#اللقيط
#اللقيط_27
#بدايه_الحلقه_الجديده
انس:(بعصبيه) انت اتجننت يا ليث انت كنت هتموت الواد فى ايدك
محمد سراج:(بهدوء) ليث بجد عصبيتك دى متنفعش مع العيال اهاليهم مش هيسكتو واهل الواد ده لو سكتو على الى عملته فى ابنهم يبقى احمد ربنا
انس: انا عارف انو عمو يحيي غلطان بس بردو انت غلطان انا معرفش الى حصل من محمد سعد ومحمد عباس ايه اصلا ومعرفش انتو متغريين معاهم ليه بس اى كان الى عملوه والى بباك عمله مينفعش تطلع عصبيتك على حد
ليث: وهو بردو مينفعش يحرجنى كده فى وسط الدرس وقدام الطلبه
انس: مينفعش وعندك حق بس بردو كنت لازم تراعى انو محمد بجد باين عليه التعب
ليث:(بص لانس بعصييه) انت مش اشتكيت منه ومن اهماله وانت يا محمد مش قولت انو مبقاش مركز انا عاوزه يرجع زى الاول
انس: طب ممكن تهدا بقا شويه (طلع طالب من جوه الاوضه اسمه مصطفى قرب منهم
مصطفى:(قرب من ليث) مستر انا عارف انى مقصر بس بالله عليك متقولش لبابا والله هيموتنى انا والله هذاكر (بعياط) بلاش بابا يعرف والنبى
انس: خلاص يا مصطفى هو مش هيقول لحد
محمد سراج: بس مش هنسكت على الاهمال ده كتير ارجع زى زمان علشان منشتكيش لابوك
مصطفى: حاضر(وبص لليث) مش زعلان منى يامستر
ليث:(بصله) لا مش زعلان وانت كمان متزعلش انا خايف عليكم وعلى مستقبلكم ومصلحتكم يلا ادخل اغسل وشك وروح
مصطفى: شكرا يا مستر
ليث:(طبطب على ظهره) يلا روح
انس: مش هتقولولى العيال دى عملت ايه (محمد سراج وليث بصو لبعض وسكتو وانس بصلهم الاتنين وتنهد بهدوء وقامو التلاته قفلو الانوار وطلع مصطفى مشي وليث قفل المعهد ومشيو التلاته كمان
~~~~~~~~~~~~~~~~~~~~~~~~~~~~~~~~~~~~~
تانى يوم فى الكليه عند مينا ومحمد شاهين قاعدين فى الكفاتريا
محمد. شاهين:(بزهق) اووووف اليوم النهارده طويل جدا ،، هروح اجيب حاجه من الكانتين اجبلك ايه
مينا: لا متجبليش انا مش جعان
محمد شاهين: لا طبعا انت بتقول ايه بقولك اليوم طويل ومعندناش وقت فاضي علشان تاكل فيه
مينا: ماهو انا مش جعان
محمد شاهين: مافيش الكلام ده
مينا: اهلص يا محمد روح هات الى انت عايزو
محمد شاهين: هجبلك والله وهتاكل معايا (راح محمد شاهين يجيب اكل ورجع تاني مينا سند دماغه على الترابيزه الى قدامه ،، محمد قعد وساب الاكل على الترابيزه وحط ايده على ايد مينا) مينا ،، مينا انت كويس
مينا: ايوه كويس يلا خلص علشان نطلع
محمد شاهين: جبتلك اكل على فكره
مينا: يامحمد انا مش هاكل
محمد شاهين: والله هتاكل وانا والله ماهاكل من غيرك وانا دايخ ونزلت كمان من غير فطار
مينا: يابنى اقعد بقا
محمد شاهين:(بعند) مش هاكل من غيرك يامينا
مينا:(اخد سندوتش)طب كل.يلا (واكل لقمه علشان محمد ياكل (مينا اكل سندوتش واحدبس وشرب شاى وشاهين اكل اكله وهو حزين على مينا واخدو حاجتهم وطلعو المحاضره
~~~~~~~~~~~~~~~~~~~~~~~~~~~~~~~~~~~~~~
بالليل عند أنس فـي البيت ظهر معاه محمدسعد ومحمدعباس بيراحع معاهم اللي مش فاهمينه بس كانوا ساكتين وباين عليهم الحزن جداً )
أنس:(خلص شرح وحط القلم وبصلهم) ها كده فهمتوا ولالا ؟!
محمدعباس:(بهدوء) فهمنا يامستر الحمدالله ..
أنس:(بص لمحمدسعد بتساؤل) وإنت يامحمد فهمت ولاأعيدها تانـي؟!
محمدسعد:(بهدوء وتعب باين ف صوته) فهمت يامستر..
أنس:(بقلق) مالك إنت تعبت تانـي ولاإيه!!
محمدعباس:(بحزن وقلق) حرارته مش بتنزل أصلاً يامستر خالص لو نزلت ساعة ساعتين وتعلي تانـي بس هو اللي مش راضي يقعد من الدروس..
أنس:(بتساؤل) ليه يامحمد بدل إنت تعبان أقعد ..
محمدسعد:(بتعب وحزن) لا علشان مايفوتنيش حاجة وكمان مستر ليث ومستر محمد مش هيوافقوا ..
محمدعباس:(بحزن) مستر ينفع نتكلم مع حضرتك شوية بس توعدنا ماتتعصب ولاتبعد عننا زي مستر ليث ومحمد ..
أنس:(بصلهم بهدوء) أوعدكم وبعدين أصلاً كنت عاوز أتكلم معاكم شوية بخصوص قالبة ليث عليكم وتجاهل سراج ..
محمدسعد:(بدموع سبقت كلامه) هنحكيلك يامستر..
(بدأ محمدسعد يحكي لأنس من أول الحكاية خالص من وقت ماإتعرفوا على الشلة دي لحد عقابهم من ليث بعد ماأخدهم من المركز وإكتشافه إنهم بيشربوا سجاير وسط هدوء أنس وتركيزه معاهم)
محمدعباس:(كمل بدموع) بس يامستر ومن وقتها داخلين ف الأسبوع أهو ومستر ليث بيعاملنا وحش وبيضربنا على الصغيرة قبل الكبيرة وكملت بإن مستر سراج كمان يقاطعنا ..
أنس:(بهدوء) عاوزين الحقيقة إنتم غلطانين وآها ليث وسراج كانوا شداد ف عقابهم بس ده مايمنعش أنكم غلطانين..
محمدسعد:(بصله بعياط) أيوة غلطانين بس دي أول مرة نغلط يامستر المفروض ينصحونا هو أحنا آها مش صغيرين وعارفين الصح والغلط بس كلنا بنغلط يامستر مافيش حد معصوم من الغلط يعني وبعدين يعاقبونا ويضربونا مش يتجاهلونا ونبقي ولاكأننا موجودين كدهه ..
محمدعباس:(بعياط)والله يامستر الضرب اللي أخدناه من مستر ليث على صعوبيته ووجعه عندنا أهون من مقاطعتهم لينا دي قولهم يامستر بالله عليك ..
أنس:(بصلهم بحزن وراح قعد بينهم الإتنين وحط إيديه علي أكتافهم) إهدوا طيب فيه إيه مافيش رجالة بتعيط كدهه خلاص كل حاجة هتتحل وتبقي تمام بإذن الله وبعدين والله ليث وسراج زعلانين على بعدكم ده جداً بس هما بنظرهم إنهم كده بيعاقبوكم على اللي عملتوه ..
محمدسعد:(بتعب وحزن وعياط) ومش هما بس اللي بيعاقبونا ده وأحمد أخويا كمان بيعاقبنا ..
محمدعباس:(بحزن وعياط) يعتبر مينا بس اللي بيكلمنا والباقـي بيتجنبوا حتي وجودنا لحد ماتعبنا والله يامستر ومش متحملين كل اللي بيحصل ده والله ..
أنس:(بتنهيدة حُزن) طيب خلاص إهدوا وأنا هتكلم معاهم والله ماتقلقوش إنتوا (وبص لمحمدسعد اللي مغمض عينه وساند دماغه علي إيده) محمد إنت كويس..
محمدسعد:(بتعب وصوت ضعيف) ك كويس يامستر (ورفع دماغه وبص لأنس بتعب وخوف) مستر حقنة طويل المفعول معادها النهاردة إعطهانـي..
أنس:(بإستغراب) ودكتور يحيي مش بيعطهالك ..
محمدسعد:(بتعب وعياط) مش عاوز أنزل ومستر محمد تحت مش هستحمل تجاهل منه..
