اللقيط

الحلقه 4

#اللقيط
#اللقيط_4
#جزء_من_حلقه_سابقه
(في بيت سعد بالليل ظهر سعد ونيرة قاعدين في الأوضة وقلقانين على مينا)
سعد:(بقلق) أنا قلقان على الواد مينا قوى وعلى العيال اللي نايمة معاه فى الاوضة دى..
نيرة:(بقلق) ماتقلقش ربنا يسترها بإذن الله وبعدين كل واحد نايم على سريره تعال نقوم نطمن عليهم..
سعد: ماشى (وقامو الاتنين يطمنوا على الشباب دخلوا الأوضة براحة علشان محدش منهم يصحى دخلوا الأوضة وبصوا بإستغراب)
نيرة:(بقلق هو مينا فين؟!
سعد:(بقلق) إستنى يمكن فى الحمام( وراح خبط على الحمام محدش رد  فتح الباب ملاقش حد)
سعد:(بقلق وبص لنيرة) مينا مش جوا ..
نيرة:(بصت على سرير مينا وراحت ناحيته ومسكت ورقه وفتحتتها وقرأتها وبصت لسعد بدموع) سعد مينا ساب البيت (سعد بصلها بصدمة)
#بدايه_الحلقه_الجديده
(في بيت سعد ظهروا في أوضة مينا وماسك الرسالة وبيقرأها بصوت مسموع وباين عليه الصدمة)
سعد(بزعيق وعصبية) يعني إي ساب البيت!! وهو إي اللي يكتبلي رسالة يقولي إنه مشي ومانحاولش ندور عليه اللي هو إزاي يعني!! أنا هتجنن هيكون راح فين يعني!! وساب البيت ليه حصل إي!!
نيرة(بعياط وخوف)هوبقاله كام يوم من ساعة مانقلنا وهومش طبيعي وحساه مخبي حاجة وحاجة مش بسيطة لأنها مأثرة عليه وساكت دايماً وسبب تعبه كمان
سعد(بخوف وقلق) طيب هيكون راح فين بس ياربي!!
نيرة(بدموع) أنا عاوزة إبني ياسعد هاتلي مينا بالله عليك مش هقدر إنه يبعد عني..
سعد(بتوهان) نيرة بالله عليكِ إهدي أنا مش ناقص هنلاقيه بإذن الله بس إهدي كده(في الوقت ده كانوا محمد وأحمد صحوا لما سمعوا صوت باباهم ومامتهم والبنات كمان صحوا بسبب الصوت وراحوا الأوضة يشوفوا فيه إي)
أحمد(بقلق) مالك يابابا بتزعق ليه خير!!
نيرة(بصتله بدموع) مينا ساب البيت
أحمد(بعدم إستعاب) ها ساب البيت إزاي يعني! خرج يعني ولاإي مش فاهم..
نيرة(بدموع) لا ساب البيت خالص وساب رسالة إنه مشي وماندورش عليه ..
محمدسعد(بخوف) اللي هو إزاي يعني طيب ساب البيت ليه ولا حصل إي!!
سعد(بجدية وبصلهم) قوموا يلا نخرج ندور عليه هنقعد نتكلم كتير لحد مانلاقهوش فعلاً قوموا يللاا (قاموا الشباب ومعاهم سعد وراحوا ناحية الباب علشان ينزلوا يدورا علي مينا لسا بيفتحوا الباب لقوا ف الوقت نفسه كان يحيي جاي يطمن على مينا وعلى صحته وكان معاه ليث ومحمدسراج بصلهم بإستغراب)
يحيي(بإستغراب) مالك ياسعد ورايح فين كده بهدومك دي!!
سعد(بتنهيدة قلق) مينا ساب البيت
ليث(بعدم إستعاب) هاا ساب البيت إزاي يعني مش فاهم وعرفتوا منين إنه ساب البيت ..
أحمد(بقلق) ساب رسالة علي سريره قبل مايمشي..
محمدسراج(بقلق) طيب مستنيين إي يلا نروح ندور عليه بإذن الله مايكونش بعد عن البيت هو أصلاً تعبان وأكيد مابعدش كتير هنلحقوا بإذن الله..
ليث(بص لسعد) عمو خليك هنا وإحنا هنروح ندور عليه إحنا وبابا هيقعد معاك كمان ..
سعد(برفض) لا مش هعرف أفضل قاعد كده وأنا مش عارف هو فين ولا راح فين!
ليث(بجدية) عمو بالله عليك إنتو مش هتقدروا تمشوا كتير وتلفوا عليه زيينا خليك إنت وبابا هنا وإحنا بإذن الله هنلاقيه ونجيبه ونيجي ها ماشي..
سعد(بصلهم بتنهيدة وهز رآسه بمعني ماشي) ماشي ياليث بس خلينا على إتصال..
ليث(هز رآسه بمعني ماشي) بإذن الله ياعمو (نزل الشباب يدوروا على مينا وسط قلقهم وخوفهم عليه وسعد قعد هو ويحيي وكان معاهم نيرة والبنات اللي بيعيطوا وخايفين علي مينا)
................................................................................................
