن محدش يقولنا امشو
نيره: ماهما هيقولو ليه هو يمشى
سعد: يبقو بيقولولى امشى متقلقيش هو ابنى الى انا ربيته وتعبت فيه (نيره تنهدت ,, سعد بصلها وكمل كلامه) انا نازل الشركه ومتقلقيش
نيره: ماشى
سعد: يلا سلام
نيره: مع السلامه(ومشى سعد ونيره خايفه جدا من اهل جوزها)
...............................................................................................
فى المدرسه ظهرت دعاء داخله مستعجله شافت ليث جريت عليه
ليث:( بصلها ) ايه يابنتى الى أخرك كده
دعاء: (بنهجان) صحيت متأخر ,, هيا الحصه الاولى بدأت
ليث: لا لسه مافيش حصه اولى النهارده علشان لغبطو الفصول وبينادو كل فصل
دعاء: اومال انت واقف كده ليه
ليث: مستنيكى لم محمد قالى انك صحيتى وهو نازل
دعاء: اه الواطى صاحى من الساعه 6 ومدخلش صحانى وربنا لطلع عينه
ليث: ارحمى الواد شويه
دعاء: مش هرحمه
ليث: طب ما انا قعد ارن عليكى كتير
دعاء: منا نسيت الفون صامت
ليث: ماشى يا دعاء جدولك اهوه انا جبهولك
دعاء: ربنا يخاليك ليا يا ليث يارب
ليث: ويخاليكى ليا يا حبيبتى يارب انا عليا حصه دلوقتى هطلع بقا اشوف الدنيا فوق اخبارها ايه
دعاء: تمام وانا عروح اوضه المدرسين
ليث: تمام هشوقك فى البيت
دعاء: ماشى
ليث: يلا سلام
دعاء: سلام(وطلع ليث ودعاء راحت اوضه المدرسين)
.....................................................................................
عند مينا في الكليه راح علشان يشوف جدوله شاف شرين
مينا:(قرب من شرين) ازيك يا شرين عامله ايه
شرين: الحمد لله ازيك انت يامينا عامل ايه
مينا: الحمد لله تمام ناازله اول يوم علي غير العاده
شرين: اه قولت انزل اشوف الكليه واصحابى وحشوني اصلا وكمان اجيب الجدول بتاعي
مينا: وجبتي الجدول
شرين: مستنيه الدنيا تروق شويه وهدخل اجيبه
مينا: انا هدخل اجيبه ليا وليكي
شرين: متتعبش نفسك انا هبقي اجيبه
مينا: مافيش تعب ولا حاجه هدخل اجيبه (دخل مينا وقربو اصحاب شرين منها)
شذى: ايه يابنتي مش هتعترفي بقا
شرين: اعترف بايه
شذى: بالحب
شرين: حب ايه ياشذى بس ده صاحب اخواتي وانتي عارفه بابا بيحبه قد ايه
شذى: وانتي مابتحبوش
شرين: لا طبعا ده زى ليث ومحمد بالظبط
شذى:(بصت لشرين بخبث) طب انتي بتبصي جوه ليه
شرين: مافيش يلا نمشي (مشيت شرين ومينا طلع لاقها مشيت بصلها بتنهيده ونفخ وساب المكان ورتح لاصحابه)
.....................................................................................
