اللقيط

الحلقه 5

#اللقيط
#اللقيط_5
#جزء_من_حلقه_سابقه
#بدايه_الحلقه_الجديده
مينا:(بصوت عالى) ماما ,, ماما
نيره:(جات من بره بسرعه) فى ايه يا مينا مالك
مينا:(واقف قدام سرير محمد وبصلها بخوف) تعالى  شوفى  محمد معرفش ماله
نيره:(بصت على محمد بخوف وجريت عليه) محمد واد يا محمد
محمدسعد:( فتح عينه وبصلها بتعب) ايه فى ايه
نيره: (بخوف) مالك فى ايه
محمد سعد:(بصلها بتعب) مافيش
مينا: هو كويس يا ماما
نيره:(بصت لمحمد ويصت لمينا) متقلقش هو كويس بس هروح اعمله اكل واجى وهياكل ويبقى  كويس بأذن الله
محمد سعد: لا انا هنام مش عايز اكل
نيره: انت تخرس خالص متتكلمش ,, كلت ايه طول النهار  انت علشان تقولى مش جعان ها اخر مره كلت فيها امتى  ان ماكنش معانا الصبح يبقالك الكلام (وبصت لمينا) خليك معاه ومتخليهوش ينام (وخرجت نيره من الاوضه)
مينا: انت كويس بجد
محمد سعد: انت ياعم عملتلى قلق على الفاضى انا كويس
مينا: شكلك تعبان قووى بجد
محمد سعد: انا كويس بس  سبنى انام (وبيعدل الغطا عليه علشان ينام)
مينا:(مسك ايده ومخلهوش ينام) لا متنمش
محمد سعد: بالله عليك يا مينا سبنى
نيره:(دخلت الاوضه ومعاه سندوتشين وكوبايه عصير  محمد بصلها) قوم يلا
محمد سعد:(بتعب) والله ما جعان ومصدع جدا هنام وهصحى الصبح اكل
نيره:(بنفاذ صبر) هتقوم تاكل يا محمد واشرب العصير ده واتقى شرى السعادى احسنلك(محمد بصلها وقام قعد واخد سندوتش واكل منه وخلصه وبتديله التانى )
محمد سعد: كفايه ده والله معدتى مقلوبه
نيره: ماشى يا محمد (وبصت لمينا) خد يا مينا
مينا:(بصلها) انا مش جعان يا ماما(نيره تنهدت وطلعت وسابتهم  ومحمد اكل السنداوتش بالقوه وشرب العصير ومينا فضل وراه لخد ما خلصهم  واخد منه الكوبايه وراح يوديها لامه ومحمد نام)
..................................................................................
عند ليث ودعاء الى قاعدين فى كافيه
دعاء:(فى ايدها كشكول وبتبص فيه)  جبهولك امتى
ليث:(باصص لدعاء) انا مشفتوش اصلا اخوه الى جابوه على الساعه 8 وربع تقريبا ,, مالك يا دعاء فى ايه
دعاء: مافيش  قالى انو حل الواجب
ليث:(مقاطع لدعاء) دعاء متلفيش وتدورى عليا مالك فى ايه
دعاء:(قفلت الكشكول بتنهيده) مافيش ياليث بابا مش عاجبه  المده الزياده الى انت قولت عليها وقالب الدنيا على دماغى
ليث: طب  ما هو عايز تعديلات فى الشقه ودى هتاخد وقت
دعاء: والله قولت كل حاجه هما بس الى فى دماغهم انو الفرح يتعمل فى معاده
ليث: طب والعمل
دعاء:  سيب الشقه زى ما هيا هيا اصلا عجبانى كده وياسيدى نبقى نعدل فيها بعدين
ليث: انا مش عايز حد يتكلم يا دعاء لانى مش هستحمل حد يتكلم
دعاء: محدش هيتكلم  بس هيتكلمو بجد لو الفرح  اتاجل
ليث: طب والناس الى انا اتكلمت معاها فى تعديلات الشقه
دعاء: مش عارفه بقا
ليث: ربنا يسهل يادعاء (
دعاء: انت زعلت ولا ايه
ليث: كل ما نتقابل  نتكلم عن الموضوع ده
دعاء: طب انا أعمل إيه
ليث:(بتنهيدة وقام وقف) متعمليش حاجه يا دعاء  يلا قومى علشان نمشي..