أنس:(بتنهيدة حزن) طيب قوم إغسل وشك بس لإن جسمك سخن جداً قوم يللاا ..
محمدسعد:(بدموع وتعب) مش عاوز أنا كويس إعطهانـي بس يامستر علشان أنزل مش قادر أقعد ..
أنس:(بص لمحمدعباس بجدية) خدوا يغسل وشه يامحمد يلا بستناكم أهو ..
(محمدعباس قام مسك إيد محمدسعد ودخلوا الحمام ساعده يغسل وشه وخرجوا أنس بصلهم وأخد من محمد الحقنة وسط تعبه وخوفه)
أنس:(بيبصله بهدوء) ماتخافش يامحمد شكة وتخلص بإذن الله ماشي ..
محمدسعد:(بصله بتعب وهدوء ودموع) عادي يامستر كل حاجة بتوجع ماجاتش علي دي يعني..
أنس:(بصله بحزن وهو بيجهز الحقنة) كل حاجة هتبقي تمام بإذن الله ماتقلقوش ..
محمدعباس:(بدموع) بإذن الله يامستر
أنس:(خلص تجهيز الحقنة وبص لمحمد بهدوء) يلا يامحمد الحقنة خلصت..
(محمدسعد بصله بخوف ودموع وقام وقف ومحمدعباس قام وقف معاه ومسك إيده يطمنه أنس قرب منهم وبدأ يعطي لمحمد الحقنة وسط توجعاته اللي كاتمها وضغط على إيد محمدعباس جامد وغمض عينه وأنس مستغرب هدوءه لأن دي أول مرة يبقي كده وهو بيخاف من الحقن)
أنس:(خلص وشال السن ودلك مكانها شوية وبصله بهدوء) خلاص خلصت بالشفا يارب نزل رجلك علي الأرض يلاا وحركها علشان ماتقفش عليك..
(محمدسعد بصله بدموع مغرقة وشه وتعب باين علي ملامحه وهز رأسه بمعني مش عارف يحركها أنس راحله وحضنه مجرد ماحضنه محمد قعد يعيط)
محمدسعد:(بعياط) أنا تعبت يامستر والله تعبت من معاملة مستر ليث وتجاهل مستر محمد وأحمد أخويا وتعبت من العلاج وتعبت من كل حاجة والله..
(أنس أخده فـي حضنه يهديه وبص محمدعباس اللي بيعيط هو كمان وأخده فـي حضنه وقعد يكلمهم ويهدي فيهم لحد ماهدوا)
أنس:(بإبتسامة) ها بقيتوا كويسين الوقتي!!
محمدعباس ومحمدسعد:(بصوله بهدوء ودموع) الحمدلله ..
أنس:(بصلهم بهدوء وإبتسامة) بإذن الله كل حاجة هتبقي تمام وهيرجعوا يكلموكم وتزهقوهم فـي عيشتهم تانـي ماتزعلوش تانـي بقي إتفقنا؟! (بصوله بهدوء وهزوا رأسهم بمعني ماشي وسكتوا كمل أنس كلامه بإبتسامة) يلا إنزلوا علشان مايقلقوش عليكم وكمان ترتاح يامحمد لأن شكلك تعبان جداً ..
(مشي محمدسعد ومحمدعباس وأنس وصلهم لحد الباب بعد ما إطمن على محمد وهو بيبص عليهم بتنهيدة حُزن)
~~~~~~~~~~~~~~~~~~~~~~~~~~~~~~~~~~~~~~~
بالليل بعد الدرس عند محمد عباس الى قاعد فى اوضته دخلت دعاء وقعدت جمبه
دعاء:(بصتله بحب) عامل ايه ياحبيبى
محمد عباس: الحمد لله
دعاء: بتذاكر ايه
محمد عباس:رياضه
دعاء: بتفهمو من المدرس الجديد
محمد عباس: اه بنفهم
دعاء: هو انت زعلان منى يا محمد
محمد عباس: لا مش زعلان
دعاء: اومال مالك
محمد عباس: مستغرب بس
دعاء: مستغرب ايه
محمد عباس:(بصلها) من امتى الحنيه دى ولا هو علشان جوزك معاقب لازم انتى تحنى
دعاء: ايه الكلام ده يعنى انت عمرك ما شوفت منى حنيه
محمد عباس: لا طبعا شوفت كتير بس القسوه كانت اكتر
دعاء:(بدموع) انت شايفنى قاسيه كده يا محمد
محمد عباس:(بعياط) يعنى عامله نفسك متعرفيش الى عملو فينا
دعاء:(بصدمه من اتهام اخوها وبدموع) اعرف ،،، هو انا لو اعرف كنت سبتله البيت ومشيت وسبته يعمل كده فيكو ،،، كنت هسمحلو يلمسك او يلمس محمد سعد وهو لسه واخد الحقنه انت شايفنى وحشه كده يامحمد (محمد سكت ،، دعاء كملت كلامها) والله ما كنت اعرف حاجه اقسم بالله ما اعرف انا لم روحت عند ماما علشان كان وحشنى انى اقعد مع ولادى التلاته بس لو كنت اعرف انو هيعمل كده مكنتش مشيت وكنت منعته اصلا (بزعل وحزن) تفكر فى اختك كده اخص عليك يا محمد والله زعلت منك
محمد عباس:(بعياط) انا كمان زعلان من نفسي انى زعلت اقرب ناس ليا زعلت اكتر ناس بحبها
دعاء:(اخدت اخوها فى حضنها) طب خلاص اهدا خلاص والله بقا هيكلمك تانى انت عارف انو قلبه طيب اهدا بقا علشان خاطرى (وفضلت تهدى فيه لحد ماهدا خالص وسابته يرتاح وخرجت من الاوضه دخلت المطبخ)
~~~~~~~~~~~~~~~~~~~~~~~~~~~~~~~~~~
عند كارمن ومحمد شاهين
محمد شاهين:(بص لكارمن) كارمن انتى تعرفى حاحه عن احمد
كارمن: لا يا محمد معرفش حاجه
محمد شاهين: يعنى مببتكلموش خالص
كارمن:(بتوتر) كل فين وفين وبقاله فتره مكلمنيش ،، فى حاجه ولا ايه
محمد شاهين: حاسس انو مينا فيه حاجه مش عاوز يحكى وبيقول انو كويس بس انا مش حاسس كده وشايف عكس كده
كارمن: ليه بتقول كده
محمد شاهين: ساكت ديما وفى حزن فى عينه مش مينا الى اعرفه
كارمن: يمكن محمد تعبان
محمد شاهين: محمد طول عمره تعبان زى مينا ما طول عمره تعبان بس بردو مكنش كده فى حاجه تانيه
كارمن: لو عرفت حاجه اكيد هقولك يا محمد
محمد شاهين: ماشي انتى كنتى بتعملى ايه
كارمن:(بكسوف) بعمل ميكب علشان عاوزه اتصور
محمد شاهين:(بضحكه غصب عنه) والله البنات دول يتمكيجو ويتظبطو ويلبسو احسن حاجه عندهم علشان يتصورو ويقلعو كل ده ويغيرو ويقعدو يعيطو
كارمن: نفسيا بقا يا بنى حبه فرفشه وحبه كأبه
محمد شاهين: فى اقل من ساعه
كارمن: اقل من فنيتو ثانيه المود بيتغير
محمد شاهين: الحمد لله انى ولد والحمد لله الذى عفا الولاد من هذا
كارمن:(بضحكه) طب يلا بره بقا علشان انت معطلنى
محمد شاهين: معطل الميكب ارتست بلا نيله وجرى بره لم كارمن قامت وهيا ماسكه مخده كارمن ابتسمت ورجعت للى كانت بتعمله
~~~~~~~~~~~~~~~~~~~~~~~~~~~~~~~~~~~~~~~~
عند مينا الى قاعد على مكتبه وكل شويه يقوم يشوف محمد ويغير الفوطه الى كانت على دماغه علشان السخونيه ,, مينا قاعد على مكتبه وفجأ سمع صوت محمد بكلام مش مفهوم
مينا:( قام بسرعه وراح لمحمد بسرعه وحط ايده على وشه ) ينهار اسود انت سخنت ليه كده ,, محمد ,, محمد (محمد مردش عليه وعمال يخرف بكلام مش مفهوم ,, مينا قام بسرعه وراح لمامته المطبخ وباين عليه القلق والخوف) ماما
نيره:(بصتله بخوف) فى ايه
مينا:(بقلق) محمد سخن جدا يا ماما انا مش عارف اعمله ايه
نيره:(بصتله بخوف) انا هروح اشوفه ,, فى ميه فى الفريزر حطها فى طبق وهات فوطه نظيفه من جوه