عند ليث الي دخل فصل وكان موجود فيه محمد عباس ومحمد سعد
ليث: good morning
الطلاب: Good morning, teacher
ليث: Sit down
كل الطلاب قعدو
ليث: طبعا عارفين اني مدرس انجليزى ومبحبش الكلام الجانبي علشان محدش يزعل مني هنتعامل معاكو علي انكو كبار ومش صح اني امسك عصايا واعاقب زى الاطفال ,, كمان انا عايز الي اقول عليه يتحفظ يتحفظ مش علشان مدرسه هنعدى ومش هنسمع لا هسمع وعقابي وحش جدا وكتير منكو جرب الحصه دى حصه تعارف وهزار وهنبدا الجد من الحصه الى جايه ومش عايز هزار (وقعد يتكلم معاهم شويه تليفون ليث رن اثناء الحصه سابهم وخرج)
محمدسعد: ماتقول لخطيب اختك يرحم شويه
محمد عباس: مش هو صاحب اخوك قوله انت
محمد سعد: رنا المجنونه عايز تاخد درس عنده بقولها هيورم ايدك قالتي ده الفاشل الى زيك بس
محمد عباس: لا بجد خليها تروح ده ممتاز والله وهيخليها نبغه فيه
محمدسعد: بس هو مدرس ثانوى
محمد عباس: ممكن يوافق علشان اخوك (وبصله وضربه في دراعه) انت هتشغل دماغي ليه باختك واخوك انا مالي ياعم
مصطفي: محمد (الاتنين بصوله)
مصطفي: حفظتو العربي
محمدسعد: اه الحمد لله حفظتو امبارح
محمدعباس: حفظتو
مصطفي: ابقو غششوني لحسن انا اتمحي من دماغي المراجعه دى
محمدسعد ومحمد عباس:(بصو لبعض بصدمه) مراجعه
مصطفي: (بضحكه) مش هنضرب لوحدى (ليث دخل الفصل الكل سكت وكملو الحصه مع ليث)
......................................................................................................
نرجع لبيت سعد الى رجع بيته بعد الشغل دخل لامه الاول
(في بيت أهل سعد ظهر سعد وإخواته وأمه قاعدين بيتكلموا وسعد باين عليه الضيق والعصبية)
إبتهال(بضيق) تحب تقولي بقي هتعمل إي في مينا؟!
سعد(بإستغراب) هعمل إيه في إيه ياماما مش فاهم تقصدي إي!!
إبتهال(بضيق) لا فاهم ياسعد وماتنساش إني إتكلمت معاك في الموضوع ده قبل كده ونبهتك وحذرتك منه..
سعد(بضيق) نبهتيني من إيه وحذرتيني من إي!! ماما مينا ده إبني زيه زي أحمد وهايدي ومحمد ورنا كلهم عندي واحد ..
أنعام(بضيق) لا مش واحد ومينا مش إبنك بطلي توهم نفسك بحاجاات غريبة كده..
نعيمة(بإستفزاز) آه مش علشان مراتك كانت مش بتخلف وأخدتوه وربتوه يبقي إبنكم..
سعد(بضيق) لا إبننا وهو إبني البكري كمان وسبب بالخير علينا لأن نيرة قبل كده ماكانش فيه أمل تحمل خالص وبعد كده ربنا رزقنا بالأولاد ..
نعمة(بهدوء) كله بتدابير ربنا مش بوجود مينا ولاغيره ياسعد بطل تضحك على نفسك..
سعد(بصلها بزعل) حتى إنت يانعمة معاهم ..
نعمة(بصتله بزعل ودورت وشها الناحية التانية لأنها بتحب مينا وسعد جداً ومش موافقة أمها ولا إخواتها علي اللي بيعملوه بس هما أرغموها تقول كده)
سعد(بصلهم بجدية) الكلام اللي سمعته ده هعتبر نفسي ماسمعتوش وياريت ماتفتحهوش تاني!!
إبتهال(بضيق من إبنها) يبقي لو ماخرجتوش من البيت هنخرجه إحنا بمعرفتنا ..
سعد(بزعل) نفسي أعرف عملكم إي لكل ده ها ده أكتر واحد في العيال بيحبكم ومتعلق بيكم ..
أنعام(بإستفزاز) بس ف الأخر هيفضل مش إبنك ياسعد مش إبنك سامع بطل توهم نفسك علي طول بحاجات غلط ..