(دعاء بصت لليث بتنهيدة زعل وقامت ومشيو الاتنين وليث بيفكر ف كلام دعاء)
..................................................................................................................
تانى يوم فى المدرسه عند ليث فى حصته ظهر محمد سعد ساند على الدسك
ليث:(وهو بيشرح بص لمحمد سعد قرب منه وخبط على كتفه) ظهرك وراء يا ستاذ (محمد سعد مبصلوش ولا رد عليه  ,, ليث بصله باستغراب ورفع دماغه  ظهر محمد مغمى عليه ,, ليث مسك دماغ محمد وحاولو يفوقه ) محمد محمد فوق فى ايه
محمد عباس:(طلع من شنطته منديل) اتفضل يا مستر ده منديل مبلل  ممكن يفوق بيه ( ليث اخد منه المنديل وقرب من محمد وشممهوله محمد فاق)
ليث:(بخوف على محمد) انت كويس
محمد سعد:(حط ايده على دماغه) انا مصدع قوى ومعدتى قالبه
ليث:(مسك ايده براحه) طب قوم تعالى انزل للدكتور تحت  (وبص لطالب اسمه معاذ) تعالى اقف هنا متخليش حد يتكلم يا معاذ
محمد عباس:(بص لبسث) هاجى معاكو يا مستر
ليث : ماشى ( ونزلو تحت للدكتورالمدرسه ,, ليث كمل كلامه) دكتوره لو سمحتى
الدكتور:(بصتلهم ) فى ايه ماله
ليث: لقيته مغمى عليه فى الحصه
محمد عباس: هو اصلا تعبان من الصبح ودايخ
الدكتور: هاتو على السرير هنا (دخلو ونيموه على السريروالدكتور قربت منه وكشفت عليه وجابت جهاز الضغط وقاسته وبصت لليث) ضغطه واطى جدا انا هديله حقنه دلوقتى وهكتبله  تحويل للتأمين
ليث:(بصلها) هو ينفع من غير البطاقه
الدكتور: لا طبعا  كلم حد يجبله البطاقه  بتاعته
ليث:( بصلهم) طيب انا هطلع اكلم اى حد هناك (وبص لمحمد عباس) خليك معاه يا محمد (وخرج ليث)
الدكتور:( جهز الحقنه وبص لمحمد عباس) خليه يقف علشان اديله الحقنه دى
محمد عباس:(بص لمحمد سعد) محمد محمد قوم
محمد سعد:(فتح عينه وبصلهم بتعب) ايه ده لمين دى
الدكتور: يلا قوم الضغط واطى جدا لازم حاجه ترفع
محمد سعد:(بخوف) وهو مافيش غير حقن
الدكتور:(بصتله بجديه) يلا يا بنى قوم (محمد قام ومسك فى عباس  وسند عليه ووقف والدكتور ضربله الحقنه)
محمد سعد:(بتعب) ااااة ااااة
الدكتور:(شال السن) بالشفا (محمد قعد على السرير تانى  دخل ليث )
ليث: انا كلمت اخوه وهو جاى اهوه
الدكتور: ماشى خليه بره فى الهواء بقا بس بعيد عن الشمس على ما يجى اكتبله التحويل
ليث: ماشى ,, شكرا يا دكتور (واخد محمد وخرجو من الاوضه وقعدو بره وليث فضل معاه على ما احمد جيه خد الجواب واخد محمد وراحو المستشفى وعباس طلع فصله وليث راح يكمل الى وراه
...........................................................................................