مينا:( بقلق) ماشى يا ماما (راحت نيره لمحمد ومينا عمل الى ما مته قالت عليه
نيره: (حطت ايدها على وش محمد وبصت لاحمد) اخوك سخن امتى
احمد:( بتوتر) معرفش يا ماما انا لسه جاي من بره
مينا:(جيه ومعاه ميه وطبق والفوطه واداها لمامته وجم البنات وفضلو يعملوه كمدات ) وبعدين يا ماما السخونيه مبتنزلش
نيره: (بدموع) انا سيباه كويس ايه الى حصله
مينا: مش عارف
رنا: (بدموع) كلم عمو يحيي
مينا: مش موجو حاليا فى العياده
هايدى: طب ما تتصل بيه
مينا: انا هكلم انس وخلاص
هايدى: وانس هيعمل ايه
مينا: هديله علاجه وخلاص (وطلع موبايله وكلم انس ) ايوه يا انس
انس: فى ايه يا مينا
مينا: محمد تعبان قوىى تعالا شوفه
انس: كان كويس يا مينا فى ايه ايه الى حصله
مينا: معرفش انزل شوفه
انس: ماشى يا مينا انازل اهوه (شويه ونزل انس وقرب من محمد وشافه )
نيره:(بصت لانس) وبعدين يا انس انا بقالى اكتر من ساعه بعمله كمدات
انس: لسه اخده حقنه طوال المفعول من شويه مش هعرف اديله حقن تانيه
هايدى: السخونيه مبتنزلش يا مستر هنسيبه كده
انس: هنزود التلج فى الميه شويه وهنحط فى امكان متفرقه من جسمه وشيلو الغطا من عليه ( انس شال الغطا ونيره قامت من جمبه انس قعد مكانها وبصلها ) لو سمحتى يا طنط عايز كذا فوطه وطبق كبير شويه ( نيره جا بتله الى هو عايزه وانس حط فوطه على دماغ محمد وعلى رقبته من التاحيتين وتحت باطه وعلى رجله وكل شويه يغير الفوط وعدى نص ساعه على كده كمان محمد بدأ يفتح عينه بتعب
محمد سعد:(بص لامه وبتعب وصوت مش طالع) غطينى يا ماما والنبى سقعان قووى
انس : معلشى يا محمد علشان السخونيه تنزل (واستنو شويه كمان وانس قاس الحراره )
نيره: ها نزلت
انس: 39
نيره: هيا اه نزلت بس لسه عاليه
مينا: والعمل يا انس
انس:(بص لمحمد بزعل وبص لمينا) هات علاجه يا محمد
محمد سعد:(بص لانس بدموع وتعب) لا والنبى انا رجلى وجعانى والله
انس: حقنه السخونيه مبتوجعش
محمد سعد:(بتعب) بس انا جسمى وجعنى
هايدى:(بصت لرنا) تعالى يا رنا على ما ياخد علاجه (خرجو البنات ونيره قعدت جمب محمد ومسكت ايده بحنان) متخفش يا حبيبى علشان تخف والسخونيه دى تنزل شويه لف على جمبك يلا (محمد بصلها بدموع مينا قرب من محمد وساعده ينام على جمبه وانس قرب منهم وبدأ يضرب الحقنه )
محمد سعد:(بتعب ودموع ووجع) آآآآآآآآآآآآآآه آآآآآآآآآآه كفايه يا مستر والبنى
انس:( شال سن الابره ودلك مكانها شويه) خلاص يا محمد انا شلتها من بدرى (محمد نام على ظهره تانى وكملو بالكمدات شويه والسخونيه نزلت ونيره كانت خرجت من الاوضه ومحمد راح فى النوم ,, انس كمل كلامه بهمس) انا هطلع علشان يرتاح ولو فى اى حاجه كلمنى
مينا: شكرا يا انس
انس: محمد انا بعتبره اخويا متشكرنيش تصبح على خير
مينا: وانت بخير (وطلع انس مينا بص لاحمد بعتاب ولوم وكمل كلامه) يارب تكون ارتحت لم نام هوه والسرير حته واحده نام وارتاح بقا (وسابه وراح قعد جمب محمد واحمد قعد عى سرير وكل شويه يبص على محمد بخوف وقلق)
~~~~~~~~~~~~~~~~~~~~~~~~~~~~~~~~~~~~
عند دعاء الى دخلت الاوضه لمحمد عباس الى كان بيقفل الشنطه بتاعته
دعاء:(بزعل) مصمم انك تمشي بردو
محمدعباس: معلشي يا دعاء بس انا مخنوق هنا وعاوز امشي
دعاء: برحتك يا محمد اهم حاجه عندى تبقى مرتاح
محمد عباس: متزعليش من الكلام الى قولته انا اسف
دعاء: لا يا حبيبى والله مش زعلانه وانت متكنش زعلان
محمد عباس: لا مش زعلان والله (دخل عليهم ليث
ليث:(بص لدعاء) روحى شوفى العيال يا دعاء
دعاء: ليث
ليث: يلا يا دعاء (دعاء تنهدت وبصت لمحمد الى بيبصلها بترجى انها متمشيش بس خرجت من الاوضه ،، ليث بص لمحمد عباس الى بيبصله بخوف ورعب) هترجع البيت هتلاقينى عندك فى اى وقت هتلاقينى بفتش اوضتك ولو لمحت سجاره معاك قسما بالله لاعرف ابوك على كل حاجه ،، مش معنى انك هتمشي مش تحت عينى مش هعرف تحركاتك اتقى شرى احسن لك انا ماقولتش لابوك الى انا وانت عارفين انو لو عرف هيعمل ايه والى عملته مش نيجى نقطه فى الى هيعمله سامعنى (محمد عباس هز راسه بخوف ورعب يلا علشان اوصلك
محمد عباس:(بخوف) هروح لوحدي
ليث: مش مستأمنك بصراحه وبعدين انت سمعت انا قولت ايه اخلص خمس دقائق وتخلص
محمد عباس:(برعب) حاضر (وخرج ليث من الاوضه)
دعاء:( بترجى) قولى ياليث فى ايه مخبيه عنى هتقول لبابا ايه لو عمله تانى
ليث: لو اهمل فى مذاكرته تانى
دعاء: محمد بيذاكر مش فاكر الى حصل
(🎬 #فلاش_باك 🎬)
(عند ليث اللي قاعد مع دعاء ومحمدعباس قاعد بعيد بيحل ويذاكر إنجليزي وليث عينه عليه)
دعاء:(بصت لمحمدعباس بتنهيدة) يابني ماتسيب بقي الكتب دي وقوم علشان تأكل حاجة إنت هتفضل من غير أكل لحد أمتي يعني!!
محمدعباس:(بص لليث بخوف ورجع بص لدعاء وبهدوء) مش جعان الوقتي..
دعاء:(بصت لليث بجدية) ماتقوله حاجة ياليث ..
ليث:(بصله شوية ورجع بص لدعاء بهدوء) هو حُر اللي بيأكل علي ضرسه بينفع نفسه زي مابيقولوا ..
(دعاء لسا هترد عليه قطع كلامها رن جرس الشقة لسا قايمة تفتح ليث بصلها)
ليث:(بهدوء) روحي إنت إلبسي حاجة الأول ده محمد أخويا ..
(دعاء هزت رأسها بمعني ماشي ودخلت الأوضة وليث قام يفتح الباب شوية ودخل محمدسراج وقعد جنب محمدعباس وليث قفل الباب ودخل وراه)
محمدسراج:(بإتسامة وهزار) خد ياعم الحاجات اللي إنت عاوزها أهي جيبتهالك من المعهد بشتغل عندك أنا..
ليث:(بإبتسامة) شكراً ياسيدي..
محمدسراج:(بص لمحمدعباس بضحكة) إيه ياولاد الشطارة دي بيبقي شكلكم حلو وإنتو بتذاكروا كدهه بس إنت قاعد كده وكأنك فـي تأديب..
ليث:(بص لمحمدعباس بتوعد) ماهو فعلاً تأديب ولسا مشوارهم طويل معايا بإذن الله..
محمدسراج:(بتساؤل) نفسي أعرف عملوا إيه لقلبتك دي عمرها ماحصلت وعاملتهم كده..
ليث:(بعصبية بسيطة) عملهم إسود ومهبب على دماغهم إن شااء الله ..
محمدسراح:(بإستغراب عصبية ليث) طيب عملوا إيه طيب واحد هنا ميت ع نفسه من الرعب وواحد تحت تعبان ومش حاسس باللي حواليه..
