#اللقيط
#اللقيط_30_والاخيره
#جزء_من_حلقه_سابقه
(بعد الدرس ظهر سراج وأنس ومحمدعباس ومحمدسعد رايحين لليث يشوفوه ويسألوا عليه ظهرت دعاء فتحتلهم الباب بصتلهم بإبتسامة ودخلتهم)
محمدسراج:(بتساؤل) أومال ماظهرتوش ولاأنتي ولاليث النهاردة ف المدرسة ولا الدرس ليه خير !!
دعاء:(بتنهيدة تعب) مافيش ليث تعب شوية الصبح وماعرفناش نيجي..
محمدسراج:(بقلق) تعبان ماله!!
دعاء:(بإبتسامة وهدوء) ده شوية برد بسيط ماتقلقوش إدخلوله هو جوا ف الأوضة..
(دخلت دعاء المطبخ وظهر محمدسعد بيبص على المكان اللي أتعاقبوا فيه بخوف ودموع ف عينه وتايهه من واخد باله منهم محمدعباس شاور لمحمدسراج وأنس على محمد بصوا لبعض بتنهيدة وفهموا اللي فيه وقربوا منه وكل واحد مسك إيد ودخلوا لليث)
محمدسراج:(بص لمحمدسعد بهدوء) محمد إهدا خلاص كل ده عديٰ ماتفكرش فيه..
أنس:(بهدوء) محمد إهداا علشان ليث مايزعلش لما يشوفك كده وبعدين كل ده عدي زي مامحمد بيقول خلاص ماتحطيش أي حاجة ف دماغك..
محمدسعد:(بصلهم بإبتسامة بسيطة) أنا كويس ماتقلقوش..
(دخلوا هما الأربعة لليث اللي ظهر نايم على السرير ومغمض عينه وباين عليه التعب بسيط)
أنس:(بإبتسامة وهزار) ده أحنا طلعنا تعبانين بجد أهو وأنا اللي فكرتك عاوز ترتاح ف البيت وبتتحجج..
ليث:(بصلهم بتعب وإبتسامة وهزار) إنتو ورايا ورايا إستغفرالله الواحد مايعرفش برتاح منكم يوم..
محمدسراج:(بضحكة وهزار) يعني تعبان وفيك حيل تهزق فينا كمان والله إحنا اللي غلطانين إننا عبرناك..
ليث:(بضحكة) متشكرين ياسيدي تعالوا إترزعوا ..
محمدعباس:(بص لليث بإبتسامة) ألف سلامة عليك يامستر..
ليث:(بإبتسامة) الله يسلمك يابيسو ..
(محمدسعد بصلهم بضحكة وهما كمان ضحكوله بمعني إتكلم وفاجئه يللاا محمدسعد بصلهم بإبتسامة وبص لليث)
محمدسعد:(أخد نفس طويل وبص لليث بإبتسامة) ألف سلامة عليك يامستر ..
ليث:(بصله بإبتسامة) الله يسل(وقطع كلامه بصدمة وفرحة) إيه ده!!!! إنت إتكلمت أمتي؟!!!!
محمدسعد:(بضحكة وهزار) والله أنا النهاردة صحيت من النوم لقيت نفسي بتكلم مش عارف بقي..
ليث:(بصله بسعادة وحضنه) ياحبيبي حمدلله علي سلامتك كان واحشني صوتك جداً والله تخيل!!
محمدسعد:(بصله بإبتسامة ودموع) وإنت كمان وحشني الكلام معاك يامستر..
محمدسراج:(فك محمدسعد من حضن ليث وبضحكة) ياعم سيبك الواد هتعديه وهو مش ناقص..
أنس:(بضحكة وهزار) آها بصراحة هو إتنفخ تعب وعلاج وحقن بما فيه الكفاية لسنة قدام..
محمدعباس:(بضحكة وهزار) الحمدلله بقي زي القرد أهو مافيش غير حقنة طويل المفعول اللي مش قادرة على فراقه..
محمدسعد:(بصله بضيق) ي أخي إفتكرلنا حاجة عدلة..
محمدسراج:(بص لليث بتساؤل) المهم الحاج بابا شافك وكتبلك ع علاج ولا مايعرفش زي حالاتـي ..
ليث:(بإبتسامة) لا طلع شافني قبل مايروح العيادة وكتبلي على برشام للبرد وبس وإنتً ماعرفتيش لإنك نازل المدرسة النهاردة بدري وعندك دروس كمان بعد المدرسة على طول..
محمدسراج:(بإبتسامة حنونة) خير ياحبيبي المهم إنت كويس يعني الحمدلله؟!
ليث:(بإبتسامة) الحمدلله ..
محمدسعد:(بحزن ودموع مُصطنعة) علي فكرة بقي أنا أعترض علي اللي بيحصل ده إشمعنا عمو يحيي كتبلك برشام وأنا على طول يكتبلي حقن ومش بلاقي حد يشجعني ويسليني كدهه وأحنا بأخد الحقن وبتنفخ لوحدي ..
محمدسراج:(بضحكة) يسليك هيا الحقن بقت تسالـي ياختااااي وبعدين بيتكتبلك غير حقن لإنك مفرفر ومش مسيطر يابيضة..
ليث:(بضحكة) خلاص ماتزعلش ياسيدي هعطسلك ف وش محمدعباس ولاسراج ونوصي عليهم بابا ينفخهم حقن..
محمدسعد:(بص لأنس ورجع بص لليث بضحكة) ومستر أنس لا إشمعنا !!
ليث:(بص لأنس ورجع بص لمحمدسعد بضحكة وهزار) لا أنس أنا مش قده سيبه كدهه ربنا يحميه لصحته وشبابه..
محمدسعد:(بص لأنس بضحكة) مسيطر إنت يامستر عاش
أنس:(بصله بضحكة وغرور مُصطنع) أومال يابني هو إحنا أي حد عيب عليك..
