اللقيط

الحلقه 13

#اللقيط
#اللقيط_12
#جزء_من_حلقه_سابقه
دعاء:(هزت راسها بمعنى ماشى وبصت لمحمد سعد) تعال كمل يامحمد(طلع محمد كمل المسأله وحلها صح دعاء بصت لمحمدسعد) إتفضل يامحمد (وراحت جابت العصاية وبصت لمحمدعباس ومحمود) افتحوا ايدكم ( ضربت محمدعباس عصايتين ومحمود ضربته خمسة  ودخلو الإتنين أماكنهم وخلصت الحصة وطلعت أوضة المدرسين بعد حوالى نص ساعة دخل عامل المدرسة الأوضة وبصلها)
عامل المدرسة:(بهدوء) مس دعاء  المدير طالب حضرتك ف مكتبه..
دعاء:(بإستغراب) ماشى (خرجت دعاء بإتجاه أوضه المدير دخلت بعد ما أذنلها )
دعاء:(بجدية) خير يامستر فيه إيه حضرتك طلبتني..
المدير:(بجدية) فيه إن حضرتك متحولة للتحقيق يامس دعاء (دعاء بصتله بصدمة )
#بدايه_الحلقه_الجديده
(فـي المدرسة ظهرت دعاء واقفة فـي أوضة المدير وباين عليها الصدمة)
دعاء:(بصدمة) ليه حصل منى إيه علشان أتحول للتحقيق؟!
المدير:(بجدية) الطلاب بتشتكى  إنك منحاذة للطلاب اللي عندك فـي الدرس وأخرهم النهاردة من شوية لم عاقبتى طالب عندك خمس عصيان والتانى اللي معاكِ فى المعهد عصيتين
دعاء:(بجدية) آه أنا عملت كده فعلاً بس علشان ده يستاهل ال5عصيان وده يستاهل ال2 أنا عايزة الطالب محمود وأشوفه وأتكلم معاه قدام حضرتك لو مكنش يستاهل الضرب اللي أخده يقول إنـي إفتريت عليه (المدير بعت حد نادى لمحمود وبعد شويه جه الأوضة ووقف قدام المدير)
المدير:(بجدية وتساؤل) محمود مس دعاء بتقول إنك كنت تستاهل الخمس عصيان اللي اخدتهم وفى نفس الوقت محمد يستاهل 2 بس يعني هيا ماظلمتكوش..
دعاء:(بتساؤل وهدوء) محمود إنت حليت حاجة فـي المسألة اللى كنت كتباها؟!
محمود:(بحزن) لا محلتش فيها حاجه..
دعاء:(بجدبة) ومحمد أخويا حل فيها قد إيه؟!
محمود:(بهدوء) أكتر من نصها ..
دعاء:(بجدية) يعنى أنا مفترتش عليك..
محمود:(بهدوء) لا يا مس..
المدير:(بجدية) أومال بتشتكى لمستر أحمد ليه؟!
محمود:(بسرعة وبدفاع عن نفسه) لا والله ماقولتله حاجة ولا إشتكيت لحد ده هو اللي شاف إيدى معملة مكان الضرب فسألنى فاقولتله بس ماأقصدش حاجة..
المدير:(بجدية) يعنى إنت مش مضايق من عقاب مس دعاء؟!
محمود:(بص لدعاء ورجع بص للمدير) لا طبعاً وأنا أستاهل العقاب أصلاً..
المدير:(بجدية) ماشى يا محمود إرجع فصلك وخلي بالك من مذاكرتك بعدكده..
دعاء:(بأسف) الظاهر كده يا مستر إنه مستر أحمد لسه مستقصدني وحاططني فـي دماغه..
المدير:(بتنهيدة زهق) ربنا يهديه إتفصلى بقا إرجعى لشغلك وأسف على اللي حصل ده..
دعاء:(بجدية) ولايهمك يامستر بعد اذنك
(مشت دعاء بعد خلصت كلام مع المدير راحت أخدت حاجتها من أوضة المدرسات وراحت تكمل حصصها والمدير تنهد بزهق وتعب وكمل شغله )
............................................................................................
( نفس اليوم فـي المعهد بعد درس سراج ظهر محمدعباس واقف مع محمدسراج وبيتكلموا مع بعض)
محمدعباس:(بجدية وقلق) مستر كنت عاوز أقولك على حاجة بس ماتقولش لمحمد ولاتجيب سيرتـي علشان مايزعلش مني ..
