Change of Hearts (Completed)

Chapter 29: Pagbisita

"Who are you? Why are you following me?" Naiirita kong tanong sa lalaking sunod nang sunod sa akin kahit na saan ako pumunta.

"Hi! I'm Kristoff Ivehn Fernandez at your service." Sabi nya bago sya lumapit sa akin at halikan ang kanan kong pisngi.

Dahil sa gulat ay nasampal ko sya. Akala ko ay magagalit sya at sasaktan din ako kaya tumakbo ako palayo sa kanya.

Nang lingunin ko sya ay nakita kong sinusundan nya ako. Nang maabutan nya ako ay hinawakan nya ang magkabila kong balikat at hinarap ako sa kanya.

"Bakit ka nanginginig? Hey, wala akong gagawin sayo." Nag-aalala nyang tanong sa akin ngunit mas natakot ako sa kanya nang makita ko nang malapitan ang kanyang mukha.

Mukha syang masungit at nakakatakot. Idagdag mo pa ang kakaiba nyang awra ay matatakot kang talaga.

Hinaplos nya ang pisngi ko at nag-hum. Inaamin kong kumalma ako nang marinig ang maganda nyang boses. Unti-unting umayos ang aking paghinga at nawala na rin ang panginginig ng aking katawan.

"Reyna ko.. Huwag kang matakot, ako ang bahala sayo." Sabi nya sa akin.

Ito ang unang beses na nakilala at nakasama ko si Kristoff. Ang sabi ng karamihan ay 'Impression lasts', hindi ako naniniwala dito dahil mali ang unang impression ko kay Kristoff. He is the living proof na hindi totoo ang kasabihang iyon.

He is not scary. Hindi rin sya masungit. Infact, he is a gentleman. He is caring and thoughtful. Above all, he loves my heart.

PAGMULAT ng aking mga mata ay puting kisame ang nakita ko. Inilibot ko ang paningin ko at nalaman kong nasa ospital ako ngayon. Na naman.

Lumingon ako sa aking kanan nang maramdaman ang paggalaw ng kung ano. Isang nakangiting mukha ni Kristoff ang nasilayan ko. Mukha ni Kristoff nang unang beses na nakilala ko sya.