***************
From Queen
to Pauper
***************
M I K A
Nang mailock ko naman ang kwarto ko ay napadasal na lang ako ng maraming beses.
Ano ho bang kasalanan ko at idinikit niyo pa po sa akin ang hilaw na german sheperd? Sobrang sakit na po ng balakang ko baka bukas makalawa po eh bugbog sarado na ako.
Hindi ko alam kung gaano ako katagal nagdasal, sa dami rami ng makakadorm ko eh bakit siya pa. Parusa ho ba ito?
Gumagawa ako ng mga homeworks ko nang may marinig akong kumatok. Nag sign of the cross muna ako at dahan dahang binuksan ang pintuan ng kwarto ko. Baka mamaya kasi ay may bumulaga na lang sa akin na kung anong prank nanaman hay.
"Bakit?" tanong ko, mata ko lang ang kita niya.
"Gawin mo homework ko." utos niya.
"Ayoko." saad ko at sinarado na ang pinto.
Anong akala niya sa akin? Utusan niya? Parehas lang kaming dormer aba, hindi porket queen tamaraw siya eh queen na din siya dito sa dorm.
"Labanos gawa mo ko homework." saad niya habang kinakatok ang pintuan ko.
"Gawin mo yan mag isa." sagot ko.
"Sisirain ko tong pintuan mo." pagbabanta niya.
At dahil alam ko namang kayang kaya niyang gawin yun ay hindi na ako nag atubili pang buksan ang pinto, mahirap na, pinto ko yun kaya ako ang magbabayad nun pag nasira. Ngitian ko siya ng sarkastiko at kinuha ko naman yung hawak niya, yung homework pala namin ito sa subject namin na magkaklase kami. Napailing na lang ako.
"Ang sipag mong ibully ako pero homework di mo magawa." pabulong kong sabi.
"Anong sabi mo?!" singhal niya, jusko naman!
"Wala, ang ganda mo kako bingi ka lang. Oh cotton buds, maglinis ka ng tenga mo."
Inabot ko naman yung cotton buds sa kanya, kinuha naman niya iyon at naglinis nga ng tenga. Masunurin naman pala talaga ang german sheperd. Ang sarap i-pet! HAHAHA!
Ang sipag ko noh, dalawang homeworks ginagawa ko. Enjoy na enjoy ko pa ang pag susulat nang bigla naman siyang nagpatugtog ng heavy rock metal, for real?!
"Hoy maingay." saad ko sa hilaw na german na nakahiga sa kama ko.
Sinabayan niya pa ng pagkanta, lalong sumakit ang tenga ko kaya naman kinuha ko na lang ang earphones ko at nagpatugtog na lang ng OPM. Ayoko ng maingay sa totoo lang kaya parusa talaga tong hilaw na german sa akin.
Nang matapos ko naman ang homework niya ay inabot ko na din ito agad sa kanya.
"Alis na."
"Thanks."
Wow, atleast marunong siyang magpasalamat. Nilock ko naman na agad ang pintuan ko, mamaya kung ano pang kalokohan maisip niya, mahirap na.
-----
Dali dali akong lumabas ng kwarto dahil amoy sunog, halos madulas na ako sa hagdan sa pagmamadali. Agad ko namang hinanap kung saan galing iyon, binuhusan ko naman agad ito ng tubig.
"Anong ginawa mo?" tanong ko sa kanya.
"Nagluluto."