(في الشارع ظهروا الشباب قاعدين يلفوا على مينا ويدوروا عليه وسط خوفهم وقلقهم ليكون بعد عن البيت)
أحمدسعد(بقلق) وبعدين بقى إحنا دورنا عليه في كل حتة ف الشارع هيكون راح فين يعني!!
ليث(بقلق) أحمد إهداا هنلاقيه بإذن الله أنا حاسس إنه مش بعيد عن هنا هو أصلاً تعبان وسخن يعني لو قدر يمشي مش هيقدر يطول عن كده
محمدسراج(بقلق) طيب والعمل هنعمل إي!!
ليث(بجدية) طيب بصوا هو فيه ناحيتين يوصلونا للشارع الرئيسي أنا وأحمد من شارع ومحمد ومحمد من الشارع التاني وهنلاقي في الشارع الرئيسي بإذن الله نلاقيه هناك ومابعدش عن كده بس خلونا ع إتصال تمام يللاا ..
(راحوا الشباب يدوروا على مينا كل إتنين من ناحية عدي على كل ربع ساعة ظهر مينا قاعد عند عمود وساند عليه وباين عليه التعب ومش قادر يقوم)
أحمدسعد(بص قدامه بصدمة) ليث مينا هناك أهو ..
ليث(بسرعة) فين(وفجأة بص قدامه بصدمة وطلع يجري على المكان اللي مينا فيه وكان وقتها محمدسعد ومحمدسراج وصلوا للمكان اللي هما فيه وكلهم قربوا من مينا)
محمدسعد(بقلق وقعد قدامه) مينا إنت كويس!!
مينا(بصلهم بتعب وتوهان وغمض عينه بتعب ومارديش عليهم)
ليث(بعصبية من قلقه) لا ماتسكتش! مين سمحلك تخرج وإنت تعبان وعلى أي أساس أصلا تخرج من البيت إفرض كنت بعدت عن كده وإنت تعبان وحصلك حاجة وبعدين تخرج وتسيب البيت حصل إي لإنك تسيب البيت..
محمدسراج(بص لمينا بقلق وبص لليث) ليث إهدااا شوية إنت مش شايف منظره عامل إي!!
ليث(بعصبية) والهدوء هيعمل لينا إي لو كان جراله حاجة ها (وبص لمينا بزعيق) بصلي ورد عليا وقولي ليه تسيب البيت وتمشي وإنت تعبان وتقلق أهلك وتقلقنا كلنا عليك..(مينا بصله بتعب ودموع وماقدرش يتكلم ولا يُرد عليه غمض عينه بتعب وسكت)
أحمدسعد(بقلق) ليث خلاص إهداا هو أصلاً تعبان ومش معاك ولا سامع بتقول إي..
محمدسعد(بقلق وحط ايده على جبينه وبص للكل) شكله تعب تاني وحرارته عالية جداً
ليث(فاق من عصبيته وبصله بقلق وحط إيده علي رآسه لقاه مولع من الحرارة بصلهم بقلق وجدية) طيب بسرعة يلا حد يوقف تاكسي مش هيقدر يمشي معانا كده(راح محمدسعد يجيب تاكسي ماكملش خمس دقايق وجه  الشباب دخلوا مينا التاكسي وركبوا هما كمان شوية وكانوا وصلوا البيت نزلوا مينا من التاكسي وليث حاسب التاكسي بسرعة وأخدوه وطلعوا البيت وسط تعبه وقلقهم عليه)
.................................................................................................
(في بيت مينا ظهروا قاعدين وباين عليهم القلق وسعد قاعد رايح جاي وقلقان)
يحيي(بقلق) سعد إهداا بقي وأقعد هيلاقوه بإذن الله ماتقلقش والله..
سعد(بقلق وخوف)بقالهم يجي داخلين على النص ساعة أهو هو وقت مش كبير بس المفروض إنه تعبان ومش هيقدر يمشي كتيرأنا خايف يكون حصله حاجة..
يحيي(بتنهيدة قلق) لا بإذن الله هيجي الوقتي المهم بس أقعد علشان البنات باصين عليك وقلقانين أهو إهدا بقي..
سعد(قعد وبقلق) يارب يارب (عدي على كده ربع ساعة وكان البيت بيخبط راحت هايدي تفتح ظهروا الشباب كلهم ومعاهم مينا اللي كان باين عليه التعب ومش قادر يقف على رجله)
سعد(قام وبص على مينا بقلق وبصلهم) إتأخروا ليه!! وكان فين!! حصله حاجة؟!
ليث(بتنهيدة تعب) إهدا ياعمو إحنا لقيناه بعد كام شارع كده كان ماشي بس الظاهر تعبه ماساعدوش فكان قاعد وإحنا شوفناه وجيبناه..
سعد(بصلهم وبص لمينا بزعيق) كنت فين ومين اللي سمحلك تخرج من البيت..
نيرة(بدموع وخوف من عصبية جوزها) سعد إهدا بالله عليك خلاص الحمدلله هو كويس أهو..
سعد(بعصبية) وإفرضي كان حصله حاجة وقتها بقي الهدوء كان هيعملنا إي (وبص لمينا ومسك ايده بزعيق وعصبية) رد عليا خرجت من البيت ليه!
يحيي(بص لمينا بقلق ورجع بص لسعد وفك ايد مبنا من ايده) سعد إهدا مينا مش معاك أصلاً شكله تعبان أجل الكلام الوقتي لما نطمن عليه..