(قعدوا يضحكوا ويهزروا مع بعض وسط فرحتهم برجوع صوت محمدسعد وصحته اللي بتتحسن عن الأول دخلت دعاء وقدمتلهم واجب الضيافة وراحت المطبخ تانـي وشوية وإستأذنوا ومشوا بعد ماإطمنوا علي ليث)
#بدايه_الحلقه _الجديده
فات فتره على تعب احمد عند رنا الى قاعده مع هايدى وشرين ودينا
رنا: يااااه انا يوم ما افتكر تعب احمد ده وانا حاسه قلبي هيقف من الخوف منظره لم لقيته نايم على بطنه وقاطع النفس كان يرعب
هايدى: انا صحيت مفزوعه من صوتك والله
( 🎬 فلاش_باك 🎬)
ظهر سعد طالع يجرى من الاوضه على صريخ رنا ووراء نيره ومن الناحيه التانيه مينا ومحمد سعد بيجرو وراء بعض وكمان هايدى طالعه من اوضتها بتجرى ظهر احمد نايم على الارض وقاطع النفس خالص
سعد:(بصدمه وقعد جمب احمد فى الارض وبيحاول يفوقه) احمد واد يا احمد احمد (سمعو خبط على الباب جرى مينا فتح الباب دخل يحىى ووراه ليث ووراه سراج
يحيي:(بص لاحمد بصدمه) ايه الى حصل
نيره:(بتوهان) احمد مات
رنا:(بصريخ) لا لا احمد ماممتش لا لا يا ماما
يحيي:(بصلهم بصدمه وبص للكل الى باين على وششهم الصدمه ونزل جمب احمد ومسك وشه وشاف النبض فى رقبته وبص لليث) انزل هات تاكسي بسرعه (نزل ليث ويحيي حاول يعمل لاحمد الاسعافات الاوليه كل ده تحت نظرات نيره الى تايهه ومحمد الى مش مصدق كلام مامته ورنا الى بتعيط فى حضن هايدى وجسمها كله بيتنفض
سعد:(بص ليحيي) عايش مش كده
يحيي: ايوه عايش بي مغمى عليه وبص لمينا وسراج نزلوه تحت على ما ليث يجيب تاكس (مينا نزل وشال احمد وسراج ساعده على ما نزلو السلم كان ليث جاب التاكسي اخدوه وطلعو على المستشفى واتبقى محمد سعد مع اخواته ومامته ونزلت شرين ودينا ومامتهم ومعاهم دعاء يبقو مع نيره وولادها
~~~~~~~~~~~~~~~~~~~~~~~~~~~~~~~~~~~~~
تانى يوم فى اوضه محمد سعد ومينا واحمد ظهر محمد سعد قاعد وقدامه يحيي ماسك ابره ومعاهم مينا
يحيي: يلا يا محمد بقا متقلقش وليك مفاجاه عندى
محمد سعد: مش عاوز ياعمو بالله عليك خلاص والله تعبت
يحيي: عارف والله بس هنعمل ايه بقا علشان تخف وتبقى كويس يلا بقا
مينا: يلا بقا يا محمد عاوزين نعرف ايه المفاجأه
يحيي: مش هقول غير لم محمد ياخد الحقنه بتاعته
مينا:(مسك ايد محمد ووقفه قدام يحيي وتملك منه ومافيش اى مقاومه من محمد غير بسيط مسنا عرف يتملك منه) اهدا بقا واستنى (يحيي بص لمينا بمعنى امسكه كويس (مينا تملك منه ومحمد بطل انو يقاومه يحيي فتح الابره وبص لمينا وشاورله بمعنى هيبدا مينا هز راسه بعمنى ماشي بدا يحيي يدخل السن
محمد:(بوجع وعياط) ااه (مينا تملك من محمد اكتر وبدا يحيي يضرب العلاج
محمد:(كمل بصريخ وتوجعاته عليت قووى وبيحاول يتحرك بس مينا عرف يتملك منه) ااااه ااه خلاص ياعمو يحيي اااه ااااه
يحيي:( وهو بيضرب الحقنه) خلاص يا خبيبى اهدا ثوانى ونزل رجلك فى الارض(محمد نزل رجله فى الارض ونفسه راح منه خلص يحيي الحقنه بسرعه وشال السن ودلك مكانه مينا ساعد محمد انو يقعد على السرير لحد ما ياخد نفسه
يحيي:(مسك وش محمد) اهدا وحاول تاخد نفسك براحه اهدا وفضلو معاه لحد ما هدا خاالص ونفسه انتظم (يحيي كمل كلامه) قوم يلا حرك رجلك
محمد سعد:(بدموع) مش قادر
يحيي: هنساعدك يلا (وقام معاهم وحرك رجله بصعوبه وفضلو معاه لحد ما حركها)
محمد سعد:(بصله بلوم) مش قولتلى انك حطيت بنج
يحيي: عدت يا محمد خلاص
محمد سعد: صعبه جدا والله
يحيي: معلشي يا محمد
مينا: ايه هيا المفاجاه بقا ياعمو
يحيي: بما انه اخر تحليل محمد عمله كان بمقارنه بالى قبله كويس هتعيد التحليل تانى ولو النسبه وصلت للنسبه المطلوبه هنوقف الحقنه شويه ونشوف هيحصل ايه
محمد سعد:(بفرحه ودموع) بجد مش هاخد حقن تانى
مينا: هنشوف التحليل الاول
يحيي: غالبا النسبه هتبقى كويسه لانها عليت التحاليل الى فات والى قبله كمان علشام التزم بالمواعيد وماخرش الحقنه بقاله خمس شهور واكتر بياخدها فى معادها فا بأذن الله هتكون النسبه مظبوطه
محمد سعد: يارب
يحيي: تنزل بكره تعمل التحاليل
محمد سعد: ماشي
يحيي: تمام انا هطلع ولم يجي بابا سلمولى عليه
مينا: الله يسلمك ياعمو (وطلع مينا مع يحيي وصله ورجع لمحمد لقاه هينام سابه يرتاح وقعد يكمل الى وراه