دعاء:(خرجت من الأوضة) متحاولش زهقت أسأله ومافيش أي إجابة ياريت لو عرفت تعرفـني..
محمدسراج:(بصلها بإبتسامة) إزيك يادعاء..
دعاء:(قعدت جنب ليث وبصتله) الحمدلله يامحمد إزيك إنت..
محمدسراج:(بهدوء) الحمدلله بخير (وبص لليث بتساؤل) ها يابني عملوا إيه لكل إيه!!
ليث:(بهدوء) ماتشغلش بالك المهم الزفت التاني اللي تحت ده عامل إيه!!
محمدسراج:(بهدوء) اللي تحت اللى بتقول عليه ده مش حاسس بالدنيا واللي فيها من السخونية اللي عنده ومافيش أي حقن بيأخذها بتنزل الحرارة ..
ليث:(بتساؤل) بيأخذ علاجه ولا بيرفضه!
محمدسراج:(بهدوء) هو فيه حيل يرفض يابني ده بابا قبل مايسافر وصي هشام وأحمد بيقولـي طلع وإعطاه علاجه وكان فـي دنيا تانية..
(محمدعباس بصله بدموع بسبب حزنه وخوفه على صاحبه ليث بصله بهدوء مجرد ماعينهم جت ف عين بعض محمدعباس بص للكتاب تـانـي وسط إستغراب وإندهاش دعاء ومحمدسراج)
ليث:(بتنهيدة) ربنا يشفيه..
محمدسراج:(بإستغراب وتساؤل) بس طالما قلقان عليه كدهه مابتنزلش تطمن عليه ليه!!
ليث:(بهدوء) عادي يعني بعدين م أنا بطمن عليه منك ..
محمدسراج:(قام وقف) ربنا يصلح الحال ده والله لإنـي دماغي لفت ومش عارف عملوا إيه العيال دي لكل ده مستحيل يكون تقصير منهم زي مابتقول..
ليث:(بتجاهل للكلام وبصله) ماتقعد يابني وقفت ليه!!
محمدسراج:(بإبتسامة) لا هنزل بقي كفاية كده يلا سلام..
ليث ودعاء:(بهدوء) سلام
(مشي محمدسراج وليث تنهد بحزن ودعاء بتبص عليه شوية وترجع تبص لأخوها وهيا محتارة ومش عارفة تعمل إيه قطع تفكيرها مع نفسها صوت ليث)
ليث:(بص لمحمدعباس بهدوء وجدية) سيب الكُتب دي وقوم كُل إخلص..
محمدعباس:(بخوف وتوتر) م مش ع عاوز ماليش نفس..
ليث:(بجدية) ماطلبتش رأيك قوم يلاا كُل ومش عاوز نقاس سامع؟!
محمدعباس:(بخوف) حاضر ..
ليث:(بص لدعاء بإبتسامة) قومي يادودو إعمليله أكل يأكل وأنا هقوم أريح ف الأوضة شوية..
دعاء:(بإبتسامة) حاضر
(مشي ليث دخل الأوضة يرتاح شوية وسط حزنه على محمدعباس ومحمدسعد وتعبه ودعاء أخدت أخوها من إيديها ودخلته المطبخ قعدته معاها لحد ماتعمله أكل يأكل) (🎬 #نرجع_للواقع 🎬)
دعاء: اظن اخوك عرف هما عملو ايه لانه قلب عليهم بردو
ليث: مافيش حاجه يا دعاء خلاص بقا (محمد عباس خرج من الاوضه وقرب منهم
دعاء:(بصتلهم بجديه) مش عاوزه اعرف عملو ايه بس بس لم اعرف تاكد انى هزعل منكو جدا انكو بتخبو تنى (وسابتهم ودخلت. ليث بص لمحمد عباس بتنهيده وسابه وطلع محمد عباس تنهد وطلع هو كمان مشي مع ليث
~~~~~~~~~~~~~~~~~~~~~~~~~~~~~~~~~~~~
تانى يوم فى المدرسه عند محمد سعد ومحمد عباس وليث فى الفصل
ليث:(بص لمحمد سعد بجديه) محفظتش ليه (محمد سعد بصله بتعب باين عليه ومردتش ،، كمل ليث كلامه بعصبيه وبصوت عالى) انا لم اكلمك ترد عليا محفظتش ليه
محمد سعد:(بتعب) معرفنش والله احفظ
ليث:(بتريقه) ليه نغه مش عارف تحفظ لسه برياله علشان متحفظش (محمد سكت بدموع واحراج ،، ليث كمل كلامه) انت خبت ،، خبت قوى وانا هرجعك زى زمان واحسن ،، محمد عباس قاعد هيموت علشان صاحبه ،، ليث كمل كلامه): افتح ايدك (محمد سعد فتح ايده وليث رفع العصايه وقبل ما ينزل محمد عباس بص لمحمد سعد وقام وقف وحط ايده على ايد محمد سعد واخد العصايه مكانه
محمد عباس:( حس انو روحه بتتسحب وبان على وشه الوجع وبص لليث) هو كان تعبان ومازال السخونيه مبتنزلش خالص معرفش يحفظ
ليث:(ببرود) ماليش دعوه وميتكررش الى حصل ده سامع (وبص لمحمد سعد) وعلشان الى حصل ده هزود عقابك افتح ايدك
محمد عباس:(مسك ايد محمد سعد مخلاهوش يفتحها) مش هينضرب وهو كده انا هنضرب مكانه
ليث؛ ليه عينك محامى عنه
محمد عباس: لا بس مش هسيبه ينضري وهو كده
ليث:(بصله) هو العقاب كام عصايه
محمد عباس:(بثبات) 4
ليث: امممم بس لو انت الى هتنضرب مكانه هيضاعف العقاب 3 مرات
محمد عباس:(فتح ايده) مستعد بس خلى محمد يقعد (بنظره ترجى) لو سمحت يا مستر
محمد سعد:(بتعب) انا هتنضرب يامستر متسمعش كلامه
محمد عباس:(بص لمحمد سعد) مش هسمحلك
ليث:(بعصبيه) انتو هتتعزمو على بعض
محمد عباس:(فتح ايده) انا ايدى اهيه يامستر (ليث رفع العصايه ونزل على ايده بسرعه ،، محمد عباس اخد نفسه بشهقه من شده الضربه
ليث:(بتحدى) هتكمل (محمد عباس معرفش يرد عليه فتح ايده التانيه برعشه وحابس دموعه بالعافيه ،، ليث ضربه التالته بنفس القوه محمد عباس دموعه نزلت من وجع الضربات
محمد سعد:(فتح ايده) لو سمحت يامستر كفايه كده انا هكمل
محمد عباس:(زق ايد محمد سعد بعصبيه ومن شده تعب محمد وقع على المقعد ،، محمد عباس فتح ايده واخد العصايه الرابعه ، كمل كلامه بوجع) ااه (واستنى كام ثوانى وفتح ايده ليث بص لايده الى ازرقت مكان العصايتين
ليث:(بص لمحمد عباس الى دموعه على خده وبص لمحمد سعد الى دموعه على خده زعل على صاحبه الى انضرب مكانه بصلهم بجديه) انزل اغسل ايدك
محمد عباس:( بدموع) انا مستعد اكمل
ليث:(بجديه) سمعت انا قولت ايه اخلص مش عاوز كلام كتير اتفضل وخد صاحبك يغسل وشه (محمد عباس اخد محمد سعد ونزلو على السلم
محمد سعد:(بص لمحمد عباس بعياط) ليه عملت كده ليه انضربت مكانى
محمد عباس:(بدموع) وكنت هسيبك تنضرب وانت كده ازاى
محمد سعد: وانت ايه ذنبك انت ايدك تزرق كدن
محمد عباس: ذنبى انى صاحبك انى لازم اشيل عنك ومش عسمح لحد يأذيك حتى على حساب نفسي
محمد سعد:(بعصبيه) ليه بيعمل معانا كده هو عارف انى تعبان والله مقدرتش احفظ حاولت ومعرفتش وهو كان مع ابوه امبارح وهو بيدينى الحقن ليه مش راحمنى والله انا تعبت هيفضلو يعقبونا لحد امتى انا تعبت جدا مش قارد استحمل يارب بقا
محمد عباس:(بدموع من كلام صاحبه واخده فى حضنه) اهدا علشان خاطر ى وتعالى اغسل ايدى واغسل وشك لانك سخن جدا يلا علشان منتاخرش ويتكلم يلا (ونزلو الشباب. ظهر ليث كان سامع كلامهم مع بعض تنهد بصوت عالى ودخل الفصل تانى محمد عبوس ومحمد سعد طلعو ودخلو الحصه محمد سعد سند دماغه على الدرج وليث سابه وبدا يشرح وسط تركيز الكل
~~~~~~~~~~~~~~~~~~~~~~~~~~~~~~~~~
(ف المعهد ظهر محمدسراج وليث قاعداين وقاعد معاهم أنس اللي ساكت غير كل مرة وكأنه عاوزة يقول حاجة)
محمدسراج:(بضحكة) مالك يا أنوس ساكت ليه!!