محمدسراج:(بإنتباه وجدية) فيه إيه خير!! وفين محمدسعد أصلاً مش كان هنا الوقتي؟!
محمدعباس:(بقلق) هو راح يصور ورق وجاي وكنت هروح معاه بس إتحججت بأي حجة علشان أتكلم معاك لإنـي كنت عاوز أتكلم مع حضرتك ضروري..
محمدسراج:(بقلق) ماتتكلم يابني خير فيه إيه!!
محمدعباس:(بتنهيدة حزن) محمد الحقنة بتاعته بكرة وإحنا عندنا إمتحان بعد بكرة فـي المدرسة وبيقولي إنه هيجيلي بكرة يزاكر معايا..
محمدسراج:(بعدم فهم) وفيها إيه لما يجيلك تذاكروا سوا يعني مش فاهم..
محمدعباس:(بجدية) يامستر المفروض أصلاً أنا اللي عليا الدور أذاكر عنده مش هو بس هو كلم عمو سعد إنه هيجيلي وعمو سعد ماأخدتش باله باين إن معاد الحقنة بكرة ومحمد ناوي يهرب منها وناوي يقعد لوقت طويل يعني حتى مش هيمشي وقت الحقنة علشان يأخدها ..
محمدسراج:(بفهم وجدية) الحقنة بكرة تصدق أنا ناسي! طيب يامحمد أنا هتصرف ماتقلقش..
محمدعباس:(بدموع حزن على صاحبه) صعبان عليا جداً تعبه وخوفه ده من الحقنة بس أنا عملت كده علشان خاطر صحته
لإن لو سابها وطنشها هيتعب جداً وهو مش ناقص..
محمدسراج:(بإبتسامة) ماتقلقش يابني هيبقي زي الفل بإذن الله وماتزعلش نفسك اللي عملته هو الصح واللي فيه مصلحته..
(محمدعباس لسا جاي يرد على سراج لمح محمدسعد جاي عليهم فسكت وغمز لسراج إنه مايتكلمش)
محمدسعد:(بضيق) إيه يابني مش قولت هتجيلي هناك كل ده هنا ليه!!
محمدسراج:(بضحكة) بنتكلم أنا وهو عندك مانع؟!
محمدسعد:(بصلهم بريبة) كل ده بتتكلموا بتتكلموا ف إيه بقي ها إحكولي..
محمدسراج:(بص لسراج ورجع بص لمحمدسعد) مافيش يابني يستفسر على حاجة ف المنهج (وكمل محمدسراج كلامه بتساؤل) عامل إيه ياحمادة الوقتي وأخبار رجلك؟!
محمدسعد:(بصله بريبة وقلق) الحمدلله يامستر كويس..
محمدسراج:(بصله بهدوء وهز رأسه بمعني ماشي) طيب يللاا نمشي بقي علشان مانتأخرش(مشي محمدسراج ومعاه محمدسعد ومحمدعباس وسط تفكيره هيخلي محمد يأخد الحقنة إزاي وخوف وقلق محمدعباس إن محمد يعرف إنه اللي قال لسراج)
.............................................................................
تانى يوم  عند محمد سراج الى قاعد فى الدرس دخلو عليه هايدى وكنزه
محمد سراج:(بضحكه بشوشه) ايه ده  هيا النجوم بتطلع بالليل ولا ايه
هايدى:(بتريقه) اه تصدق  النجوم بتطلع بالليل
محمد سراج: فى ايه جاين ليه هو احنا مش خلصنا منكو
كنزه: عايزينك فى  خدمه صغيره يا احلى مستر فى الدنيا
محمد سراج:  تثبيت
كنزه: لا طبعا دانتى اخو جوز اختى يبقى حبيبى
محمد سراج: (بصلها بقرف) بعيد عن التلزيق ده  عايزين ايه
هايدى: مطلوب مننا مقال فى الكليه باللغه العربيه الفصحه  ,, ولنت عارف بقا اننا  فى العربى بنتكلم بالعافيه
محمد سراج: تعليم انجليزى بقا وكده
هايدى: احم احم  بعيد عن التريقه هتساعدنا وتكتبنا مقال باللغه العربيه الفصحه واحنا نكتب زيو
محمد سراج: هتاخدو تعبى يعنى
كنزه: اه مش المستر بتاعنا بردو ,, ولازم تساعدنا
محمد سراج: ماشى عايزينو امتى
كنزه: النهارده
محمد سراج:( مسك خرزانه) يلا  يابت انتى وهيا انا عندى حصه
كنزه: خلاص يا مستر ناخدو بكره
محمد سراج: ماشى هفكر ليكو فيه بالليل
هايدى: شكرا يا مستر
محمد عفوا : عفوا ياختى يلا بقا   امشو بقا
كنزه: شكلنا بننطرد يلا يابنتى (وقامو مشيو  وخرجو ومحمد سراج قعد يستنى الطلاب لم يجو
..................................................................................