~~~~~~~~~~~~~~~~~~~~~~~~~~~~~~~~~~~~~~~~
بالليل عند احمد ومينا فى اوضتهم محمد كان نايم
مينا:(بص لاحمد) علشان شكه دبوس خايف منها
احمد: مش عاوز كفايه عليا شكه الابره كل يوم مش عاوز بقا
مينا: ياحبيبى علشان لو كان عالى نلحقه
احمد: مش هيقيس يامينا خلاص بقا
مينا: يا احمد اسمعنى (الباب خبط قام مينا يفتح لقى انس وليث ومحمد سراج)
ليث: مالك يا مينا
مينا: احمد مش عاوز يقيس السكر وتعبت فيه كلام رافض خالص
ليث: اهدا شويه يامينا واصبر ودخلو كلهم الاوضه سلمو على احمد وقعدو
ليث: مالك يا احمد رافض علاجك ليه
احمد: مرفضتش ياليث
انس: قياس السكر مهم ياحمد
احمد: قيسته مره كفايه كده
مينا: مانت شربت شاى وسكرته صح ولا لاء عاوز اطمن عليك بس
انس: يلا ياحمد وانا هجبلك جهاز تقيس السكر من غير شك ولا حاجه وانا وصيتلك عليه اصلا
احمد:(بتنهيده) اهوه انا دلوقتى حسيت قد ايه محمد بيعانى انو بياخد الحقنه بالاجبار وهو مجبر عليها (ومد لمينا ايده) خلصنى يامينا
مينا:(تنهد ومسك ايد احمد وبدا انو يقيس لاحمد السكر اخد منه الدم) الحمد لله السكر مظبوط
ليث:(بص لمحمد سعد الى اتوجع وهو نايم) ماله يامينا
مينا: اخد الحقنه النهارده من غير بنج
محمد سراج: علشان كده مجاش السنتر
مينا: ايوه
ليث:كنت ناوى اسالك اول ما دخلنا بس اتلبخنا مع احمد طب هو كويس
مينا: الحمد لله (محمد سعد صحى)
محمد سراج: اهلا بالناس الى مجتش الدرس اهلا بالى هيتنفخو دلوقتى
محمد سعد: انا منفوخ لوحدى وواخد الحقنه من غير بنج ومش قادر احرك رجلى
ليث: طب انت كويس
محمد سعد: الحمد لله يا مستر
انس: الف سلامه عليك يارب تخلص بقا
مينا: ماهو هيعمل التحاليل لم يقدر يتحرك وبأذن الله هنوقف الحقنه قريب
احمد:(قام وقف بفرحه) بجد يامينا يعنى محمد خف خلاص وهيوقف الحقنه
مينا: بأذن الله قول يارب
احمد: يارب (وبص لمحمد وقعد جمبه) اخيرا بقا هتخلص فرحتك جدا والله (وحضنه انس وليث وسراج ومينا بصو لبعض رغم تعب احمد الى لسه فى اوله الا انه فرح جدا لم عرف انو اخوه هيتخلص من تعبه)
ليث: احم احم مش الكتاكيت الى عندى خلاص كلها اسبوع وهيتمو سنه
محمد سراج:(باستغراب) انت بتربى كتاكيت من ورايا
ليث:(بصله) ولادى يا محمد
انس: ماشاء الله
مينا: ربنا يباركلك فيهم وعقبال ماتخاويهم
ليث: طب مبدأيئا الواد ده (وبيشاور على مينا) ميحضرش العيد ميلاد (كلهم ضحكو ومنهم احمد ومحمد سعد
مينا: طبعا يا ليث انا مش محتاج عزومه
انس: هتعملو فين
ليث: دعاء بتقول فى الشقه بس مش حساه هيبقى حلو
محمد سعد: اعملو فى السطح هيبقى حلو ومكان فاضى علشان العيال يلعبو وميبوظوش حاجه
ليث: تصدق صح
محمد سراج: الواد طلع بيفكر اومال بتقولو عليه غبى ليه
مينا: مسمحلكش تقول على اخويا كده
محمد سراج: طب ولا تزعل نفسك انت وهو (وبص لاحمد) هتحامى عنهم انت كمان تدخل معاهم
احمد: هو انا اتكلمت
ليث: هو انت مش عاوز تبطل نقار وتبطل بقا شغل العيال ده والى بتعمله ده مش ناوى تكبر
محمد سراج: ياعم انا عاجبنى كده وحاببنى كده
انس: ربنا يهديك يامحمد يارب (وقعدو يهزرو مع بعض ويرخمو على احمد ومحمد وبالذات محمد سراج بيرخم عليهم واحمد ومحمد نسو تعبهم واندمجو معاهم)
~~~~~~~~~~~~~~~~~~~~~~~~~~~~~~~~~~~~~~~~~~~~~
عند شرين الى ظهرت مع الشباب فى اوضتهم
ليث: فى ايه با شرين عاوزانا فى ايه
شرين: فى موضوع بخصوص دينا
ليث: مالها دينا
شرين: فكره انكو مش بتحبوها
محمد سراج: هيا تفكيرها ازاى يجيب حاجه زى كده
شرين: اهوه جاب تقدرو تعرفونى هتعملو ايه
ليث: استنى الاول بس ليه فكرت فى كده
شرين: انتو بعاد قوى عنها لا بتتكلمو معاها ولا بتسألو عنها
محمد سراج: هو من واجهه نظرها هو ده الاهتمام
شرين: ايوه ده تفكيرها والاهتمام بيها انكو تسالو عنها تتكلمو معاها تشفوها ناقصه ايه ياليث ادخل عليها وهيا بتذاكر اديها شيكولاته زى ما كنت بتعمل معايا كانت بتدينى طاقه (وبصت لمحمد سراج) انا من غير ما كنت اطلب منك كنت تيجى وتقولى محتاجه حاجه اعملهالك ناقصك خاجه تشوف الى مش فهماه وتفهمهولى ليه مش بتعملو معاها كده
ليث: علشان انا اتج......