أنس:(بصلهم الإتنين وبجدية) عاوز أتكلم معاكم ف حاجة..
ليث:(بإستغراب) ماتتكلم ياأنس إنت لسا هتستأذن فيه إيه يابني خير قلقتني!!
أنس:(بصلهم بتنهيدة) محمدعباس ومحمدسعد مش ناوين تسامحوهم وتكلموهم؟!
ليث:(بضيق) وإيه اللي جاب الموضوع ده ف دماغك الوقتي عادي يعني وقت م أحس إنـي عاوز أكلمهم أكيد هكلمهم..
أنس:(بجدية) ليه كل ده يعني عملوا إيه للمعاملة دي شباب زي أي شباب ف سنهم ده بيغلطوا المفروض نحتويهم مش نرميهم ف النار لا وكمان نعاملهم وحش وإسمنا بنعاقبهم ...
محمدسراج:(بهدوء) كلامك صح ي أنس بس غلطات عن غلطات تفرق وإنت ماتعرفش هما عملوا إيه!!
أنس:(بثبات) لا عارف عملوا إيه..
ليث:(بهدوء) لا ماتعرفش
أنس:(بجدية وصوت عالي نسبياً) لا أعرف ياليث زي مثلاً إتصاحبوا ع شلة صايعة شربوا سجاير إتمسكوا ف القسم ها فيه حاجة تانية ماعرفهاش!!
ليث:(بصله بصدمة وهدوء) مين قالك!!
أنس:(بجدية) مش هتفرق كتير مين قالـي اللي هيفرق معايا فعلاً إنهم كده بمعاملتكم دي هيضيعوا فعلاً لما إمبارح مجرد ماأقولهم بس مالكم والأتنين ينهاروا كأنهم أطفال لما محمدسعد يأخد حقنه الروماتيزم اخر من غير مايقول آآه واحدة ومش ملاحق حقن للسخونية من حقنة الروماتيزم وعلاج من هنا ومن هنا وتعب من هنا ومن هنا وفوق ده كمان معاملة وحشة منك تجاهل من سراج وأحمد ها هيحصل إيه بعد كده قولولـي وعرفونـي!!
ليث:(بهدوء)واللي عملوه سهل يعني نتغاضي عنه..
أنس:(بهدوء) هما غلطانين ماقولتيش حاجة بس جاوبني إنت من أمتي من أول غلطة بنحاسب عليها مش بنقعد نقول نعطي فرصة مرة وأتنين وعشرة وبعدين ما أنت ضربتهم وعاقبتهم ومديتهم كل واحد فوق ال80عصاية هل ده مش عقاب كافـي! ليه بعدها بقي تعاملهم المعاملة دي لا وتكمل بتجاهل سراج وأحمد يعتبر مينا اللي بيحتويهم ليه كده!!
محمدسراج:(بتجاهل للكلام وبتساؤل) هو محمد أخد حقنته!! ماأخدهاش عند بابا يعني؟!
أنس:(بصله بلامبالاة) ده اللي لفت نظرك يعني!! ع العموم عادي يعني أصل فيه واحد مش طايقه ومتجاهله فمحابيش ينزل ويشوف منه الوش الخشب وهوا أصلاً فيه اللي مكفيه بجد مش مصدقكم من أمتي وإنتو كده وبالذات معاهم ده الكل بيحسهم ولادكم مش علاقة مدرس وطالب من أمتي القسوة دي عليهم ياريت تفوقوا كده لأنهم نفسياً تحت الصفر وعلي حافة الهاوية زي مابيقولوا ..
ليث:(بصله بتنهيدة وهدوء) ربنا يسهل يا أنس..
أنس:(بصلهم وبص ف ساعته وقام وقف) هيسهلها إن شاء الله سهلوها إنتو بس على نفسكم وعليهم وياريت يكون قبل فوات الأوان..
محمدسراج:(بتساؤل) طيب إنت وقفت ليه! رايح فين؟!
أنس:(بصلهم الإتنين بهدوء) عندي حصة سلام
(مشي أنس راح الأوضة بتاعته يعطي الدرس ومحمد سراج وليث بصوا لبعض بتنهيدة وسكتوا)
~~~~~~~~~~~~~~~~~~~~~~~~~~~~~~~~~~~~~~~~
(عدي علي كده إسبوعين ولسا ليث وسراج وأحمد متحاهلين محمدسعد ومحمدعباس مينا بس اللى بيكلمهم ظهروا قاعدين فـي المعهد بيتكلموا بيستنوا الدرس يبدأ)
محمدعباس:(بص لمحمدسعد بقلق) محمد إنت كويس؟!
محمدسعد:(بتعب) كويس الحمدلله..
محمدعباس:(بقلق) أومال مالك حاسس أنك مخـبي عليا حاجة إحكيلي مالك فيك إيه؟!
محمدسعد:(بدموع وخوف) الحقنة النهاردة معادها..
محمدعباس:(بحزن على صاحبه) وهتعمل إيه وهما فاكرين إنها النهاردة ولالا ..
محمدسعد:(بحزن وتعب) مش فارقة بقي يعرفوا مايعرفوش كده كده كلهم مقاطعينا يعني ومافيش حد بيكلمني غير مينا وهو الأيام دي مشغول فـي شغل تبع كليته..
محمدعباس:(بحزن) طيب إهدا ماتزعلش نفسك وروح خدها علشان صحتك فـي الأول وفـي الأخر(محمدسعد بصله بخوف ودموع وتعب محمدعباس مسك إيده وبإبتسامة يطمنه) بعد الدرس تعال نروح لهشام الصيدلية يعطيهالك وأنا هكون معاك..
محمدسعد:(بخوف) مش عاوز حد يعرف وهشام هيقولهم..
محمدعباس:(بهدوء) كده كده هيعرفوا يامحمد وبعدين ياسيدي هنقوله مايقولش لحد المهم تروح وتأخدها لإن شكلك تعبان جداً..
محمدسعد:(بخوف) أنا رجلي تعبـاني والله من وقت الحقنة اللي فاتت ومابطلش حقن كل يوم إتنين..
محمدعباس:(بحزن علي صاحبه) إهدا بس وكل حاجة هتبقي تمام ماتقلقش..
(قطع كلامهم دخول ليث الأوضة كان كل زمايلهم إتجمعوا دخل ليث الحصة بصلهم شوية بهدوء ولاحظ تعب محمدسعد بس تجاهله وبدأ يشرح الحصة عدي على كده ساعة ونص خلصوا الحصة ومشوا من غير ولاكلمة وراحوا لهشام الصيدلية ظهروا واقفين معاه فـي الصيدلية ومحمد واقف باين عليه الخوف)
هشام:(بص لمحدسعد بإستغراب) فيه إيه يامحمد إنت كويس! (محمدسعد بصله بتعب وسكت)
محمدعباس:(بحزن) النهاردة معاد الحقنة بتاعته وجاي يأخذها..
هشام:(بإستغراب) غريبة يعني مش جاي بالعافية وطلوع الروح زي كل مرة وبعدين فين ليث أو سراج وأحمد ومينا أول مرة تيجي لوحدك يعني..
محمدسعد:(بحزن ودموع وتعب) هما مش فاضيين وأنا جيت أهو هأخدها بس ماتقلهومش بالله عليك مش عاوز حد يعرف..
هشام:(بإستغراب أكتر) طيب فيه إيه بس إنت كدهه قلقتني فيه حاجة طيب!!
محمدسعد:(بدموع وحزن) لا مافيش حاجة والله ماتقلقش..
هشام:(بتنهيدة) طيب الحقنة معاك ولا أجيب من هنا..
محمدعباس:(بص لمحمدسعد اللي باين عليه الخوف ورجع بص لهشام) لا مش معانـا إحنا جايين من الدرس على طول هاتها بقي من الصيدلية..
هشام:(هز رآسه بمعني ماشي وفتحلهم الباب) طيب تعالـو إدخلوا لما أجهزها ..