فى نفس اليوم بعد الدرس فـي بيت مينا ظهر ضرس الباب بيصرب راح أحمد يفتح لقي سراج سلم عليه ودخله)
محمدسراج:(بتساؤل) محمد فين؟!
أحمد:(بإستغراب) فـي الأوضة ليه فيه حاجة ولاإيه!
محمدسراج:(بصله بجدية وراح ناحية الأوضة) تعال وإنت تعرف..
(دخل محمدسراج الأوضة وأحمد دخل وراه كان وقتها مينا قاعد على السرير ومحمد بيلبس الكوتش وخارج وبيتكلم مع مينا مجرد م محمدسراج دخل محمدسعد قام وقف بخوف)
محمدسراج:(بجدية) رايح فين!!
محمدسعد:(بتوتر) رايح لمحمدعباس نذاكر سوا علشان إمتحان بكرة..
محمدسراج:(بتساؤل) مش إنت من كام يوم كنت بتقولي هو اللي جاي..
محمدسعد:(بخوف وتوتر) عادي يامستر عاوز أخرج فقولت أروحله أنا ..
مينا:(بإستغراب) فيه إيه ياجماعة أنا مش فاهم حاجة؟!
محمدسراج:(بجدية) فيه إن حقنه الأستاذ النهاردة وبابا بيستناه وشكله كان ناوي يخلع..
مينا:(بتذكير) تصدق نسيت موضوع الحقنة دي!!
أحمد:(بص لمحمد بضحكة) آه منك ياسوسة وقاعد تقنع بابا تذاكر مع عباس وأنا أقول إيه الشطارة دي طلعت بتخلع من الحقنة..
محمدسعد:(بدموع وخوف) مش عاوز حقن أنا عندي إمتحانات الإسبوع ده والحقنة بتتعبني..
محمدسراج:(بجدية) ولما تتعبت ولا يجرالك حاجة الإمتحانات هتفيدك يللاا يامحمد إنزل معايا..
محمدسعد:(بعد عنهم بدموع) مش عاوز يامستر بالله عليك..
محمدسراج:(بجدية) يللا يامحمد..
محمدسعد:(بدموع) طيب أجلوها لبعد إسبوع الأمتحانات ده وهبقي أخدها ..
محمدسراج:(تجاهله وبص لمينا) فين الحقنة بتاعته..
مينا:(بصله وبص لمحمد ورجع بص لسراج تاني وجابله الحقنة) الحقنة أهي ..
(محمدسراج راح لمحمد ومسكه من إيده جامد ومشاه معاه وسط معافرته مينا وأحمد بصوا لبعض وأخذوا بعض ونزلوا ورا محمدسراج ظهروا فـي بيت يحيي)
محمدسعد:(بدموع وخوف) بالله عليك يامستر مش عاوز علشان خاطري..
محمدسراج:(بصله بحزن ورجع بص لأحمد ومينا بجدية) خدوه الأوضة بتاعتي وأنا هعرف بابا (وبص لمحمد بجدية) البنات هنا يعني بلاش صوت وإدخل الأوضة بهدوء..
(أحمد ومينا أخذوا محمد الأوضة وسراج راح يعرف باباه شوية وظهر يحيي داخل الأوضة هو ومحمدسراج محمد بص ليحيي بخوف ودموع)
يحيي:(بص لمحمد بتنهيدة حزن) كل مرة هتعمل في نفسك كدهه وتبهدل نفسك البهدلة دي (محمد بصله بدموع وخوف وما إتكلمش يحيي بصله بتنهيدة وكمل كلامه لمينا) هات يامينا الحقنة..