شرين:(مقاطعه لليث) متتحججش يا ليث ومتخلقش مبررات انت لو اتجوزت اختك مهما كان ليها عليك حقوق
ليث: معاكى حق يا شرين احنا اهملنا فيها وخلاص هنحاول نصلح ده قريب
شرين: متزعلوش منى انا خايفه على دينا هيا بتذامر خوف منكو مش خوف من زعلكو انا عاوزها زى تخاف متسمعش تزعلو منها مش تبقى خايفه تضربوها
محمد سراج: بس والله ايامك كنا فاضين مكنش ورانا دروس ومدارس مكنش فيه غيرك كنا مدلعينك
شرين: وهيا مذنبهاش حاجه
ليث: خلاص ياشيرو وعد منى هنتغير معاها ومش هنحسسها انها ناقصها حاجه وهتشوفى ده بعينك
شرين: مش عاوزه اتكلم معاكو تانى مش عاوزه اشوف في عنيها نظهره غيره لم مجرد انكو بس بتدوه شويه اهتمام
محمد سراج: ماشي يا شرين حاضر
شرين:(بصتلهم) تصبحو على خير
الاتنين: وانتى بخير (وخرجت شرين وليث بص لمحمد تنهد وسابه وطلع ومحمد قعد بفكر فى كلام شرين وازاى يقرب من دينا
~~~~~~~~~~~~~~~~~~~~~~~~~~~~~~~~~~~~~
بعد يومين على السطح ليث واقف وانس على السلم بيعلق الزينه
ليث:(بيبص للزينه) مش هعدوله يا انس اعدلها شويه
انس:(عدل الزينه) ها كده اتظبطت
ليث: ايوه كده (وبص جمبه لقى مينا بيكتب اسم يونس بالفوم بعصبيه بسيطه) الاسم مش معدول يا مينا اعدله شويه وانجزو ياجدعان بقا(مينا بصله بتأفف وعدل الاسم (ليث بص لسراج الى بيرص الكراسي حوالين الترابيزه
ليث:(بصله) جبت كراسي على قد الى هيحضرو بس
محمد سراج:(بصله وشال الكرسي حط مكانه بهبده) لا جبت زياده علشان لو حد جيه زياده
ليث: تمام (دخلو محمد سعد ومحمد عباس ليث بصلهم) وصيتو على الجاتوهات والتورت
محمد سعد: ايوه هيجو على الساعة 7
ليث: متاخر قوى ليه كده
محمد عباس: احنا مالنا احنا هو الحلوانى الى بيقولنا كده
انس:(قرب من ليث هو ومينا) خلصنا
ليث: ماشي ماشي حلو
انس: (بغيظ) لا والله حلو
ليث: اومال اقول ايه
مينا: هو انت مش ملاحظ انك عمال تقول اوامر اوامر تقولش انك ابو العريس
انس: الا ما مديت ايدك وساعدنا فى حاجه
ليث: انا شايل يونس وبعدين انتو الخير والبركه ولا عاوزين تبقو عم وخال ببلاش
محمد سراج: وانت عاوز تبقى اب ببلاش
ليث: خلصو يلا بقا الى باقى علشان نجهز قبل زقت كافى من الوقت
محمد سعد: لا انا تعبت انا بلف من بدرى اش زينه واش تورت وجاتوهات ولا اجيب كراسي واعلق زينه تعبت بقا كفايه كده هقعد بقا
ليث: خلاص اقعد يا محمد الباقى يكمل بقا يلا
محمد عباس: انا كنت معاه على فكره
ليث: امشي ياله خد ياسين وديه للحلاق زى اخواته
محمد عباس:(وهو جازز على سنانه) هو فين
ليث: مع رنا امشي يلا (محمد عباس دبدب فى الارض برجله ومشي ورجعو الشباب يكملو شغلهم وسط اوامر ليث وتزمر الشباب اما محمد سعد ليث مرحموش ساب معاه يونس
~~~~~~~~~~~~~~~~~~~~~~~~~~~~~~~~~~~~~~~
عدى النهار بسرعه وجيه الليل بسرعه واتجمعو الكل والكل فرحان ومبسوط والاطفال حواليهم بيلعبو
دعاء:(بصت للمكان وبصت لليث) الله حلو قوى يا ليث الزينه والنظام كل حاجه حلوه قوى
يحيي: فعلا كل حاجه مظبوطه
ليث: الحمد لله انو الفكره عجبتكم وكل طلع مظبوط
دعاء: انا كنت خايفه من الفكره اصلا والجو بس الحمد لله الجو حلو والفكره حلو تسلم افكارك يا حبيبى
محمد سراج:(بص لدعاء) هو معلشى انا غلس للتدخل بنكم بس انتى بتقولى تسلم ايه ياختى
دعاء:(بصت لسراج) ايه يا محمد بقوله تسلم انو فكر فى فكره السطح دى والزينه والنور وكله
محمد سراج: ااه صح طيب اقولك بقا اولا مش هو الى صاحب الفكره دى
محمد سعد: اه صح انا الى قولت عليها
مينا: وانا الى علقت الزينه انس وانس
انس: ايوه صح احنا الى علقنا الزينه
محمد سراج: وانا الى جبت الكراسى انا والعيال الغلابه دى وانا الى رصيت القعده الى عجابكم دى
ومحمد سعد: وانا الى جبت الكيكه انا ومحمد
محمد عباس: وانا الى وديت العيال للحلاق (ليث باصص ليهم وكاتم ضحكته بالعافيه وكل واحد بيقول هو عمل ايه
سعد: اومال انت عملت ايه ياليث
ليث: كنت المشرف عليهم وبعدين ما يونس كان معايا طول الوقت