سعد(بص لمينا بقلق وبص ليحيي بتنهيدة) ماشي يايحيي شوفوا وإكشف عليه..
يحيي(بص لليث والشباب) ساعدوه يللا ودخلوه أوضته (وبص لمحمدسراج ) روح بسرعة هاتلي الشنطة بتاعتي وتعال يامحمد..
محمدسراج(بقلق) حاضر.. (ليث والشباب أخدوا منيا ودخلوه الأوضة ونيموه علي السرير وسط تعبه اللي بيزيد أكتر شوية ومحمدسراج جاب الشنطة لباباه ويحيي بدأ يكشف عليه بالسماعة خلص كشف عليه وبصلهم)
يحيي(بتنهيدة قلق) تعب أكتر من الأول حرارته زادت وبقت 40 وعنده برد في عظمه ومعدته بسبب خروجه في الجو ده..
ليث(بقلق) والعمل يابابا هنعمل إي!!
يحيي(طلع ورق وقلم ويدأ يكتب علاج ) هكتبله خافض للحرارة ومضاد حيوي قوي ويبقي كويس مع الأكل الصحي والكمدات بإذن الله (وبص لمحمدسراج) محمد إنزل بسرعة هات العلاج ده علشان أعطيه علاجه علشان..
محمدسراج(أخد الورقة من باباه ونزل) حاضر..
يحيي(بص لمينا بقلق) مينا إنت كويس! حاسس بإيه!
مينا(بصلهم وغمض عينه بتعب وبصوت ضعيف) ك كويس..
يحيي(بتنهيدة قلق) ربنا يهديك يامينا (وبص لنيره) هاتى ميه سقعه وفوطه نظيفه نعمله كمدات على ما محمد يرجع ( نيره هزت راسها بمعنى ماشى وخرت جاب ميه وفوطه ورجعت وفضلو يعملو كمدات لمينا  ,, عدي على كده تلت ساعة كان محمدسراج جاب العلاج يحيي أخد منه العلاج وطلع الحقن ويدأ يجهزها شوية وخلص تجهيز الحقن وقرب من مينا)
يحيي(بص لليث بهدوء) ليث ساعده ينام على جنبه براحة علشان أعطيه الحقن.. (ليث بص لمينا بحزن وبص لباباه وهز رآسه بمعني ماشي وساعد مينا ينام على جنيه ومسك إيده ويحيي قرب منهم ويدأ يعطي مينا الحقن وسط توحعاته اللي مش قادر يطلعها)
مينا(بتعب وتوجع وصوت ضعيف وضغط على إيد ليث جامد) آآآآآآه آآآآآآه آآآه
يحيي(شال سن الحقنة الأولي وإعطاه التانيةعلي طول) خلاص إهداا هخلص أهو ..
مينا(بتعب ومش قادر يطلع الصوت) آآآآآآه كفاية ياعمو آآآه..
يحيي(شال السن ودلك مكانها شوية وبصله) خلاص ياحبيبي خلاص خلصت بالشفا يارب..
سعد(بقلق) هو عامل إي! هيكون كويس يايحيي صح؟!
يحيي(بإبتسامة تطمنه) ماتقلقش ياسعد إنت يعني مش عارف تعب مينا بإذن الله هيبقي كويس هو بس علشان ماعندوش مناعة وضعيف فبيكون تعبان أوي بس هيبقي كويس مع العلاج بإذن الله وإعملوله كمدات تنزل الحرارة..
نيرة(بدموع وحزن) بإذن الله حاضر هعمله..
يحيي(بهدوء) وكمان يأكل كويس لانه واضح مش بيأكل كويس بقاله فترة..
نيرة(بدموع) حاضر بإذن الله..
يحيي(قام وقف وبصلهم بإبتسامة) يللا هنمشي إحنا بقي وهجي بكرة باذن الله الصبح أعطيله علاجه وأطمن عليه..
سعد(بتنهيدة تعب) بإذن الله يايحيي معلهش بقي علي تعبك ده معانا ..
يحيي(بإبتسامة وحط إيده علي كتف سعد) إنت بتقول إي ياسعد مينا إبني زي ماهو إبنك رينا يشفيه (وبصوت مهموس) ياريت ماتشديش عليه وتكلمه في حاجة الوقتي لما يتحسن بإذن الله إتكلموا براحتكم وإفهم منه عمل كده ليه أكيد وراه سبب وسبب قوي كمان..
سعد(بص لمينا وبص ليحيي بتنهيدة) تمام بإذن الله حاضر..
يحيي(بص لمحمدسراج وليث) يلا ياشباب وهنبقي نيجي بكرة باذن الله مينا أصلا شكله نام..
ليث(باصص علي مينا بقلق) ماشي يابابا يللاا ..
(مشي يحيي وليث ومحمدسراج وسط قلقهم وخوفهم على مينا وسعد بص لمينا بتنهيدة وقعد جنيه هو وإولاده ونيرة اللي بدأت تعمله كمدات وسط دموعها وحُزنهم عليه)
........................................................................................................
(في بيت يحيي ظهروا داخلين من البيت بعد أما رجعوا من عند مينا وباين عليهم الحُزن قابلتهم ليلي وشيرين بقلق)
ليلي(بقلق) إتأخرتوا ليه كده!! كل ده بتتطمنوا على مينا؟!