(مينا إعطي يحيي الحقنة وبدأ يجهزها وسط خوف محمد ودموعه وتوتره)
يحيي:(وهو بيجهزها) يلا يامحمد إجهز علشان الحقنة بتبوظ بسرعة..
محمدسعد:(بدموع) عمو أجلها المرة دي بالله عليك أنا عندي إمتحانات الأسبوع ده كله..
محمدسراج:(قام وقفه وبعصبية) يااادي أم الأمتحانات اللي عندك اللي مسكلنا فيها دي وكأنها إمتحانات أخر السنة يللا يامحمد علشان تخلص..
مينا:(بص لسراج بهدوء) براحة ياسراج بالله عليك هو مش ناقص..
(محمدسراج بصله وبص لمحمدسعد بتنهيدة حزن وراح قعد جنب أحمد)
يحيي:(خلص الحقنة) يللاا يامحمد يلا ياحبيبي ماتخافش..
(محمدسعد بصله بدموع ونفسه بقي عالي من الخوف راح مينا مسك إيده ووقفه قدام يحيي وسط خوفه ومعافرته)
مينا:(مسك إيده بيطمنه) محمد إهدا وإتنفس براحة إهدا شكة وهتخلص ياحبيبي..
(فـي الوقت ده يحيي قرب منهم وبدأ يعطي محمد الحقنة وسط توجعاته وعياطه)
محمدسعد:(بعياط وحضن مينا جامد) آآآآآآه آآآآآآآه شيلها ياعمو كفاية بقي آآآآآآآه
يحيي:(بجدية) إهدا خلاص هخلص أهو ماتحركش رجلك ونزلها على الأرض ..
محمدسعد:(بعياط) آآآآآآآه آآآه
يحيي:(خلص الحقنة ودلك مكانها شوية) خلاص ياحبيبي خلصت بالشفا يارب..
(ظهر محمدسعد واقف بيعيط ومش قادر يقف خالص وكلهم باصين عليه بحزن)
يحيي:(بحزن) حرك رجلك يللاا وهتبقي كويس الوقتي..
محمدسعد:(بعياط وتعب) مش عارف أحركها والله ياعمو رجلي واقفة ومش حاسس بيها ..
يحيي:(بحزن) معلهش يامحمد أنا عارف إن الحقنة صعبة بس هنعمل إيه بقي ربنا يجعلها بالشفا يارب..
محمدسراج:(بصله بحزن وقام وقف قدامه) خلاص بقي ياحمادة خلصت أهي (محمدبصله بعياط وسكت كمل سراج كلامه) ماتزعلش مني أنا عملت كده لمصلحتك ولولا كده ماكونتيش هتأخدها ولو السنة الجاية حتي..
محمدسعد:(بصله بتعب ودموع) أنا عندي إمتحان بكرة هعمل إيه فيه ورجلي مش قادر أحركها حتي..
محمدسراج:(بإبتسامة) ماتشغلش بالك ياسيدي كله هيعدي تعال يللا أساعدك تمشي شوية علشان رجلك تفك..
(سراج مسك إيد محمد وساعده يمشي شوية وسط تعبه ودموعه ووجعه من الحقنة شوية وراحوا ع السرير وقعدوا يتكلموا ويهزروا مع محمد علشان ينسوه وجعه من الحقنة)
...............................................................................................
(بالليل في بيت يحيي على العشا ظهروا هو وسراج قاعدين وليلي بتحط العشا)
محمدسراج:(بصلها بتساؤل) فين دينا وشيرين يساعدوكِ ياماما بدل م بتعملي لوحدك كدهه..
ليلى:(بإبتسامة) دينا عندها بكرة إحتمال ف المدرسة وشيرين بتساعدها ف المذاكرة بس أصلاً أنا ندهت عليهم وجايين أهو وخلاص الأكل أتحط..
(قطع كلامهم مع بعض خروج شيرين ودينا من الأوضة وراحوت قعدوا مكانهم وبدأو يأكلوا)
يحيي:(بإبتسامة) عاملة إيه في المذاكرة يادينا؟!
دينا:(بخوف) قلقانة والله يابابا ربنا يستر..