محمد سعد: وربنا سبتهولى وبهدلنى
يحيي:(بضحكه) حتى دى معملتهاش كامله
ليث:(بضحكه) انا كنت سهران بالعيال بالليل انا ودعاء والله
دعاء: لا فى دى بقا معاه حق انا سبتله يوسف ونمت
ليث: شوفته بقا (وقعدو يهزرو شويه مع بعض ويرخمو على بعض وعملو العيد ميلاد
نيره:(قطعت لاحمد من كيكه وادتهاله والكل اخد كيكات عاديه مينا ومحمد بصو لبعض
احمد:(ظهر قاعد بياكل من الكيكه لقى مينا ومحمد قربو منه) فى ايه (وبص للى فى ايديهم) ايه ده انتو بتاكلو من ده ليه
مينا: هناكل زيك
محمد: وهنشرب زيك
احمد:(بصلهم) ليه
مينا: علشان احنا اخوات يا احمد:(بابتسامه) انا بحبكم قوى (مينا ومحمد حضنو احمد فى نفس الوقت
عند محمد شاهين الى واقف وباصص لكنزه بانبهار كارمن جمبه وكارمن جمبه مستغربه كملو العيد ميلاد بفرحه وغنا واكلو وخلصو وخلص اليوم وكل واحد رجع بيته
~~~~~~~~~~~~~~~~~~~~~~~~~~~~~~~~~~~~~~~
عند كارمن ومحمد شاهين وهما راجعين البيت
كارمن:(بتردد) ممكن اسألك سؤال
محمد شاهين:(بصلها) نعم
كارمن: هو احمد ماله حاساه مش كويس
محمد شاهين:(بصلها) احمد تعبان يا كارمن احمد جاله السكر
كارمن: انت بتقول ايه يا محمد
محمد شاهين: بقولك الى حصل
كارمن: جاله ازاى وامتى
محمد شاهين: معرفش امتى بس الى عرفته انو تعب من فتره ودخل المستشفى وكان دخل غيبوبه
كارمن: ينهار ابيض
محمد شاهين: يعنى انتى متعرفيش
كارمن: والله العظيم ما اعرف حاجه
محمد شاهين: ادعيله بقا ربنا يشفيه
كارمن: يارب (ورجع سرح مع نفسه تانى وكارمن سرحت مع نفسها لحد ما وصلو بيتهم)
~~~~~~~~~~~~~~~~~~~~~~~~~~~~~~~~~~~~~~~
بعد اسبوع عند محمد سعد الى قاعد على اعصابه مع سعد ويحيي
يحيي: محمد اهدا شويه ايه يابنى لو نتيجه الثانويه العامه مش هتبقى كده ايه
محمد سعد: عمو يحيى حتى لو نتيجه التحاليل مش كويسه انا مش هاخد الحقنه تانى
مينا:(فتح الباب ودخل) انا اسف اتاخرت بس فى عربيه خابطه طفل صغير والطرق كلها واقفه
يحيي: ده الكلام ده من شويه هو لسه الطريق واقف
مينا: معرفش ده الى سمعته من الناس اصلا
محمد سعد: شوف ياعمو التحاليل بقا
يحيي:(فتح التحاليل وبص فيها وبصلهم ورجع بص للتحاليل تانى وسكت
سعد:(بضحكه) قول يا يحيي على طول الواد خلاص هيتجن عاوز يعرف
يحيي:(بص لمحمد)الحمد لله ياحبيبي النتيجه كويسه الى حد ما
محمد سعد: يعنى ايه
يحيي: هنوقف الحقن شويه ونشوف النسبه اذا كانت كويسه ولا بتزيد
سعد: طب احنا فى ايدينا حاجه نعملها علشان نظبط الدنيا
يحيي: هو يهتم باكله ونفسه علشان ميجيش انميا او مضاعافات كده يعنى
محمد سعد:(بفرحه) بجد خلاص مش هاخد الحقنه تانى
يحيي: ان شاء الله لا
محمد سعد:(قام وقف ونط بفرحه) هيييييييه اخيرا بقا
مينا: حمد الله على السللامه ياحبيبى (وحضن محمد)
يحيي: سعد انا عاوز اتكلم معاك شويه
محمد سعد:(بصله بقلق) فى ايه
يحيي: الموضوع بعيد عنك خالص متقلقش والله
سعد: طب يلا ادخلو جوه (دخلو الشباب الاوضه وسعد بص ليحيي) خير يا يحيي
يحيي: محمد ابنى كلمنى على هايدى بنتك (سعد بص ليحيي باستغراب ،، يحيي كمل كلامه لو مش موافق عادى
سعد: الموضوع مش كده انا بس استغربت مش اكتر
يحيي: خد راى البنت وامها وانا مستنى ردك
سعد: اكيد طبعا وانا مش هلاقى احسن من محمد لهايدى
يحيي: ربنا يبارلك يا سعد انا هنزل بقا وانت خد راى هايدى ومامتها واخواتها وابقى رد عليا
سعد: ربنا يقدم الى فيه الخير
يحيي: يارب خلى بالك من محمد لو حسيت انو فى اى تعب ظهر عليه عرفنى علشان هو مش هيتكلم ،، الواد احمد كويس
سعد: الحمد لله كويس ربنا يهديه يارب اكتر واكتر
يحيي: يارب يلا تصبح على خير
سعد: وانت بخير ( يحيي نزل وطلعت نيره من المطبخ سعد بصلها) ايه رائيك
نيره: مش عارفه شوف هايدى (سعد بصلها نيره كملت كلامها) دلوقتى الى مفرحنى انو محمد خلص من التعب الى هو فيه
سعد: يارب بس يفضل كده وميهملش نفسه
نيره: ان شاء الله ،،، قوم نام يلا وانا هطمن على العيال واجى
