أميلُ..
لمن يُرمم قلبي بـِ الحب
لـلذي يجعلني مبتهجة
ويستثنيني دائماً.!
لمن يَحتضن قلبي بـ رِقة حروفه
ويطمئنه بتقبّل أخطائه
لمن لا أهون عليه ويُذكرني بين الحين والآخر أنّه يُحبني رغم كل شيء!!
أميلُ
لمن يُناضل ويجازف من أجلي لمن يأتيني ويُرممني بحبه وأنا في أسوأ حالاتي.
ولاء-عوض
هوَ بِالتحديد!!
رأى العتمَة التي بِداخِلي ومَلأهاا نُجومآ♥️!
لقائلها
...
كنت قاعدة مع ادهم بتذكر وبكتب في مذكراتي الكان جابها لي هو في يوم وقال لي ارح نكتب حكايتنا دي.. ما هو لازم نوثق كل ده يا ليلي.. نوثق قصة حبنا
بتذكر اليوم داك بعد انا استعدت ذاكرتي وكان معاي زين فجأة اعاين ليك كده القى ليك ادهم واقف وعيونو مليانة دموع.. عرفتو عرف اني استعدت الذاكرة..
"Flash back"
لمار : زين انا اتذكرت!! اتذكرت كلو حاجة!!
زين فرح شديد وقال والفرح مبين ع صوتو : لمار قولي والله؟؟! يعني انتي كده خلاص بقيتي كويسة؟!!
عاين للسما من قبل ما ارد ليهو ذاتو وقال وهو مبتسم وعيونو بتلمع : الحمد والشكر ليك يا رب
لمار : اي بقيت كويسة بس حاسة بشوية تعب.. ابتسمت رغم الحزن الكبير الجواي ع اهلي الماتو.. امي ندى وابوي مراد.. واختي ريماس 💔 وقلت: اضرب لي ادهم عشان يجينا
زين : حاضر
حسيت بي حركة جنبنا.. عاينت كده لقيتو ده ادهم.. واقف وعيونو مليانة دموع.. ابتسم وفتح لي يدينو بعد عاينت ليهو
استغربت كيف ادهم عرف مكانا؟؟ بس اتذكرت يوم عرفت من علا انو بيعرفني من زمان.. يا ربي بيكون مراقبني؟؟ ولا صدفة لقانا؟!
ما اترددت في اني امشي واحضنو، فضلت في حضنو وما كنت ناوية ابعد.. عاينت ليهو وانا مبتسمة رغم الوهن الفيني.. عيوني بدت تزغلل ، حسيت اني ما قادرة اشيل نفسي ورجليني ديل تقاال اخر شي متذكراهو انو هو سندني وشالني وقال لي زين : شكلها مرهقة.. ارح المستشفى بسرعة عشان نفحصها
صحيت عاينت اول شي جنبي لقيتو قاعد، مدنقر راسو وماسك يدي بي يدينو الاتنين
رفع راسو بي حركتي وانا كنت بعاين حواليني عشان احاول اعرف انا وين؟
ادهم : لمار.. احسن؟؟!
صوتو كان رايح وواضح انو كان يائس وحزنااان كده..
YOU ARE READING
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