محمدسراج:(بإبتسامة) قلقانة ليه يابنتي مش مذاكرة خلاص ماتشغليش بالك وبعدين ماتحطيش ف دماغك إن الفيزيا صعبة وهيا مش هتبقي صعبة..
دينا:(بخوف) لا الفيزيا دي أصلاً بُعبع الثانوية وبعدين أنا قلقانة من إمتحان بكرة ومش هبطل خوف لحد ماأخلصه..
يحيي:(بإبتسامة) فكرتيني بالواد محمد ياعيني مرعوب وخايف هو كمان بإذن الله هيعدي ياحبيبتي وتحلوا كويس..
دينا:(بإبتسامة) يارب يابابا يارب..
شيرين:(بإبتسامة) بابا كلامه حلو ع قلبك ويعرف يهديكِ لكن إحنا إولاد البطة السودة..
محمدسراج:(بضحكة) سيبك منها يابنتي دي تافهه حد يخاف من إمتحان عادي يعني خليكِ ريلاكس..
يحيي:(بضحكة وهزار) ياشيخ إتلهي واللي عندهم مسترات زيك إنت وليث هيبقوا ريلاكس إزاي..
محمدسراج:(بضحكة وهزار) حبيبي يابابا والله مش عارف من غير ثقتك فيا كنت هعمل إيه!!
ليلى:(بضحكة وتساؤل) آل قولي يايحيي صحيح محمد عامل إيه وأخبار صحته؟!
يحيي:(بتنهيدة تعب) كويس الحمدلله بس ياعيني الحقن تقيلة وبتتعبه وهو أصلاً بيترعب من الحقن..
ليلى:(بحزن) م أنا بسمعه وهو ياعيني بيعيط منها بس مابرضاش أدخل وكده علشان مايتحرجش مني وبعدين إنتو بتكونوا موجودين معاه مالهاش لازمة أدخل..
محمدسراج:(بحزن) صعبان عليا إن أرغمته يأخدها النهاردة وإمتحانه بكرة هيعانـي بكرة وهو رايح المدرسة بس لازم يأخدها بإنتظام علشان تجيب نتيجة..
شيرين:(بحزن) هو مافيش بنج يخفف وجعها شوية يابابا ؟!
يحيي:(بهدوء) م أنا بحطيله نسبة بنج بسيطة بتخفف بسيط بس أصلاً البنج زي قلته لإن الحقنة اللي تقيلة وصعبة ربنا يستر بقي ف الأيام اللي هيأخدها من غير بنج خالص..
محمدسراج:(بإستغراب) هيأخدها من غير بنج ليه يابابا؟!
يحيي:(بتنهيدة) علشان جسمه مايأخدش عليه ويتعود ف فترة هيأخدها ببنج بسيط زي م بيأخدها الوقتي وبعدين مرتين كده ثلاثة نوقف البنج وبعدين يإخدها بننج عادي وهكذا ..
محمدسراج:(بحزن) ربنا يستر ويستحملها ده بيأخدها ببنج وبيعانـي منها ورجله بتقف عليه..
ليلى:(بحزن) ربنا معاه بقي ويتولاه برحمته..
الكُل:(بحزن) يارب يارب.
.....................................................................................
(تاني يوم في المدرسة ظهر محمدسعد قاعد وساند دماغه علي الديسك ودموعه نازله ومحمدعباس قاعد جمبه)
محمدعباس:(بزعل وحزن على صاحبه) طب بطل عياط بقي يامحمد دماغك هتوجعك كدهه..
محمدسعد:(بدموع وخنقة) مش طايق تعب رجلي والله..
محمدعباس:(بحزن) طب قوم ننزل للدكتور ..
محمدسعد:(بخنقة وتعب) لا مش عاوز
محمدعباس:(بحزن) هتفضل تعبان كده يعني!! طيب قوم أخدلك إذن و روح يابنى..
محمدسعد:(بتعب) لا يامحمد علشان الإمتحان أنا شويه كده وهبقي كويس ماتقلقش (محمد عباس بصله بزعل وقام خرج برا الفصل وشوية رجع معاه ليث ومحمد سراج)
ليث:(قرب من محمد وحط إيده على ظهره) محمد!! مالك فيه إيه؟!
محمدسعد:(بصله بدموع وتعب) رجلى وجعاني مش طايق أحطها على الارض..