(هشام فتحلهم الباب ومحمدسعد ومحمدعباس دخلوا راح هشام جاب الحقنة وبدأ يجهزها ومحمدسعد بيبص عليه بخوف ودموع)
هشام:(بص لمحد بتنهيدة وهو بيجهز الحقنة) طيب يامحمد إدخل إجهز علي أما أخلص الحقنة (وبص لمحمدعباس) أدخل معاه يامحمد يلاا وأنا جايلكم أهو ..
(محمدعباس مسك إيد محمدسعد اللي باين عليه الخوف ودخلوا جوا شوية وهشام دخلهم وقرب من محمد)
هشام:(بصله بهدوء) يللاا يامحمد..
(محمدسعد بصله بدموع وخوف وراح وقف قدام هشام ومسك فـي إيد محمدعباس بدأ هشام يعطيله الحقنة وسط توجعاته وألمه)
محمدسعد:(بتوجع وضغط على إيد محمدعباس جامد) آآآآآآآآآه آآآآه كفاية شيلها آآآآآآه
محمدعباس:(بيشد على إيده وبيطمنه) خلاص يامحمد إهدا ياحبيبي هتخلص أهي..
محمدسعد:(بدموع ووجع) آآآآآآآآآه آآآآآآآآآه
هشام:(شال السن ودلك مكانها وبصله يإبتسامة) خلاص خلصت إهدا بالشفا بإذن الله حرك رجلك يلاا علشان ماتقفش عليك..
محمدسعد:(بدموع) مش قادر أحركها ..
(هشام بصله بتنهيدة حزن ومسك إيده وخرجوا الصيدلية برا ومحمدعباس خرج وراهم ومشي لحد مارجله فكت شوية)
هشام:(بإبتسامة) ها أحسن الوقتي؟!
محمدسعد:(بتعب ودموع) الحـــمدلله المهم ماتقولش لحد إنـي جيتلك وأخدت الحقنة..
هشام:(بتنهيدة) مش فاهم حاجة والله ولا عارف فيه إيه بس ماشي ياسيدي زي ماتحب المهم يلا إطلع نام شوية وإرتاح شكلك تعبان جداً ..
محمدسعد:(هز رأسه بمعني ماشي وبتعب) حاضر ..
(خرجوا محمدسعد ومحمدعباس من الصيدلية وهشام بيبص عليهم بتنهيدة إستغراب وقلق ومحمدعباس وصل محمدسعد البيت وإطمن عليه ومشي )
~~~~~~~~~~~~~~~~~~~~~~~~~~~~
~~~~~~~~~~~~~~~
(عند محمدسعد اللي كان قاعد على سريره بعد مانزل من عند أنس وباين عليه التعب جداً والوجع من الحقنة والسخونية اللي علت عليه تانـي دخل أحمد الأوضة وبصله)
أحمد:(بتريقة) كل شوية هتقعد تعيط فكرك كده يعني إننا قلبنا هيحّن ونتغاضي عن عملتكم المهببة..
محمد:(بتعب ودموع) أنت ليه محسسني إن مافيش حد بيغلط يعني!! إنت ماغلطتيش قبل كده يعني..
أحمد:(بتريقة) غلطت أكيد بس غلط عن غلط يفرق ماروحتيش شربت سجاير ما إتمسكتيش ف القسم يعني أعتقد دي غلطات مش سهلة نسكت عليها وكفاية أوي أننا ماقولناش لأبوك وإلا كان أخر يوم ف عمرك يعني شوف إحنا كُرمة معاك خالص إزاي أنت والزفت التانـي..
محمد:(بتعب وصوت ضعيف) عاوز تقول روح قول ياأحمد صدقني مابقتش تفرق كتير..
أحمد:(بتريقة) وهيا هتفرق معاك إزاي ماشاءالله بقيت خبرة ف البلطجة وبقيت بتشرب سجاير وبتروح أقسام ..
محمد:(بصله بعياط ونام على السرير وغمض عينه) بقيت قاسي وكلكم كلكم بقيتوا قاسين!!! بالله عليك سيبي ياأحمد بالله عليك أنا تعبان وفيا اللي مكفيني بالله عليك سيبني..
(أحمد بص على أخوه بخوف وقلق لإن فعلاً باين عليه التعب فجأة مينا دخل الأوضة وبصلهم بإستغراب وبص لمحمد وجري عليه بخوف وقلق)
مينا:(بخوف) محمد مالك فيه إيه!! إنت يابني..
محمدسعد:(بصوت ضعيف) أنا كويس ماتقلقش بس عاوز أنام مش قادر أقعد..
مينا:(بص لأحمد بجدية) شديت معاه تانـي!! بتستفاد إيه لما تجرحه بكلامك ده كده هتعلمه وتعرفه غلطه يعنيي فهمني هتعرفه غلطه !! طيب بذمتك ياشيخ مش صعبان عليك شكله ومنظره ده جسمه خس النص وحرارته اللي مش بتنزل وتعبه اللي مش بيخف!! والله حرام عليك ياأحمد بجد حرام عليك ياريت تفوق قبل فوات الأوان ياريت..
(أحمد بصله بتنهيدة وبص لمحمد بندم وحزن عليه وراح قعد على سريره مينا قام جاب ماية باردة وجه علشان يعمل لمحمد كمدات مينا جه وحاول يعدله وينيمه على ظهره)
محمدسعد:(فتح عينه بوجع) آآآآه براحة يامينا شيل إيدك ..
مينا:(بقلق) مالك فيه إيه (محمد سكت كمل مينا كلامه بتساؤل وخوف) مالك يامحمد إتكلم ياحبيبي فيه إيه!!
محمدسعد:(بدموع) مافيش بس واخد الحقنة لسا ورجلي تعبانــي ..
مينا:(بصدمة) أخدتها لوحدك؟! ومين إعطهالك عمو يحيي؟
محمدسعد:(بتعب وعياط) محمدعباس كان معايا وأخدتها عند مستر أنس مش عاوز أنزل لعمو يحيي ومستر محمد يتجاهلني تانـي كفاية فـي الدرس والمدرسة ..
مينا:(مسحله دموعه ونيمه براحة على ظهره) خلاص ياحبيبي خلاص إهدا كل حاجة هتبقي تمام والله إهدا علشان ماتتعبش أكتر هشششش إهدا خلاص بقي علشان أعملك كمدات تنزل الحرارة دي ..
محمدسعد:(بتعب وصوت ضعيف) مش عاوز حاجة عاوز أنام..
مينا:(بيمسحله على شعره وبحنية) نام يامحمد نام ياحبيبي وماتقلقش أنا جنبك أهو ..
(محمدسعد بصله بتعب ودموع وغمض عينه وراح ف النوم من تعبه وحرارته اللي علت عليه مينا بص لأحمد بعتاب اللي بص لمحمد بحزن وندم وسكت)
مينا:(بص لأحمد بهدوء) هاتلي فوطة نظيفة وقوم ذاكر ماتقعدش كدهه ..
(أحمد راح وجابله وإعطهاله ومينا بدأ يعمله كمدات وأحمد راح قعد على سريره وقعد يذاكر وكل شوية يبص على محمد بخوف وقلق ومينا واخد باله من نظراته بس مابيتكلمش)
~~~~~~~~~~~~~~~~~~~~~~~~~~~~~~~~~~~~~~~~~~
(بالليل فـي بيت يحيي ظهروا كلهم قاعدين على الأكل وبيتكلموا وليث ودعاء كانوا عندهم)
يحيي:(بإبتسامة) من زمان ماتجمعناش كدهه على أي أكل..
محمدسراج:(بإبتسامة وهزار) المشاغل بقي ياحجوج المشاعل نعمل إيه..
يحيي:(بضحكة) ربنا يعينكم ياأخويا آل مشاغل آل المهم أخبار الدروس والطلاب معاكم إيه..
محمدسراج:(بإبتسامة وهزار) كله تحت السيطرة ياباشا ..
يحيي:(بتنهيدة وبص لدعاء ورجع بصلهم بجدية) ومحمدسعد ومحمدعباس أخبارهم إيه ومش ناويين تحنوا عليهم وتكلموهم..
ليث:(بجدية) وإحنا بنعمل فيهم إيه يعني!!
يحيي:(بتريقة) ياشيخ إتقي الله وقول كلام غير ده ده أنت أسبوعين فرمتهم بمعني الكلمة ومش عارف سبب كل ده إيه يعني ده ياشيخ محمدسعد بقي ماشي فـي دنيا غير الدنيا وخس النص ف الأسبوعين دول وتقولـي عملنا فيهم إيه!!
ليلي:(بصت لدعاء اللي باين عليها الحزن) مالك يادعاء إنتِ كويسة ياحبيبتي؟!
