رغبة

الجزء الثاني 5 - انهيار

" لا شيءَ..

يُضاهي رائحةَ مَن نُحِب..

ولو اعتُصِرَت فرنسا بأَكمَلِها في زُجاجةِ عِطر "❤️!

...

صحيت ع صوتو وهو بيفتح الستارة وضوء الشمس جا ع وشي قام قال لي ب لهفة وخوف بعد فتحت عيوني واتقلبت ع الجهة التانية : انتي كويسة؟؟

اتمغيييتت وانا لسه ما صحصحت كويس ولسه فيني فتور قمت قلت : اي كويسة لي السؤال؟؟

ادهم : انتي عارفة الساعة كم؟؟ ٨ صباحاً !!

لمار : واها يعني!!

ادهم : صباح اليوم التاني لينا من جينا هنا

اتخلعت طبعاً وانا بقوم من السرير وقلت ليهو : ااا؟! شنو؟؟! لي ما وريتني يا ادهم؟! يعني انا نايمة يوم كامل من جينا السودان!!

ادهم : كنت شايفك مرهقة جيتك امبارح زي الساعة ١٠ بالليل والليلة الساعة ٤ صباحاً بس لمن ما قمتي خفتك تكوني عيانة ولا شي!!

انبسطت من جوا لمن قال لي كده بس ما ظهرت ليهو..

لمار : لا لا ما عيانة انا كويسة الحمد لله بس مرهقة شديد وانا لمن اكون مرهقة بنوم كتير

ابتسم وقال بي صوت هادي : الحمد لله انك كويسة يا نور عيوني

ابتسمت ليهو وقلت : وانت؟

قال : انا كويس يا دنيتي.. ما تطلعي من غير عباية وطرحة لأنو زين ده منتظرنا بالفطور والشاي..

اومأت ليهو بي راسي مع اني ما محجبة بس قلت اسمع الكلام لأنو راجلي ويمكن يعمل مشكلة ما هو انا لسه ما متذكراهو ولا قادرة اعرف طباعو كلها.. بس هو لطيف وده الباين.. بس كده كده كان نفسي آخر أيامات اتحجب والفكرة دي كانت ملازماني ف قلت اجرب

قمت ع حيلي واتوجهت ع الحمام.. قضيت حاجاتي من شور وسويك وصليت الصلوات الفاتتني.. نزلت تحت بالعباية والحجاب زي ما قال لي وما اتعطرت الا بي تحت اللبس.. ما عارفة لي انا ذاتي عملت كده مع اني بحب العطور شديد وبحب استحمى بيها

من جيت نازلة عيوني وقعت عليهو وتاني انتقلت لي زين بس زحيتا طوالي من زين.. زين كان بيعاين لي بطريقة ما طبيعية بس بعدها ابتسم ابتسامة صغيرة.. وادهم عيونو كانت بتشع بالحب والمودة.. حسيت اني مطمئنة بعد شفتو والجو كان حلو بس ناقص ناس ميرال وعمي بشار ومؤيد وشلة زين..

ياخ دي عائلتي والناس الأنا بعرفها من أربعة سنين ف اكيد حفقدهم.. بقو لي اكتر من عائلة جد يعني.. ميرال اختي وعمو بشار ابوي وباقي الشباب اخواني

صح اني كنت اخر أيامات اتكونت لي شوية مشاعر تجاه زين واعتقد انها كانت بسبب اهتمامو الكبير بي وتعودي عليهو بس حسمتها وأساساً غير كده بدت تتلاشى براها لمن شفت ادهم وهي من الأساس كانت بسيطة..