عند محمد واحمد اول ما دخلو من الباب نيره جريت عليهم
نيره:( قربت من محمد بخوف) ماله يا احمد الدكتور قال ايه
احمد:( بص لمحمد وزئه براحه) اتفضل يا استاذ
نيره: فى ايه ياحمد
احمد:(بص لنيره ) الاستاذ مش مهتم بأكله ولا بصحته وضغطه واطى جدا وكان مغمى عليه فى المدرسه النهارده
نيره:( بصت لمحمد)  هو ده الى بتاكل يا محمد ,, هو ده الى بجيب اكل وباكل مع محمد يا ماما  (وهبدت بأيدها على  كتفه ومسكته من قميصه) بتعمل ايه بالفلوس الى بتاخدها من ابوك ياله
احمد:(قرب منها بسرعه) ماما سيبه هو بجد تعبان
نيره:(سابت محمد بعصبيه) طالما مبيتنيلش ياكل بره  بيعمل بالفلوس ايه
محمد سعد:(بتعب) مبعملش بيها حاجه لو كنا بنركب بنجيب ورق والباقى  معايا جوه
نيره:(بصتله) بتحوشها يعنى
محمد سعد:(بتعب)مش فى دماغى تحويش  بس اهيه معايا لو احتجت حاجه
نيره:(بعصبيه) واحنا مانعين عنك حاجه ,, يعنى ايه تبقى بره طول النهار وتيجى اخر اليوم  تنام  على اساس انك اكلت بره وانت ولا اكلت ولا نيلت يعنى ايه تقعد باليومين من غير اكل هتعبش ازاى هتقدر لمذاكره والدروس ازاى
محمد سعد:(بتعب) منا مببقاش جعان اعمل ايه بس
نيره:(بعصبيه) متردش عليا ياله بدل ما اضربك
محمد سعد:(قعد على الكنبه بتعب) ماما انا اقسم بالله ما قادر اقف وواخد حقنه ومتبهدل بره وعايز انام
نيره: مافيش نوم وفى اكل  هيتحطلك وتاكل حالا يا محمد
محمد سعد:(قام وقف ودخل الاوضه) مش هاكل انا دلوقتى مش قادر  تصبحو على خير (نيره قامت وراه )
احمد:(جرى عليها ومسك ايدها وقعدها) سبيه ينام شويه ويرتاح هو اصلا مش شايف قدامه والى موقفاه على رجله حقنه اخدها فى المدرسه
نيره:(بصتله) هوه هيعيش طول  عمره على العلاج بسبب اهماله  فى نفسه
احمد: لا طبعا  اكيد بابا مش هيسيبه وهيظبطهولك ده غير كمان انو ليث عرف
نيره:( تنهدت وبصتله)  انا ما صدقت انو مينا فاق وبقا كويس ونزل كليته يرجعلى فى نفس اليوم واحد تعبان  هو انتو مش مكتوب لى انكو تريحونى يا ولادى
احمد: معلشى يا ماما ربنا رزقك بأتنين متعبين
نيره:( بصتله ) لا وانت الصداق دول خمسه متعبين وسابته ودخلت لمحمد تطمن عليه احمد  عوج بؤه ودخل وراها كان محمد راح فى النوم تنعدت وطلعت وسابتهم )
..............................................................................................
(في أوضة مينا ظهر يحيي فى أوضة مينا وبيقفل سن الإبرة ومينا باين عليه الوجع وكان وقتها محمد نايم على السرير)
يحيي:(بإبتسامة) معلهش بقي إستحمل يامينا لسا كمان أخر جرعة ف علاجك وترتاح..
مينا:(بتوجع) يارب بقي ياعمو لإني تعبت من الشكشكة دي..
ليث:(بإبتسامة وحط إيده علي كتفه) هتعدي يامينا بإذن الله ربنا يشفيك يارب..
مينا:(بإبتسامة وجع) يارب ياليت..
ليث:(بص لمحمد ورجع بص لأحمد بإستغراب) هو محمد نايم من ساعة ما رجع من المدرسة ولاإي!!
أحمد:( بص لمحمد بقلق ) آه من وقتها ماصحاش..
سعد:(بصلهم الاتنين بإستغراب) فى إيه ماله محمد!!
أحمد:( بص لبباه بتنهيدة قلق) محمد تعب فى المدرسة يا بابا وليث نزل بيه لدكتور المدرسة وبعدها روحتلهم ووديته التأمين الصحى وقالو إنه ضغطى واطى جداً وإعطوله العلاج ده (وجابلهم كيس العلاج وورهولهم)
يحيى:(أخد العلاج وبص فيه وبصلهم) هو كان ضغطه كام على كام!!
ليث:(بهدوء) 60/40 وأخد حقنة فى المدرسة كمان
يحيى:(بص لليث بجدية) روح هاتلى جهاز الضغط من تحت ياليث كده وتعال..
ليث:(قام وقف ونزل يجيب الجهاز) حاضر(ونزل ليث)
يحيى:(بص لأحمد) جيتو إمتى!!
أحمد:(بجدية) بعد الظهر بشوية
يحيي(بتنهيدة) خير بإذن الله(فى الوقت ده ليث طلع ومعاه الجهاز يحيى أخده منه وقرب من محمد ومسك إيده رفع الكم وركب الجهاز محمد صحى)
محمدسعد :(بصلهم بإستغراب وتعب) فى إيه!!