دعاء:(بهدوء وإبتسامة حزينة) الحمدلله كويسة محتارة بس ومش عارفة هما عملوا إيه لكل ده ..
ليث:(بصلهم بتنهيدة وبص ليحيي) علي فكرة يابـابـا محمد أخد الحقنة النهاردة هشام قالـي وأنا طالع..
يحيي:(بصدمة) أخدها لوحده!! غريبة يعني ده نسيت أصلاً إن النهاردة يومها..
ليث:(بهدوء) راح بعد الدرس بتاعـي لهشام هو ومحمدعباس وأخدها ده اللي هشام قالهولـي ومحمد كان مصمم مافيش حد فينا يعرف إنه أخدها..
يحيي:(بقلق) ده الموضوع كبير بجد (قطع كلامه رن الموبايل طلعه وبص فيه) ده سعد خير فيه إيه!! (فتح عليه) السلام عليكم....... أيوة فـي البيت خلصت العيادة بدري النهاردة....... ليه خير فيه إيه!! أمتي ده........ طيب أنا طالع أهو...... سلام
ليلي:(بقلق) فيه إيه يايحيي خير؟!
يحيي:(قام وقف وبص لليث وسراج بجدية) الواد ده شكله نهايته علي إيديكم والله..
شيرين:(بقلق) فيه إيه يابابا خير؟!
يحيي:(بقلق وقام بسرعة) مش عارف هو سعد بيقول بيتنفض وببعيط وهو نايم ومش بيهديٰ خالص هروح أشوفه..
(خرج يحيي بعد ماأخد شنطته معاه وليث وسراج بصوا لبعض وبصوا لباباهم وقاموا طلعوا وراه شوية وكانوا كلهم فـي أوضة محمدسعد اللي ظهر نايم على السرير بيتنفض وبيعط والدموع مغرقة وشه)
يحيي:(راح قعد جنبه وبهدوء) محمد محمد إصحي!! محمد ..
رنا:(بدموع) هو ماله ياعمو؟!
يحيي:(بصلها بهدوء) إهدا يارنا هيبقي كويس (ورجع بص لمحمد ومشي إيده علي شعره وبهدوء) محمد يامحمد ..
(فجأة محمد صحي وإتنفض من مكانه وقعد السرير وبصلهم بتعب وتوهان ودموع مغرقة وشه وكلهم باصين عليه بخوف وقلق)
يحيي:(بصله بإبتسامة) إهدا خلاص إهداا وركز معايا إنت كويس!! (محمدسعد بصله وحاول يتكلم ماعرفش كمل يحي كلامه) محمد إهدا خالص مافيش حاجة ها طمني عليك الوقتي كويس (برضو محمد ساكت كمل يحيي كلامه تانـي) طيب إنت أخدت الحقنة النهاردة صح؟! (محمد حاول يتكلم ماعرفش فهز رآسه بمعني أيوة كمل يحيي كلامه) إتكلم يامحمد يلاا ماتتكلمش بالإشارة (محمدسعد حاول يتكلم تـاني ماعرفش بصله بعياط وهز رأسه بمعني مش عارف يحيي بصلهم بتنهيدة ورجع بصله وأخده فـي حضنه مجرد ما يحيي حضنه محمد قعد يعيط جامد بإنهيار)
يحيي:(بحزن علشانه وبيطبطب علي ظهره) هششش إهدا بقي ياحمادة خلاص إهدا مافيش حاجة إهدا هتبقي كويس ..
سعد:(بخوف) هو محمد ماله يايحيي مش بيرد ويتكلم ليه؟!
يحيي:(بص لمحمد ورجع بصلهم بتنهيدة) محمد كويس بس هو شكله نفسياً مش تمام وده سبب تعبه وإنهياره ده ومرة ف مرة هيبقي كويس بإذن الله بس..
نيرة:(بدموع) بس إيه هو كويس!!!!
يحيي:(بصلهم بحزن) محمد فقد النطق (كلهم بصوله بصدمة ومحمد بيبصله بخوف ودموع مغرقة وشه)
سعد:(بتوهان) هاا فقد النطق إزاي يعني مش فاهم؟!
يحيي:(بجدية) مؤقتاً فيه حالات لما تتعرض لضغذ نفسي جامد وبالذات لو ما حصلهاش إنهيار وطلعت اللي جواها بيحيلها خرس مؤقت بتكون مدته يوم يومين أسبوع شهر سنة العمركله على حسب نفسية الشخص مابترجع لطبيعتها..
مينا:(بخوف ودموع) ومحمد نظامه إيه ياعمو وهيرجع يتكلم بعد أد إيه!!
يحيي:(مسح علي شعر محمد وبإبتسامة) بإذن الله مش هيطول هو بس يهتم بصحته ويحسن نفسيته وهيبقي كويس صح ياحمادة..
محمدسعد:(بص لليث وسراج وأحمد بدموع وحزن ورجع بص ليحيي بتوهان وسكت ما إتكلمش)
يحيي:(بإبتسامة) محمد ركز معايا هتساعدنـي وتسمع الكلام علشان تبقى كويس صح!!
محمدسعد:(بصله بدموع وهز رأسه بمعني أيوة وسكت)
يحيي:(بص لسعد اللب بيبص على إبنه بخوف وحزن) ماتقلقش ياسعد هيبقي كويس بإذن الله المهم يهتم بأكله جداً لأن محمد خس وبقي ضعيف وكمان تساعدوه على إنه يتهئ نفسياً ويطلع من الحالة دي بإذن الله مش هيطول وهيرجع لطبيعته قريب..
سعد:(بتساؤل وحزن) إن شاء الله مالوش علاج؟!
يحيي:(بإبتسامة) لا التعب ده نفسي هو محتاج نفسيته تبقي حلوة وبإذن الله هيبقي كويس بس هكتبه على فيتامينات يأخدها لإنه بقي ضعيف بس أهم حاجة يأكل كويس حتى لو بالإجبار ..
سعد:(بحزن) بإذن الله حاضر..
يحيي:(بص لمحمدسعد بإبتسامة) حاول تهدا وتنام والصبح بإذن الله هتلاقينـي جايلك أطمن عليك قبل م أروح العيادة نام وماتشغلش بالك بحاجة إتفقنا..
محمدسعد:(بصله بتعب ودموع وهز رأسه بمعني ماشي)
يحيي:(ظبط شنطته وقام وقف) يللا هستأذن أنا بقي وبإذن الله هجي أشوفه بكرة (وبص لليث وسراج اللي بيبصوا لمحمدسعد بحزن) يلاا علشان ننزل..
ليث:(بهدوء) إحم معلهش يابابا حضرتك إنزل وإحنا جايين وراك على طول بإذن الله..
يحيي:(بتفاهم) ماشي
(مشي يحيي وسعد ونيرة والبنات إطمنوا على محمد وخرجوا علشان مايتعبهوش وفضل فـي الأوضة معاه مينا وأحمد وليث وسراج محمد بصلهم بتعب ودموع وعتاب وسند دماغه على السرير وغمض عينه)
~~~~~~~~~~~~~~~~~~~~~~~~~~~~
(فـي بيت سعد ظهروا كلهم قاعدين فـي الأوضة وبيبصوا على محمد بحزن)
مينا:(بصلهم بدموع ولوم وعتاب) مبسوطين من الحالة اللي بقي فيها ووصلتوه لها عاقبته ياليث شديت عليه ياسراج روح قول لأبوك يا أحمد يلا روح مستني إيه!! شايفين إنكم كدهه بتربوهم وبتعلموهم أهو ريحكم خالص ومابقاش يتكلم يارب تكونوا مرتاحين ..
ليث:(بتنهيدة حزن) مينا إنت عارف إنـي بالذات مش بشد عليهم كدهه غير ف الشديد الأوي وإنت بنفسك شوفتهم وشوفت اللي عملوه لما يشربوا سجاير وهما فـي تانية ثانوي لسا أومال لما يكبروا بقي هيعملوا إيه (وبص لمحمدسعد اللي بيبص عليه بدموع) وإنت بنفسك يامحمد كنت شايفني وأنا بعاقبكم كنت زعلان جداً على اللي بعمله فيكم وشوفت الدموع فـي عيني كمان..
محمدسراج:(بتنهيدة وبصلهم) الظاهر إحنا زودناها أوي (وبص لمحمدسعد بإبتسامة) حقك علينا ياسيدي ماتزعلش..
أحمد:(بدموع وحزن على أخوه) محمد ماتزعلش مني أنا أسف والله كنت مفكر إنـي كدهه بعاقبك علي اللي عملته وإن دي الطريقة اللي تعدلكم وترجعكم على اللي إنتو فيه..
