أحببتها كما هي بقلم (آلاء محمد عبد الحميد)

الفصل التاسع والعشرين

_*_*_*_*_*_*_**_*_*_*_*_*_*_*_*_*_*_*_**_*_*
صدموا الفتيات ادم وفهد وسليم  وجدوا
مصطفي يجلس ورعد وجاسم يلعبان بالماء
ادم بحدة :اخلصوا بقا خلينا نمشي وعلشان متاخدوش برد
وافق الجميع لمصلحتهم وغادروا بعد هذه الفسحة الجميله التي لن تتكرر مرة اخري
ولن انكر منظر مصطفي وهو يقود ويرتجف من البرد والذي ابدل مع رعد فورا منعا لفقد حياتهم
وصل الجميع منازلهم
منهم المبتسم ومنهم العاشق والسعيد لفرحة معشوقته
__*_*_**_*_*_*_**_**_*_*_*_*_*_**_*_*_*_*  
الساعة الثانية عشر ظهرا
والفيلا عند يارا تعج بالعمال والاصوات المرتفعة
ويارا وجاسم لا يزالو ينامون بعد يوم امس المتعب
ساميه وهي تقف عند يارا
سامية :قومي يا لورا يلا انهاردة فرحك
يارا بنوم :حاضر ....وتثاوبت هجوزك ادم واباركلكم بس شوية كمان
صدمت سامية وهزت يارا اعنف من المرة السابقة :قومي يا باردة فرحك انتي مش انا الله يهبلك
يارا بنوم :الف مبروك ربنا يتمم بخير واخفت وجهها تحت الغطاء
سامية :وربنا لو ما مفوقتيش متلوميش الا نفسك قومي بالذوق
لم ترد يارا
اغتاظت سامية  ظنت يارا انها ملت منها ونامت بطريقة اكثر راحة لها
وذهبت وبعد قليل من الوقت عادت سامية
سامية ومعها جردل ماء وتقذفه علي يارا بقوة
يارا بشهقة :يا ماما ........... اح............. هوف هوف هوف
سامية بضحكة :تستاهلي علشان تسمعي الكلام من مرة واحدة
يارا :حرام وربنا كده ....دول بيعذبوا الكفار بالطريقة ديه
يارب يارب وقامت بسرعة دلفت الحمام وتركت سامية تضحك عليها
خرجت يارا وصلت فريضتها وقرأت الكلام المحبب لقلبها وظلت تفكر في امور والدها وزوجها وحايتها الجديدة المقبلة عليها
دخل جاسم بعد ان دق الباب كثيرا ولم ترد عليه يارا
جاسم :يارا بت يا يارا
لم ترد يارا وظلت شاردة
فكر جاسم سريعا واقترب من يارا
جاسم بجوار اذن يارا :يااااااااااارار
يارا بفزع وخوف جعلها تقفز من علي الارض :اي يامامااااا
جاسم بضحك لا يقدر ان يوقفه :هههههههه منظرك هههههههههه مسخرة
يارا بغيظ :كده وقفزت فوقه تكيل له الضربات
جاسم :خلاص يا بت خلاص إيدك بتوجع
يارا بتشفي :تستاهل
جاسم :طيب كنتي سرحانه في ايه
يارا بكدب :الدراسة بس مش اكتر انت عارف هتبدأ الشهر الجاي
جاسم فهم يارا ولم يرد ان يضغط عليها
:طيب الميكب ارتيست اتصلت وبتقول انك اتأخرتي يلا بقا البسي علشان اوصلك
يارا بتذكر :اه صحيح
وقامت يارا وارتدت ملابسها واتصلت كثيرا علي اصدقائها ولا احد يقوم بالرد استغربت كثيرا وقلقت ولكن قطع قلقها استعجال جاسم
ذهبت الي البيوتي سنتر وهي حزينه من اصدقائها
المفترض ان يكونوا معاها بهذا اليوم
_*_*_**_*_*_*_*_*_*_*_*_*_*_*_*_*_*_*_*   
عند الاء معاها سلمي وايسل ونيرة التي اصرت علي وجودها بشدة
الاء :كده جبنا كل حاجة نقصانا واتفقنا مع بتاع القاعة كمان هيعمل ايه مش ناقص غير اننا نلبسهم وبس ونبقا جاهزين
اتفق البنات بحماس لهذه المفاجأة التي يحضروها لصديقتهم بهذا اليوم المميز من عمرها
_*_*_*_**_*_*_*_*_***_*_*_*_*_**_*_*_*       
عند ادم يجلس علي السرير يضع يده تحت رأسه وشارد وينظر بالسقف ولم ينتبه الي دخول فهد
ادم لنفسه :يا ترا ده صح اني اكسر قلبها كده في اليوم ده وهي بتحبني والا لا جوازة والسلام وتبقا جوزاة تقليدية بس بردوا انا منكرش اني حبتها وسرح ادم في تفاصيله يارا بشدة حبت كل حاجة فيها طريقة ضحكتها وغمازتها وعفويتها وبراءتها حتي في غضبها بتبقا في منتهي الجمال وخجلها بيزدها حلاوة ونطق بصوت وهي يتقلب علي احدي الجوانب :ياااااه انا فعلا حبتها
رأئ فهد امامه بنظرات خبيثة قام بسرعة :مش تخبط يا بأف
فهد بخبث :انا خبطت فعلا بس انت مردتيش وطبعا انا مقدرتش امشي الليلة ليلتك
واكمل بمكر الا صحيح يا أدم :انت حبتها فعلا والا
ادم بجدية :لا بجد حبتها يمكن عشقتها كمان بس هكمل في اللي بعمل باختلاف بسيط