يحيي(بصلهم يتنهيدة تعب وراح قعد) إسكتي ياليلي الواد مينا مشي وساب البيت وراحوا الشباب يدوروا عليه وأنا كنت قاعد مع سعد ..
ليلي(قطعته بصدمة) ساب البيت!! ليه خير ولقتوه ولاإي!!
يحيي(بتنهيدة تعب) آها الحمدلله الشباب لاقوه وجابوه ماكانش بعد كتير عن البيت بسبب تعبه بس جاي خلصان ومش قادر حتي يتكلم من كُتر تعبه ..
ليلي(بحزن) ياحبيبي ياأبني طيب وهو عامل إي الوقتي؟
يحيي(بحزن) كويس الحمدلله كشفت عليه وكتبتله علاج وإعطيته حقنتين من علاجه وبإذن الله لما يكمله هيبقي كويس إدعيله بس لأن حالته صعبة جداً ..
شيرين(بحزن وقلق) طيب هو ساي البيت ليه خير فيه حاجة!
محمدسراج(بحزن) مانعرفش بس أكيد فيه سبب يعني وسبب كبير كمان اللي يخليه يعمل كده..
(قطع كلامهم خروج دينا من أوضتها وراحت جرت على باباها وحضنته وسط إستغرابهم اللي جايبها الوقتي)
دينا(بحمااس طفولي) أناااا جيت..
يحيي(بسعادة وإستغراب) دينا !!! جيتي أمتي وإزاي!!
دينا(بإبتسامة) لسا جاية من شوية وجيت عادي يعني يابابا مش صعب يعني..
محمدسراج(بتساؤل) عادي إزاي يعني جيتي لوحدك!!
دينا(بإبتسامة) آها عادي هو أنا لسا صغيرة يعني ..
يحيي(بتنهيدة وحضنها) حمدلله على السلامة ياحبيبتي وأيوة صغيرة وماعوتيش تعملي كده تاني سامعة..
دينا(بإبتسامة) حاضر يابابا أنا أصلاً ماعوتيش هسافر وهقعد معاكم على طول بإذن الله..
محمدسراج(بإبتسامة وسلم عليها) حمدلله على السلامة يادندون..
دينا(سلمت عليه وحضنته) الله يسلمك ياأبيه(وبصت لليث بإستغراب) مالك ياأبيه إنت كويس!!
ليث(فاق من سرحانه وبصلها بإبتسامة بسيطة وحضنها) أنا كويس ياحبيبتي حمدلله على السلامة معلهش بقي ياجماعة هدخل أنام تصبحوا على خير..
الكُل(بهدوء) وإنت من أهله ..
(دخل ليث أوضته وكلهم باصين عليه بتنهيدة حُزن ودينا باصة عليه بإستغراب وقلق بصتلهم)
دينا(بصتلهم بقلق) ماله أبيه ليث هو كويس!!
يحيي(بتنهيدة حُزن) ماتقلقيش ياحبيبتي هو كويس بس مينا بس تعبان شوية وإنتي عارفة هو بيحب مينا إزاي ومتعلق بيه ف هتلاقيه بس من قلقه عليه..
دينا(بحزن) رينا يشفيه ويعافيه يارب..
الكُل(بحزن) يارب..
يحيي(بإبتسامة وقام وقف) يلاا كل واحد يروح ينام الوقت إتأخر يللاا تصبحوا على خير..
(راح محمدسراج والبنات كل واحد على أوضته علشان يناموا ويحيي وليلي راحوا أوضتهم علشان يناموا هما كمان بعد ماإطمنوا عليهم)
..........................................................................................
(في بيت سعد ظهروا كلهم قاعدين جنب مينا وباصين عليه بخوف وقلق ونيرة بتعمله كمادات)
سعد(بصلهم بجدية) هو حد فيكم قال لمينا حاجة زعلته!!
أحمد(بنفي) لا والله يابابا إحنا قبل ماننام كان كويس وكُنا بنهزر وعادي ..
محمدسعد(بهدوء) أيوة يابابا إحنا إمبارح كان عادي وقاعدين بنتكلم وعادي..
سعد(بتنهيدة تعب) أومال ماله حصله إي لتعبه ده!!
هايدي(بحزن) بابا مينا من ساعة مانقلنا هنا وهو متغير وساكت ومابيتكلمش زي الأول وع طول سرحان (سعد بص لنيرة بقلق ليكون اللي ف باله صحيح)
رنا(بحزن) أيوة يابابا لأن برضو كان علي طول بيذاكر معايا ويسمعلي قبل الدرس وبقاله كام يوم ماعملهاش وأنا ماكونتيش بطلب منه علشان ماأضغطش عليه..
سعد(بصلهم بتنهيدة وجدية) خير هيبقي كويس ماتقلقوش يلا روحوا ناموا علشان الوقت إتأخر ..
أحمد(بحزن) طيب روحوا إنتو يابابا أنت وماما ناموا وأنا هقعد حنبه أعمله كمدات ..
نيرة(بصتله يإبتسامة) لا ياحبيبي روح إنت يللا نام علشان كليتك بكرة..
أحمد(بهدوء) مش هروح ياماما ومينا تعبان ..