نعيمة(بجدية) تحب تقولي هايدي ورنا اللي كبروا دول إزاي هتقعدهم مع واحد غريب عنهم ..
سعد(بنرفزة) مينا إبني ومش غريب سامعين بطلوا بقي كلامكم اللي ينرفز ده ..
إبتهال(بعناد) بس ده بيتي وأنا اللي أقرر يكون له مكان وسطنا ولالا ياسعد سامع..
سعد(بجدية وقام وقف) وأنا من بكرة الصبح بإذن الله هكون خارج من الشقة وهشوف مكان تاني سلام
(خرج سعد من شقة أمه وسط زعله وحزنه منهم ومن كلامهم ونعمة بصت علي أمها وإخواتها بحُزن وزعل ودخلت الأوضة وسابتهم)
..............................................................................................................
فى المعهد عند محمد سعد ومحمد عباس
محمد سعد:(وهو فاتح المذكره) ينهار ابيض انا حاسس انو دماغى المعلومات بطير منها
محمد عباس: اه والله كأنها بتتمسح بأستيكه ينهار ابيض انا خايف
وائل: ماهو منبه اصلا الحصه الى فاتت وقايل الحصه الى جايه مراجعه
محمد سعد: نسينا
وائل: انا قولتلكو اكتبو فى المذكره من فوق قولتو مش هننسا
محمد عباس: خلاص ياعم وائل سبنا نركز بقا
وائل: ركزو بس يارب تلحقو
محمد سعد: لو سكت هنلحق اسكت بقا (وائل سكت ومحمد عباس ومحمد سعد رجعو يبصو فى مذكراتهم تانى ,, بعد ربع ساعه محمد سراج جيه ودخل الفصل وسلم عليهم وبدأ الحصه)
محمد سراج: ها وانتو بترجعو حاجه وقفت معاكو ( كلل طالب وقف معاه هاجه قال عليها وسراج جمعهم فى ورقه معاه ,,, محمد سراج كمل كلامه) خلاص اخر ربع ساعه من كل حصه هراجع على الاجزاء دى دلوقتى بقا اقفلو كل حاجه قدامكو ( قفلو كلهم المذكرات والكتب ,, محمد سراج كمل كلامه) مبدأيا الى هيغشش هينضرب خمس عصيان انو غششه + تكمله الامتحان)
اميره: هو التسميع يامستر من اول درس لحد ما احنا واقفين
محمد سراج: لا مش تسميع هو امتحان انا كنت عامل وقت نص ساعه بس من عندى هخليه ساعه بس الى هيجيب اقل من 18 من 20 هكمل عليه والامتحان اصلا سهل جدا ومش محتاج وقت اصلا ده للى مذاكر
وليد: طب ما تخليه الحصه الى جايه يا مستر
محمد سراج: لا الحصه دى (وبص لمحمد سعد) خد يا محمد وزرع الورق ده (محمد ورزع الورق ورجع قعد مكانه ,, يلا وقتكو هيبدأ دلوقتى ,, كل الطلاب بدأو انو يحلو الاسئله بعد الساعه بالظبط )
محمد سراج: كله يسيب القلم (كل الطلاب سابو القلم وفى منهم الى ابتسم من سهوله الامتحان وفى منهم الى قلقان وفى الى خايف محمد سراج لم الورق كله وبصلهم) اطلع اعلم الورق دلوقتى واعرفو الدرجات الحصه الى جايه بأذن الله بس الى هيجيب بعد 18 هعاقب (وطلع وسابهم)
محمد عباس:(بص لمحمد سعد) الامحتان مكنش سعل خالص
محمد سعد:(بصله) ربنا يستر (دخل بعده المدرس التانى الكل سكت وبدأ يخدو الحصه التانيه)
..................................................................................................................
(في بيت سعد ظهر وهو قاعد في الصالة وباين عليه الحزن وسرحان جت نيرة وقعدت جنبه)
نيرة(بإستغراب) سعد!!!! إنت جيت أمتي من عند مامتك ومالك قاعد كده ليه!!