يحيى:(بصله بهدوء) مافيش ياحبيبي إفرد بس إيدك تاني كده وإهدا (محمد فرد إيده ويحيى قاس الضغط  وبص لسعد) هو كويس عن الاول بس لسه واطى بردو..
سعد:(بقلق) كام على كام يعنى
يحيى: 90/60
سعد:(بقلق) طب العلاج ده كويس ولا نغيرو؟!
يحيى:(بص فى العلاج تانى) كويس بس هنزود كمان حقنة على الحقن اللي مكتوبة في العلاج ده..
محمد سعد:(قام قعد بسرعة وخوف) لا مش عاوز حقن وأنا أصلاً كنت عايز أقول لحضرتك تكتبلى حاجة غير الحقن دى..
يحيى:(بإبتسامة) ماينفعش يامحمد وبعدين مش على طول ممكن مرتين ولا أربعة يظبطولك الدنيا وخلاص علي كده ..
محمدسعد(بخوف) مرتين ولا أربعة يعني أنا لسا هأخد كل ده!!
يحيي(بإبتسامة) هتأخد المرة دي وكمان مرة بكرة ولو الضغط وقتها ظبط يبقي خلاص على كده ولو ماظبطش نزود كمان جرعة..
محمدسعد(بخوف) لا بالله عليك ياعمو مش عاوز حقن..
يحيي(بضحكة وهزار) هو أنت لسا بتخاف من الحقن ده أنا قولت ده وإنت صغير بس ولما كبرت عقلت وبطلت خوفك..
أحمد:(بضحكة) ياخرابى على اللي عمله لم عرف إنه مكتوبله حقن كان تكة وهيعيط ..
محمدسعد:(بضيق من أخوه) بطل بقا ياأحمد..
أحمد(بضحكة وحط إيده ع بؤه) بطلت أهَ ياسيدي ماتزعلش..
يحيى:(كتب إسم الحقنة في ورقه وبص لأحمد ) الحقنه أهي ي أحمد هتلاقيها فى الصيدلية اللى تحت البيت هاتها بسرعة وتعال..
أحمد:(أخد الورقة) هوا وهكون هنا (أحمد نزل بسرعة)
سعد:( بص ليحى بتنهيدة) ونظبط الدنيا عند الاستاذ ده إزاى!
نيرة:(دخلت عليهم وبصتلهم) الاستاذ ده مابياكلش لا برا البيت ولا جوا البيت وعايش على وجبة الفطار بس ..
يحيى:(بعتاب) ليه يامحمد كده!!
محمدسعد:(بتعب) مش بجوع والله أعمل إيه يعني
ليث(بصله بجدية) مافيش حاجة إسمها مش بجوع ده لفك ع المدرسة والدروس والمذاكرة لوحدها تخليك تأكل (في الوقت ده أحمد رجع وإعطي ليحيي الحقنة محمد بص لأبوه بخوف)
محمدسعد(بخوف) بابا أنا  مش عايز حقن..
يحيى:(أخد من أحمد الحقن وحط الإتنين على بعض وبدأ يجهزها وبص لمحمد) متقلقش الحقنه خفيفة مش صعبة ..
مينا:(بإبتسامة يطمنه) متقلقش يا محمد عمو يحيى إيده خفيفة إسأل مجرب..
سعد:(مسك إيد محمد وشده براحة وقفه قدام يحيى ) شكة وتخلص ماتخافش..
محمدسعد:(بخوف ورعب) طيب براحة طيب ياعمو
يحيى:(بإبتسامة) حاضر بس إثبت وماتتحركش (وضربله الإبرة وسط تعبه ووجعه)
محمدسعد:(مسك فى سعد جامد وبتوجع) آآآآآآه آآآآآآه كفاية ياعمو
يحيي(خلص الحقنة ودلك مكانها شوية وبصله) خلاص خلاص خلصت..
محمدسعد(بص ليحيى بتوجع) هيا دى اللي خفيفة ياعمو ده رجلي وقفت..
يحيى:(بإبتسامة) معلش بقى بالشفا يارب.. (وبص لسعد) متقلقش ياسعد هو كويس وهيتظبط الضغط بإذن الله بس يأكل كويس ويأكل حاجة حادقة بلاش عصاير وحاجات مسكرة الوقتي خالص..