سعد: ماشي (قام سعد ينام ودخلت نيره اطمنت على ولادها ودخلت تنام هيا كمان
~~~~~~~~~~~~~~~~~~~~~~~~~~~~~~~~~~~~~~~~~~
تانى يوم عند سعد الى قاعد مع هايدى ونيره ومينا واحمد
سعد: بما ان مينا واحمد اخواتك الكبار ياهايدى انا حبيت انهم يكونو موجودين فى القاعده دى
هايدى: خير يا بابا فى ايه
سعد: خير يا حبيبتى
نيره: فى عريس متقدملك
هايدى: انا لسه صغيره يا بابا وعايزه اخلص كليتى الاول
سعد: مش يمكن لم تعرفى مين تفكرى الاول
هايدى: مين يا بابا
سعد: محمد ابن عمك يحيي
هايدى:(باستغراب) مين
نيره: مش عاوزه يا هايدى
هايدى: مش كده بس استغربت مكنتش متوقعه بس
سعد:(بص لمينا واحمد) ها ايه رائيكم
احمد: محمد شاب كويس يا بابا ومحترم ونعرفه وكفايه انو ابن عم يحيي
سعد: وانت يا مينا
مينا: لو لفيت العالم كله مش هتلاقى احسن من النسب ده ادب واخلاق وعلى الاقل ناس يترد عليهم لو ابنهم زعل هايدى فى حاجه
نيره: فكرى يا حبيبتى بس الواد كويس ومحترم وشاريكى
هايدى:(بصت فى الارض بكسوف) الى تشوفه يا ماما
سعد: ماكان من شويه لسه صغيره يا بابا (هايدى بصت فى الارض بكسوف)
نيره:(بضحكه) بس بقا ياسعد متكسفيهاش
سعد:(بضحكه) ماشي ربنا يكملك على خير يا حبيبتى (هايدى بصتله بكسوف واتمنت من ربنا يتمم ليها على خير وسرحت مع نفسها بفرحه)
~~~~~~~~~~~~~~~~~~~~~~~~~~~~~~~~~~~~~~~~~
عند نيره الى واقفه فى المطبخ بتعمل الغدا الباب خبط طلعت تفتح
الزائره: سلام عليكم
نيره: وعليكم السلام مين حضرتك
الزائره: انا من طرف ام مينا
نيره: اهلا وسهلا اتفضلى (دخلو وقعدت ونيره قدمت واجب الضيافه وقعدت معاها) هيا انا برن عليها بقالى فتره مش بترد عليا لاعلى المانع خير
الزائره: انا اسمى ياسمين انا زميله سهام هيا للاسف تعبانه جدا والدكاتره قالت مافيش قدمها وقت كتير يومين ثلاثه والاعمار بيد الله بس هيا بتحضتر
نيره: لا اله الا الله لا حوله ولا قوه الا بالله
ياسمين: انا جايه طالبه منك طلب سهام طول عمرها وهيا شقيانه حاليا هيا مافيش على لسانها غير مينا انا عرفت منها انو ده ابنها واخدت منها العنوان بتاع هنا وجايه وكل عشم انو مينا يوافق انو يجى يشوفها
نيره:(بصدمه) مينا ميعرفش انها امه اصلا
ياسمين: بس لازم يعرف على الاقل يودعها قبل ما تموت حالتها تصعب على الكافر والله هيا متعرفش انى جايه لانها بتدخل غيبوبه (الباب اتفتح ودخل سعد
سعد: سلام عليكم
ياسمين ونيره: وعليكم السلام
نيره: تعالا ياسعد ياسمين من طرف مدام سهام
سعد: اهلا وسهلا
ياسمين: اهلا بحضرتك ،، ها يا مدام نيره قولتى ايه
سعد: فى ايه
نيره: مدام سهام بتموت وطالبه تشوف مينا ويعرف الحقيقه
ياسمين: والله العظيم مش هتاخدو منكم وهيفضل باسمه بس هيا حابه تعتذرله ويسامحها قبل ما تقابل وجه كريم مترفضوش
سعد: ده حقها اكيد طبعا مش هنرفض (وبص لنيره) هو مينا هنا
نيره: نايم جوه
ياسمين: انا همشي متتاخروش علشان تلحقو انو يشوفها
سعد: ساعتين تلاته وهنكون فى المستشفى بأذن الله
ياسمين: حولو انكو تخليه يبقى كويس معاه حتى لو هو مش حابب يعنى اخر عمرها مش حباها تبقى زعلانه
سعد: متقلقيش مينا قلبه طيب وحنين جدا
ياسمين: ربنا يباركلكم فيه انا همشي ومستنياكم
نيره: ماشي (مشيت ياسمين ونيره وصلتها ورجعت لسعد الى سابها ودخل الا ضه لمينا)
~~~~~~~~~~~~~~~~~~~~~~~~~~~~~~~~~~~~~~~~~~~~
تانى يوم عند مينا الى ظهر فى المقابر مع سعد ويحيي والشباب
سعد: يلا يامينا
مينا: عاوز افضل شويه
يحيي: تعالا ياسعد وسيبه شويه (كلهم طلعو متبقاش غير مينا