سعد(بحزن باين علي صوته) مافيش يانيرة ماتقلقيش ..
نيرة(بقلق وقعدت جنبه) لا بجد مالك هتخبي عليا ياسعد قولي بقي مالك وزعلان كده ليه!!
سعد(بصلها وبيلف حواليه يشوف حد موجود) مينا والعيال فين!!
نيرة(بإستغراب) كلهم لسا برا لسا في الكليات والدروس بس مينا وأحمد نايمين ليه خير مالهم العيال!
سعد(بتنهيدة قلق) متأكدة مينا نايم!!
نيرة(بخوف) آها ياسعد ها بقي قولي فيه إي وماله مينا ..
(في الوقت ده مينا كان في الأوضة ولما سمع صوت باباه خرج علشان يسلم عليه ويقعد معاه خرج وسمعهم وهما بيتكلموا بصلهم بصدمة للي بيقولوه وفضل ساكت مكانه يسمعهم)
سعد(بتنهيدة وحزن) مافيش يانيرة بس روحتلهم النهاردة ولقيتهم بقي نازلين تحقيق وهتخلي مينا معاكم ف البيت وده مش إبنك وماينفعش تقعدوه معاكم والبنات كبرت وبأي حق تقعدوا معاك خلاص إنت كبرته وبقي يقدر يعتمد علي نفسه وكلام من اللي يحرق الدم ده..
نيرة(بدموع) يعني إي يعني!! ده إبني وأنا اللي مربياه ومالهومش حق يقولوا كده ..
سعد(بحزن) نيرة إهدي ياحبيبتي أنا عارف كل ده..
نيرة(بعصبية ودموع) لا مش ههدي ياسعد مش بعد 21سنة ولا 20 سنة أجي أقول لإبني بالسلامة خلاص على كده يعني إي يعني وبعدين القرار ف حاجة زي دي قرارنا إحنا وده إبننا زيه زي هايدي وأحمد ومحمد ورنا بل بالعكس مينا ده إبني البكري كمان..
سعد(بتنهيدة حزن) نيرة إهدي كده ممكن مينا يسمع إهدي كمان وبعدين أنا قولتلهم كل الكلام ده طبعاً قالولي إن لأختار مينا يقعد معانا لنطلع من البيت وطبعاً مينا إبني وماأقدرش أستغني عنه زيه زي أي حد من العيال ومن بكرة باذن الله هكلم يحيي أبوليث وأشوفه كده كان بيقول فيه شقة فاضية في العمارة عنده هكلمه يشوفهالي ولو متاحة ننقل من بكرة باذن الله هشوفه الأول علشان لو كده نبلغ الأولاد ..
نيرة(بدموع) ولو سألوا سبب نقلنا هنقولهم إي!!
سعد(وقام وقف وبجدية) مش لازم يعرفوا المهم إن إبني مايبعدش عني ..
نيرة(بدموع) أنا خايفة أوي وقلقانة ياسعد وخايفة لمينا يحس بحاجة وقتها مش عارفة ردة فعله هتكون إي!!
سعد(بجدية) مش هيعرف حاجة يانيرة ومش لازم يعرف وحاولي تتماسكي قدامهم وماتبينيش أي حاجة وبإذن الله كل حاجة هتبقي خير..
نيرة(بدموع) بإذن الله يارب يارب..
(سعد بصلها بتنهيدة حُزن وقام وقف ودخل أوضته ونيرة قامت ودخلت وراه وسط قلقها وخوفها وظهر مينا قاعد على سريره وباين عليه الصدمة والتوهان من الكلام اللي سمعه)
........................................................................................................
ياترى رده فعل مينا ايه بعد ما سمع الحديث بين نيره وسعد لوحابين تعرفو استنونا الهله الى جايه
#hadeer
#rody
#hager
