My Dream Gay

Chapter 24

Tok tok tok tok

Napalingon si AJ sa pinto ng kwarto nya. Ilang araw na din syang nakatengga sa loob ng kwarto nya. Kulang na lang ay amagin na sya doon. Minsan lang sya makalabas ng kwarto nya dahil na din sa kundisyon ng paa nya.

"Mam Joanna."
"Ito na po ang lunch nyo."

Saad ng katulong kay AJ habang binubuksan ang pinto at dahan-dahang pumapasok.

"Sige po."
"Pakilapag na lang po sa study table."
"Di pa po ako gutom."
"Maya ko na lang po kainin yan."

Wika ni AJ na nakahiga pa din sa kanyang kama. Nakapikit din ang mga mata nya.

"Naku. Mam."
"Kumain na po kayo."
"Kailangan nyo pong uminom ng gamot."

Pamimilit ng katulong kay AJ. Mahigpit kasi talagang bilin ng magulang ni AJ na dapat ay kumain sya sa takdang oras dahil na din sa paginom nya ng gamot. Para mabilis ang paggaling ng paa nya.

"Manang."
"Okay na po ako."
"Di na din po masakit ang paa ko."
"Umatake lang po ang sobrang pagkapraning nina nanay at tatay."

Saad ni AJ. Umupo na sya sa kama nya. Naisandal din nya  sa headboard ng kama nya ang likod at ulo nya. Napahinga ng malalim ang katulong. At napakamot na lang ng ulo dahil sa sinabi ni AJ.

"Sige po mam."
"Basta po kakainin nyo po ang lunch nyo."
"Balik po ako mamaya."

Yun na lang ang nasabi ng katulong. Napangiti ng malawak si AJ.

"Sige po manang."
"Salamat po."

Masiglang saad ni AJ. Malawak din ang ngiti nya. Para syang nakalaklak ng energy drink. Tumango lang ang katulong sa kanya at ngumiti ng pilit bago ito lumabas ng kwarto.

Nang makalabas ang katulong ay napatingin si AJ sa pagkain na nakapatong sa study table nya.

Buong araw na naman akong ganto. Nakakasawa na. I need to do something.

Saad ni AJ sa utak nya habang pinagmamasdan ang pananghalian nya. Tanghaling tapat na at araw ng byernes. Isang linggo na syang nasa bahay. Isang linggo na syang nabuburo sa kwarto nya.

Naipaling ni AJ ang kanyang ulo sa side table. Napatingin sya sa phone nya.

Kamusta na kaya ang bruhang yun?

Tanong nya sa utak nya. Ilang araw na din na wala syang contact kay andrei na bestfriend nya. Tinetext nya naman ito pero ni isang reply o tawag ay wala. Di tuloy mapigilan ni AJ na maguilty at malungkot. Naiinis din sya sa sarili nya. Naiinis sya dahil sa naging sagot nya kay andrei. Alam ni AJ na isang pagpapanggap din ang pagalok ng bestfriend nya sa kanya bilang maging girlfriend pero tinanggihan pa din nya ito.

Kinuha ni AJ ang phone nya at nagtype ng text para kay Andrei.

"Hoy!! Bruha!! Bakit di ka nagrereply?---Joanna"

"Textback.--- Joanna"

"May isang malakas na sampal ka sa akin pag nagkita tayo. Di mo na ako binibisita. Bored na bored na ako sa kwarto ko.--- Joanna."

Sunod-sunod na text ni AJ kay Andrei. Pabagsak nyang ibinaba ang phone sa kama. Nagsalubong din ang kilay nya.

Mabilis na naipaling ni AJ ang ulo sa phone nya. Tumunog kasi yun. Napatuwid sya sa kinauupuan nya. Mabilis nya ding inabot ang phone nya.

Tumatawag na ang bruha kong bestfriend. Mamumura ko talaga ito. Lagot sya sa akin.

Wika ni AJ sa utak nya habang kinukuha ang phone nya.