سعد(بجدية) لا هتروح مينا كويس وبإذن الله على الصبح يكون فاق شوية وتخلص محاضراتك وتبقي تيجي تقعد معاه يلا روح نام إنت وأخوك كل واحد علي سريره يللا
أحمد(بص لمينا بقلق وحزن وبص لباباه وهز رأسه بمعني ماشي) حاضر يابابا تصبحوا على خير ..
محمد سعد: تصبحو على خير
سعد ونيرة(بصولهم كلهم بهدوء وإبتسامة) وإنتو بخير (راح أحمد ومحمدسعد يناموا على السرير وهايدي ورنا راحوا أوضتهم ونيرة قعدت جنب مينا تعمله كمدات)
سعد(بصوت مهموس) تتوقعي يكون مينا سمعنا وإحنا بنتكلم قبل ماننقل؟!
نيرة(بصتله بصدمة) لالا بإذن الله مايكونش سمع حاجة
سعد(بصوت مهموس) وتفسري بإيه كلام إخواته عن سرحانه وسكوته وتعبه اللي جه فجأة ده..
نيرة(بدموع) لو فعلاً سمع الكلام مش هسامح نفسي لإن يبقي كده إحنا السبب ف التعب اللي هو فيه المفروض كُنا نأخد إحتياطاتنا ومانتكلمش ف أي مكان كده..
سعد(بتنهيدة تعب) إهدي يانيرة بالله عليكى أنا مش ناقص أصلاً بإذن الله هيبقي كويس ونبقي وقتها نعرف ماله ..
نيرة(يدموع) يارب يارب(سعد إتنهد بتعب وبص لمينا بحُزن على تعبه ده واللي بيحصله ونيرة قعدت تعمله كمدات تنزل الحرارة وسط دموعها وقلقها عليه)
...............................................................................
تانى يوم عند احمد وكارمن فى الكليه
احمد:(بص لكارمن) انتى اتاخرى ليه كده  انا مستنيكى من ساعتها
كارمن: معلشى يا  احمد اخويا صمم يوصلنى  ,, المهم طمنى انت على مينا هو كويس
احمد: الحمد لله بقا احسن  ادعيله
كارمن: بدعيله والله (بصتله بقلق) مالك ياحمد
احمد:(بزعل) مافيش يا حبيبتى متقلقيش
كارمن: مش من العادة انك تخبى عنى فى ايه بقا
احمد:(بصلها بحزن) الجو عندنا مكركب قووى تعب مينا موتر البيت كله وكمان حكايه انو بسيب البيت ويمشى  انا نفسى اعرف ليه
كارمن: طب ما تساله وتشوف هو ليه عمل كده
احمد:(بحيره) سألت واتحجج انو محمد نايم ومش هينفع يتكلم
كارمن: طيب هو هيبقى كويس ان شاء الله
احمد:(بتمنى) يارب
كرامن: اضحك بقا (احمد ابتسم ,, كارمن كملت كلامها بأبتسامه) انت هتخلص محاضراتك امتى
احمد: على الساعه 12
كارمن: انا اخرى 1
احمد: بصى انا هستناكى ولو مشيت  هبعتلك رساله
كارمن: خلاص ماشى
احمد: يلا روحى علشان متتاخريش
كارمن: ماشى باى
احمد: سلام (ومشيت كارمن واحمد مشى من الناحيه التانيه)
...............................................................................................
ظهر محمدشاهين في الأوضة قاعد جنب مينا ع السرير ونيرة كانت قاعدة معاه وبيتكلموا)
محمدشاهين(بحزن وماسك إيد مينا) مينا نام يابني إنت عينك حمرة جداً نام يللا وأنا قاعد جنبك أهو ..
نيرة(بحزن) شوية وهتلاقيه نام من نفسه أصلاً..
محمدشاهين(بحزن) أصل عينه حمرا جداً وباين عليه التعب وكده كده مش غايق معانا أصلاً فينام أحسن ويرتاح هو تعب من إي كده!! هو أصلاً كان بقاله فترة متغير وباين عليه التعب وأقوله مالك يقولي مافيش بس مارضيتش أضغط عليه ووقت مايحكي هيحكي..
نيرة(بحزن) والله مانعرف يامحمد ماله هو تعب فجأة لما يبقي يفوق كده بقي بإذن الله ونشوف ماله..
محمدشاهين(حط إيده علي رأسه) طيب هو سخن جداً ليه كده!! مافيش علاج ينزل السخونية دي..
نيرة(بتنهيدة تعب) لسا أخد علاجه أهو دكتور يحيي كان عنده من كام ساعة بس وإعطاله حقنتين بس فاق وقتها نص ساعة بس ورجع لحالته دي تاني..
محمدشاهين(بحزن) هيبقي كويس بإذن الله ياطنط ماتقلقيش..
نيرة(بحزن) يارب..
محمدشاهين(قام وقف وبص لمينا ورجع بص لنيرة) ماشي ياطنط أنا همشي أنا بقي وهجيله بكرة باذن الله يكون فاق شوية ..
نيرة(قامت وقفت) بإذن الله ياحبيبي تشرف في أي وقت البيت بيتك مينا بيحبك جداً وهيزعل أصلاً لما يعرف إنك جيت وماكانش فايق..