مينا:(بص لمحمدسعد اللي لسا جسمه بيتنفض وبيعيط من عير صوت بدموع وإبتسامة) إهدا خلاص إهداا ياحبيبي مافيش حاجة خلاص إهدا ..
أحمد:(مسك إيده بإبتسامة) أهم حاجة تكون كويس وبـس إهدا علشان خاطرنا إحنا ..
مينا:(بصله بإبتسامة) محمد قوي ويقدر يتخطي اللي هو فيه ده صح!!
(محمدسعد بصله ورجع بص لليث وسراج وأحمد بدموع وبص لمينا تانـي بعياط وهز رأسه بمعني لا مش هيقدر)
ليث:(بإبتسامة وراح مسك إيده) لا إنت قوي وهتقدر تتخطي ده يامحمد وإحنا معاك..
محمدسراج:(بتأكيد وإبتسامة) أيوة ياحمادة إنت تقدر تتخطي ده كمان والله ثق بالله وف نفسك وإحنا معاك..
أحمد:(بضحكة وبيحاول يغير الجو) وبعدين زعلنا معاك شوية تزعل ويحصلك ده كله..
محمدسراج:(بزهو مُصطنع وغرور) أومال يابني هو إحنا أي حد..
ليث:(بضحكة وهزار) وبعدين تعال هنا إيه الشجاعة اللي بقيت فيها دي وروحت أخدت الحقنة من نفسك كدهه هيا الدنيا حصل فيها إيه ياجدع!! (محمد برضو بيبصلهم بدموع ومافيش أي رد فعل منه كمل ليث كلامه بتنهيدة) طيب خلاص إهدا ماتعيطش بقي هتصدع وتتعب إهدا حقك علينا ..
مينا:(بص لمحمدسعد بإبتسامة وتساؤل) إنت كويس ياحبيبي صح!!
(محمدسعد بصله وهز رأسه بمعني لا مينا إتنهد بحزن وأخده فـي حضنه مجرد مامينا حضنه محمد إنهار فـي العياط وكلهم باصين عليه بحزن بعد شوية محمد نام فـي حضن مينا من تعبه)
ليث:(بجدية) مينا محمد نام نيمه علي السرير كويس علشان ينام مرتاح..
(مينا بص لمحمد ونيمه على السرير وباس دماغه وبصلهم بتنهيدة وسكت)
ليث:(بصلهم بتنهيدة وقام وقف وبص لسراج) يلاا علشان ننزل يابني (وبصلهم بتنهيدة وهدوء) هنبقي نيجي بكرة نطمن عليه بإذن الله يلاا تصبحوا على خير..
(ليث وسراج راحوا إتطمنوا على محمد وهو نايم ونزلوا ومينا وأحمد قعدوا جنب محمد علي السرير كل واحد من ناحية وبيبصوا عليه بخوف وحزن)
~~~~~~~~~~~~~~~~~~~~~~~~~~~~~~~~~~~~
(تـانـي يوم الصبح فـي بيت سعد ظهر محمدسعد فـي الأوضة بيجهز نفسه للمدرسة ومينا وأحمد معاه فـي الأوضة)
مينا:(بحزن) محمد بلاش مدرسة النهاردة وكمان إنت واخد الحقنة إمبارح وهتلاقيك مش قادر تمشي أصلاً..
محمدسعد:(بصله بهدوء وهز رأسه بمعني لا أنا كويس)
أحمد:(بتساؤل وبص لمينا) هو محمدعباس مش بيعدي عليه وبيروحوا سوا..
مينا:(بهدوء) ماهو محمد مش بيروح المدرسة تانـي يوم أخد فيه الحقنة ماأنت عارف فمحمدعباس بيروح اليوم علطول ومحمد مصمم يروح..
أحمد:(بإبتسامة وبص لمحمد) طيب تيجي أوصلك قبل م أروح الكلية بدل مينا ماعندوش المحاضرة الأولـي ومش نازل الوقتي..
محمدسعد:(بصله بهدوء وهز رأسه علامة الرفض وسكت)
(قطع كلامهم مع بعض دخول سعد ومعاه يحيي اللي أول ماشاف محمد بصله بصدمة)
يحيي:(بتساؤل) إنت رايح فين؟!
مينا:(بتنهيدة) مصمم يروح المدرسة ومش راضي يسمع الكلام خالص..
يحيي:(بهدوء) محمد إنت كويس أها الحمدلله والموضوع اللي إنت فيه نفسي بس إنت ناسي إنك واخد الحقنة إمبارح هتقدر تروح وتمشي..
محمدسعد:(بصله بتنهيدة وطلع الفون بتاعه وفتح على المفكرة وكتبله) أنا كويس ياعمو بالله عليك عاوز أخرج مخنوق وعاوز أخرج بعيد عن جو الأوضة..
يحيي:(بتنهيدة) تمام بس تخلي بالك من نفسك وماترهقش نفسك بقي وبالليل هبقي أكشف وأطمن عليك..
محمدسعد:(بصله بإبتسامة بسيطة وهز رأسه بمعني ماشي)
(ف مكان تـانـي فـي المدرسة ظهر محمدعباس واقف ف حوش المدرسة بيستني الطابور يبدأ وسرحان وباين عليه الحزن جه عليه ليث وسراج)
ليث:(بإبتسامة وخبط على كتفه) واقف ف الشمس ليه!
محمدعباس:(بص لقي ليث وسراج بصلهم بتوتر) ها بتقول حاجة يامستر..
محمدسراج:(بضحكة وهزار) سرحان فـي إيه يابيسو اللي واخد عقلك..
محمدعباس:(بعدم إستعاب إنهم بيكلموه وبيهزروا كمان) هــا !!
محمدسراج:(بإبتسامة) هو إيه اللي ها يابني إنت علقت..
محمدعباس:(بتوتر) لاا بس بس مش عارف..
ليث:(بجدية) محمد ماتزعلش علي عقابـي لكم صدقني ماعاقبتكوش كده غير من خوفـي عليكم وإنتو عارفين مكانتك ومعزتك إنت ومحمد عندي فماتزعلش ياسيدي..
محمدعباس:(بدموع) مش زعلان يامستر حضرتك تعمل اللي إنت عاوزه بدل غلطانين بس ماتزعلش مننا وتتجاهلنا والله عقابكم لينا أهون مليون مرة من تجاهلكم لينا ..
ليث:(بإبتسامة) مش زعلان بس تمشوا مظبوط بدل ماا أقطاعكم بجد..
محمدعباس:(بإبتسامة وفرحة) حاضر والله حاضر محمد اللي هيفرح جداً جداً ده نفسيته وحشة من وقت ماعاقبتنا وكلكم قاطعتونا وبعدتوا عننا .. (قطع كلامه حد حط إيده علي كتفه بيــبص لقي محمدسعد بصله بضحكة وحضنه وكمل كلامه) كنت لسا بجيب ف سيرتك يابني كنت بقول لمستر ليث وسراج إنك هتفرح جداً إنهم سامحونا..
محمدسعد:(بص لليث وسراج بإبتسامة باهتة ورجع بص لمحمدعباس بإبتسامة بسيطة وسكت كمل محمدعباس كلامه) مالك يامحمد إنت كويس!! وبعدين إستني هنا إنت جيت النهاردة إزاي وإنت أخد الحقنة؟!
ليث:(بتساؤل)جيت ليه النهاردة مش هتقدر تكمل اليوم ورجلك هتوجعك تعال وروح إرتاح..
محمدسعد:(بتنهيدة تعب وفتح الفون على المفكرة تـاني وكتبله) أنا كويس يامستر ماتقلقش..
محمدعباس:(بضحكة وهزار) إيه ده يامحمد!! هو آها إحنا زعلانين بس مش لدرجة نكتب ف الفون يعني إنت هتعيش الدور ولاإيه ..
محمدسعد:(بصله بإبتسامة ورجع بص لليث وسراج وسكت)
محمدعباس:(بقلق) هو فيه إيه ماتتكلم يابني من ساعة ماجيت وإنت ساكت ليه ف إيه!!
محمدسراج:(بتنهيدة حزن) محمد هقولك حاجة بس إهدا كدهه ماشي محمد تعبان شوية..
محمدعباس:(بخوف) تعبان ماله! وتعبه ماله ومال إنه يتكلم!!
ليث:(بحزن) محمد فقد النطق مؤقت..
~~~~~~~~~~~~~~~~~~~~~~~~~~~~~~~~~~~~~
ياترى ايه رده الفعل لو حابين تعرفو استنو الحلقه الى جايه