مينا:(قعد بملامح جامد على وشه نظره استغراب مصاحبه بضحكه حسره ووجع ودموع محبوسه مش غاوزه تنزل بص للقبر) ابدا كلامى معاكى منين من يوم ما سبتينى ولا من يوم مارفضى انى اعرف ،، انتى رمتينى اى كان الى رمتينى علشانه بس فى الاخر اترميت زى اى لعبه انتى مش عاوزاها اه نسيت كنتى بتحافظى عليا فضلتى معايا لحد ما جيه ناس تاخدنى طب كنتى تعرفى انو الناس دى كانت ممكن تكون مش كويسه كان ممكن اترمى فى ملجأ ولا اصلا يستغلونى غلط كنتى واثقه انى هبقى كويس وانا بعيد عنك انتى اخترتى الطريق السهل كان ممكن تهربى بيا بس ازاى وانا اتحمل مسؤليه طفل ليه انا ارميه واخلى نفسي من مسؤليته وجعتينى قووى لم عرفت الحقيقه عرفت انى اتلاقيت فى الشارع عرفت انى لفيط ماليش لا ام ولا اب وولا اخ ولا اخت يمكن الى كان مصبرنى لحد ما كبرت انهم مشوهوش صورتك فى عنيا وقالولى ان كانت ماما بتكشف وانتى كنتى بتولدى ولم عرفو انى هتيتم وانك موتى اخدونى وعرفت صدفه الحقيقه الى كانو مخبينها ،، اتصدمت صدمه عمرى كله والاخر طلعت اترميت بالايد (بضحكه حسره) انتى الى رمتينى ودمرتينى انتى الى سبتينى واخترتى انك تقطعى علاقتك بيا (وبدموع) لحد ما قالولى انك عايشه وظهرتى انا عرفت من نفسي انو انتى الى جبتينى الدنيا لحد ما شوفتك ( 🎬 فلاش_باك 🎬)
ظهر مينا فى اوضه وسهام نايمه على السرير
سهام: مينا (مينا باصص ليها بدموع وساكت ،، سهام مسكت ايده) كنت خايفه اموت من غير ما اشوفك واطلب منك طلب انك تسامحنى ،، غصب عنى سبتك والله غصب عنى
مينا:(بعتاب ولوم ودموع) رمتينى غصب عنك ازاى
سهام: كانو هياخدوك منى وتتربى بعيد عنى
مينا: وانا كده اتربيت فى حضنك
سهام:(بعياط) كانو هيقتلوك والله (مينا سكت ،، سهام مسكت ايده وباستها) سامحنى يا حبيبى سامحنى يابنى الله يخليك اكتر حاجه ندمانه عليها انى سبتك
مينا: علشان كده لم عرفتينى جيتى جرى علشان تاخدينى فى حضنك
سهام:(بدموع) مش مستغنيه عنك ومش مستعده اتحرم منك تانى كانو هياخدوك منى يا حبيبى
مينا: ياخدونى ليه هو انا عيل صغير
سهام:(بعياط) انت متعرفش الصعايده انت متعرفش التار ولحد دلوقتى انا مش عاوزه اعرف حد انك ابنى
مينا: كمان
سهام: ايوه انا خلاص مش عاوزه من الدنيا حاجه غير انك تسامحنى وتعمل الى هقولك عليه
مينا:(بدموع) مش انا الى بسامح ربنا الى بيسامح عاوزه ايه منى
سهام: مش هيسامحنى طول ما انت مش مسامح
مينا: ايه هو الطلب
سهام:(بنهجان وصوت مقطع) اخوك
مينا:(بصدمه) اخويا
سهام:(بصوت مقطع) حم حمزه خلى بالك منه ومتسبوش امانه فى رقبتك يامينا متسبوش لابوه هيبهدله خلى اخوك معاك
مينا:(بصدمه) انتى بتقولى ايه
سهام:(بصوت مش طالع) اخوك اخوك يامينا وسامحنى (وماتت سهام بعد ما وصت مينا على اخوه الباب اتفتح ودخل طفل فى سن 11 سنه جرى على سهام وقعد يعيط
حمزه:(بعياط) ماما متسبنيش ياماما والنبى ياماما قومى قومى بقا قولتلى انك هتفضلى معايا قومى بقا قومى ياماما (مينا باصص للطفل بصدمن دخلو الممرضين اخدو الطفل بالعافيه وخرجوه هو ومينا بره
ياسمين:(بصت لمينا) انا عارفه انك تخلى بالك من طفل صعب عليك بس ده اخوك ولو سبته ابوه هيموته اعمل بوصيه مامتك وحاول تسامحها (مينا باصلها والكل بصلها بصدمه ( 🎬 نرجع_للواقع 🎬 )
مينا: وبعد ده كله بتطلبى منى اخلى بالى من ابنك واسامحك (بعياط وزعيق) ازاى قوليلى ازاى اسامحك بعد الى عملتيه فيا ازاى
سعد:(دخل بسرعه ووراه يحيي اخد مينا فى حضنه) اهدا يا حبيبى شويه
مينا:(بعياط بصوت عالى) بتطب منى اسامحها يا بابا ازاى قولى ازاى (سعد اخده بهدوء وطلعو من المقابر ورجعو البيت وكان الطفل فى بيت سعد مع نيره)
نيره:(اول ما دخلو اخدته فى حضنها) عامل ايه ياحبيبى (كلهم دخلو وقفلو الباب
مينا: كويس (وبص لحمزه)
نيره:(راحت لحمزه ومسكت ايده ورحت لمينا) ده مينا ياحمزه (وبصت لمينا الى باصص لحمزه) اخوك يامينا
مينا:(بص لنيره) انا ماليش اخوات غير احمد ومحمد ورنا وهايدى وبس رجعوه من مكان ما جيه انا مش عاوزه (وسابهم ودخل الاوضه بتاعته،، حمزه بص فى الارض بزعل ودموع)
نيره:(بصت لسعد) هنعمل ايه
سعد:(بتنهيده) بقنع فيه طول الطريق مش متقبل خالص
انس: لو سمحت ياعمو سعد انا هاخد حمزه عندى فوق لحد ما مينا يهدا طول ما هو هنا مينا مش هيفكر غير فى الى حصل لو بعد هيفكر صح ومش هيغلط بس لازم نديله فرصه ووقت يفكر فيه