محمدسراج:(بتنهيدة حزن) إمتحنتوا ولا لسه؟!
محمدعباس:(بهدوء) لسه بعد البريك هنمتحن بإذن الله..
محمدسراج:(مسك إيده وقومه)طب قوم تعالا معايا يللاا كدهه..
محمدسعد:(وقف معاه وبخوف) هنروح فين يامستر
محمدسراج:(بهدوء) تعال بس (مسك إيده ومشاه براحة وليث ومحمدعباس نزلوا وراهم وراحوا للدكتور)
محمدسعد:(بخوف) أنا مش عايز حقن تانى يامستر..
محمدسراج:(بإبتسامة) مش هخليه يعطيك حقن ماتقلقش بس على الأقل تاخد أى مسكن يخفف الوجع ده (ودخلو للدكتور) لو سمحت يا دكتور
الدكتور:(بجدية) خير مستر محمد إتفضل
ليث:(بجدية) محمد واخد حقنة طوال المفعول إمبارح ورجله بتوجعه ومش عارف يحطها علي الارض ..
الدكتور:(بجدية وتساؤل) إيه اللي جابك المدرسة النهاردة؟!
محمدسعد:(بتعب) عليا امتحان النهاردة
ليث: ينفع ياخد مسكن صح؟!
الدكتور: اه ينفع عادي
محمد سعد:(بسرعة وخوف) بس مش حقن ..
الدكتور: لا مش حقن (وجابله حباية مسك) خد الحباية دى هتبقي كويس بإذن الله..
محمدسراج:(بتساؤل) طيب إشمعنا رجله تعباه أوي المرة دي أول مرة أخدها كانت تعباه برضو بس مش لدرجة المسكن.. الدكتور:(بجدية وتوضيح) أول مرة بتكون صعبة وحاجة جديدة ع الجسم بس بعد كده بتكون أصعب لأن كل مرة يأخدها رجله بتكون وجعاه من الحقنة اللي قبلها وبالذات لو بيأخدها كل أسبوعين مش كل شهر..
محمدسراج:(بجدية) آها هو بيأخدها كل 15 يوم فعلاً..
الدكتور:(بجدية) ماهو ده السبب بيكون الفترة بين الحقنة والحقنة بسيطة وكمان لما المرة التانية تيجي بتكون لسا رجله متأثرة بالمرة اللي قبلها وفيه سبب كمان العامل الجسدي بيأثر يعني الحقنة دي بالذات محتاجة الواحد يأكل كويس ومايبذلش مجهود قبل مايأخدها علشان هيا متعبة ومرهقة أصلاً فلازم يكون مرتاح قبل م يأخدها..
محمدسراج:(بتنهيدة حُزن) أيوة فهمت تمام يادكتور شكراً وأسفين على تعب حضرتك معانا..
الدكتور:(بإبتسامة) تعبكم راحة ده واجبي وألف سلامة عليه.. (أخدو من الحباية وخرجوا برا الأوضة )
محمدسراج:(بهدوء) استني هنا بقي هجبلك ميه وأجيلك..
محمدسعد: لا يامستر أنا معايا ماية فوق ..
ليث:(بإبتسامة) طيب تعال نطلعك يللا تأخد الحباية وهترتاح بإذن الله..
محمدسعد:(بإبتسامة تعب) روحوا إنتو يامستر محمدعباس معايا أهو وهنطلع سوا..
ليث:(بإبتسامة) م أحنا هنطلعك ونروح حصصنا عادي يعني..
محمدسعد:(بتعب وإبتسامة) لاا روحوا علشان ماتتعطلوش أكتر من كده وأسف بقي إني تعبتكم معايا وعطلتكم..
محمدسراج:(بضحكة وهزار وضربه براحة على قفاه) خلاثو ياناس وكيوت آل عطلتنا آل إنت أصلاً من ساعة ماعرفناك وإنت مزهقنا فـي عيشتنا بس هنقول إيه بقي عملنا الإسود..
محمدسعد:(بوجع من إيده وتعب) يامستر بقي يامستر إيدك صعبة والله..
محمدسراج:(بضحكة) تستاهل يلا يابني أطلع بقي خد المسكن وإهدا كده وإستعد علشان الإمتحان وركزوا انتو الإتنين وحلوا كويس فاهمين بلاش تسرع وانتو بتحلوا ..