محمدشاهين(بإبتسامة) وأنا كمان بحبه جداً والله ياطنط وبإذن الله هجيله تاني بس كنت عاوز رقم أي حد ف البيت علشان أبقي أطمن علي مينا..
نيرة(إعطه الرقم وبصتله بإبتسامة) تسلم علي الزيارة دي ياحبيبي وإنك تعبت نفسك وجيت ..
محمدشاهين(بنفي) مافيش تعب ولاحاجة ياطنط مينا أخويا وربنا يعلم معزته عندي رينا يشفيه يارب..
نيرة(بإبتسامة) رينا يباركلكم ف بعض ياحبيبي..
محمدشاهين(راح لمينا وباسه من دماغه وبص لنيرة بإبتسامة) يارب يلا هستأذن أنا بقي علشان ماأتأخرش..
(مشي محمدشاهين بعد أما سلم على نيرة اللي راحت معاه لحد الباب ورجعت تاني لمينا تعمله كمدات)
.......................................................................................
بالليل عند مينا قاعد فى اوضته ومحمد سعد قاعد على سريره وبيلعب فى تليفونه واحمد قاعد جمب مينا بيتكلموالباب خبط احمد قام فتح ليث وسراج دخلو
محمد سراج:(بص لمحمد الى لسه فى ايده التليفون) انت ياله قاعد مبتذاكرش ليه(محمد سعد بصله) وفالح بس ساعه العقاب والله بذاكر يا مستر
محمد سعد:(بصله بزعل) والله بذاكر والمراجعه دى اصلا انا نسيتها
محمد سراج:(بجديه) يعنى مكنتش مذاكر لا انت ولا التانى يا غشاشين
محمد سعد:(بزعل) والله العظيم ما غشينا من بعض
محمد سراج:(بص لمينا) طب يا مينا اجبلك الورقتين تشوفهم واحكم انت انو دول غشين من بعض ولا لاء
ليث:(بص لمحمد سراج)هواحنا جاين نشوف مينا ولا جاين نتكلم فى غش وامتحان(وبص لمينا بلوم وعتاب)عامل ايه دلوقتى يا مينا
مينا:(بتعب وزعل من نظره ليث) انا الحمد لله كويس
محمد سراج: عامل ايه يا مينا معلشى  بس الواد ده منرفزنى هو الزفت التانى من الحصه الى فاتت
مينا: الحمد لله كويس ( محمد سابهم وخرج بره)
احمد: ايه ياعم سراج خف شويه دانت مورم ايد محمد خالص
محمد سراج: دانا هكسرها مش هورمها بس
احمد:(بضحكه) اه بقا  بابا مديلك الحريه
ليث:(بصلهم الاتنين) خلاص يا جماعه لاحظو انو الواد تعبان
احمد:(بص لسراج) بقولك ايه ما تيجى نرخم على الواد محمد شويه
محمد سراج: يلا اهوه نستلى عليه (وطلعو الاتنين)
ليث:(بص لمينا بلوم) مش عايز تقولى مالك وايه السبب الى خلاك تسيب البيت علشانه (مينا تنهد وسكت ,, ليث كمل كلامه بجديه) انا مش هضغط عليك  يامينا بس احب اقولك انى موجود وقت ما تحب تتكلم  هتلاقينى بسمعك (دخل عليهم سعد ومعاه يحيى)
يحيى: ازيك يامينا عامل ايه لوقتى
مينا: الحمد لله ياعمو انا بخير والله
سعد: الحمد لله يا حبيبى انت فايق عن العصر كنت  فى ملكوت تانى
مينا: الحمد لله يا بابا انا شايل دماغى عن المخده اهوه
الكل: الحمد لله
يحيى:(بص لسعد) فين بقا علاجه
سعد:(راح جاب كيس العلاج ) اهوه كيس العلاج اهوه
يحيى: انا عايزك تقوم تقف تاخد الحقن وانت واقف
مينا:(بقلق)ماشى
يحيى:(حضر الحقن وبص لمينا) يلا يا مينا (مينا قام وقف  ومسك فى ايد ليث  ويحيى قرب منه وبدأ يضربله الابره الاولى)
مينا:(بتوجع) اااااااه ااااااه
يحيى:(شال السن وضرب لمينا الحقنه التانيه) معلشى يا مينا استحمل شويه
مينا: ااااااااااه اااااااه
يحيى:(شال السن ومينا قعد على السرسر) انا مرضتش اديلك الحقنتين فى ناحيه واحد علشان رجلك متوجعكش
مينا: اه كده اخوف بكتير بس الحقن تقيله قووى
يحيى: معلشى هيا المضاد الحيوى تقيله وانت جسمك اصلا تعبان من السخونيه
سعد: ربنا يشفيه بقا
يحيى: يارب (وقعدو مع مينا شويه وبعدها يحيى استأذن وطلع هو وليث ومحمدسراج)
...........................................................................................................................
(عند رنا  اللي خارجة من أوضتها
رنا:(بصت لنيرة بإبتسامة ) ماما انا هنزل بقا
نيرة: ماشى يارنا
محمد سعد:(بإستغراب) هو انتى وراكى درس تانى!
