تبعرثت الأجواء في غيابك.
...
11:00 am
مؤيد : عاين يا زين حتمشي تفتشها معاي ولا لأ؟ كانو ساكنين جنبنا زمان في امريكا بس هسه انا ما عارف بيتها وين
قعد يمشي ويجي يمشي ويجي ويفكر ساي
زين : باقي يوم وحنسافر اخد بالك انا عن نفسي ما بوديك للهلاك ولعلاقة انا وانت الاتنين عارفين نهايتها شنو ده لو عندها بداية أصلاً
ميرال : في شنو مالو مؤيد بيمشي ويجي كده؟!
عاينت ليهم الاتنين ولمن ما لقت رد قالت : مالو مؤيد يا زين؟
زين : كالعادة بيفكر في المخلوقة ديك وعايزها ... قال عايز رقمها عشان يتصل عليها ويطلب منها تقابلو تفتكري حتوافق؟! اكيد لأ طبعاً !! انا ما فاهم حاجة يعني حوا ولادة وانت ما معلق لي الا في دي !!
ما فاهم المختلف فيها شنو انا !!
ميرال : بتتكلم ع اساس انك شفتها
زين : انا ما شفتها ولا عايز وما ضروري أصلاً دي اول حاجة، تاني حاجة يعني ما مفروض يعمل قومة وقعدة على مجرد بني آدمة ما بتسوى شي جنبو وحتى لو بتسوى هو ما مفروض يعمل في نفسو كده !!
قلت حاجة غلط انا يا جماعة ؟!
ميرال هزت ليهو كتفها بمعنى ما عارفة ومؤيد بيعاين تحت في الأرض بس وما رد عليهو
اتأفأف ورزع الباب بي وراهو ومشى وهو معصب شديد
ميرال : انت ذاتك يا مؤيد البتعمل فيهو ده ما ياهو
مؤيد : يا جماااعة.. يا عالم، انتو ليي ما قادرين تفهموني؟ بقول ليكم انا بحبها وما عايز غيرها لي ما ناويين تفهموني؟ ااا؟
ميرال : خلاص اهدأ وكلو شي بيتحل براحة انا غايتو عن نفسي حساعدك
فرح وابتسم ابتسامة عريضة وقال ليها : احلفي؟!
ميرال : والله
مؤيد : طيب اسمعي.. هزار صحبتي عندها صاحب إسمو ادهم وده هو خطيب لمار
كشر وشو وهو بيقول كلمة "خطيب" دي وميرال لاحظت ليهو ف جات قعدت جنبو وختت يدها على يدو علشان تطمنو ... شال نفسو وختاهو ورجع كمل
مؤيد : بس انا عايزك تقنعيها معاي إنو تديني رقم لمار ولو ما عندها تديني رقم ادهم
قعدت مسافة كده وما جاوبت لحدي ما جاتها فكرة في راسها
ميرال : جيب رقم هزار طيب
مؤيد : لي اجيب رقمها ونحن حنخليها تجينا في البيت ؟!
ميرال : مؤيد ... شغل مخك ده شوية !! صحبة ادهم حتسألك عايز رقم لمار لشنو وحتوري ادهم ؟! مستحيل تدي رقم خطيبة صاحبها لي راجل تاني لأنو الكلام ده حيجيب ليها مشكلة
أنت تقرأ
رغبة
عشوائيرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