سعد:(بتنهيده) بإذن الله حاضر ربنا يستر(يحيى وليث إستأذنوا بعد أما إطمنوا على مينا ومحمد ونزلوا وسعد خرج معاهم من الاوضة)
محمدسعد:(بص لأحمد بضيق وزعل) وربنا ي أحمد ماهعديلك اللي قولته ده (ونام على السرير بتعب)
مينا:(بهمس)مكنش ينفع تحرجه كده ياأحمد
احمد:(بصوت مهموس وبلامبالاه) سيبك منه علشان يهتم بصحته بعد كده..
مينا(بضحكة وهزار) بقيت عنيف ياواد وربنا
أحمد(بضحكة وهزار) بتحول حسب الموقف ياباشا يلاا نام إنت كمان إرتاح شوية..
مينا(بتعب) ماشي(خرج أحمد من الأوضة ومينا بص على محمد إطمن عليه ونام هو كمان على سريره )
...............................................................................
فى بيت سعد  بعد ما الكل اطمن على مينا ومحمد
سعد:(يص لاحمد ورنا وهايدى) اطلعو بره شويه (احمد ورنا وهايدى خرجو ,, نيره قامت قعدت جمب مينا) ليه مشيت من البيت يا مينا ايه السبب الى خلاك تعمل كده وتنزل فى الوقت والجوه دة
مينا:(بتوتر) مافيش سبب معين
سعد:(سعد لف وشه الناحيه التانيه وهو ماسك اعصابه بالعافيه ورجع بص لمينا تانى بتنهيده) ايه الى خلاك تمشى من البيت يا مينا
مينا:(بص فى ايده ولعب فيها ومن غير ما يبص لحد) مش عايز اخد حاجه مش من حقى
سعد:(بعدم استيعاب) مش فاهم يعنى ايه تاخد حاجه مش من حقك (مينا سكت تانى )
نيره: ريحنا يابنى وقولنا حد من اخواتك قالك حاجه
مينا:(هز راسه بالنفى) لاء مافيش حد قالى حاجه
سعد:(بنرفزه بسيطه) اومال ايه ايه السبب
مينا:(بزعل وحزن) مش حابب اكون فى سبب بعد بينك وبين  عماتى وتيتا يا بابا
نيره:(بصدمه ) انت جبت الكلام ده منين
مينا:(بصلها بزعل) سمعتكو وانتو بتتكلمو
سعد:(بصدمه) انت بتتصنت علينا يا مينا
مينا:( بص لسعد بسرعه) لا والله انا كنت جاى اقعد معاك واسلم عليك لم سمعت صوتك  وسمعتك وانت بتتكلم
سعد:(قام وقعد جمبه) طب ليه مشيت احنا جينا هنا علشان  احنا عايزينك معانا ومتبعدش عننا
مينا:(بص لسعد بدموع)مش حابب اكون انا السبب فى البعد ده(مينا مسك ايد سعد وباسها وبصلها بعياط)سبنى امشى وارجع تانى لبيت تيتا علشان خاطرى
نيره:(بدموع)مافيش حد بيقدر يستغنى عن روحو يا مينا وانت واحمد وهايدى ورنا ومحمد روحى وعمرى كله ,, وانت اول ما شافت عينى ,, انت اول طفل اضمه لحضنى وتهدى وتنام رغم الجوع الى اكيد كنت فيه (بعياط) انا اول ما شيلتك سكت على طول ,, انا مقدرش استغنى عنك ,, ولو انت تقدر تستغنى عننا موتنا بقا وامشى
مينا:(بصلها بكسره ودموع) والله ما اقدر استغنى عنكو انا معرفش غيركو اصلا ولا عايز اعرف غيركو انا فتحت عينى عليكو  بس مش حابب
سعد:(مقاطع لمينا) ماتقولش انك سبب البعد انت مش سبب لحاجه خالص انت خير وبركه البيت ده انت الى رديت فينا الروح تانى لم شوفناك  انت ابنى وحبيبى وروحى الى مستغناش عنه (سعد شد مينا فى حضنه ودموع نزلت وكمان مينا عيط ونيره عيطت)
....................................................................................