فهد بغضب :انت ايه يا اخي غبي والا بتستغبي مش لسه قايل انك بتحبها
اومأ ادم ببرود
فهد بغيظ: امال ليه بقا عايز تكمل
ادم ببرود :انت اللي غبي اولا وهعديها بمزاجي ثانيا بقا وده الاهم انا قولت باختلاف بسيط واني اكون معارفها اني عاوز اوقع روفان مش هسبها تخرب بيوت وتدمر مستقبل شباب وعائلات وتيتم اطفال وياريت كده ديه كمان بتخلي أطفال يشربوا مخدرات بدري ده لوحده سبب يخليني استمر
فهد بهدوء :كده ماشي يعني تقولي لانسة يارا يعني انها تساعدك لانها اكيد هتحاول تأذيها او تظهرلك صح
ادم :صح جدا والحالتين هيحصلوا علي فكرة هتحاول تأذي يارا واكمل بثقة واكيد هتظهر
فهد :تمام سيبك من السيرة الغم ديه ويلا بقا علشان تجهز الساعة خمسة ونص
ادم :لسة فاصل ساعة ونص هروحلها الساعة سبعة
فهد :طيب انا هنزل اقعد مع عم رفعت
ادم :والدتك عاملة ايه
فهد بحزن :كويسة بعتها تعمل عمرة من كام يوم فاتوا
ادم وهو يخبط علي كتفه برفق اخوي :صدقني خير باذن الله وهتقدر يا فهد انت اقدها
فهد :يارب يا ادم اللي وجعني فعلا ان مرات اخويا عملته في ابنها كل ده علشان تتجوز وتعيش حياتها وقال ايه  اللي هيكون جوزها مش عايز الطفل
ادم :طيب هو فين
فهد :ما هي هتتجوز كمان شهران ولغاية معاد الفرح هيفضل معاها انا مرديتش اعمل لها حاجة رغبة لامي بس وربنا لو اذيته ميكفيني فيها رقبتها
ادم :اهدي يا ابني خير ان شاء الله مصطفي فين هو ورعد
فهد :جاين كمان شوية
نزل فهد الي رفعت في الاسفل وظل ادم جالس الي ان دقت الساعة السادسة
دلف الي الحمام واخذ حمامه وخرج وجد رعد ومصطفي جالسان ينتظراه
مصطفي :يلا يا ادم البس البنطلون والقميص علشان هصورك وانت بتلبس الجاكت والساعة وبتصفف شعرك يلا
ادم :بلاش كلام فاضي يا ديشا
مصطفي :علي جثتي اخلص وفعلا   وارتدي بذلته
وفعلا مصطفي مايريد وقام بتصوير ادم
ونزلوا ليركبوا السيارة الساعة الان السابعة الا ربع
تفجاء ادم بان السيارة خاصته ليست موجودة وان السيارة التي سيزف بها بدون سقف ومزينه بطريقة جذابة وعليها من الأمام احرف ادم ويارا تحتضن الاحرف بعضها بطريقة جميله وسيارات اصدقائه كذلك مزينه بطريقة حديثة وجميلة جدا ويوجد بعض السيارات الاخري مليئة باصدقائه من الجامعه والشركة
التف ادم ونظر الي اصدقائه
ادم :انتوا عارفين مبحبش العربيات ديه وبحب التانيه بتاعتي
مصطفي :ده في العادي مش في الليلة ديه وبعدين مش معقولة تبقا اسد السيارات في السوق وتركب العربية ديه في ليلة فرحك استحمل انهاردة
وافق ادم علي مضض وركب السيارة والتي صدم حينما قالوا له بانه من سيسوق 
لانه حتما ليلة الزفاف يوجد سائق ويكون العروسان بالخلف وايضا علي المقاعد ورود حمراء وبيضاء ملقية بطريقة جميله جداااا
وصل ادم ولم يخلو الطريق من اصوات السيارات
في الامام يقود ادم سيارته
وخلفه يقود اصدقائه والعديد والعديد من الاصدقاء 
ولم يخلوا الامر بالطبع من بعض الجنون بالسيارت والحركات بها
_*_*_**_*_*_*_*_*_**_*_*_*_**_*_*_*_     
عند رحيل وجود
رحيل  بحماس:فاضل علي دراستي شهر واو
جود :ربنا يتمملك علي خير يا حبيبتي
رحيل:يارب يا جود يارب
جود :طيب احنا هنجيب اللي لازمك للجامعه بكره باذن الله ماشي
رحيل :انا مش عارفة من غيرك كان زمان وضعي ايه ربنا يخليك ليا ويفرحك يارب ويرزقك بالزوجة الصالحة الل.......
جود بضحكة :اية يا بنتي زوجة ايه انتي كمان انا اطمن عليكي واسلمك لعريسك ويبقا كده الحمد لله ومتكتريش في الكلام كتير
جود بعند :طيب والله يا جود ان ما اتجوزت لأكون انا كمان م....
قاطعها جود بسرعة :الله يهدك استني خلاص بعدين نشوف الموضوع هتجوز اسكتي بقا ومتدعيش
رحيل بفوز :جبت لورا بتخاف مني انا عارفه
جود ببرود :اتنيلي يا اختي انا خايفة تفضلي في وشي علي طول وانا ماهصدق اخلص منك
رحيل بصدمه :كده يا جود اهون عليك
جود بحب :لا طبعا انت بنت عمري
رحيل :ربنا يخليك ليا
_*_**_*_*_*_*_*_*_*_*_*_*_*_