رنا:(بصتله بتريقة) لا بس أنا لوعندى اخوات عدله كانوا شرحولى اللي أنا عايزاه بس للاسف معنديش  معطلكش بقا سلام  (ونزلت وسابته)
محمدسعد:(بص لامه بصدمة)  هيا البت دى غلطت فينا !
نيره:(بصت لمحمد بضحكة) قوم ذاكر يا محمد  اللي وراك علشان  متجبش الدرجة الخايبة اللي جيبتها المرة اللي فاتت تاني..
محمد سعد:(بتنهيدة) منا بذاكر أهو (نيره تنهدت وقامت من قدامه محمد بصلها وبص للكتاب ,, أما عند رنا الى نزلت لمحمد سراج ظهرو قاعدين مع بعض)
رنا:(بصت لسراج بزعل) أهيه القاعدة دى مش عارفة أفهمها خالص ولا عارفة أطبق عليها حاجة والمستر مستقصدنى فيها
محمد سراج: علشان انتى شاطرة ومستر حازم مش عايزك تخيبى
رنا: بس انا قولتله يشرحالى كذا مره  وهو اللي مش موافق وبيقولى  انك كنتى مش مركزه وأنا بشرحها
محمد سراج: والبنى انا لو عندى طالب بعد ما شرحت ويجى الحصة اللي بعدها بقولى مش فاهمها هكسر  دماغه واسيبه ينضرب كذا حصه وبعدين اشرحهالو
رنا:(بصتله بخوف) طب اشرحالى بقا
محمد سراج: (بص فى الكتاب ) ماشى ركزى معايا بقا (وبدأ يشرح لرنا  القاعده وبعد ما خلص) فهمتيها
رنا:(بصتله بخوف) لا اطبق عليها الاول واشوف هعرف ولا لاء
محمد سراج:( بصلها بإبتسامة) طيب تعالى نحل التدريبات اللي عليها..
(وبدأو يحلوا سوا التدريبات اللي على القاعدة بعد ما خلصو)
محمد سراج:تمام كده
رنا: تمام
محمد سراج: ماشى توقعى أى سؤال اى وقت بقي..
رنا:(أخدت كتبها وبصت لسراج وهيا ماشيه) ربنا يستر بقي
(محمد سراج ضحك عليها ورنا  طلعت بيتهم وسابته وسراج دخل أوضته )
............................................................................
عند مينا الفجر  نيره وسعد قاعدين جمب مينا  ومحمد واحمد قاعدين على سراريهم  ورنا وهايدى  قاعدين جمب احمد على السرير
نيره:(بتنهيده) وبعدين يا سعد  هتسيبه كده  الحراره  هتوصل لاربعين  خلاص 39 وتلات شرط
سعد: ماهو واخد علاجه من  ساعه ونص استنى شويه
محمد سعد: بس بعد ساعه ونص يا بابا  المفروض يكون على الاقل الحراره نزلت 
رنا: صح يا بابا الحراره بتزيد مش بتنزل
سعد: طب اعمل ايه دلوقتى
نيره: كلم دكتور يحيى هو فاهم حالته وعارف من وهو صغير
سعد: هكلمه دلوقتى
احمد:(بص فى التليفون وبص لبباه) ليث صاحى يا بابا  اكلمه واقوله
سعد: لا انزلهم يا احمد  وقولهم تحت احسن  (احمد نزل وخبط فتحله ليث)
ليث:(بخوف وقلق) فى ايه يا حمد
احمد:هوعمو يحيى صاحى مينا من ساعه ما اخد العلاج بالليل والحراره مبتنزلش وكمان اخد دواء الشراب بردومنزلتش وبتزيد وخلاص هتوصل لاربعين
ليث:( سابه على الباب ودخل بسرعه  لبباه وبعد كام دقيقه خرج  ليث ويحيى)  متقلقش خير بأذن الله (وطلعو بسرعه  كلهم  ودخلو )
يحيى:(قرب من مينا وكشف عليه  وقاس الحراره) مش قولتلك لو الحراره منزلتش قولى يا سعد
سعد: كنت مستنى النهار يطلع وكنت هقولك
يحيى:(بص لسعد بتنهيده  وكتب اسم  حقنه فى ورقه وبص لليث) انزل هات الحقنه من اى حته بسرعه
احمد:(مسك الورقه) انا هنزل
يحيى: انزلو انتو الاتنين كل واحد من ناحيه  (احمد وليث نزلو بسرعه وكل واحد راح من ناحيه ,, يحيى بص لنيره )  شيلى من عليه الغطا ده  ولو عندك تاج هاتيه ( شالو من عليه الغطا وهايدى جابت تلج  وجات ويحيى قعد جمبه يعمله كمدات )
سعد:(مسك ايد مينا ورجله وبص ليحيى) بس هو جسمه مولع واطرافه ساقعه ليه
يحيى: من شده السخونيه متقلقش (بعد شويه رجع ليث واحمد وكل واحد فيهم جاب حقنه  خرجو البنات ونيره من الاوضه ويحيى  جهز الحقنه وقرب من مينا  وسعد نيمه على جمبه ويحيى ضربله الحقنه
مينا:(بصوت مش طالع) اااااااااه اااااه (يحيى شال السن وعدلوه على ظهره  ورجعو يعملوه كمدات تانى  عدى ربع ساعه والحراره نزلت ومينا لسه نايم)
يحيى:(بصلهم  بتنهيده) الحمد لله الحاره نزلت
سعد: طب الحقنه دى مكتبتهاش من الاول ليه
يحيى: علشان الحراره كانت بتنزل مع الحقن التانيه بس طالما مبتنزلش  ياخد حقنه من دى ساعه اللزوم بس غير كده لاء
سعد: طب مش هتعلى تانى
يحيى : مش هتعلى للدرجه دى تانى بأذن الله هو هيفضل نايم  ممكن للظهر متقلقوش  ربنا يطمنكو عليه
سعد: انا اسف يا يحيى انو جبتك فى الوقت ده
يحيى: لا يا سعد ده وجبى وشغلى  ولادك ولادى  ربنا يشفيهولك يارب
سعد: يارب
يحيى: يلا بقا  احنا هننزل وحاولو تنامو شويه (وخرج يحيى وسعد وليث من الاوضه واحمد ومحمد اطمنو على مينا ونامو على سرايرهم وسعد ونيره دخلو اطمنو على مينا بعد ما يحيى وليث نزلو وطلعو نامو والبنات كمان دخلو نامو)
..............................................................................................
