The School's Fairy | BxB

Nineteen - (Another's point of view)

[ Eden. ]

Flabbergasted. Ang salitang pinaka-suitable na magpapaliwanag sa nararamdaman ko ngayon.

Habang nakanganga (pero gwapo parin) na nakatingin sa lalaking nasa harapan ko ay hindi ko mapigilang mapaisip, napakaliit nga naman ng mundo oh! Akalain mo yun, sa dinami-rami nang tao na pwede kong makasalamuha ngayon, ito pa talagang asungot na 'to? Di lang yun, niligtas ko pa!

Well, hindi naman sa nagsisisi ako sa ginawa ko kasi talaga namang nakakatakot yung mga goons na yun. Pero sa ugali ng asungot na 'to, alam kong hindi siya magpapasalamat sa ginawa kong pagtulong sa kanya. Baka nga mandiri pa siya at sabihing wag ko siyang hawakan, eh! Tsk. Hindi sa iniisip ko kung anong magiging reaksyon niya sa'kin, pero parang ganun na nga rin yun. Pero mas concerned ako sa sarili ko dahil gumawa ako ng mabuting hindi naman makakatanggap ng pasasalamat! Hmmmp.

At gaya nga ng inaasahan ko, matapos magising sa pagiging daze niya ay tila napasong binitawan niya ako at lumayo ng ilang hakbang mula sa'kin.

"What the fuck are you doing here?" salubong ang kilay niya at bakas ang annoyance sa mukha niya. Siguro iniisip niya kung ano bang pumasok sa isip niya at hinila niya ako, isang bakla na siyang kinamumuhian niya (kahit di naman ako tunay na bakla!), para magtago. Ganyan kasama ugali niyan sinasabi ko sa inyo!

Pero dahil mas gusto ko pa siyang mainis, itinagilid ko ang ulo ko at ngumiti sa kanya nang pagkatamis-tamis, "Akala ko ayaw mo sa'kin, pero kung magtanong ka parang concerned ka sa'kin. Tsundere ka 'no?"

Disgust spread all over his face as he spits out a, "fuck off!"

Nilabas ko lang ang dila ko para asarin pa siyang lalo na agad namang naging successful dahil rumehistro sa mukha niya ang sobrang pagkainis.

Sinamaan niya ako ng tingin at aalis na sana mula sa pagkakatago dito sa maliit na espasyo nang makarinig ako ng yakap. Dala na ng reflex ay agad kong hinawakan ang damit niya at hinila siya para hindi siya makita.

"May tao ba dyan?"

Isang boses ng lalaki ang narinig ko. Dinilaan ko ang labi ko at ginawa ang unang bagay na pumasok sa isipan ko.

"M-Meow..."

Anak ng tae, nauutal ba yung mga pusa?! Napapikit ako ng mariin dahil sa epic failure ko pero narinig kong huminga ng maluwang yung lalaki at bumulong.

"Pusa lang pala."

Matapos kong marinig ang paalis na yapak ng mga paa niya ay nakahinga ako ng maluwang. Akalain mong lumusot pa yun? Ang galing galing ko talaga!

Pero ang walang modong lalaking nasa harapan ko, matapos ko siyang iligtas sa pangalawang pagkakataon ay di man lang nagawang magpasalamat, marahas pang tinanggal ang mga kamay kong nakahawak sa damit niya. Napa-aray naman ako at inis siyang tiningnan pero sinamaan niya lang ulit ako ng tingin saka tuluyan nang lumabas mula sa pinagtataguan namin.

Nanlaki ang mga mata ko at pabulong siyang sinigawan, "Hoy!"

Baka nandun pa yung mga goons, eh. Patay kami pag nakita nila kami dito!

"Stupid. Wala na sila!"

Napakibot ang labi ko nang marinig ko ang nakakainis na boses ni asungot. Sinundan ko siya palabas habang sinasamaan siya ng tingin.