تانى يوم بعد المدرسه عند دينا ورنا الى راجعين من المدرسه مع بعض
دينا: عامله ايه وحشتينى جدا
رنا: وانتى كمان ,, انتى طولتى المره دى  فى السفر وملحقناش نقعد فى الاجازه
دينا: هما كانو عايزين يسبونى  والله  ماكونش راضين انى ارجع بس انت عارفه بقا الثانوى والمذاكره كان لازم احضر المنحج من الاول
رنا: هو انا ليه كل ما اتكلم مع حد يخوفنى من الثانوى انا كده هدخل دبلوم واقعد فى البيت
دينا:  هتبقى انتى الوحيده فى اخواتك الى دخلتى دبلوم
رنا: مش بدل الطحن الى هما فيه
دينا: متقلقيش يارنا والله لو ركزتى من الاول هتبقى كل حاجه سهله وبعدين انا ليا اصحابى فى الثانوى الصناعى والله بيضربو نفسهم بالجزم لانهم متمرمطين على المكن وابر تخش فى ايدهم وواحده صاحبتى فى اول السنه اهيه بتشغل مكنه الابره دخلت فى ايدها وانكسرت جوه  ايدها وعملت عمليه
رنا:(بصتلها بخوه) انا هاخد الاعداديه واقعد فى البيت اتعلم الطبيخ
دينا: كده احسن وفرتى فلوس  الدراسه بتاعتك
رنا:(بضحكه) لا انا هاخدها احوشها
دينا:( بضحكه) يا ناصحه
رنا: بس بابا مش هيوافق انا هاجتهد واجيب اكل من كل اخواتى فى الاعدادى وهجيب اعلى من ابو طويله الى بيغظنى انه جاب اعلى منى فى ثانيه اعدادى وكل ما يشوفنى يقولى يافاشله
دينا:(بتفكير) مين ابو طويله ده
رنا:(بغضب طفولى) محمد اخويا
دينا:(بضحكه)  ان شاء الله هتجيبى اعلى منهم
رنا:(رفعت ايدها للسما) يارب (وبص للساعه وفجأه صرخت) ينهار  اسود اتاخرت على الدرس (وجريت ) باى باى يا دينا
دينا: سلام يا مجنونه( وكملت طريقها للبيت)
.................................................................................
(بعد يومين على تعب مينا ظهر محمدشاهين رايح لمينا يطمن عليه خبط على الباب ونيرة فتحتله)
نيرة:(بإبتسامة بسيطة) تعال يا حبيبى إدخل
محمدشاهين:(بإبتسامة وسلم عليها) إزيك ياطنط عاملة إي!
نيرة:(بزعل باين عليها) الحمدلله ياحبيبى بخير
محمدشاهين:(بصلها بإستغراب) لا فيه حاجة!! حضرتك كويسة باين إنك زعلانة..
نيرة:(بإبتسامة حزينة) مافيش ياحبيبى والله ماتقلقش..
محمدشاهين:(بإستفسار) طب هو مينا صاحي؟
نيرة:(بهدوء) آه جوا صاحي إدخله إتفضل(وتنهدت بحزن ومشيت من قدام شاهين ,, محمد شاهين بصلها بإستغراب ودخل لمينا وسلم عليه وقعدوا وبص لمحمد اللي نايم على السرير بإستغراب) هو محمد تعبان!!
مينا(بتنهيدة) شوية..
محمدشاهين(بتنهيدة) علشان كده مامتك زعلانة بس هو تعبان ماله!!
مينا:(بص لمحمد بحزن ورجع بص لشاهين) محمد جه إمبارح من المدرسة ضغطه واطى جداً ومن وقتها بقي ومش عارف يقوم من النوم وكل ما يصحى ينام تانى..
محمدشاهين:(بجدية) ماطبيعى طالما ضغطه واطى  يبقى نايم على طول..
مينا:(بتنهيدة وإبتسامة) ماما بقا قالبة علينا كلنا من إمبارح وأنا ومحمد بالأخص
محمد سعد:(صحي من صوتهم وفتح عينه وقام سلم على شاهين) إزيك يامحمد عامل إيه؟!
محمدشاهين:(بهدوء) الحمد لله بخير إنت اللي عامل إيه؟!
محمدسعد: الحمد لله(وقام وقف تاني)
مينا:(بإستغراب) رايح فين يامحمد؟!
محمدسعد:(بتعب) رايح الحمام (ومشى دخل الحمام)
محمدشاهين:(بتنهيدة حزن) شكله تعبان خالص ربنا يهديك يامحمد المهم إنت عامل إيه؟!