تانى يوم فى المعهد عند محمد سعد الى قاعد فى الدرس وفتح يراجع مسأله للرياضه مع محمد عباس  وبص بصدمه
محمد سعد:(فتح الكشكول يراجع الواجب  وبص بصدمه) ينهار اسود ,, دى كشكول الكمياء
محمد عباس:(بصله بصدمه) مجبتش كشكول الرياضه
محمد سعد:(بقلق) لا اخدت كشكول الكمياء
محمد عباس: والهوم ورك هتعمل ايه فى
محمد سعد:(بتنهيده) مش عارف بس اكيد هنضرب يعنى مافيش كلام (دخلت دعاء الحصه وسلمت على الطلاب )
دعاء:(بصت للكل) ها حد ووقف معاه حاجه فى الهوم ورك (كل الطلات قالت لا)
دعاء:(بصت للكل) الى معملش الهوم ورك يتفضل يقف (محمد سعد وقف وقف معاه ولد وبنت كمان ,, دعاء بصت بأتجاه محمد بصدمه ورحتله)
الواجب متعملش ليه يا محمد
محمد سعد:(بقلق) والله عملته بس للاسف الكشكول اتلغبط مع كشول الكمياء
دعاء:(بجديه وعدم تصديق وبعصبيه) دى حجج سبها  لحد تانى مش ليك
محمد سعد:(بنفى)بس هيا مش حجج والله (دعاء بصتله وسابته وطلعت وقفت عند السبوره وبصت لبنت اسمها اميره) هاتى عصايا من بره لان الاستهتار ليه حد (محمد تنهد وبص فى الارض رجع بص لدعاء تانى ,, طلعت البنت وجابت العصايا ودخلت عاقبت البنت والولد كل واحد عصايتين  وراحت لمحمد ,, محمد فتح ايده دعاء حطت عليها العصايا وبصتله)
دعاء:(وهيا حاطه العصايه على ايد محمد وبجديه)لم طالب شاطر زيك بيرجع لواء المفروض اننا نفوقه(وبتشيل العصايه وبتضرب بيها براحه على ايده) مش نطبطب عليه علشان ينام فى الخط  وانت عارف انو غلطه الشاطر بالف صح
محمد سعد: (بتردد)بس انا اول مره انسى الكشكول
دعاء: وعلشان انت اول  مش لازم نتهاون ( وتنهدت ونزلت العصايا وكملت كلامه) بس انت اول مره تيجى بالحجج دى انا هصدق انك حليت وجبك فى البيت(وبصت لدينا) مستر ليث فى البيت مش كده يا دينا
دينا: ايوه فى البيت تقريبا مش نازل النهارده 
دعاء:ماشى (ورجعت بصت لمحمد) مش هعاقب الحصه دى  بس هترجع البيت مسافه ما تطلع تنزل تديله الكشول وانا هاخده منه بكره بس لو قالى انك اتأخرت عن 8 ونص هتتعاقب الحصه الى جايه على الواجب وعلى انك كداب  ولا الاحسن تقولى انك محلتش الواجب من الحصه دى وتتعاقب مره واحده وخلاص
محمد سعد:(بثقه) لا انا لم ارجع البيت  هنزل الكشكول لمستر ليث او هطلع دلوقتى اكلم رنا او احمد اخويا حد فيهم ينزله الكشكول
دعاء: لا لم ترجع البيت بس صدقنى العقاب هيبقى اشد
محمد سعد: ماشى
دعاء: ماشى حل بقا اول مسأله فى الوجب (محمد بص فى الكتاب بتاعه وبدأ يحل اول مسأله)
...............................................................................
فى اوضه الشباب
مينا:(قاعد ماسك موبيله) مش عارف انا زهقت من الركنه دى (وسكت شويه وبص لمحمد) انت مبترودش عليا ياله  (محمد مردش عليه بردو ,, مينا قام من مكانه بسرعه وراح لمحمد بخضه) محمد فى ايه محمد ,, محمد
.....................................................
ياترى فى ايه ومحمد ماله لو حابين تعرفو استنونا الحلقه الى جايه
#hadeer
#rody
#hager