[Unicode]
ငါမင်းကိုနေ့တိုင်းလွမ်းတယ် (ဒုတိယပိုင်း)
သူ သူ့အိမ်တံခါးရှေ့ရောက်ခါနီးမှာပဲ လမ်းဟိုဘက်မှာရပ်ထားသည့်ကားတစ်စီးကို ရှယောင်သတိပြုမိလိုက်သည်။ တိုက်မှာနေသည့်သူတွေက အလုပ်သမားတွေပဲဖြစ်တာကြောင့် အဲ့လိုစျေးကြီးသည့်ကားကိုတွေ့လိုက်ရတော့ ရှယောင်မနေနိုင်ပဲကြည့်လိုက်မိသည်။ သို့သော်လည်း ချက်ချင်းပဲသူ့ခေါင်းကိုပြန်လှည့်လိုက်၏။
သူလှေကားထစ်တွေပေါ်တက်သွားတော့ မိတ်ကပ်အကောင်းစားတွေလူးပြီး ကျက်သရေရှိစွာဆင်းလာသည့် အမျိုးသမီးတစ်ယောက်ကိုမြင်လိုက်ရသည်။ ရှယောင်လည်း သူ့ကိုယ်သူနံရံဘေးသို့ကပ်လိုက်ပြီး လမ်းဖယ်ပေးလိုက်၏။ မမျှော်လင့်ပဲ အဲ့အမျိုးသမီးက ရှယောင်ကိုလည်းမြင်ရော ရပ်တန့်လိုက်သည်။
ညစ်ပတ်ပြီးဟောင်းနွမ်းနေသောကော်ရစ်ဒါလေးက လှေကားတွေက ကျဥ်းပြီးလူနှင့်ပြည့်ကြပ်နေသလိုဖြစ်နေသည်။ သူမရပ်ပြီးသိပ်မကြာခင်ပဲ သူမနှင့်ရှယောင် ကြားကအကွာအဝေးကတဖြည်းဖြည်းပျောက်ကွယ်လာလေသည်။
သူမ၏ရေမွှေးနံ့တွေကလည်း ရှယောင်နှာခေါင်းလေးနားမှာရစ်ဝဲနေခဲ့သည် သူမကပြုံးပြီး ယဥ်ကျေးစွာပြုမူနေသော်လည်း သူအသံကတော့အေးစက်နေသည် " ရှယောင်? "
ရှယောင်က ထိုအမျိုးသမီးကိုအံ့သြတကြီးကြည့်နေမိသည် သူက သူ့ကိုဘယ်လိုလုပ်သိနေပါလိမ့်။
" ခွင့်ပြုပါ အန်တီက? "
အမျိုးသမီးကရှယောင်၏ မေးခွန်းကိုမဖြေပဲ ပြုံးလျှက်ခေါင်းညိတ်ပြပြီး ပြန်လှည့်၍အောက်သို့ဆက်ဆင်းသွားလေသည်။
ရှယောင်က ထိုအမျိုးသမီး ထိုစျေးကြီးတဲ့ကားထဲဝင်သွားတာကိုကြည့်နေခဲ့ပြီးမှ အပေါ်သို့ဆက်တက်၍အိမ်သို့ပြန်သွားလိုက်သည်။
ရှယောင်ပြန်ရောက်တော့ အိမ်ရှေ့တံခါးကလော့မချထားတာကိုတွေ့လိုက်ရသည် အိမ်အထဲကနေထွက်လာသည့် ခုနကအမျိုးသမီးကြီး၏ရေမွှေးနံ့နှင့်တူညီသောအနံ့ ကိုလည်းရလိုက်ပေသည်။
STAI LEGGENDO
© ကျွန်တော့်မိန်းမကကျွန်တော်သူ့ကိုမချစ်ဘူးလို့ပဲထင်နေတယ် [ဘာသာပြန်]
Storie d'amoreOriginal Name - 媳妇总以为我不爱他 (My Wife Always Thought I Did Not Love Him) Original Author - 江心小舟(Jiāng Xīn Xiǎozhōu) Status - 70 Chapters (Completed) English Tran - Completed Myanmar Tran - Completed English Tran - You can read in https://exiledrebelss...