'Yung katabi ko sa Jeep

UPDATE 12

UPDATE (12)

Jade Carla's Point of View;

Hinila ko ang kamay ko mula sa pagkakahawak niya, pero hindi pa rin ako makapag-react. Hindi ko alam kung bakit, siguro kasi na-miss ko ang boses niya.

Tumawa naman si Chase at Darius, habang si Venice ay nakangisi lang. "Go on, I was just kidding." Natatawang sabi niya while giving me a hand gesture to go away.

Agad na napakunot ang noo ko, "What the hell?!" Bulalas ko at agad na tumalikod para mag-walkout.

Nakakainis! Ang yabang-yabang niya pa rin. Akala mo kung sinong gwapo! Letse siya, tama pala talaga 'yung desisyon ko kanina. Hindi ko talaga maiwasang mainis, bakit ba ganito ang nararamdaman ko? 'Di ba dapat masaya ako na nagkita na ulit kami? Add the fact na tinanong niya pa ako if ever na pwede pa ba ulit kaming magkita... Hay! Argh.

Dumiretso ako sa mga dapat na ginagawa ko as a Nurse.

I assisted more than a hundred sick people for almost 7 hours now, sa Emergency na kasi ako na-assign dahil umalis pala si Dr. Gines kaya wala akong gagawin ngayon sa office niya.

"Nurse Jade, tapos na ang shift mo sabi ng Head Nurse." Sabi sa akin n'ung isa kong kasamahan na kararating lang (siya 'ata papalit sa shift ko) kaya agad kong tinanggal ang face mask ko.

Ngumiti ako, "Thanks!" Sabi ko sa kanya at inabot ang patient folder sa kanya, iniabot niya naman 'yun at umalis na para mag-log on siguro.

Dumiretso na ako sa locker room para kunin ang mga gamit ko at makapagpalit na.

Napatingin ako sa wall clock na nakasabit sa may itaas nang locker. Alas kuwatro y media na pala nang hapon.

Inayos ko na ang buhok ko at tuluyang lumabas ng hospital.

Today is a tough day for me.

Napabuntong hininga ako ng maalala ko si Darius, bakit gan'un? Kung kailan nagbabalak na akong mamuhay nang normal na wala siya... tsaka pa siya dumating at nagparamdam.

Nasa waiting shed na ako at naghihintay ng masasakyan pauwi ng may huminto na Black Volvo sa harap ko.

Napailing na lang ako, hihinto na nga lang eh sa harap ko pa talaga? Alam ko namang wala akong ganyan kaya sana 'wag nang ipamukha kung sino man ang may-ari ng mamahaling kotse na ito.

Nag-iwas na lang ako ng tingin at nagbaka sakaling may masakyan na ako pauwi. Halos 30 minutes na akong naghihintay dito eh.

Bumukas ang pinto ng Black Volvo na nakapark sa harapan ko at niluwa ng kotse ang taong ayaw ko na sanang makita ulit.

Pinabayaan ko lang siya at nagpatuloy sa pag-abang ng Jeep.

Naramdaman kong tumabi siya sa akin (one space apart naman), kunyare ay wala akong nakikita at nararamdaman.

Tumikhim siya pero hindi ko pa rin siya nilingon o kung ano man na makakapaghalata na napapansin ko nga siya.

Nakatanaw na ako ng Jeep na parating kaya agad akong tumayo at naglakad palapit sa kung saan ito bahagyang huminto.

Aakyat na sana ako sa Jeep nang makaramdam ako na may humila sa braso ko, muntik na akong masubsob sa kalsada!!!

"What theㅡ ...hell?!" Angil ko at napatingin sa herodes na humila sa braso ko, si D.O na pangahas lang naman ang humila sa akin.

Well, expected ko na 'yun hindi dahil sa assuming ako, expected ko lang na siya ang humila sa akin dahil siya lang naman ang tao d'un sa waiting shed na pinaghintayan ko kanina at siya lang ang pangahas na lalaking kung makahila akala mo super close kami. Psh!