سعد: ماشي يا انس ولو احتاج اى حاجه قولى
انس: متقلقش ياعمو (واخد حمزه وطلع ويحيي اخو ولاده واستأذن ونزلو وسعد ونيره قعدو يفكرو فى حاله مينا
~~~~~~~~~~~~~~~~~~~~~~~~~~~~~~~~~~~~~~~~
عند انس الى واقف فى المطبخ بيجهز اكل خلص وطلع بالاكل وحطه على السفره
انس: تعالا ياحمزه علشان تاكل (حمزه راح قعد على كرسي وسكت ،، كمل انس كلامه يلا كل
حمزه:(بصوت واطى ومن غير ما يبصله) مش جعان
انس: علشان تعرف تنام (انس رفع وش حمزه شاف الدموع فى عينه بصله بحزن) انت بتعيط ليه
حمزه:(بدموع) انا مافيش حد عايزنى بابا مش عاوزنى حتى اخويا الى ماما حكتلى عنه مش عاوزنى ماما بس الى بتحبنى وهيا ماتت خلاص مافيش حد تانى بيحبنى
انس: لا يا حبيبي اخوك بيحبك بس هو زعلان علشان امه ماتت وملحقش يقعد معاها
حمزه: لا هو قال انى ارجع من مكان ما جيت وانا لو رحت لبابا هيموتنى
انس: انت مش هتروح فى حته وهتفضل هنا مع اخوك
حمزه: انا عاوز ادخل الحمام
انس: ماشي تعالا اوريهولك (حمزه قام مع انس ووداه الحمام سمع رن الجرس طلع انس وفتح الباب كان ليث
ليث: حمزه فين
انس: فى الحمام،، الولد صعبان عليا قوى
ليث: انا هاخده تحت
انس: سيبه ياليث متقلقش عليه
ليث: دعاء بتقولى هاته هينسي لم يشوف التوأم وكمان تخلى بالها منه
انس: سيبه معايا النهارده وبكره هنزله وانا نازل الصبح (خرج حمزه من الحمام وشاف ليث قرب منه)
ليث: عامل ايه يا حمزه
حمزه: الحمد لله (وبص لليث) هتودينى لابويا
ليث: انت عاوز تروح
حمزه: لا مش عاوز
ليث:(لسه هيتكلم لقى تليفون بيرن) ايوه يادعاء. ......... لا انا نازل اهوه........... ماشي
انس: فى حاجه
ليث: لا مافيش يونس صحى يعنى التلاته صاحين مش هتعرف تخلى بالها من العيال لوحدها (وبص لحمزه) ايه رائيك يا حمزه تيجى تشوف 3 التوأم وتلعب معاهم
حمزه:(بصله) ماشي
ليث:(بص لانس) هاخده يا انس
انس:(بص لليث) شويه وهنزل اخده كفايه الى عندك اهو يونسنى بدل ما ابقى لوحدى
ليث: ماشي يلا يا حمزه (حمزه مسك ايد ليث ونزلو وانس تنهد ودخل وقفل الباب
~~~~~~~~~~~~~~~~~~~~~~~~~~~~~~~~~~~~~
مرت سنه على كده خلالها دينا اتقربت قوى من اخواتها وحست انها ملكه وسطيهم ،، محمد سعد بقا كويس ومرجعش للحقن تانى بس لسه متابع التحاليل ،، احمد عرف يتعايش مع مرضه وتقبل فكره تعبه وعايش عادى ،، هايدى وسراج اتخطبو وبيحضرو لفرحهم لم هايدر تخلص الكليه ،، شاهين وكنزه اتخطبو وهيتجوزو مع محمد وهايدى ،، محمد عباس ومحمد سعد ودينا خلصو ثانويه عامه ودخلو كليه هندسه ودينا كليه علوم ،، رنا دخلت الثانوى العام وبتطلع ديما من الاوائل ليث ودعاء اكتفو باولادهم الثلاثه الى بقو عندهم سنتين وبيدعو ربنا يقدرهم على تربيتهم اما مينا وشرين اتجوزو وشرين جابت فرحه وحمزه عايش معاهم ومينا تقبل اخوه وبيحبه جدا وبيخاف عليه من الهواء الطاير
ظهر مينا فى المقابر مع شرين
مينا: انا جيت النهارده علشان اقولك انى سامحتك زى ما كل مؤه بقولك نفس الكلمه وانو انتى متقلقيش على حمزه فى عنيا وكمان جاى علشان اوريكى فرحه بنتى زى ما وعدك انى هجبلهالك اول ما شرين تقدر تتحرك حمزه رجع المدرسه مدرسه احسن من الى كان فيها
حمزه:(بفرحه) انا بقيت عم يا ماما انا بقيت عم انا مبسوط قوى مع ابيه مينا وطنط شرين وفرحه
مينا:(اخد شرين وحمزه وفرحه وخرجو من المقابر وبص لشرين) وبكده تكون دى النهايه وخلاص يا شرين انا مبقتش لقيط
شرين: انت مكنتش لقيط اصلا انت عندك عم سعد وطنط نيره واخواتك
مينا: فعلا
حمزه: يلا بقا انا جعان قوى ابله نيره عملت لينا محشي وفراخ الى بحبهم قوى يلا بقا ومسك ايده مينا شده ومشيو التلاته رجعو البيت وكانت نيره عازمه كل البيت ومعاهم انس واهل دعاء كمان واتلمو كلهم على السطح والفرحه باينه عليهم كلهن وبكده يكون خلصت رويتنا يارب تكون عجبتكم
ESTÁS LEYENDO
اللقيط
Misterio / Suspensoانك تلاقى طفل صغير وتشيل مسؤليته كامله شوف الحياه اتغيرت ازاى