مينا:(بإبتسامة) الحمد لله تمام
محمدشاهين:(بإبتسامة) شكلك بقيت كويس عن اليومين اللي فاتوا جاتلك وكنت خلصان خالص
مينا:(بص لمحمدشاهين بأسف) أنا أسف إنك جيت وأنا مكنتش حاسس بيك ماما قالتلى والله وزعلت خالص
محمد شاهين:(بص لمينا بإبتسامة) أسف إيه بس أنا كنت هتججن عليك وأنا شايفك تعبان كده أهم حاجة تكون بخير وبس..
مينا:(بإبتسامة إمتنان) ربنا يديمك فى حياتى يارب
( في الوقت ده محمدسعد خرج من الحمام وكان رايح ينام تانى)
محمدشاهين:(قام ومسك إيده وقعده جنبهم) مافيش نوم يا محمد لازم تقوم علشان تقدر تفوق ودماغك يتعدل طول م أنت نايم هتبقي عاوز تنام على طول..
محمدسعد:(بتعب) أنا عندى صداع جامد قوى سبنى أنام يامحمد..
محمدشاهين:(برفض) لا أقعد ع السرير بس ماتنمش مش هيروح الصداع طول ماأنت نايم(وبص للاتنين بجدية) هو إنتو عاجبكوا اللي إنتوا فيه ده عاجبكوا أمكم اللى بره دى والحزن اللي باين في عنيها وخوفها عليكم..
مينا:(بتنهيدة) وإحنا إيه اللى هيفرحنا فى كده يعني..
محمدشاهين:(بجدية) أنا مش عارف إيه اللي خلاك تنزل فى الوقت اللي إنت نزلت فيه ده أصلاً وإنت عارف إنك تعبان وكمان ماعمدكش مناعة وأي شوية هوا بيتعبوك(وبص لمحمد) وإنت يا محمد إيه اللى وصلك لكده إيه الى نزل ضغطك كده مهمل فى أكلك ليه!! المذاكره والدروس والمدرسة محتاجة صحة كويسة وإنت بتلف هنا وهنا ومهمل في صحتك وده كله هيجي على دماغك على فكرة..
محمدسعد:(بتعب) أنا مش بجوع أعمل إي يعني!!
محمدشاهين:(بجدية) مش لازم تاكل لم تجوع بين دروسك هاتلك أى حاجة وكُلها إحنا كنا بنعمل كده علشان منقعش من طولنا كده ويفوتنا أى دروس وإحنا نايمين النومة دى ( في الوقت ده دخل عليهم أحمد وليث ومحمدسراج وسلموا عليهم وقعدوا معاهم)
محمد سراج:(بضحكة وهزار) أها يامحمد إعطيه كمان الواد ده أصلاً عاوز يتظبط شكله عاجبه القاعدة اللي هو قاعدها في البيت دي..
ليث(بضحكة وهزار) مرتاح منك ومن مرجعاتك وإمتحاناتك اللي ماتخلصش..
محمدسراج(بصله بضحكة وراح قعد جمب محمدسعد) أخيراً صحيت يابني إنت بتخلص النوم اللي فاضلك ولا إيه!!
محمدسعد:(بيتعدل علشان ينام وبتعب) لا لسه شوية وسعلى بقا علشان أنام
محمدشاهين:(مسك إيده تانى وبجدية) قولنا مافيش نوم ..
محمد سراج:(بص لمحمد وحط إيده على كتفه) مافيش نوم وفيه علاج لك كمان نص ساعة أو أقل كمان..
محمدسعد: (بصله بخوف) هو إحنا مش هنخلص بقا من العلاج ده..
ليث:(بضحكة) علشان تهتم بصحتك بعد كده وبعدين دي هيا حقنة اللي أخدتها اللي يشوفك يقول بقالك قرن بتأخد علاج (وحط إيده علي مينا وبهزار) أومال الأخ ده يعمل إي بقاله يومين بيتشكشك وبيأخد في المرة حقنتين كمان..
مينا(بضحكة) والله ياأبني رجلي جابت أخرها ووقفت من كتر الشكشكة دي..
محمدسراج(بضحكة) هانت هانت أخر واحدة النهاردة وتخلص ياباشا (وبص لمحمد بضحكة ورقصله حواجبه وبهزار) الدور والباقي علي الأخ اللي لساله شوية حلوين..
محمدسعد(بخوف وتعب) مش هأخد حاجة أناا ..
محمدسراج(بضحكة) الوقتي نشوف الموضوع ده..
