Dark Society 4- Ellifard Desconte (COMPLETED)

Chapter one

"SEÑYORITO! Kailangan niyo pong isuot 'to darating na ang Donya mamaya lang.."

Ellifard want to punch the wall when he heard that. Bwisit! Hindi ba pwedeng tigilan siya ng mga ito kahit saglit lang?! Madilim ang mukhang binuksan niya ang pinto. Hawak ni manang ang Armani niya. Padaskol niyang kinuha 'yon mula sa kamay ni manang saka sinara ang pinto.

"Señyorito bilisan mo ha!" Sigaw nito mula sa labas ng pinto. Hindi na siya nagsalita, tinignan niya ang hawak.

"Cazzo, mi sento male!" Gigil na bulong niya. Fuck this! Tinapon niya sa sulok ang Armani saka pumunta sa teresa ng mansion. Dumungaw siya sa ibaba. Nakita niya ang luxury car ni Cathiya, his baby sister. Mabilis siyang sumampa sa mataas na bato ng balkonahe niya at dahan-dahang sumampa sa bubong na nasa kabila lang. Dahan-dahan siyang kumapit sa mga mahahawakan niya habang humahakbang papunta sa bubong na 'yon. Nakahinga siya ng maluwag nang makalipat na siya doon. Napatingin siya sa taas kung saan nandon ang kwarto niya.

Wew! Buti na lang at sanay siya sa mga matataas. Kapag may oras kasi siya ay nag ka-climbing sila ni Clifford. Tinantiya niya ang taas papunta doon sa bubong ng kotse ng kapatid niya. Nagbilang siya hanggang lima bago siya tumalon sa bubungan ng luxury car. Napangiwi siya nang madaganan niya ang braso.

'Shit!'

"Vaccanfulo! I can take care of myself!" Sabi ng tinig na 'yon na may accent ng italia.

Kumunot ang noo ni Ellifard nang marinig niya ang malakas na boses ng kapatid. Hindi siya sumilip dahil baka may makakita sakanya.  Naramdaman niyang may pumasok sa loob ng kotse.

"But señyorita----

Hindi na natuloy ng lalaki ang sasabihin dahil sinara na nito ang pinto ng kotse.

Fuck!

Napakapit si Ellifrad sa magkabilang gilid ng bubong ng luxury car ni Cathiya nang umandar na ang sasakyan. Medyo umupo siya sa bubungan. Ang kina-iinis lang niya ay ang mahabang daan palabas ng mansion. Nakita niyang nanlaki ang mata ng mga nakasalubong nilang dalawang katulong sa daan. Hawak ng mga ito ang makakapal na puting kumot habang sumusunod ang tingin sakanya.

"Señyorito!" Sigaw ng mga ito. Mahina siyang napamura.

"Wag niyong hayaang lumabas ang dalawa!"

Fuck! Napalingon siya sa likod.  Malutong siyang napamura nang makita ang mga humabol sakanila. Tumukod siya upang makasilip sa gilid ng kotse saka niya kinatok ang bintana ng kapatid.

"Cathiya! Open this!" Sigaw niya sa kapatid. Binuksan naman nito ang bintana at dumungaw sakanya. Nanlaki ang mata nito nang makita siya.

"What the fuck are you doing there kuya?!" Matatas na sabi nito. Napangiwi na lang siya.

"Your mouth baby! Buksan mo na lang 'to at nangangalay na ako" Sabi niya dito. Pumasok uli ito sa loob at binuksan ang isang maliit na pinto sa bubong ng Luxury car nito. Mabilis naman siyang pumasok sa loob at sinara 'yon.

"Sa susunod magdahan-dahan ka ng pagmamaneho!" Sermon niya dito. She just shrugged her shoulder. Napatingin sila sa daan buti naman at bukas ang malaking gate ng mansion. Ngunit hindi pa sila nakakaliko nang biglang dumating ang isang sasakyan. He bit his lips.

'It's madre's limousine..'

"Fratello." Narinig niyang sabi ng katabi. He just grinned at her.