Mystique Puppeteer

10.

"Dude, Caleb. Maganda ka pala maging babae," pangaasar ni Chris sabay takbo palayo. Inaasar din siya ni Selena at si Jenny naman, panay ang pagreklamo kung ba't damit babae si Caleb.

* * *

Ilang minuto nalang talaga at magsisimula na ang kanilang paglilipad ng lanterns. Too bad, wala pa si Francis.

"Oh my God, si Maximus!" turo ko sa isang kabayo na nagaamoy-amoy sa dinadaanan niya. "Tago kayo, bilis!"

Mabilis kaming nagtago at kaniya-kaniya kami ng pwesto. Ewan ko kung nasaan ang iba pero ako, nasa likod ng isang halaman na ewan ko kung ano ba ang nasinghot ko't dito nagtago. Alam ko naman na madali lang ako makita dito. Wala akong mataguan, eh.

"Agnes?" nanindig ang balahibo ko at ibinaon ang mukha ko sa halaman. "Uy."

Naramdaman kong kinakalabit ako ng isang malaking paa kaya hindi ko na natiis at lumingon sa likod ko. Tumili ako ng malakas dahilan para mapalingon sa amin ang mga tao. Dali-dali kong pinutol ang sanga ng halaman na pinagtaguan ko at tinapat iyon sa nagsasalitang kabayo.

"Lumayo ka, Maximus! Alam kong kabayo ka at mahaba ang nguso mo kaya imposible na makapagsalita ka!" giit ko habang nakataas sa kaniya ang sanga ng halaman.

Kumunot nalang ang noo ko nang makitang humagalpak ng tawa ang kabayo na nasa harap ko at may pa-hawak tiyan pa kahit na hindi niya maabot dahil nga sa kabayo ang anyo niya. Dahan-dahan kong binaba ang sanga at tinitigan siya ng maayos.

"Maximus? Hindi ka naman siguro kalaban 'no? Alam ko na 'yon dahil sa simula't-dulo pa lang, alam kong kakampi mo kami ni Flynn Rider," dahan-dahan akong tumayo at lumapit sa kaniya. Napangiwi nalang ako dahil dali-dali siyang tumayo at ngumisi sa akin. Kitang-kita ko tuloy ang gilagid at malalaking ngipin niya. Eww.

"Sa simula't-dulo pa lang, magkakampi na tayo. Ano ka ba, Agnes?" umayos siya ng tayo kaya magka-level na kami ng mukha. Ano 'to, donkey? Hindi naman siguro donkey si Maximus? O sadyang matangkad lang ako?

"Eh?" tanong ko nalang dahil naguguluhan na ako sa kabayong 'to.

"Ang slow mo," umiwas siya ng tingin na para bang naasar sa akin. Hindi ko naman siya inaasar. Magulo lang kausap ang big tooth na 'to. "Ako 'to, si Francis Lustre na hindi naman kaano-ano ni Nadine Lustre. Gwapo at matalino sa section natin."

Napangiwi nalang ako. "Francis? Imposible na ikaw ang mokong na 'yon dahil--" tsaka lang nagsink-in sa utak ko si Joseph. Posible kaya na nagiba din ang anyo ni Francis at naging kabayo?! "Holy nuggets. Ikaw 'yan, Francis? In fairness, bagay sa 'yo maging kabayo."

Humagalpak ako ng tawa at napaupo nalang dahil sa sakit ng tyan ko. Naiimagine ko pa lang si Francis, bagay na bagay talaga sa kaniya! HAHAHA!

"Stop it, dude. Hindi maganda na pagtawanan ang gwapong tulad ko," tumigil ako sa pag-tawa at pinunasan ang luha kong umaagos dahil sa kaka-tawa kanina. 

"Grabe ka kung maka-describe ng sarili mo. Hindi ka gwapo tsong," inirapan ko siya.

"Nga pala, asan na ang iba? Kanina pa ako nagaamoy-amoy sa mahabang ilong ko, oh," tinitigan niya ang mahaba niyang nguso kaya medyo naduduling ang mata niya.

"Nagtago. Akala kasi namin si Maximus ka talaga," inirapan ko ulit siya at tinawag ang iba pa naming kasama.

Unang lumabas ang muse at escort na si Chris at Jenny na naki-salamuha sa maraming tao. Si Selena naman na parang army dahil ang dumi-dumi ng mukha. Si Caleb the sexy kasama si Joseph the Pascal naman ay nasa ilalim ng malaking lamesa kung saan nakahilera ang mga paninda ng matandang babae.