محمدسعد ومحمدعباس:(بإبتسامة) حاضر يامستر ..
ليث:(بص لمحمدعباس)لو تعب تانى عرفنى يامحمد ماشي؟!
محمدعباس:(هز رآسه بمعني ماشي) حاضر يامستر..
(إطمنو علي محمد ونبهوا عليه يأخد المسكن قبل الأمتحان وسابوهم وراحوا على حصصهم ومحمدعباس أخد محمدسعد وطلعوا الفصل إعطاله ماية وأخد المسكن وقعدوا يراجعوا للإمتحان)
................................................................................................................
(عند محمد سراج الي قاعد مع دينا ومحمد سعد في البيت)

محمد سراج:(بصلهم الاتنين)والله العظيم زهقتوني بجد انا شارحها اكتر من مره وانتو الاتنين بهايم مبتفهوش
محمد سعد: لا هيا الى صعبه ومبتتفهمش بسرعه
دينا: دى حاجه معقدة انا مش عارفه بيعقدونا ليه
محمد سراج: انتو مش هتفهمو بالذوق (وقام جاب خرزانه وحطها جمبه اخر مره هعدها وبعدين هتحلو الاسئله الى عليها والغلطه بعصايتين (وبدأ يشرح تانيى وسط تركزهم  خلص وبصلهم) يلا ابدأو حل  الاسئله دى في الكشكول(بدأو يخلو وبعد شويه محمد سعد ادى محمد سراج الكشكول بتاعه محمد سراج بص للكشكول ورجع بص لمحمد) خلصت
محمد سعد:(بص للكشكول وبص لمحمد سراج) صح مش كده
محمد سراج:(بتشكيك) راجعه كده وشوف اخر كلام ولا
محمد سعد:(بص للأسئله وبص لمحمد سراج) ان شاء الله
محمد سراج:(اخد الكشكول وبص لدينا) ها خلصتي
دينا: براجع (محمد سراج راجع الأسئله لمحمد سعد واحوبته ولقي عند غلطه ونص،،  حدفله الكشكول) لم اقولك راحع يبقي راجع كويس (وشد الكشكول من دينا وبص فيه ولقاها حلت كل الاسئله صح وكان غلطه واحدة  محمد سراج بصلها) عندك غلطه( مسك الخرزانه وبص لمحمد سعد) افتح ايدك
محمد سعد: خلاص بقا يامستر خلي قلبك ابيض المره دى
محمد سراج: انا قلبي اسود ياعم وهتنضرب
محمد سراج: يامستر دانا تعبان والله وكفايه هتنفخ بكره من مستر وليد علي الغياب (محمد سراج صمم انو يضربهم بعد محايله عليه وهو علي موققه محمد سعد:(استسلم وفتح ايده ضربه تلات عصيان بس مش جامدين وبصله) انا ضريتك بش عشان تركز يلا حد كتبك واطلع
محمد سعد: اشمعنا دينا مش هتنضرب
محمد سراج:  خيار وفقوس ياعم انا متحيز لاختي ومش هضربها اطلع يلا
محمد سعد: ماشي يامستر ماشي (وخد كتبه وطلع دخل محمد سراح لدينا وبصلها بصه رعبتها)
محمد سراج:(بجديه) هو انتي مش هتفوقي بقا عايزه علقه تانيه ولا ايه
دينا:(بعياط) لا يامحمد بالله عليك انا والله العظيم هركز بعد كده والله
محمد سراج: انا مرضتش اضربك قدام محمد بس في الدرس انا مش هرحمك
دينا:(بخوف) ماشي
محمد سراج: يلا ادخلى راجعي علي القاعده تاني (دينا هزت راسها بمعنى ماشي واخدت حاجتها ودخلت الاوضه ومحمد سراح تنهد ودخل اوضته)
................................................................................
اما عند احمد فى كليته الى ظهر واقف مع اصحابه
احمد: مش عارف ياعم بقا انا زهقت اصلا ومش عارف اعمله
محمود: هينخم من الدرجات
احمد: تولع بقا (وبص الناحيه التانيه ووقف بصدمه)
........................................................................................
ياترى فى ايه وايه الى صدم احمد لو حابين تعرفو استنونا الحلقه الى جايه
.........................................................
#hadeer
#rody
#hager