أحمد:(بضحكة) ده إمبارح طول اليوم بيدعي عليا بسبب إني قولت إنه بيخاف من الحقن وأنا اللي نزلت جيبت الحقنة..
محمدشاهين:(بضحكة) إنت بتخاف للدرجة دي يامحمد ولاااي!!
محمدسراج:(بتريقة وضحكة) أبداً بيخاف مين!! ده بيفضحنا على ما ياخد الحقنة بس..
محمدسعد:(بصله بغضب)لا والله مش بخاف ..
محمدسراج:(بضحكة) خلاص مش بتخافي يابطة رفع ساعة وبابا يجي علشان علاجك وكذبنا بقي وأكدلنا إنك مش بتخاف..
محمدشاهين:(بضحكة) ماكونتيش أعرف إنك خواف كده يامحمد..
أحمد:(بص لمحمدشاهين بضحكة) ده مش بيخاف بس يابني ده بيترعب خليك بس حاضرنا لحد ماعمو يحيي يجي ويعطيه علاجه وهتشوف الشجاعة علي أصولها ..
مينا(بجدية مُصطنعة) بس إنت وهوا خفوا على الواد شوية مش ناقصكم..
محمدسراج:(بضحكة وبص لمحمدسعد اللي باين عليه الخوف من الحقن) إجمد كده وخليك إسترونج..
محمدسعد:(بتعب وخوف) مش هأخد حاجة أنا بقيت كويس كفايه كده وسعولي كده بقى علشان أنام..
ليث:(بجدية) أها واضح جداً انك بقيت كويس أنا مش عارف شاب زيك وأكلته هم كده إزاي!!
محمد سراج:(بجدية) والله تستاهل الشكشكة اللي إتشكشكتها واللي لسا هتتشكشكها وإبقي وريني بقي مش هتأخدهم إزاي هنمسكك وهتأخدهم غصب عنك ..
(محمد سعد بصلهم بغضب وخوف ونام على السرير بعصبية ليث قام قومه تانى وفضلو يرخموا عليه ويهزروا معاه )
محمدشاهين(قام وقف وبإبتسامة) يلا بقي ياشباب هستأذن أنا بقي..
أحمد(بإبتسامة) ماتقعد يابني شوية لسا بدري..
محمدشاهين(بإبتسامة) أنا قاعد من قبل ماتيجوا بزمان يلا هستأذن لإني جاي بعد الكلية علي طول وهتأخر كده هجي وقت تاني بإذن الله..
محمدسراج(بضحكة وهزار وحط إيده علي محمد) يلاا هيفوتك بطولة الواد محمد وهو بيأخد الحقنة بس يلا تتعوض مرة تانية..
محمدشاهين(بضحكة) الله يكون ف عونه والله إرحم الواد شوية..
محمدسراج(بص لمحمدسعد بضحكة وبيرقصله حواجبه) ده في عنياا ماتقلقش..
محمدشاهين(بضحكة) مافيش فايدة يلا بقي سلام وألف سلامة عليك يامحمد..
محمدسعد(بتعب) الله يسلمك..
(مشي محمدشاهين ومحمدسعد نام على السرير نص نومة وسط تعبه وخوفه من العلاج وليث والشباب قاعدين معاه يتكلموا معاه ويهزروا علشان يلهوه)
...............................................
فى المدرسه  فى الحصه الاخير  عند محمد  عباس قاعد فجأه
كريم:(فجأه خبط على درج محمد عباس  ,, محمد عباس اتخض وبصله  ,, كريم مد ايده فى درج محمد وطلع مجلات  مش كويسه بضحكه استهزاء) بتعمل ايه دى معاك فى المدرسه   يا جميل
محمد عباس:(بص بصدمه للمجلات وبص للمدرس وقف ) والله ماعرف  ايه دى ولا جات ازاى
كريم:(بأستهزاء) لا لا متحلفش بالله لان الكذب مش بينجى (سمعو جرس انتهاء اليوم الدراسى  ,, كريم  بص لمحمد بصه رعبته) بكره فى  الطابور نتفاهم وأبقى غيب هاجى اجيبك من بيتكوا (وبص لباقى الفصل) قوموا روحو (وخرج المدرس من الفصل ومحمد عباس باصص عليه بصدمه ورعب)
................................................
ياترى هيحصل ايه لو حابين تعرفو استنونا الحلقه الى جايه
......................................
#hadeer
#hager
#rody